ⵎⴰⵙⵙ ⴰⵅⵏⵏⵓⵛ ⵉⵙⴷⴷⵉⴷ ⵜⵉⵔⴰⵜ ⵏ ⵜⵏⴱⴰⴹⵜ ⴰⴷ ⵜⵉⵍⵉ ⴳ ⵓⵙⵡⵉⵔ ⵏ ⵎⴰⴷ ⵉⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ

11 ⴽⵟⵓⴱⵕ 2021 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵢⵏⴰⵙ, ⵜⵉⵔⴰⵜ ⵏ ⵜⵏⴱⴰⴹⵜ ⴰⴷ ⵜⵉⵍⵉ ⴳ ⵓⵙⵡⵉⵔ ⵏ ⵎⴰⴷ ⵉⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵎⴰ ⵢⴰⴷ ⴱⴷⴷⴰ ⵢⵔⴰⵏ ⴰⴷ ⵉⵥⴹⵕ ⵓⵎⵖⵔⴰⴱⵉ ⴰⴷ ⵉⵟⵟⴼ ⵜⵓⴷⵔⵜ ⵜⴰⵎⴰⴽⵉⵜ ⴷ ⴰⴷ ⵢⵉⵍⵉ ⵍⵎⵖⵔⵉⴱ ⴳ ⵜⵏⵙⵙⵉⵅⴼⵜ ⴳ ⵓⵙⵡⵉⵔ ⴰⵙⴳⵡⴰⵏ ⴷ ⵓⵏⵎⵏⴰⴹ ⴷ ⴰⵎⴰⴹⵍⴰⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ, ⴷⴼⴼⵉⵔ ⵏ ⵜⵙⵎⵓⵏⵉ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵢⵎⴰⵏⵏ ⵙ ⵡⴰⴳⴳⵓⴳ, ⵎⴰⵙ ⵉⵎⵍⴰ ⵎⴰⵙⵙ ⴰⵅⵏⵏⵓⵛ ⵍⵄⵜⵉⵣⴰⵣ ⵏⵏⵙ ⴷ ⵡⵉⵏⵏ ⴰⴽⴽⵯ ⵉⴳⵎⴰⵎⵏ ⵏ ⵜⵏⴱⴰⴹⵜ ⵅⴼ ⵜⵖⵍⵉⴼⵜ ⵜⴰⴳⵍⴷⴰⵏⵜ ⵜⴰⵎⴰⵜⴰⵢⵜ ⴷ ⵉⵙⵡⴰⵏ ⵉⵍⵍⴰⵏ ⴳ ⵉⵏⴰⵡ ⴰⴳⵍⴷⴰⵏ ⵢⴰⵜⵜⵓⵢⵏ ⵉ ⵡⴱⵕⵍⴰⵎⴰⵏ.

ⵉⵏⵏⴰ ⵎⴰⵙⵙ ⴰⵅⵏⵏⵓⵛ, ⴳ ⵜⵙⵎⵓⵏⵉ ⵢⴰⴷ ⵉⵥⵍⵉⵏ ⵙ ⵜⵡⵡⵓⵔⵉⵡⵉⵏ ⵏ ⵓⵎⴹⴰⴽⴰⵕ ⵏ ⵉⵣⵔⵉⴳⵏ ⵏ ⵓⵖⴰⵡⴰⵙ ⵓⵏⴱⵉⴹ, ⵎⴰⵙ "ⵉⵏⴰⵡ ⴰⴳⵍⴷⴰⵏ ⴳ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵓⵣⵔⵉⴼⵜ ⵉⵙⵔⵙ ⴰⵏⵖ ⴰⴽⴽⵯ, ⵙ ⵢⴰⵜ ⵜⵖⴰⵔⴰⵙⵜ ⵜⴰⵎⴰⴼⴰⵡⵜ, ⴷⴰⵜ ⵏ ⵜⵏⵥⵕⵉⵏ ⵉⴱⵕⵕⴰⵏⵉⵢⵏ ⴷ ⵉⴳⵯⵏⵙⴰⵏ ⴷⴰⵜ ⵏ ⵜⵓⵎⵔⵜ ⵏⵏⵖ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%85%E2%B5%8F%E2%B5%8F%E2%B5%93%E2%B5%9B-%E2%B5%89%E2%B5%99%E2%B4%B7%E2%B4%B7%E2%B5%89%E2%B4%B7-%E2%B5%9C%E2%B5%89%E2%B5%94%E2%B4%B0%E2%B5%9C-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B4%B7-%E2%B5%9C%E2%B5%89%E2%B5%8D%E2%B5%89-%E2%B4%B3-%E2%B5%93%E2%B5%99%E2%B5%A1%E2%B5%89%E2%B5%94-%E2%B5%8F-%E2%B5%8E%E2%B4%B0%E2%B4%B7-%E2%B5%89%E2%B5%94%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7