"ⴽⵓⴼⵉⴷ-19": ⴰⵙⵙⵓⵙⵄⵓ ⵏ ⵓⵙⵎⵉⵍ ⵉⵙⵡⵓⵜⵜⵙⵏ ⵙⴳ ⵜⴳⵣⵣⴰⵢⵜ ⴰⴼ ⴰⴷ ⵉⵃⴱⵓ ⵎⴷⴷⵏ ⵍⵍⵉ ⴷⴰⵔⵜⵏ ⵉⵍⵍⴰⵏ ⴳⵔ 20 ⵓⵙⴳⴳⵯⴰⵙ ⴷ ⵓⴳⴳⴰⵔ (ⵜⵎⴰⵡⴰⵙⵜ ⵏ ⵜⴷⵓⵙⵉ)

09 ⵖⵓⵛⵜ 2021 Version Imprimable

ⵕⵕⴱⴰⵟ - ⵜⵖⵜⴰⵙ ⵜⵎⴰⵡⴰⵙⵜ ⵏ ⵜⴷⵓⵙⵉ ⴰⴷ ⵜⵙⵙⵓⵙⵄⵓ ⵓⵙⵎⵉⵍ ⵏ ⵎⴷⴷⵏ ⵍⵍⵉ ⵜⵙⵡⵓⵜⵜⵙ ⵜⴳⵣⵣⴰⵢⵜ ⴷⴰⵜ "ⴽⵓⴼⵉⴷ-19" ⴰⴼ ⴰⴷ ⵉⵃⴱⵓ ⵎⴷⴷⵏ ⵍⵍⵉ ⴷⴰⵔⵜⵏ ⵉⵍⵍⴰⵏ ⴳⵔ 20 ⵓⵙⴳⴳⵯⴰⵙ ⴷ ⵓⴳⴳⴰⵔ.

ⵜⴼⵔⴰ ⵜⵏⵏⴰ ⵜⵎⴰⵡⴰⵙⵜ ⴳ ⵢⴰⵏ ⵓⵙⵉⵡⴹ ⴰⵙⵙ ⵏ ⵓⵙⵉⴹⵢⴰⵙ ⵉⵏⵎⵓⵔⵉⵏ ⴷ ⵜⵉⵏⵎⵓⵔⵉⵏ ⴰⴷ ⴷⴷⵓⵏ ⵙ ⵓⵎⵎⴰⵙ ⴰⴽⵎⵓⵔ ⵎⵔⴰ ⴰⴷ ⵙⵏⵓⴱⴳⵏ ⵜⴳⵣⵣⴰⵢⵜ ⵙⵡⴰ ⵜⴰⵎⵣⵡⴰⵔⵓⵜ ⵏⵖⴷ ⵜⵉⵙⵙ ⵙⵏⴰⵜ ⴱⵍⴰ ⵜⵙⵓⵜⵍ ⵏ ⴰⵣⵡⵏⴰ ⴷ ⵜⵎⴰⵣⵉⵖⵜ ⵏ ⵜⵎⵣⴷⵓⵖⵜ ⵎⵔⴰ ⴰⴷ ⵜⵜⵓⵖⵡⵍ ⴳ ⵜⵎⵀⵍⴰ ⵏ ⵜⴳⵣⵣⴰⵢⵜ ⵜⴰⵏⴰⵎⵓⵔⵜ ⵎⴳⴰⵍ ⵜⴰⵎⴰⴹⵓⵏⵜ (ⴽⵓⴼⵉⴷ-19) ⴷ ⴰⵔⵅⵓ ⵏ ⵉⵙⴱⵖⵓⵔ ⵏ ⵉⵙⵎⵍⵏ ⵉⵡⵜⵜⴰⵙⵏ ⵙⴳ ⵜⵎⵀⵍⴰ ⵏ ⵜⴳⵣⵣⴰⵢⵜ.

ⴷ ⵜⵖⵔⴰ ⵜⵎⴰⵡⴰⵙⵜ ⴰⴽⴽⵯ ⵉⵙⵎⵉⵍⵏ ⵉⵡⵜⵜⴰⵙⵏ ⴰⴷ ⵉⵔⵏⵓⵏ ⴰⵍⵜⵖ ⴳ ⵜⵙⴰⵡⴰⵔⵜ ⵜⴰⵏⴰⵎⵓⵔⵜ ⵜⴰⵎⵇⵇⵕⴰⵏⵜ ⴷ ⵜⵔⵏⵓⵏ ⴳ ⵓⵎⵎⴰⵣ ⵏ ⵉⵎⴰⴽⵏ ⵏ ⵓⵃⵟⵟⵓ ⴷⴰⵜ ⴷ ⵓⵎⵎⴰⵙ ⴷⴼⴼⵉⵔ ⵏ ⵜⵎⵀⵍⴰ ⵏ ⵜⴳⵣⵣⴰⵢⵜ ⵎⴳⴰⵍ ⵓⴼⵉⵔⵓⵙ ⴳ ⵓⵎⵎⴰⵙ ⵏ ⵜⴷⵔⴰⵡⵜ ⵏ ⵜⵓⴳⴳⴰⵣ ⵏ ⵓⵙⴱⵉⴷⴷ ⵏ ⵓⵙⴼⵙⵔ ⵏ ⵓⴼⵉⵔⵓⵙ ⴳ ⵜⵎⴰⵣⵉⵔⵜ ⵏⵏⵙ ⴷ ⵜⵜⵓⵙⴽⴰⵔ ⵏ ⵎⵏⵄⴰ ⵜⴰⴳⵔⴰⵡⵜ ⴷ ⴰⴷⵡⴰⵍ ⵏ ⵜⵓⴷⵔⵜ ⵜⴰⵙⵏⵡⴰⵏⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B4%B0%E2%B5%99%E2%B5%99%E2%B5%93%E2%B5%99%E2%B5%84%E2%B5%93-%E2%B5%8F-%E2%B5%93%E2%B5%99%E2%B5%8E%E2%B5%89%E2%B5%8D-%E2%B5%89%E2%B5%99%E2%B5%A1%E2%B5%93%E2%B5%9C%E2%B5%9C%E2%B5%99%E2%B5%8F-%E2%B5%99%E2%B4%B3-%E2%B5%9C%E2%B4%B3%E2%B5%A3%E2%B5%A3%E2%B4%B0%E2%B5%A2%E2%B5%9C-%E2%B4%B0%E2%B4%BC-%E2%B4%B0%E2%B4%B7-%E2%B5%89%E2%B5%83%E2%B4%B1%E2%B5%93-%E2%B5%8E%E2%B4%B7%E2%B4%B7%E2%B5%8F-%E2%B5%8D%E2%B5%8D%E2%B5%89-%E2%B4%B7%E2%B4%B0%E2%B5%94%E2%B5%9C%E2%B5%8F-%E2%B5%89%E2%B5%8D%E2%B5%8D%E2%B4%B0%E2%B5%8F-%E2%B4%B3%E2%B5%94-20