ⴰⵙⵜⴰⵢ ⵏ 08 ⵛⵓⵜⴰⵏⴱⵉⵔ ⵉⵣⵔⵉ ⴳ "ⵉⵙⵓⵜⵍⵏ ⵉⵖⵓⴷⴰⵏ" ⵎⵇⵇⴰⵕ ⵏ ⵜⵏⵥⵕⵉⵏ ⵉⵣⴷⵉⵏ ⴷ ⵜⵙⵙⴰⵙⵜ ⵜⴰⴷⵓⵙⴰⵏⵜ (ⴰⵎⴰⵡⵙⴰⵙ ⵏ ⵓⴳⵏⵙⵓ)

09 ⵛⵓⵜⴰⵏⴱⵉⵔ 2021 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵓⴳⵏⵙⵓ, ⵎⴰⵙⵙ ⵄⴷⴱⵍⵡⴰⴼⵉ ⵍⴼⵜⵉⵜ, ⵎⴰⵙ ⵉⵙⵜⴰⵢⵏ ⵏ 08 ⵛⵓⵜⴰⵏⴱⵉⵔ ⵣⵔⵉⵏ ⴳ "ⵉⵙⵓⵜⵍⵏ ⵉⵖⵓⴷⴰⵏ" ⵎⵇⵇⴰⵕ ⵏ ⵜⵏⵥⵕⵉⵏ ⵉⵣⴷⵉⵏ ⴷ ⵜⵙⵙⴰⵙⵜ ⵜⴰⴷⵓⵙⴰⵏⵜ ⴷⴼⴼⵉⵔ ⵏ ⵓⴱⴰⵢⵢⵓⵕ "ⴽⵓⴼⵉⴷ-19".

ⵉⵏⵏⴰ ⵎⴰⵙⵙ ⵍⴼⵜⵉⵜ ⴳ ⵢⴰⵜ ⵜⵏⴰⵡⵜ ⵉⵎⴰⵏⵏ ⴳ ⵓⵙⵖⵉⵎ ⵏ ⵜⵎⴰⵡⴰⵙⵜ ⵏ ⵓⴳⵏⵙⵓ ⵙ ⵜⵉⵍⵉⵜ ⵏ ⵓⵎⴰⵡⵙⴰⵙ ⴰⵎⴰⵔⵉ, ⵏⵓⵔⴷⴷⵉⵏ ⴱⵓⵟⵢⵢⴱ, ⵎⴰⵙ "ⵎⵇⵇⴰⵕ ⵍⵍⵉⵖ ⵣⵔⵉⵏ ⵉⵙⵜⴰⵢⵏ ⴳ ⵉⵙⵓⵜⵍⵏ ⵉⵙⵍⵉⴳⵏ ⴷ ⵉⵙⵍⴷⴰⵏⵏ, ⴷⴼⴼⵉⵔ ⵏ ⵜⵏⵥⵕⵉⵏ ⵏ ⵜⵙⵙⴰⵙⵜ ⵜⴰⴷⵓⵙⵏⵜ ⵉⵍⵍⴰⵏ ⵖⵉⵍ ⴰⴷ, ⵜⵉⵔⴰⵜ ⴷ ⵜⵓⵙⵙⵏⴰ ⵏⵏⵖ ⵙ ⴰⴷⴷⵓⵔ ⵍⵍⵉ ⵏⴼⴽⴰ ⵉ ⵡⵣⵎⵣ ⴰⵙⵔⵜⴰⵏ ⵍⵍⵉ ⵜⵣⵣⵔⵉ ⵜⵎⴰⵣⵉⵔⵜ ⵏⵏⵖ ⵓⵊⵊⴰⵏⵜ ⵏⵏⵖ ⴰⴷ ⵏⵙⴽⵔ ⵉⵙⵜⴰⵢⵏ ⴳ ⵜⵙⵓⵜⵍⵉⵏ ⵉⵖⵓⴷⴰⵏ".

ⵉⵙⴷⴷⵉⴷ ⵓⵎⴰⵡⴰⵙ ⵏ ⵓⴳⵏⵙⵓ ⴳ ⵓⵙⴰⵜⵉ ⴷⵖ ⵎⴰⵙ ⵙ ⵜⴼⵍⴰⵙⵜ ⵏ ⵓⵎⵓⵔⵙ ⵏ ⵓⵙⵜⴰⵢ ⵉⴷⴷⵓⵔⵏ, ⵎⵓⵙⵙⴰⵏⵜ ⵜⵏⴱⴰⴹⵉⵏ ⵉⵜⵜⵓⵙⵎⵉⴳⵍⵏ ⴳ ⵎⵛⵜⴰ ⵏ ⵉⵙⴰⴳⵯⵎⵏ ⵉⵏⴼⴳⴰⵏ ⴷ ⵉⵙⵡⵉⵔⵏ ⵉⵏⴰⵎⵎⴰⵙⵏ ⴷ ⴳ ⵡⴰⴽⴰⵍ ⴰⵏⴰⵎⵓⵔ, ⵎⵔⴰ ⴰⴷ ⴼⴽⵉⵏ ⴰⴽⴽⵯ ⵉⵎⴰⵙⵙⵏ ⵉⵎⵜⵜⴰⵡⵏ ⴷ ⵉⵍⵓⵊⵓⵙⵜⵉⵏ ⴰⴼ ⴰⴷ ⵉⵏⴼⵔⵓ ⵓⵎⵓⵔⵙ ⵏ ⵎⵛⵜⴰ ⵏ ⵜⴽⵍⵉⵏ ⵏ ⵜⵎⵀⵍⴰ ⵏ ⵓⵙⵜⴰⵢ, ⴷ ⵓⵔⵅⵅⵓ ⵏ ⵓⵙⵜⴰⵢ ⵏ ⵜⵏⵎⵓⵔⵉⵏ ⴷ ⵉⵏⵎⵓⵔⵉⵏ ⴳ ⴰⵙⵙ ⵏ ⵓⵙⵜⴰⵢ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%9C%E2%B4%B0%E2%B5%A2-%E2%B5%8F-08-%E2%B5%9B%E2%B5%93%E2%B5%9C%E2%B4%B0%E2%B5%8F%E2%B4%B1%E2%B5%89%E2%B5%94-%E2%B5%89%E2%B5%A3%E2%B5%94%E2%B5%89-%E2%B4%B3-%E2%B5%89%E2%B5%99%E2%B5%93%E2%B5%9C%E2%B5%8D%E2%B5%8F-%E2%B5%89%E2%B5%96%E2%B5%93%E2%B4%B7%E2%B4%B0%E2%B5%8F-%E2%B5%8E%E2%B5%87%E2%B5%87%E2%B4%B0%E2%B5%95-%E2%B5%8F-%E2%B5%9C%E2%B5%8F%E2%B5%A5%E2%B5%95%E2%B5%89%E2%B5%8F-%E2%B5%89%E2%B5%A3%E2%B4%B7%E2%B5%89%E2%B5%8F-%E2%B4%B7-%E2%B5%9C%E2%B5%99%E2%B5%99%E2%B4%B0%E2%B5%99%E2%B5%9C-%E2%B5%9C%E2%B4%B0%E2%B4%B7%E2%B5%93%E2%B5%99%E2%B4%B0%E2%B5%8F%E2%B5%9C