ⵜⵏⴽⴹ ⴱⴰⵀⵔⴰ ⵎⴰⵍⵉ "ⴰⵙⵓⴳⵉ ⴰⵎⴽⵚⵓⴹ ⴷ ⵓⵔⵎⵢⴰⵔ" ⵢⵓⵜⵏ ⵓⴳⵔⴰⵡ ⵓⵏⵙⴱⴰⴱ ⴰⵎⵖⵔⴰⴱⵉ ⴰⵎⵎⴰⵙ ⵏ ⵜⴳⵔⴰⵡⵜ ⵏ ⴷⵉⴷⵢⵉⵏⵉ (ⴰⵙⵉⵡⴹ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ)

14 ⵛⵓⵜⴰⵏⴱⵉⵔ 2021 Version Imprimable

ⴱⴰⵎⴰⴽⵓ - ⵜⵏⴽⴹ ⴱⴰⵀⵔⴰ ⵎⴰⵍⵉ "ⴰⵙⵓⴳⵉ ⴰⵎⴽⵚⵓⴹ ⴷ ⵓⵔⵎⵢⴰⵔ" ⵍⵍⵉ ⵙⴽⵔⵏ ⵉⴳⵎⴰⵎⵏ ⵢⵓⵙⵉⵏ ⵙⵙⵍⴰⵃ ⵓⵔ ⵉⵜⵜⵓⵙⵙⴰⵏⵏ, ⴰⵙⵙ ⵏ ⵓⵙⵉⴹⵢⴰⵙ, ⵉ ⵢⴰⵏ ⵓⴳⵔⴰⵡ ⴰⵏⵙⴱⴰⴱ ⴰⵎⵖⵔⴰⴱⵉ ⴰⵎⵎⴰⵙ ⵏ ⵜⴳⵔⴰⵡⵜ ⵏ ⴷⵉⴷⵢⵉⵏⵉ (ⵜⴰⵙⴳⴰ ⵏ ⴽⴰⵢⵉⵙ), ⵎⴰ ⵢⴰⴷ ⵉⵏⵖⴰⵏ ⵙⵉⵏ ⵉⵏⵎⵓⵔⵉⵏ ⵉⵎⵖⵔⴰⴱⵉⵢⵏ ⴷ ⵉⵏⴳⵯⵙⵏ ⵎⵏⵏⴰⵡ ⵢⴰⴹⵏⵉⵏ, ⵎⴰ ⵢⴰⴷ ⵜⵏⵏⴰ, ⴰⵙⵙ ⵏ ⵓⵢⵏⴰⵙ, ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵏ ⵎⴰⵍⵉ.

ⴰⵎⵎⴰⵙ ⵏ ⵢⴰⵏ ⵓⵙⵉⵡⴹ ⵉⵥⵕⴳⵏ ⴷⴼⴼⵉⵔ ⵏ ⵜⴳⵉⵡⵔⵜ ⵍⵍⵉ ⵢⴼⴽⴰ, ⴰⵙⵙ ⵏ ⵓⵢⵏⴰⵙ ⴳ ⴱⴰⵎⴰⴽⵓ, ⵓⵎⴰⵡⵙⴰⵙ ⴰⵎⴰⵍⵉ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⵎⴰⵙⵙ ⴰⴱⴷⵓⵍⴰⵢ ⴷⵢⵓⴱ, ⵉ ⵓⵎⵙⴽⴰⴷ ⵏ ⵍⵎⵖⵔⵉⴱ ⴳ ⵎⴰⵍⵉ, ⵎⴰⵙⵙ ⵃⴰⵙⴰⵏ ⵏⵏⴰⵚⵉⵕⵉ, ⵉⵏⵏⴰ ⵓⵏⵙⵙⵉⵅⴼ ⵏ ⵜⴷⵉⴱⵍⵓⵎⴰⵙⵓⵜ ⵜⴰⵎⴰⵍⵉⵜ ⵎⴰⵙ "ⵙ ⵉⵙⵎ ⵏ ⵓⵏⵙⵙⵉⵅⴼ ⵏ ⵓⵣⵔⵔⵓⵢ, ⴰⵏⵙⵙⵉⵅⴼ ⵏ ⵓⵡⴰⵏⴽ, ⵎⴰⵙⵙ ⴰⴽⵓⵍⵓⵏⵉⵍ ⴰⵙⵉⵎⵉ ⴳⵓⵢⵟⴰ, ⴷ ⵜⵏⴱⴰⴹⵜ, ⵉⵏⴽⴹ ⴱⴰⵀⵔⴰ ⴰⵙⵓⴳⵉ ⴰⵎⴽⵚⵓⴹ ⴷ ⵓⵔⵎⵢⴰⵔ ⵍⵍⵉ ⵙⴽⵔⵏ ⵉⴳⵎⴰⵎⵏ ⵢⵓⵙⵉⵏ ⵙⵙⵍⴰⵃ ⵓⵔ ⵉⵜⵜⵓⵙⵙⴰⵏⵏ, ⴰⵙⵙ ⵏ 11 ⵛⵓⵜⴰⵏⴱⵉⵔ 2021, ⵉ ⵢⴰⵏ ⵓⴳⵔⴰⵡ ⴰⵏⵙⴱⴰⴱ ⴰⵎⵖⵔⴰⴱⵉ ⴰⵎⵎⴰⵙ ⵏ ⵜⴳⵔⴰⵡⵜ ⵏ ⴷⵉⴷⵢⵉⵏⵉ, ⵜⴰⵙⴳⴰ ⵏ ⴽⴰⵢⵉⵙ, ⵎⴰ ⵢⴰⴷ ⵉⵏⵖⴰⵏ ⵙⵉⵏ ⵉⵏⵎⵓⵔⵉⵏ ⵉⵎⵖⵔⴰⴱⵉⵢⵏ ⴷ ⵉⵏⴳⵯⵙⵏ ⵎⵏⵏⴰⵡ ⵢⴰⴹⵏⵉⵏ.

ⴳ ⵓⵣⵎⵣⵣⵓ ⵉⵛⵇⵇⴰⵏ ⴰⴷ, ⵉⵎⵍⴰ ⵡⵎⴰⵡⵙⴰⵙ ⴰⵎⴰⵍⵉ "ⵙ ⵉⵙⵎ ⵏ ⵓⵏⵙⵙⵉⵅⴼ ⵏ ⵓⵣⵔⵔⵓⵢ ⴷ ⵏ ⵜⵏⴱⴰⴹⵜ, ⴰⴽⴽⵯ ⵜⴱⴷⴰⴷⵜ ⵏ ⵎⴰⵍⵉ ⴷ ⵜⵏⴱⴰⴹⵜ ⴷ ⵓⵎⴰⴷⴰⵏ ⴰⵎⵖⵔⴰⴱⵉ", ⵎⴰ ⵢⴰⴷ ⵙⵓⵍ ⵉⵏⵏⴰ ⵡⵙⵉⵡⴹ ⵍⵍⵉ ⵢⵍⴽⵎⵏ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵜⵏⵖⵎⴰⵙⵜ (ⵍⴰⵎⴰⴱ).

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%9C%E2%B5%8F%E2%B4%BD%E2%B4%B9-%E2%B4%B1%E2%B4%B0%E2%B5%80%E2%B5%94%E2%B4%B0-%E2%B5%8E%E2%B4%B0%E2%B5%8D%E2%B5%89-%E2%B4%B0%E2%B5%99%E2%B5%93%E2%B4%B3%E2%B5%89-%E2%B4%B0%E2%B5%8E%E2%B4%BD%E2%B5%9A%E2%B5%93%E2%B4%B9-%E2%B4%B7-%E2%B5%93%E2%B5%94%E2%B5%8E%E2%B5%A2%E2%B4%B0%E2%B5%94-%E2%B5%A2%E2%B5%93%E2%B5%9C%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%93%E2%B5%8F%E2%B5%99%E2%B4%B1%E2%B4%B0%E2%B4%B1-%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%9C%E2%B4%B3%E2%B5%94%E2%B4%B0%E2%B5%A1%E2%B5%9C-%E2%B5%8F