Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵉⵙⵙⵉⵅⴼ ⴳ ⴹⴹⴰⵕⵍⴱⵉⴹⴰ ⵢⴰⵏ ⵓⵙⵏⵓⴱⴳ ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵉⵙⵙⵉⵅⴼ ⴳ ⴹⴹⴰⵕⵍⴱⵉⴹⴰ ⵢⴰⵏ ⵓⵙⵏⵓⴱⴳ ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ

30 ⵢⵓⵍⵢⵓⵣ 2013 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⵎⴰⵙⵙ ⵎⴰⴽⵉ ⵚⴰⵍ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵙⵉⵏⵉⴳⴰⵍ, ⴰⵙⵙ ⵏ ⵓⵙⵉⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ, ⵢⴰⵏ ⵓⵙⵏⵓⴱⴳ ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ ⵜⵉⵙⵙ 14.

ⴳ ⵓⵙⵙⵏⵜⵉ ⵏ ⵜⴼⵓⴳⵍⴰ ⵢⴰⴷ, ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵛⵏⵢⴰⵍ ⴷ ⵉⵎⵙⵍⵉ ⵏ ⵉⵣⵍⵉ ⴰⵏⴰⵎⵓⵔ ⴷ ⵍⵎⴷⴼⵄ ⵍⵍⵉ ⵢⵓⵜⵏ 21 ⵜⴽⵍⵉⵜ.

ⵎⵏⵏⴰⵡ ⵏ ⵉⵏⵎⵖⵓⵔⵏ ⵉⵎⵖⵔⴰⴱⵉⵏ ⵡⵍⴰ ⵉⴱⵕⵕⴰⵏⵉⵏ, ⵍⵍⵉ ⵢⵓⵛⴽⴰⵏ ⴰⴷ ⴼⴽⵉⵏ ⵉⵙⵉⵜⵎⵏ ⵏⵏⵙⵏ ⵏ ⵡⴳⵍⵍⵉⴷ, ⵣⵣⵓⵍⵏ ⴱⴰⴱ ⵏ ⵡⴰⴷⴷⵓⵔ.
 
ⵍⵍⴰⵏ ⵓⵎⵎⴰⵙ ⵏ ⵉⵏⵎⵖⵓⵔⵏ ⴰⴷ ⵎⴰⵙⵙ ⵄⴱⴷⵍⵉⵍⴰⵀ ⴱⵏⴽⵉⵔⴰⵏ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵎⴰⵙⵙ ⴽⴰⵔⵉⵎ ⵖⵍⵍⴰⴱ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵎⵓⵃⵎⵎⴷ ⵛⵉⵅ ⴱⵉⵢⴰⴷⵉⵍⵍⴰⵀ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴷ ⵅⴰⵍⵉⵀⵏⵏⴰ ⵡⵍⴷ ⵔⵔⴰⵛⵉⴷ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴳⵍⴷⴰⵏ ⴰⵏⵎⵛⴰⵡⴰⵕ ⵏ ⵜⵎⵙⴰⵔⵉⵏ ⵜⵉⵚⵃⵕⴰⵜⵉⵏ, ⴷ ⵍⵊⵉⵏⵉⵕⴰⵍ ⴷⵓ ⴽⵓⵕ ⴷⴰⵕⵎⵉ ⵄⴱⵍⵄⵣⵉⵣ ⴱⵏⵏⴰⵏⵉ, ⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⴳⵍⴷⵉⵏⵉⵏ.

ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵜⵉⵎⵉⴷⴰⵢⵉⵏ ⵜⵉⴳⵍⴷⴰⵏⵉⵏ ⵉ ⵎⵏⵏⴰⵡ ⵏ ⵉⵏⵎⵖⵓⵔⵏ ⵉⵎⵖⵔⴰⴱⵉⵏ ⴷ ⵉⴱⵕⵕⴰⵏⵉⵏ.
ⴳⵉⴽⴰⵏⵏ, ⵉⴼⴽⴰ ⵡⴳⵍⵍⵉⴷ ⵍⵡⵉⵙⴰⵎ ⵍⵄⴰⵍⴰⵡⵉ ⵏ ⵓⵙⵎⵉⵍ ⵉⵙⵍⵉⴷⵏ ⵉ ⵎⴰⵙⵙ ⵎⵓⵃⵎⵎⴷ ⵚⴱⵉⵃⵉ, ⴰⵙⵍⵎⴰⴷ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴳ ⵜⵉⵏⵎⵍ ⵜⴰⴳⵍⴷⴰⵏⵜ ⴷ ⴰⵃⴰⵅⴰⵎ ⴰⵎⵇⵔⴰⵏ ⵔⴰⴱ ⵛⵍⵓⵎⵓ ⵄⵎⵎⴰⵕ.

ⵉⴼⴽⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵡⵉⵙⴰⵎ ⵏ ⵍⵎⵓⴽⴰⴼⴰⴻⴰ ⵍⵡⴰⵟⴰⵏⵢⵢⴰ ⵏ ⵓⵏⵎⴰⵍⴰ ⵏ ⴹⴹⴰⴱⵉⵟ ⴰⵎⵇⵔⴰⵏ ⵉ ⵎⵏⵏⴰⵡ ⵏ ⵉⴳⵎⴰⵎⵏ, ⵣⵓⵏⴷ ⵡⵉⵍⵍⵉ ⵏ ⵓⵏⴳⵎⴰⵎ ⴰⵎⴰⵜⵜⴰⵢ ⵏ ⵓⵎⵙⴰⵡⴰⵍ ⴰⵏⴰⵎⵓⵔ ⵅⴼ ⵓⵙⴳⴳⴷ ⵏ ⵜⵣⵔⴼⵜ, ⴷ ⴷⵔⵉⵙ ⵊⵟⵟⵓ, ⴰⵏⵙⵙⵉⵅⴼ ⵏ ⵜⵙⵏⴱⴹⴰⵢⵜ ⵏ ⵉⵙⵉⴹⵏ, ⴷ ⵃⵎⴰⴷ ⴱⵓⴽⵓⵙ, ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.

ⵉⴼⴽⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⵍⵡⵉⵙⴰⵎ ⴰⵄⴰⵍⴰⵡⵉ ⵏ ⵓⵏⵎⴰⵍⴰ ⵏ ⴹⴹⴰⴱⵉⵟ ⴰⵎⵇⵔⴰⵏ ⵉ ⵎⵏⵏⴰⵡ, ⵣⵓⵏⴷ ⵢⵉⵡⵜ ⵏ ⵜⴳⵍⵍⵉⵏⵜ ⴰⵙⵢⵢⴰ ⵍⵡⴰⴷⵉⵄ, ⵜⴰⴳⵎⴰⵎⵜ ⵜⴰⵇⴱⵓⵔⵜ ⵏ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵉⴷⴼ ⵏ ⵉⵏⴰⵎⵓⵥⵏ, ⴷ ⵉⵡⵜ ⵏ ⵉⴳⵍⵍⵉⵏ ⵎⵓⵃⵎⵎⴷ ⵉⴷⵔⵉⵙⵉ ⵇⴰⵢⵟⵓⵏⵉ, ⴰⵏⵙⵙⵉⵅⴼ ⴰⵇⴱⵓⵔ ⵏ ⵓⵡⴰⵙⵙⴰⵏ ⵏ « ⵍⵓⴱⵉⵏⵢⵓⵏ ».

ⵜⵉⵡⵉ ⵎⴰⵙⵙⴰ ⴰⵎⴰⵏⵉ ⴰⴱⵓ ⵣⴰⵢⴷ, ⵜⴰⵙⵎⴷⵢⴰⵜ ⵜⴰⵣⴷⵓⵖⵜ ⴳ ⵍⴱⴰⵏⴽ ⴰⴼⵔⵉⵇⵉ ⵏ ⵜⵉⴳⵎⵉ ⴳ ⵍⵎⵖⵔⵉⴱ, ⵍⵡⵉⵙⴰⵎ ⴰⵄⴰⵍⴰⵡⵉ ⵏ ⵓⵎⴰⵍⴰ ⵏ ⴹⴹⴰⴱⵉⵟ.

ⴰⵎⵎⴰⵙ ⵏ ⵍⵡⵉⵙⴰⵎ ⵏ ⵓⴷⴰⴱⵓ ⵏ ⴰⵙⵎⵉⵍ ⵡⵉⵙⵙ ⴽⵕⴰⴹ, ⵉⵜⵜⵓⴼⴽⴰ ⵉ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵙⵎⴷⴰⵢⵜ ⵜⴰⵎⵙⵎⵓⵏⵜ, ⴷ ⵎⴰⵙⵙⴰ ⵢⴰⵙⵎⵉⵏⴰ ⴱⵓⵣⵢⵢⴰⵏ, ⵜⴰⵎⵓⵣⴰⵢⵜ ⵏ ⵓⵏⵢⴰⵍⴽⴰⵎ ⴰⵎⵎⴰⵙ ⵏ ⵜⵉⵎⵜⵜⴰ ⵉⵎⵓⵏⵏ, ⴷ ⵎⵏⵏⴰⵡ ⵢⴰⴹⵏⵉⵏ.

Dernière modification : 30 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B3-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B4%B7%E2%B4%B0%E2%B4%B1%E2%B5%93#comment-0