Published on MAPNews (https://www.mapnews.ma/am)

Accueil > ⴰⵍⵖⵓ ⵏ ⵉⵙⵎⴰⵡⵏ ⵏ ⵡⵉⵍⵍⵉ ⵢⵉⵡⵉⵏ ⵜⴰⵙⵎⵖⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵏ ⵓⵙⴳⴳⵯⴰⵙ 2020

ⴰⵍⵖⵓ ⵏ ⵉⵙⵎⴰⵡⵏ ⵏ ⵡⵉⵍⵍⵉ ⵢⵉⵡⵉⵏ ⵜⴰⵙⵎⵖⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵏ ⵓⵙⴳⴳⵯⴰⵙ 2020

11 ⴽⵟⵓⴱⵕ 2021 Version Imprimable
ⵕⵕⴱⴰⵟ - ⵉⵎⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ  ⵉⵙⵎⴰⵡⵏ ⵏ ⵡⵉⵍⵍⵉ ⵢⵉⵡⵉⵏ  ⵜⴰⵙⵎⵖⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵏ ⵓⵙⴳⴳⵯⴰⵙ 2020 ⵍⵍⵉ ⵔⴰⴷ ⵜⵜⵓⴼⴽⴰ   ⵙ ⵓⵣⵎⵣⵣⵓ ⵏ ⵙⴽⵜⵉ ⵡⵉⵙⵙ 20 ⵏ ⵉⵏⴰⵡ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴰⵊⴷⵉⵔ  ⵖ ⵜⵙⴳⴰ ⵏ ⵅⵏⵉⴼⵕⴰ ⴰⵙⵙ 17 ⴽⵟⵓⴱⵕ 2001 .

  ⵉⵏⵏⴰ ⵓⵙⵉⵏⴰⴳ ⴳ ⵓⵙⵉⵜ ⵏⵏⵙ ⴰⵍⵉⴽⵜⵕⵓⵏⵉ ⵎⴰⵙ ⵔⴰⴷ ⵢⴰⵎⵥ ⵜⴰⵙⵎⵖⵔⵜ ⵏ ⵓⵙⵓⴳⵔ ⵎⴰⵙⵙ ⴱⵕⵀⵉⵎ ⵍⵎⵣⵏⴷ ⵖⵎⴽⵍⵍⵉ ⵢⵉⵡⵉ ⵜⴰⵙⵎⵖⵔⵜ ⵏ ⵓⵙⵓⵖⵍ ⵎⴰⵙⵙ ⵍⵄⵕⴱⵉ ⵎⵓⵎⵓⵛ ⵅⴼ ⴰⵙⵖⵓⵍ ⵏⵏⵙ ⵏ ⵓⵏⴳⴰⵍ  ⵏ ⵓⵎⴰⵔⴰ ⴰⵔⵓⵙⵉ ⵍⵢⵓⵏ ⵟⵓⵍⵙⵟⵓⵢ "La mort d'Ivan Ilitch".

ⵉⵙⴷⴷⵉⴷ ⵓⵙⵉⵏⴰⴳ ⵎⴰⵙ ⵢⵉⵡⵉ ⵜⴰⵙⵎⵖⵔⵜ ⵏ ⵓⵙⵏⴼⵍⵓⵍ ⴰⵎⴰⵣⵉⵖ ⵎⴰⵙⵙ ⵍⵃⵓⵙⵉⵏ ⴰⵙⵄⵉⴷ ⵅⴼ ⵎⵏⵏⵡⵜ ⵏ ⵜⵏⵇⵇⵉⵙⵉⵏ ⵏⵏⵙ  "Turtut n yidil"؛ ⴷ ⵍⵃⵓⵙⵉⵏ ⴱⵏⵙⵄⵉⴷ ⴳ ⵓⵙⵉⵔⴰ ⵏ ⵓⵙⴽⴰⵍ ⵏ ⵉⵔⴱⴰⵜⵏ.

ⴰⵎⵎⴰ ⵜⴰⵙⵎⵖⵔⵜ ⵜⴰⵏⴰⵎⵓⵔⵜ  ⵏ ⵜⵏⵖⵎⴰⵙⵜ  ⴷ ⵓⵎⵢⴰⵡⴰⴹ ⵢⵓⵎⵥⵜ ⵍⵃⵓⵙⵉⵏ ⵡⴰⵣⵉⴽ ⵅⴼ ⵜⴰⵡⵓⵔⵉ ⵏⵏⵙ ⵏ ⵔⵓⴱⵓⵔⵜⴰⵊⴰⵜ ⵙ ⵜⵎⴰⵣⵉⵅⵜ 2ⵎ ⵅⴼ ⴽⵓⴼⵉⴷ 19 , ⴳⵎⴰⴷ ⵉⵥⵍⵉⵏ ⵙ ⵜⵙⵎⵖⵔⵜ ⵜⴰⵏⴰⵎⵓⵔⵜ ⵏ ⵉⵣⵣⵔⴰⵢⵏ ⴷ ⵉⵙⵏⵓⴱⴱⵓⵛⵏ ⴷ ⵉⵖⴰⵡⴰⵙⵏ ⵏ ⵍⴰⴼⵓⵔⵎⴰⵜⵉⴽ ⵢⵓⵎⵥⵜ ⴱⴰⴹⵕ ⴱⵓⴷⵀⴰⵏ.

ⵜⴰⵙⵎⵖⵔⵜ ⵏ ⵜⴰⵏⴰⵎⵓⵔⵜ ⵏ ⵓⵖⵏⵉⵊ ⴰⵇⴱⵓⵕ ⵢⵉⵡⵜ ⵄⴰⵍⵉ ⴱⵓⵣⵉⴷ ⵖⵎⴽⵍⵍⵉ ⵢⵓⵎⵥ ⵙⵓⴼⵢⴰⵏ ⴱⵓⵣⴰⵅⴰⵜⵉ ⵜⴰⵙⵎⵖⵔⵜ ⵏ ⵢⵖⵏⵉⵊ ⴰⵜⵔⴰⵔ.

ⵉⵎⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ  ⵓⵍⴰ ⵎⴰⵙ ⵢⵉⵡⵉ ⵜⴰⵙⵎⵖⵔⵜ  ⵜⴰⵏⴰⵎⵓⵔⵜ ⵏ ⵍⴼⵉⵍⵎ  ⵟⴰⵕⵉⵇ ⵍⵉⴷⵔⵉⵙⵉ .

ⵉⴼⵔⴰ ⵉⵏⵏⴰ ⵓⵙⵉⵏⴰⴳ ⴳ  ⵎⴰⵙ ⵉⵍⵍⴰ ⴳ ⵓⵖⴰⵡⴰⵙ ⵏ ⵓⵙⴼⵓⴳⵍⵓ ⵏ ⵓⵙⴽⵜⵉ ⵢⴰⴷ ⴰⵅⴰⵜⴰⵔ ⵎⵏⵏⴰⵡ ⵉⵎⵓⵙⵙⵓⵜⵏ ⴳⵉⵙ ⵙⵍⴰⵡⴰⵏ ⴰⴽⴽⵯ ⴰⵙⴳⵓⴳⵍⵓ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵍⵎⴰⴷ ⴷ ⴰⵙⵙ ⴰⵏⵎⵓⵔ ⵏ ⵙⵙⵉⵏⵉⵎⴰ ⴷ ⴷ ⵓⵙⵎⵏⵉⴷ ⵏ ⵓⴷⵍⵉⵙ ⵅⴼ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵢⴰⵏ ⵓⵏⵎⵓⵇⵇⴰⵔ ⵅⴼ ⴰⴳⵏⴰⵔ ⵏ ⵉⵙⴳⴳⵯⴰⵙⵏ ⵏ ⵓⵙⵙⵎⵔⵙⵍ ⵏ ⵓⵙⵉⵍⵉⵢ ⵏ ⵜⵎⴰⵣⵉⵖⵜ.

 ⵉⵙⴽⵜⵉⴷ  ⵓⵙⵉⵡⴹ ⵎⴰⵙ ⵉⵍⵍⴰ ⴳ ⵉⵏⴰⵡ ⴰⴳⵍⴷⴰⵏ ⵜⴰⵖⵓⵔⵉ ⵏ ⵜⵓⴳⵉ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵍⵍⵉ ⵉⴳⴰⵏ ⵢⴰⵏ ⵓⵎⵣⵣⵓ ⴳ ⵓⵎⵣⵔⵓⵢ ⵏ ⵍⵎⵖⵔⵉⴱ ⴰⵜⵔⴰⵔ.

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8D%E2%B5%96%E2%B5%93-%E2%B5%8F-%E2%B5%89%E2%B5%99%E2%B5%8E%E2%B4%B0%E2%B5%A1%E2%B5%8F-%E2%B5%8F-%E2%B5%A1%E2%B5%89%E2%B5%8D%E2%B5%8D%E2%B5%89-%E2%B5%A2%E2%B5%89%E2%B5%A1%E2%B5%89%E2%B5%8F-%E2%B5%9C%E2%B4%B0%E2%B5%99%E2%B5%8E%E2%B5%96%E2%B5%94%E2%B5%9C-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-2020