ⴰⵙⴷⴷⵉⴷ ⵅⴼ ⴰⴷⴷⵓⵙ ⵏ ⵉⵎⵢⴰⵙⵙⴰⵏ ⵉⵎⵖⵔⴰⴱⵢⵉⵏ -ⵉⵍⵉⴱⵢⵉⵏ ⴳ ⵓⵎⵎⴰⵙ ⵏ ⵉⵎⴹⴰⴽⴰⵕⵏ ⴳⵔ ⵎⴰⵙⵙ ⵍⵄⵜⵎⴰⵏⵉ ⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵓⵏⵙⵙⵉⵅⴼ ⴰⵍⵉⴱⵉ

26 ⵖⵓⵛⵜ 2021 Version Imprimable

ⵕⵕⴱⴰⵟ - ⴳⴰⵏ ⵉⵎⴹⴰⴽⴰⵕⵏ ⵍⵍⵉ ⵢⵙⴽⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⵉⵏ ⵍⵄⵜⵎⴰⵏⵉ ⴰⵙⵙ ⵏ ⵓⴽⵕⴰⵙ ⵖ ⵕⵕⴱⴰⵟ ⴷ ⵓⵎⴰⵔⵉ ⵏ ⵓⵏⵙⵙⵙⵉⵅⴼ ⵏ ⵓⵙⵇⵇⵉⵎ ⵓⵏⵙⵙⵉⵅⴼ ⴰⵍⵉⴱⵉ ⵎⴰⵙⵙ ⵄⴱⴷⵍⵍⴰⵀ ⵍⵍⴰⴼⵉ ⴰⵣⵎⵎⵣⵓ ⵏ ⵙⵏⴰⵜ ⵜⵉⴼⵓⵍⵉⵏ ⴰⴷ ⵙⴷⴷⵉⴷⵏ ⴰⴷⴷⵓⵙ ⵏ ⵉⵎⵢⴰⵙⵙⴰⵏ ⵏ ⵜⵉⴷⴷⵓⴽⴽⵯⵍⴰ ⵉⵖⴱⴰⵏ ⵍⵍⵉ ⵢⵙⵎⴰⵏ ⵙⵏⴰⵜ ⵜⵎⵉⵣⴰⵔ ⴷ ⵉⴳⴷⵓⴷⵏ .

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⴳ ⵓⵎⴰⴳⵔ ⴰⴷ ⵍⵍⵉ ⵢⵃⴰⴹⵕⵏ ⴳⵉⵙ ⵉⴳⵎⴰⵎⵏ ⵏ ⵓⴽⴰⴱⴰⵕ ⵉⵎⵓⵏ ⵉ ⵡⵎⵙⵜⴳⴳⴰⵔ ⴰⵍⵉⴱⵉⴱⵉ ⴷ ⵓⵎⵙⴽⴰⵔ ⵏ ⵜⵡⵓⵔⵉⵡⵉⵏ ⵏ ⵜⵎⵙⵇⴰⴷⵜ ⵜⴰⵍⵉⴱⵉⵜ ⵖ ⵕⵕⴱⴰⵟ ⴰⵙⵎⴰⵢⵏⵓ ⵜⵉⵔⴰⵜ ⵉⵛⵛⴰⵔⵏ ⵏ ⵓⴷⵃⵉ ⵏ ⵓⵎⵢⴰⵣⵡⴰⵙ ⴳⵔ ⵜⵎⵉⵣⵇⵔ ⴷ ⴰⵙⵙⵓⵙⵄⵓ ⵏ ⵉⵎⵏⵉⴷⵏ ⵏⵏⵙ ⴷ ⵜⵢⴰⴽⴽⴰ ⵏ ⵉⵙⵓⵜⵍⵏ ⵉⵅⵚⵚⴰⵏ ⵏ ⵉⵛⵛⴰⵔⵏ ⵏ ⵉⵔⵉⵎⵏ ⴳ ⵎⵛⵜⴰ ⵏ ⵉⴳⵔⵏ .

ⴳ ⵓⵙⴰⵜⵉ ⴷⵖ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⵙⵎⴰⵢⵏⵓⵏ ⵓⵙⵖⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉⵔⵏⵓⵏ ⵏ ⵓⵏⵏⴰⵍ ⵉⴼⵓⵍⴽⵉ ⵏ ⵜⵓⴳⴳⴰⵣ ⵉⵔⴰⵏ ⵙⴷⵓⵙⵏ ⵏ ⵓⵔⵉⴳⴳ ⵏ ⵓⵡⴰⵏⴽ ⴰⵍⵉⴱⵉ ⴷ ⵓⴼⴰⵔⴽ ⵅⴼ ⴰⴳⵣⵣⵓⵎ ⵏⵏⵙ ⴷ ⵜⵎⵔⵙⴰⵍⵉⵏ ⵏⵏⵙ ⴳ ⵓⵙⴰⵜⵉ ⵏ ⵜⵏⴱⴰⴹⵜ ⵏ ⵜⵖⵜⴰⵙⵜ ⵜⴰⵍⵉⴱⵉⵜ ⵉⵎⵓⵏ ⵙ ⵓⵎⵏⵣⴰⵢⵏ ⴷ ⵉⵜⵉⴳⵏ ⵏ ⵜⵙⵔⵜⵉⵜ ⵜⴰⴱⵕⵕⴰⵏⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴷⵓ ⵏ ⵜⵏⵙⵙⵉⵅⴼⵜ ⵉⴼⵓⵍⴽⵉ ⵏ ⴱⴱⴰ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B4%B7%E2%B4%B7%E2%B5%89%E2%B4%B7-%E2%B5%85%E2%B4%BC-%E2%B4%B0%E2%B4%B7%E2%B4%B7%E2%B5%93%E2%B5%99-%E2%B5%8F-%E2%B5%89%E2%B5%8E%E2%B5%A2%E2%B4%B0%E2%B5%99%E2%B5%99%E2%B4%B0%E2%B5%8F-%E2%B5%89%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%A2%E2%B5%89%E2%B5%8F-%E2%B5%89%E2%B5%8D%E2%B5%89%E2%B4%B1%E2%B5%A2%E2%B5%89%E2%B5%8F-%E2%B4%B3-%E2%B5%93%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95%E2%B5%8F-%E2%B4%B3%E2%B5%94-%E2%B5%8E%E2%B4%B0%E2%B5%99%E2%B5%99-%E2%B5%8D%E2%B5%84%E2%B5%9C%E2%B5%8E%E2%B4%B0%E2%B5%8F%E2%B5%89-%E2%B4%B7