ⵍⴱⴷⵓ ⵏ ⵓⵙⵍⵎⴰⴷ ⵙ ⵓⵎⴰⴷⴷⵓⴷ ⴳ ⵓⵙⵉⵎⵡⴰⵙ ⴳ ⵓⵏⵙⴰ ⴰⵙⵙ ⵏ 03 ⵛⵓⵜⴰⵏⴱⵉⵔ 2021 (ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ)

24 ⵖⵓⵛⵜ 2021 Version Imprimable

ⵕⵕⴱⴰⵟ - ⵉⵙⴳⵓⵔⴰ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵥⵓⵍⴰⵏ ⴷ ⵓⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵉⴳⴳⵍ ⴰⵎⴰⵙⵙⴰⵏ, ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ ⴳ ⵢⴰⵏ ⵓⵏⵖⵎⵉⵙ ⵏ ⵓⴽⵛⵛⵓⵎ ⴰⵏⵎⵍⴰⵏ 2021-2022 ⴷⴰⵜ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵎⴰⵙ ⵉⵜⵜⵓⵖⵜⴰⵙ ⴰⴷ ⵜⴱⴷⵓ ⵜⵙⵖⵓⵔⵉ ⴳ ⵓⵎⴰⴷⴷⵓⴷ ⴰⵙⵙ ⵏ ⵓⵙⵉⵎⵡⴰⵙ 10 ⵛⵓⵜⴰⵏⴱⵉⵔ 2021 ⴳ ⵓⵏⵙⴰ ⵏ ⵓⵙⵉⵎⵡⴰⵙ 03 ⵛⵓⵜⴰⵏⴱⵉⵔ 2021.

ⵉⴼⵔⴰ ⵢⵉⵏⵏⴰ ⵢⴰⵏ ⵓⵙⵡⵉⴹ ⴷⴼⴼⵉⵔ ⵍⵍⵉⵖ ⵉⵎⵓⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⵢⵏⴰⵙ ⵙ ⵜⴰⵜⵉⵇⵏⵉⵜ ⵏ ⵜⴰⵏⴰⵢⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⵉⴱⵉⴷⴷⵏ ⵎⴰⴷ ⵢⵓⵛⴽⴰⵏ ⵙⴳ ⵜⵎⵜⵜⴰ ⵜⴰⵎⴰⵣⵡⴰⵔⵓⵜ ⵏ ⵜⵖⵜⴰⵙⵜ ⵏ ⵓⵙⵏⵎⵍⴰ ⵏ ⵓⵙⴳⴳⵯⴰⵙ ⴰⵏⵎⵍⴰⵏ 2021-2022 ⵎⴰⵢⴰⴷ ⵜⵎⵍⴰ ⵜⵉⵥⴹⵕⴰ ⵏ ⵓⵙⵏⴼⵍ ⴷ ⵉⵎⵓⵏ ⵏ ⴰⵃⴽⴰⵎ ⵏⵏⵙ ⴳ ⵓⵣⵎⵣ ⵉⵅⵚⵚⴰⵏ ⴷ ⵎⴰⴷ ⵜⵙⵓⵜⵔ ⵏ ⵉⵙⴽⴽⵉⵏ ⵎⴰⵙ ⵉⵜⵜⵓⵖⵜⴰⵙ ⵍⴱⴷⵓ ⵏ ⵓⵙⵍⵎⴷ ⵙ ⵓⵎⴰⴷⴷⵓⴷ ⴰⵙⵙ ⵏ ⵓⵙⵉⵎⵡⴰⵙ 10 ⵛⵓⵜⴰⵏⴱⵉⵔ 2021 ⴳ ⵓⵏⵙⴰ ⵏ ⵓⵙⵉⵎⵡⴰⵙ 03 ⵛⵓⵜⴰⵏⴱⵉⵔ 2021.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵜⵉⵔⴰⵜ ⵏ ⵉⴼⴽⴰⵏ ⵏ ⵉⵙⵓⵜⵍⵏ ⵉⵏⴼⵔⵓⵏ ⴷ ⵙⵙⵍⴰⵎⵜ ⵏ ⵜⵉⵙⵍⵎⴰⴷⵉⵏ ⴷ ⵉⵏⵎⵍⴰⴷⵉⵏ ⴷⴷⵓ ⵏ ⵜⵙⵓⵜⵍⵏ ⴷ ⵉⴱⵉⴷⴷⵏ ⴷ ⵉⵎⴰⴽⵏ ⵏ ⵓⵃⵟⵟⵓ ⴰⴷⵓⵙⴰⵏ ⵉⵜⵜⵓⵖⵜⴰⵙⵏ ⵙⴳ ⵜⵉⵏⴱⴰⴷⵉⵏ ⵜⵉⴷⵖⵔⴰⵏⵉⵏ ⵓⵍⴰ ⵜⵏⴼⵔⵓⵜ ⵏ ⵓⵣⵔⴰⴼ ⵏ ⵓⵙⵍⵎⴰⴷ ⴳ ⵎⵛⵜⴰ ⵏ ⵉⵔⵉⵎⵏ ⴷ ⵉⵙⵡⵉⵔⵏ ⵏ ⵓⵏⵎⵍⴰⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%93%E2%B5%99%E2%B5%8D%E2%B5%8E%E2%B4%B0%E2%B4%B7-%E2%B5%99-%E2%B5%93%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B4%B3-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%93%E2%B5%8F%E2%B5%99%E2%B4%B0-%E2%B4%B0%E2%B5%99%E2%B5%99-%E2%B5%8F-03-%E2%B5%9B%E2%B5%93%E2%B5%9C%E2%B4%B0%E2%B5%8F%E2%B4%B1%E2%B5%89%E2%B5%94-2021-%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B5%89