Published on MAPNews (https://www.mapnews.ma/am)

Accueil > ⵉⵙⵔⵙ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⵎⴰⵙⵙ ⵙⵜⴰⴼⴰⵏ ⴷⵉⵎⵉⵙⵜⵓⵔⴰ ⴰⴷ ⵉⴳ ⴰⵎⴰⵣⴰⵏ ⵉⵥⵍⵉⵏ ⵏⵏⵙ ⵙ ⵚⵚⵃⵕⴰ ⵜⴰⵎⵖⵔⵉⴱⵉⵜ

ⵉⵙⵔⵙ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⵎⴰⵙⵙ ⵙⵜⴰⴼⴰⵏ ⴷⵉⵎⵉⵙⵜⵓⵔⴰ ⴰⴷ ⵉⴳ ⴰⵎⴰⵣⴰⵏ ⵉⵥⵍⵉⵏ ⵏⵏⵙ ⵙ ⵚⵚⵃⵕⴰ ⵜⴰⵎⵖⵔⵉⴱⵉⵜ

06 ⴽⵟⵓⴱⵕ 2021 Version Imprimable
ⵜⵉⵎⵜⵜⴰ ⵉⵎⵓⵏⵏ /ⵏⵢⵓⵢⵓⵔⴽ - ⵉⵏⵏⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⴰⵏⵟⵓⵏⵢⵓ ⴳⵓⵜⵉⵖⵉⵙ ⵎⴰⵙ ⵉⵙⵔⵙⴰⵟⴰⵍⵢⴰⵏⵉ-ⵙⵡⵉⴷⵉ ⵎⴰⵙⵙ ⵙⵜⴰⴼⴰⵏ ⴷⵉⵎⵉⵙⵜⵓⵔⴰ ⴰⴷ ⵉⴳ ⴰⵎⴰⵣⴰⵏ ⵉⵥⵍⵉⵏ ⵏⵏⵙ ⵙ ⵚⵚⵃⵕⴰ ⵜⴰⵎⵖⵔⵉⴱⵉⵜ.

ⵢⵓⵛⴽⴰⴷ ⵓⵙⵔⵙ ⴰⴷ ⴷⴼⴼⵉⵔ ⵏ ⵏⵓⵎⵙⴰⵙⴰ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵍⵍⵉ ⵎⵉ ⵉⴼⴽⴰ ⴰⵏⵖⵎⵉⵙ ⴰⵎⴰⴷⴷⵓⴷ ⵙⴳ  ⵎⴰⵙⵙ ⴰⵏⵟⵓⵏⵢⵓ ⴳⵓⵜⵉⵖⵉⵙ.

ⴳ ⵜⵙⴳⴰ ⵏⵏⵙ ⵉⴽⴽⴰⵜⵏ ⵍⵎⵖⵔⵉⴱ ⵉⴼⴽⴰ ⴰⵎⵙⴰⵙⴰ ⵏⵏⵙ ⵅⴼ ⵓⵙⵔⵙ ⴰⴷ ⴷⴼⴼⵉⵔ ⵏ ⵉⵎⴹⵉⴽⵉⵔⵏ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⵎⵏⵏⴰⵡ ⵉⵎⴰⵍⴰⵙⵙ ⴰⵢⴰⴷ ⵖⵎⴽⵍⵍⵉ ⵙⴽⵔⵏⵜ ⵜⵉⴼⵓⵍⵉⵏ ⵢⴰⴹⵏ .

ⵜⴰⵡⵓⵔⵉ ⵏ ⵎⴰⵙⵙ ⴷⵉⵎⵉⵙⵜⵓⵔⴰ ⵍⵍⵉ ⵉⵅⵍⴼⵏ ⴰⵏⵙⵙⵉⵅⴼ ⴰⵍⵎⴰⵏⵉ ⴰⵇⴱⵓⵔ ⵀⵓⵔⵙⵜ ⴽⵓⵍⵉⵔ   ⵜⴳⴰⵜ ⴰⵙⵀⵡⵏ ⵏ ⵜⵡⵓⵔⵉ ⵏ ⵜⵉⵎⵜⵜⴰ ⵉⵎⵓⵏⵏ ⴰⴼⴰⴷ ⴰⴷ ⵉⵜⵜⵢⴰⴼⴰ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⴰⵙⵓⵍⴰⵏ ⵍⵍⵉⴼ ⵉⵍⵍⴰ ⵓⵎⵙⴰⵙⴰ ⵉ ⵜⵎⵓⴽⵔⵉⵙⵜ ⴰⴷ ⵜⴰⵏⵎⵏⴰⴹⵜ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ ⵙⵍⴰⵡⴰⵏ ⴰⴽⴽⵯ ⴰⵎⵙⴰⵙⴰ ⴷ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵏ 2018 ⵖⵎⴽⵍⵍⵉ ⵉⵙⴷⴷⵉⴷ  ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⴳ ⵜⴰⵏⴰⴹⵜ ⵏⵏⵙ ⵉⴳⵔⴰⵏ ⵉ ⵓⵙⵇⵇⵉⵎ ⵏ ⵜⵏⴼⵔⵓⵜ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ.

ⵉⵜⵜⵢⴰⵡⵥⴹⴰⵔ ⴰⴷ ⵉⴱⴷⵓ ⵎⴰⵙⵙ ⵙⵜⴰⴼⴰⵏ ⴷⵉⵎⵉⵙⵜⵓⵔⴰ ⵜⴰⵡⵓⵔⵉ ⵏⵏⵙ ⵓⵙⵙⴰⵏ ⴷ ⵢⵓⵛⴽⴰⵏ ⴷⴼⵉⵉⵜ ⵏ ⵜⴰⴱⵔⴰⵜ ⵏ ⵓⵙⵔⵙ ⵏⵏⵙ ⴷ ⵜⵖⵜⴰⵙⵜ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ 2548 ⵖⵉⵍⵍⵉ ⵉⴽⵎⵍ ⵡⴰⵍⵍⴰⵙ ⵉⵣⵡⴰⵔⵏ ⵍⵍⵉ ⵜⴳⴰ ⵜⴰⵎⵀⵍⵜ ⵏ ⵉⵏⵎⵓⵇⴰⵔⵏ ⵙ ⵜⴰⴷⵔⴰⵡⵜ ⵏ ⴽⵯⵓⵥⵜ.

ⵜⴽⴽⴰⵜⵏ ⵜⵙⵏⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⵙⴳ ⵉⵙⴰⴳⵎⵏ ⵉⴷⵉⴱⵍⵓⵎⴰⵙⵉⵏ ⵎⴰⵙ ⵉⴱⴷⴰ ⵢⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⴰⵏⵟⵓⵏⵢⵓ ⴳⵓⵜⵉⵖⵉⵙ ⴰⵙⵙ ⵏ ⵓⵙⵉⵏⴰⵙ ⵉⵎⴹⵉⴽⵉⵕⵏ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⴳⵔⴰⵖⵍⴰⵏ ⵏ ⵜⵏⴼⵔⵓⵜ ⵅⴼ ⵓⵙⵔⵙ ⵏ ⴰⵟⴰⵍⵢⴰⵏⵉ -ⴰⵙⵡⵉⴷⵉ ⵙⵜⴰⴼⴰⵏ ⴷⵉⵎⵉⵙⵜⵓⵔⴰ ⴰⴷ ⵉⴳ ⴰⵎⴰⵣⴰⵏ ⵉⵥⵍⵉⵏ ⵏⵏⵙ ⵙ ⵚⵚⵃⵕⴰ ⵜⴰⵎⵖⵔⵉⴱⵉⵜ.

ⵉⵏⵏⴰ ⵎⴰⵙⵙ ⵄⵓⵎⴰⵕ ⵀⵉⵍⴰⵍ ⴰⵎⵙⴰⵇⴷ ⴰⵎⴰⵔⵉ ⵏ ⵍⵎⵖⵔⵉⴱ ⴷⴰⵔ  ⵜⵉⵎⵜⵜⴰ ⵉⵎⵓⵏⵏ ⴳ ⵢⴰⵜ ⵜⵙⴳⵓⵔⵉ ⵉ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⵎⴰⵙ ⵉⴱⴷⴰⵏ ⵉⵎⴹⵉⴽⵉⵕⵏ ⴰⴷ ⴷ ⵔⴰⴷ ⵉⴼⵖ ⵓⵍⵖⵓ ⵏ ⵓⵙⵔⵙ ⵏ ⵎⴰⵙⵙ ⵙⵜⴰⴼⴰⵏ ⴷⵓⵎⵉⵙⵜⵓⵔⴰ ⴳ ⵓⵙⵙⴰⵏ ⴷ ⵢⵛⴽⴰⵏ ⴷⴼⴼⵉⵔ ⵏ ⵓⵎⵙⴰⵙⴰ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⴳⵔⴰⵖⵍⴰⵏ ⵏ ⵜⵏⴼⵔⵓⵜ.

ⵉⵔⵏⵓ ⵉⵏⵏⴰ ⵎⴰⵙⵙ ⵀⵉⵍⴰⵍ ⵎⴰⵙ ⵢⵓⵛⴽⴰ ⵓⵎⵙⴰⵙⴰ ⵏ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⵖⵍⵉⴼⵜ ⵏⵏⵙ ⵉⴷⴰⵡⵎⵏ ⴷ ⴰⵏⵏⴰⵍ ⵏⵏⵙ ⴱⴷⴷⴰ ⵉ ⵜⵓⴳⴳⴰⵣ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⴰⴼⴰⴷ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⴰⵏⵉⵍⴰⵡ ⴰⵙⵓⵍⴰⵏ ⴼ ⵉⵍⵍⴰ ⵓⵎⵙⴰⵙⴰ ⵉⵢⵓⵏⵣⴰⵖ ⴰⵏⵎⵏⴰⴹ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B5%99%E2%B5%94%E2%B5%99-%E2%B5%93%E2%B5%8F%E2%B4%BC%E2%B5%8D%E2%B5%93%E2%B5%99-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%89%E2%B5%8E%E2%B5%93%E2%B5%8F%E2%B5%8F-%E2%B5%8E%E2%B4%B0%E2%B5%99%E2%B5%99-%E2%B5%99%E2%B5%9C%E2%B4%B0%E2%B4%BC%E2%B4%B0%E2%B5%8F-%E2%B4%B7%E2%B5%89%E2%B5%8E%E2%B5%89%E2%B5%99%E2%B5%9C%E2%B5%93%E2%B5%94%E2%B4%B0-%E2%B4%B0%E2%B4%B7-%E2%B5%89%E2%B4%B3-%E2%B4%B0%E2%B5%8E%E2%B4%B0%E2%B5%A3%E2%B4%B0%E2%B5%8F-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%8F%E2%B5%8F%E2%B5%99-%E2%B5%99