Published on MAPNews (https://www.mapnews.ma/am)

Accueil > ⵉⵏⴰⵡ ⵏ 20 ⵖⵓⵛⵜ .."ⵜⵜⵓⵖⵔⴰ ⵉⴱⵉⵏ " ⵏ ⵓⵣⵔⴰⴽ ⵏ ⵉⵙⵜⴰⵢⵏ ⵏ ⵍⵎⵖⵔⵉⴱ (ⵉⵎⵙⴽⴰⵔⵏ ⵉⵙⵔⵜⴰⵏⵏ ⴷ ⵉⵎⵙⵎⵓⵏ ⴰⵛⵛⵉⵍⵢⵉⵏ) 

ⵉⵏⴰⵡ ⵏ 20 ⵖⵓⵛⵜ .."ⵜⵜⵓⵖⵔⴰ ⵉⴱⵉⵏ " ⵏ ⵓⵣⵔⴰⴽ ⵏ ⵉⵙⵜⴰⵢⵏ ⵏ ⵍⵎⵖⵔⵉⴱ (ⵉⵎⵙⴽⴰⵔⵏ ⵉⵙⵔⵜⴰⵏⵏ ⴷ ⵉⵎⵙⵎⵓⵏ ⴰⵛⵛⵉⵍⵢⵉⵏ) 

23 ⵖⵓⵛⵜ 2021 Version Imprimable
ⵚⴰⵏⵜⵢⴰⴳⵓ - ⵉⵙⴷⴷⵉⴷ ⵉⵎⵙⴽⴰⵔⵏ ⵉⵙⵜⵔⴰⵏⵏ ⵙⴳ ⵓⵎⵓⵏ ⵓⵖⵔⵉⵎ ⴰⵛⵛⵉⵍⵉ ⵎⴰⵙ ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ  ⵓⵣⵎⵣⵣⵓ ⵏ ⵓⴽⵜⵜⴰⵢ ⵡⵉⵙⵙ 68 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ ⵉⴳⴰ "ⵜⵜⵓⵖⵔⴰ ⵉⴱⵉⵏ" ⵉ ⵉⵄⴷⴰⵡⵏ ⵏ ⵍⵎⵖⵔⵉⴱ ⴰⴼⴰⴷ ⵉⵜⵜⵓⵣⵔⴰⴽⵏ ⵏ ⵉⵙⵏⵜⴰⵢⵏ ⵏⵏⵙ ⵙ ⴷⵜⵖⵜⴰⵙⵉⵏ ⵏⵏⵙ .

ⵏⵏⴰⵏ ⵙⵓⵍ ⵉⵎⵙⴽⴰⵔⵏ ⵉⵛⵛⵉⵍⵢⵉⵏ ⴳ ⵓⵎⵎⴰⵙ ⵏ ⵓⵅⴼⴰⵡⴰⵍ ⵏ ⵉⵏⴰⵡ ⴰⴳⵍⴷⴰⵏ ⵎⴰⵙ ⵜⵉⵍⴰⵍⵜ ⵍⵎⵖⵔⵉⴱ ⴰⵎⵎ ⴰⵎⵙⴽⴰⵔ ⵉⵙⴳⵓⵎ ⴳ ⵓⵙⵔⵙ ⵏ ⵙⵙⵍⴰⵎⵜ ⴷ ⵓⵔⴳⴳⵉⴳ ⴳ ⵍⵎⵖⵔⵉⴱ ⴰⵄⵕⴰⴱ ⴷ ⵜⵙⴳⴰ ⵏ ⵉⵍⵍⴰ ⴰⵏⴰⵎⵎⴰⵙ .

ⴼ ⵖⵉⴽⴰⵏ ⵉⵙⵎⵖⵔ ⵓⵎⴰⵔⵉ ⵎⵉⴳⵉⵍ ⴰⵏⵅⵉⵍ ⴽⴰⵍⵢⵙⵜⵓ " ⵜⵖⵔⴰ ⵉⴷⴷⵓⵔⵏ ⴱⴰⵀⵔⴰ" ⵏ ⵜⴷⵔⴰⵡⵜ ⵏ ⵍⵎⵖⵔⵉⴱ ⴳ ⵓⵙⵔⵙ ⵏ ⵓⵎⵙⴰⵡⴰⵍ ⴷ ⵜⵓⴷⵔⵜ ⵉⵛⵛⴰⵔⵏ ⴷ ⵙⵙⵍⴰⵎⵜ ⴳ ⵉⵥⵥⵍⵎⴹ ⵏ ⵉⴼⵔⵉⵇⵢⵇ ⴷ ⵓⵎⵎⴰⵙ ⵏ ⵓⵎⵣⵔⵓⵢ ⵉⵇⵇⴱⵓⵔⵏ ⴷ ⵜⵎⵢⵓⵔⵉⵏ ⴳ ⵉⴳⵔ ⵏ ⵓⵎⵙⵓⵔⵓⴼ ⴷ ⴰⴷⴷⵓⵙ ⵏ ⵜⵎⵔⵙⴰⵍⵉⵏ ⵏⵏⵙ ⴷ ⵉⵔⵡⵉ ⵏ ⵉⵙⴱⵖⵓⵔⵏ ⵏⵏⵙ ⵏ ⵜⵏⴼⵔⵓⵜ 

ⵉⵙⵓⵍ ⵉⵏⵏⴰ ⵉⴼⵔⴷⵉⵙⵏ ⴰⴷ ⴽⵓⵍⵓⵜⵏ ⴼⵔⵓ ⵜⵉⵥⴹⵕⴰ ⵏ ⵍⵎⵖⵔⵉⴱ ⴳ ⵓⴼⴰⵔⴽ ⵏ ⵜⵙⵉⵎⴰⵏⵜ ⵏⵏⵙ ⴷ ⵜⵏⴼⵔⵓⵜ ⵏ ⵜⴷⵔⵓⴼⵉ ⵏ ⵓⴳⴷⵓⴷ ⵏⵏⵙ ⴷ ⵓⵙⴽⵔ ⵏ ⵜⵓⵇⵇⵏⵉⵏ ⵉⴷⵓⵙⴰⵏⵉⵏ ⴷ ⵜⵎⵜⵜⴰ ⵢⴰⴹⵏⵉⵏ.

ⴳ ⵜⵙⴳⴰ ⵏⵏⴰ ⵜⵙⴷⴷⵉⴷ ⴽⵔⵉⵙⵜⵢⴰⵏⴰ ⵓⵔⵢⴰⵏⴰ ⵜⴳⵎⴰⵎⵜ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵔⵜ "ⵜⵎⵔⵙⴰⵍⵜ ⵏ ⴰⵎⵉⵔⵉⴽⴰ ⵜⴰⵍⴰⵜⵉⵏⵉⵜ ⴷ ⵉⴼⵔⵉⵇⵢⵇ ⵏ ⵜⵙⵓⵜ 21" ⴳ ⵛⵛⵛⵉⵍⵉ ⵎⴰⵙ " ⴳ ⵍⵡⵇⵜ ⵏ ⵜⵉⵎⵓⴽⵔⵉⵙⵉⵏ ⵉⵙⴱⴰⵢⵏ ⴰⴳⵕⴹ ⵏ ⵍⵎⵖⵔⵉⴱ ⴰⵎⵎ ⴰⴷⴷⵓⵙ ⴷ ⴰⵣⵣⵓⵛⵍ ⵏ ⵓⵎⵙⴰⵡⴰⵍ " ⴷ ⵉⵡⴰⵏⴽⵏ ⵢⴰⴹⵏⵉⵏ ".

ⵜⴼⵔⴰ ⵜⵏⵏⴰ ⵎⴰⵙⵙⴰ ⵓⵔⵢⴰⵏⴰ ⵎⴰⵙ ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⴽⴰ "ⴰⵏⴰⵣⵓⵔ" ⵏ ⵓⵙⵔⵙ ⵏ ⵉⵙⵙⴰⵔⵓⵏ ⵏ ⵓⵎⵙⴰⵡⴰⵍ ⴷ ⵜⵙⵎⵖⵔ ⴰⴷⴷⵓⵙ ⵏ ⵜⵎⵔⵙⴰⵍⵉⵏ ⵜⵉⵎⵖⵔⴰⴱⵢⵉⵏ ⵎⴰⵢⴰⴷ  ⴼⴽⴰⵏⵜ ⵉ ⵜⴳⵍⴷⵉⵜ ⴰⴷ ⵜⵉⵍⵉ ⴷⴰⵜ ⵏ ⵉⵄⴷⴰⵡⵏ ⵏⵏⵙ ⵙ ⵜⵖⵍⵉⴼⵜ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8F%E2%B4%B0%E2%B5%A1-%E2%B5%8F-20-%E2%B5%96%E2%B5%93%E2%B5%9B%E2%B5%9C-%E2%B5%9C%E2%B5%9C%E2%B5%93%E2%B5%96%E2%B5%94%E2%B4%B0-%E2%B5%89%E2%B4%B1%E2%B5%89%E2%B5%8F-%E2%B5%8F-%E2%B5%93%E2%B5%A3%E2%B5%94%E2%B4%B0%E2%B4%BD-%E2%B5%8F-%E2%B5%89%E2%B5%99%E2%B5%9C%E2%B4%B0%E2%B5%A2%E2%B5%8F-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%89%E2%B5%8E%E2%B5%99%E2%B4%BD%E2%B4%B0%E2%B5%94%E2%B5%8F-%E2%B5%89%E2%B5%99%E2%B5%94%E2%B5%9C%E2%B4%B0%E2%B5%8F%E2%B5%8F-%E2%B4%B7-%E2%B5%89%E2%B5%8E%E2%B5%99%E2%B5%8E%E2%B5%93%E2%B5%8F