ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵙⵙⵉⵅⴼ ⴰⵙⵉⵏⵉⴳⴰⵍⵉ ⵙⵙⵅⴼⵏ ⵜⴼⵓⴳⵍⴰ ⵏ ⵓⵙⴳⵎⴹ ⵏ ⵎⵏⵏⴰⵡ ⵏ ⵉⵎⵙⴰⵙⴰⵏ ⵉⵙⵉⵏⵔⴰⵏ

26 ⵢⵓⵍⵢⵓⵣ 2013 Version Imprimable

ⴹⴹⴰⵕⵍⴱⵉⴹⴰ - ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⵙ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⵓⵏⵙⵙⵉⵅⴼ ⵏ ⵜⴰⴳⴷⵓⴷⴰⵏⵜ ⵏ ⵙⵉⵏⵉⴳⴰⵍ, ⵎⴰⵙⵙ ⵎⴰⴽⵉ ⵚⴰⵍ ⵙⵙⵅⴼⵏ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ, ⵜⴼⵓⴳⵍⴰ ⵏ ⵓⵙⴳⵎⴹ ⵏ ⵙⴰ ⵏ ⵉⵎⵙⴰⵙⴰⵏ ⵉⵙⵉⵏⵔⴰⵏ.

ⵜⴰⵎⵢⴰⵇⵇⴰⵏⵜ ⵜⴰⵎⵣⵡⴰⵔⵓⵜ ⵜⴳⴰ ⴰⵙⴳⵎⴹ ⵏ ⵢⴰⵏ ⵓⴱⵕⵓⵟⵓⴽⵓⵍ ⵏ ⵓⵎⵢⴰⵡⴰⵙ ⴳⵔ ⵓⵙⵇⵇⵉⵎ ⴰⴷⴰⵎⵙⴰⵏ ⴷ ⴰⵏⴰⵎⵓⵏ ⴷ ⴰⵡⵏⴹⴰⵏ ⵏ ⵍⵎⵖⵔⵉⴱ ⴷ ⵡⵉⵏ ⵙⴰⵏⵉⴳⴰⵍ.

ⵜⴰⵎⵢⴰⵇⵇⴰⵏⵜ ⵜⵉⵙⵙ ⵙⵏⴰⵜ ⵜⴳⴰ ⵢⴰⵏ ⵓⵎⵙⴰⵙⴰ ⵏ ⵜⵎⵢⴰⵡⴰⵙⵜ ⴳⵔ ⵜⵎⵓⵔⴰ ⴳ ⵉⴳⵔ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ.

ⵜⵉⵙⵙ ⴽⵕⴰⴹⵜ ⵜⴳⴰ ⵢⴰⵏ ⵓⵎⵙⴰⵙⴰ ⵏ ⵜⵎⵢⴰⵡⴰⵙⵜ ⴳⵔ ⵜⵎⵓⵔⴰ ⵙ ⵙⵏⴰⵜ ⴳ ⵉⴳⵔ ⵏ ⵜⵎⴰⵍⵍⴰⵢⵜ.

ⵜⵉⵙⵙ ⴽⴽⵓⵥⵜ ⵜⴳⴰ ⵢⴰⵏ ⵓⵎⵙⴰⵙⴰ ⴳ ⵉⴳⵔ ⵏ ⵡⴰⵙⵙⴰⵢ ⴰⵢⵍⴰⵏ, ⵜⵉⵙⵙ ⵙⵎⵎⵓⵙⵜ ⵜⴳⴰ ⵢⴰⵜ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⴳ ⵉⴳⵔ ⵏ ⵜⴷⴰⵎⵙⴰ ⴳⵔ ⵓⵙⵇⵇⵉⵎ ⴰⵏⴰⵎⵓⵔ ⵏ ⵍⴱⴰⵟⵕⵓⵏⴰ ⴰⵙⵉⵏⵉⴳⴰⵍⵉ ⴷ ⵜⴽⵓⵏⴼⵉⴷⵉⵔⴰⵍⵉⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵏⵜⵍⵉⵏ ⵏ ⵍⵎⵖⵔⵉⴱ.

ⵜⴰⵏⵜⴰⵎⵜ ⵜⵉⵙⵙ ⵙⴹⵉⵙⵜ ⵜⴳⴰ ⵢⴰⵏ ⵓⵎⵙⴰⵙⴰ ⵏ ⵜⵎⵢⴰⵡⴰⵙⵜ ⴳⵔ ⵜⴰⴼⵏⵉⵇⵜ ⵏ ⵜⵙⴳⵉⵜ ⴷ ⵓⵙⵡⵓⴷⴷⵓ ⵏ ⵍⵎⵖⵔⵉⴱ (ⵙⴷⵊ) ⴷ ⵜⵙⴳⵉⵜ ⵍⵍⵉⵙⵜ ⵉⵔⵡⴰⵙⵏ ⵏ ⵙⴰⵏⵉⴳⴰⵍ.

ⵜⴰⵏⵜⴰⵍⵜ ⵉⴳⴳⵯⵔⴰⵏ ⵜⴳⴰ ⵢⴰⵜ ⵜⵎⵢⴰⵇⵇⴰⵏⵜ ⴳⵔ ⵜⵙⵏⵓⵔⴰⵢⵜ ⵏ ⵜⴳⵎⵉ ⵏ ⵜⵙⴳⵎⵉⵍⵜ ⵏ ⵍⵎⵖⵔⵉⴱ ⴷ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵜⵙⴳⵎⵉⵍⵜ ⵏ ⵙⴰⵏⵉⴳⴰⵍ.

Dernière modification : 26 ⵢⵓⵍⵢⵓⵣ 2013

Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B5%99%E2%B5%89%E2%B5%8F%E2%B5%89%E2%B4%B3%E2%B4%B0%E2%B5%8D%E2%B5%89-%E2%B5%99%E2%B5%99%E2%B5%85%E2%B4%BC%E2%B5%8F-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B4%B9-%E2%B5%8F-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%8E%E2%B5%99%E2%B4%B0%E2%B5%99%E2%B4%B0%E2%B5%8F#comment-0