ⵜⴰⵏⴰⴹⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⵜⵙⵎⴰⵢⵏⴰ ⵜⵉⵍⴰⵍⵜ ⵜⴰⴷⵍⵙⴰⵏⵜ ⵏ ⴷⴷⵣⴰⵢⵔ ⴳ ⵓⵎⵙⴰⵙⴰ ⵏ ⵚⵚⵃⵕⴰ ⵜⵎⵖⵔⴰⴱⵉⵜ

05 ⴽⵟⵓⴱⵕ 2021 Version Imprimable

ⵜⵎⵜⵜⴰ ⵢⵎⴰⵏⵏ (ⵏⵢⵓⵢⵓⵕⴽ) - ⵉⵙⵎⴰⵢⵏⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ, ⴰⵏⵟⵓⵏⵢⵓ ⴳⵉⵜⵉⵔⵉⵛ, ⴰⵙⴷⴷⵉⴷ ⴳ ⵜⵏⴰⴹⵜ ⵏⵏⵙ ⵉ ⵓⵙⵇⵇⵉⵎ ⴷ ⵜⵏⴼⵔⵓⵜ ⵅⴼ ⵚⵚⵃⵕⴰ ⵜⵎⵖⵔⴰⴱⵉⵜ, ⵜⴰⵎⵙⵙⵓⴳⵔⵜ ⴰⴽⴽⵯ ⵏ ⴷⴷⵣⴰⵢⵔ ⴳ ⵓⵙⴷⴰⵡ ⵏ ⵚⵚⵃⵕⴰ ⵜⵎⵖⵔⴰⴱⵉⵜ.

ⴷ ⵜⵙⴰⵡⵍ ⵜⵏⴰⴹⵜ ⵅⴼ ⴷⴷⵣⴰⵢⵔ, ⵍⵍⵉ ⴰⵔ ⵉⵜⵜⵔⵓⵔⵏ ⵙⴳ ⵜⵎⵙⵙⵓⴳⵔⵜ ⵏⵏⵙ ⴳ ⵜⵎⵙⴰⵔⵜ ⵏ ⵚⵚⵃⵕⴰ ⵜⵎⵖⵔⴰⴱⵉⵜ ⵓⴳⴳⴰⵔ ⵏ 14 ⵜⴽⵍⴰⵢ ⴳ ⵜⵏⴰⴹⵜ ⴰⴷ.

ⵉⵙⴷⴷⵉⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⵎⴰⵙ ⴷⴷⵣⴰⵢⵔ "ⵖⵓⵔⵙ ⵜⵉⵍⴰⵍⵜ ⵜⴰⴷⵍⵙⴰⵏⵜ ⴳ ⵓⵙⵉⴳⴳⵍ ⵏ ⵓⴼⵙⵙⴰⵢ ⴰⵙⵔⵜⴰⵏ ⵏ ⵜⵎⵙⴰⵔⵜ ⵏ ⵚⵚⵃⵕⴰ", ⵎⴰ ⵢⴰⴷ ⵓⵔ ⵢⵓⵊⵊⵉⵏ ⴽⵔⴰ ⵢⴳⴰⵜⵜ ⵛⵛⴽ ⵅⴼ ⴰⵣⵣⵓⵛⵍ ⵏ ⵜⵎⴰⵣⵉⵔⵜ ⴰⴷ, ⵎⴰ ⵢⴰⴷ ⵉⴳⴰⵏ ⵜⴼⵓⵍⵜ ⵉⴽⵛⵎⵏ ⴳ ⵓⵎⵏⵣⴰⵖ ⴰⵙⴳⵡⴰⵏ ⴰⴷ ⵅⴼ ⵚⵚⵃⵕⴰ ⵜⵎⵖⵔⴰⴱⵉⵜ.

ⵅⴼ ⵖⵉⴽⴰⵏⵏ, ⵉⵖⵕⴰ ⵎⴰⵙⵙ ⴳⵓⵜⵉⵔⵉⵛ ⴷⴷⵣⴰⵢⵔ ⴰⴷ ⵜⴷⵓⵍ ⵙ ⵓⵏⵙⴰ ⵏⵏⵙ ⵅⴼ ⵓⵙⴰⵔⵔⵓ, ⵉⵖ ⵉⵔⵏⴰ ⵓⵎⵙⴷⴷⵉ ⴰⵙⵔⵜⴰⵏ, ⵎⵔⴰ ⴰⴷ ⵉⵜⵜⵓⵍⴽⴰⵎ ⵙ ⵓⴼⵙⵙⴰⵢ ⴰⵙⵔⵜⴰⵏ ⴷ ⴰⴱⵔⴰⴳⵎⴰⵜⵉ ⴷ ⵓⵎⵖⵍⴰⵍ ⴷ ⵓⵎⵙⴰⵙⴰ ⵅⴼ ⵜⵎⵔⵙⴰⵍⵜ ⵏ ⵚⵚⵃⵕⴰ ⵜⵎⵖⵔⴰⴱⵉⵜ, ⵖⵉⴽ ⵍⵍⵉ ⵏⵏⴰⵏⵜ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⵜⵜⵓⵙⵖⵥⴰⵏⵏ ⵙⴳ ⵓⵙⴳⴳⵯⴰⵙ ⵏ 2018.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8F%E2%B4%B0%E2%B4%B9%E2%B5%9C-%E2%B5%8F-%E2%B5%93%E2%B5%8F%E2%B4%BC%E2%B5%8D%E2%B5%93%E2%B5%99-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%A2%E2%B5%8E%E2%B4%B0%E2%B5%8F%E2%B5%8F-%E2%B5%9C%E2%B5%99%E2%B5%8E%E2%B4%B0%E2%B5%A2%E2%B5%8F%E2%B4%B0-%E2%B5%9C%E2%B5%89%E2%B5%8D%E2%B4%B0%E2%B5%8D%E2%B5%9C-%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0%E2%B5%8F%E2%B5%9C-%E2%B5%8F-%E2%B4%B7%E2%B4%B7%E2%B5%A3%E2%B4%B0%E2%B5%A2%E2%B5%94-%E2%B4%B3-%E2%B5%93%E2%B5%8E%E2%B5%99%E2%B4%B0%E2%B5%99%E2%B4%B0-%E2%B5%8F