ⵜⴰⵙⴳⴰ ⵏ ⵟⴰⵏⵊⴰ- ⵜⵉⵟⵡⴰⵏ: ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴽⵕⴰⴹ ⵏ ⵉⵙⵏⵜⴰ ⵏ ⵜⵡⵉⵣⵉ ⵉ ⵜⵎⵖⴰⵔⵜ ⴷ ⵉⵄⵔⵔⵉⵎⵏ

02 ⵖⵓⵛⵜ 2013 Version Imprimable

ⵟⴰⵏⵊⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴽⵕⴰⴹ ⵏ ⵉⵙⵏⵜⴰ ⵏ ⵜⵡⵉⵣⵉ ⵍⵍⵉ ⵔⴰⴷ ⵉⵙⵖⵓⴷⵓ ⵜⵉⵎⵙⵓⵜⴰⵍ ⵉⴷⴰⵎⵙⴰⵏ ⴷ ⵉⵏⴰⵎⵓⵏⵏ ⵏ ⵜⵎⵖⴰⵔⵉⵏ ⵓⵍⴰ ⵙⵓⵍ ⵜⵉⵏ ⵉⵄⵔⵔⵉⵎⵏ.

ⵉⵙⵏⵜⴰ ⵢⴰⴷ ⵍⵍⵉ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵙ 16,5 ⵏ ⵓⵎⵍⵢⵓⵏ ⵏ ⴷⴷⵔⵀ, ⴳⴰⵏ ⵜⵓⵚⴽⴰ ⵏ ⵙⵉⵏ ⵏ ⵡⴰⵎⵎⴰⵙⵏ ⵏ ⵓⵙⵎⵓⵜⵜⴳ ⴳ ⵜⵓⴷⴷⵓⵔⵜ ⵏ ⵎⵙⵏⴰⵏⴰ (ⵜⴰⵙⴳⴰ ⵏ ⵟⴰⵏⵊⴰ-ⴰⵚⵉⵍⴰ) ⴷ ⴽⵚⵕ ⵎⵊⴰⵣ (ⵍⴼⴰⵃⵚ- ⴰⵏⵊⵕⴰ), ⴷ ⵢⴰⵏ ⵡⴰⵎⵎⴰⵙ ⴰⵏⴰⵎⵓⵏ ⴰⵙⴳⵎⴰⵏ ⴳ ⵜⵓⴷⴷⵓⵔⵜ ⵏ ⵎⵖⵓⵖⴰ (ⵟⴰⵏⵊⴰ-ⴰⵚⵉⵍⴰ).

ⴰⵎⵎⴰⵙⵏ ⵏ ⵓⵙⵎⵓⵜⵜⴳ ⵏ ⵜⵎⵖⴰⵔⵉⵏ ⵏ ⵎⵙⴰⵙⵏⴰ ⴷ ⵇⵚⵕ ⵎⵊⴰⵣ ⵉⵔ ⴰⴷ ⵢⴰⵡⵙ ⵉ ⵜⵎⵖⴰⵔⵉⵏ ⵍⵍⴰⵏⵉⵏ ⴳ ⵉⵎⵏⴰⴹⵏ ⵀⵔⵛⵏⵉⵏ, ⵉⴼⴽⴰⵙⵏ ⵜ ⵜⴰⵙⵓⴳⵔⵉⵏ ⵣⵓⴷ ⵜⴰⵥⵓⵕⵉ ⵏ ⵓⵏⵡⴰⵍ ⴷ ⵜⴽⵡⴰⴼⴼⵓⵕⵜ ⴷ ⵟⵟⵕⵣ, ⴰⴼⴰⴷ ⴰⴷ ⴷⴰⵔⵙⵏⵜ ⵜⵉⵍⵉ ⵜⵡⵓⵔⵉ ⴷ ⵜⵉⵖⵔⴰⴷ.

ⴰⵎⵎⴰⵙ ⴰⵏⴰⵎⵓⵏ ⴰⵙⴳⵎⴰⵏ ⵏ ⵉⵄⵔⵔⵉⵎⵏ ⵏ ⵎⵖⵓⵖⴰ ⵉⴳⴰ ⴰⵡⵜⵜⴰⵙ ⵏⵏⵙ ⴰⴷ ⵢⴰⵡⵙ ⴳ ⵓⴽⵛⵛⵓⵎ ⵏ ⵉⵄⵔⵔⵉⵍⵏ ⵙ ⵓⵎⴰⴹⴰⵍ ⴰⵣⵣⵓⵍⴰⵏ ⴷ ⵓⵙⵎⵓⵜⵜⴳ ⴳ ⵎⵏⵏⴰⵡ ⵏ ⵉⴳⵉⵔⵏ ⵏ ⵣⵓⴷ ⵜⴰⵏⵙⵔⴰⵎⵜ ⴷ ⵓⵥⴰⵕⵓⵕ ⴷ ⵜⴱⵏⵏⴰⵢⵜ ⴷ ⵜⵙⵏⵎⴰⵍⴰⵢⵜ.

ⵉⵔⴰⴷ ⵉⵙⴷⵓⴷ ⵓⵍⴰ ⵉⵎⵓⵙⵙⵓⵜⵏ ⵉⴷⵍⵙⴰⵏⵏ ⴷ ⵉⵏⴰⵎⵓⵏⵏ ⴷ ⵡⵉⵏ ⵜⵓⵏⵏⵓⵏⵜ.

Dernière modification : 02 ⵖⵓⵛⵜ 2013

Source URL: https://www.mapnews.ma/am/activites-royales/%E2%B5%9C%E2%B4%B0%E2%B5%99%E2%B4%B3%E2%B4%B0-%E2%B5%8F-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%9C%E2%B5%89%E2%B5%9F%E2%B5%A1%E2%B4%B0%E2%B5%8F-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%BD%E2%B5%95%E2%B4%B0%E2%B4%B9-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B4%B0-%E2%B5%8F-%E2%B5%9C%E2%B5%A1%E2%B5%89%E2%B5%A3%E2%B5%89-%E2%B5%89-%E2%B5%9C%E2%B5%8E%E2%B5%96%E2%B4%B0%E2%B5%94%E2%B5%9C-%E2%B4%B7#comment-0