Published on MAPNews (https://www.mapnews.ma/am)

Accueil > ⴰⵙⵉⵡⴹ ⴰⴳⵍⴷⴰⵏ ⵅⴼ ⵉⵎⵔⵙⵉ ⵏ ⵓⵙⴷⵔⴼⵉ ⵏ ⵡⴰⵏⵏ ⵍⵍⵉ ⵎⵓ ⵢⵙⵎ ⴷⴰⵏⵢⵉⵍ ⴳⴰⵍⴱⴰⵏ ⴼⵉⵏⴰ
  1. Accueil
  2. Activités royales

ⴰⵙⵉⵡⴹ ⴰⴳⵍⴷⴰⵏ ⵅⴼ ⵉⵎⵔⵙⵉ ⵏ ⵓⵙⴷⵔⴼⵉ ⵏ ⵡⴰⵏⵏ ⵍⵍⵉ ⵎⵓ ⵢⵙⵎ ⴷⴰⵏⵢⵉⵍ ⴳⴰⵍⴱⴰⵏ ⴼⵉⵏⴰ

04 ⵖⵓⵛⵜ 2013 Version Imprimable
ⵕⵕⴱⴰⵟ - ⵉⵣⵔⵉⴳ ⵓⴱⵔⵙⵉⵔⴰ ⴰⴳⵍⴷⴰⵏ ⵢⴰⵏ ⵓⵙⵉⵡⴹ ⵅⴼ ⵓⵙⴷⵔⴼⵉ ⵏ ⵡⴰⵏⵏ ⵍⵍⵉ ⵎⵓ ⵢⵙⵎ ⴷⴰⵏⵢⵉⵍ ⴳⴰⵍⴱⴰⵏ ⴼⵉⵏⴰ, ⵍⵍⵉ ⵢⵟⵟⴰⴼⵏ ⵜⴰⵊⵉⵏⵙⵢⵢⴰⵜ ⵜⴰⵚⴱⵍⵢⵓⵏⵉⵜ. ⵀⴰ ⵡⴹⵕⵉⵚ ⵏ ⵓⵙⵉⵡⴹ ⴰⴷ:

"ⴷⴼⴼⵉⵔ ⵏ ⵓⵙⴷⵔⴼⵉ, ⴳ ⵓⵙⴼⴼⴰⵏ ⴰⴷ ⵍⵍⵉ ⵣⵔⵉⵏⵉⵏ, ⵉ ⵎⵓ ⵢⵙⵎ ⴷⴰⵏⵢⵉⵍ ⴳⴰⵍⴱⴰⵏ ⴼⵉⵏⴰ, ⵍⵍⵉ ⵢⵟⵟⴰⴼⵏ ⵜⴰⵊⵉⵏⵙⵢⵢⴰⵜ ⵜⵚⴱⵍⵢⵓⵏⵉⵜ, ⵍⵍⵉ ⵜⵏⴽⴹ ⵜⵣⵔⴼⵜ ⵜⴰⵎⵖⵔⴰⴱⵉⵜ, ⵉⵔⴰ ⵡⴱⵔⵙⵉⵔⴰ ⴰⴷⴳⵍⴷⴰⵏ ⴰⴷ ⵢⴰⵡⵉ ⵉ ⵜⵓⵙⵏⵏⴰ ⵏ ⵜⵏⵏⴰⵢⵜ ⵜⴰⴳⴷⵓⴷⴰⵏⵜ ⵉⴼⵔⴷⵉⵙⵏ ⵏ ⵓⵏⵖⵎⵉⵙ ⴰⴷ :

1. ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵓⵔ ⵊⵊⵓ ⵏⵜⵜⴰⵏ ⴰⴷ ⵉⵡⵉⵏ ⵍⵅⴱⴰⵕ, ⵙ ⴽⵔⴰ ⵢⴳⴰⵜ ⵜⵎⴰⵎⴽⵜ ⴷ ⴽⵔⴰ ⵢⴳⴰⵜ ⵓⴽⵓⴷ, ⵉ ⵜⵉⵙⵙⵍⵜ ⵏ ⵉⴱⴽⴽⵉⴹⵏ ⵉⵅⵛⵏ ⵅⴼ ⵎⵓ ⵢⴽⴹ ⴷⴰⵏⵢⵉⵍ ⴳⴰⵍⴱⴰⵏ ⴼⵉⵏⴰ.

2. ⵉⴼⴼⵖ ⵛⵛⴽ ⵉⵙ ⵓⵔ ⵊⵊⵓ ⵔⴰⴷ ⵢⴰⴷⵍⵍⵉ ⵢⵔⵉ ⴱⴰⴱ ⵏ ⵡⴰⴷⴷⵓⵔ ⴰⴷ ⵓⵔ ⵉⵙⵓⵍ ⴷⴰⵏⵢⵉⵍ ⴳⴰⵍⴱⴰⵏ ⴼⵉⵏⴰ  ⵜⴰⵎⵔⵔⵓⵜ ⵏⵏⵙ, ⴰⵛⴽⵓ ⵡⴱⴽⴽⵉⴹⵏ ⵍⵍⵉ ⵢⵙⴽⵔ ⵅⵛⵏⵏ ⴱⴰⵀⵔⴰ.

3. ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉ ⵢⴳⴰⵏ ⵓⵔⵔⴰⵢ ⴰⵎⵣⵡⴰⵔⵓ ⵏ ⵉⵣⵔⴼⴰⵏ ⵏ ⵉⵏⴳⵉⵙⵏ, ⵙⵍⴰⵡⴰⵏ ⴰⴽⴽⵯ ⵉⵄⵔⵔⵉⵎⵏ, ⵓⵔ ⵔⴰⴷ ⵢⴰⵊ ⴽⵔⴰ ⵏ ⵜⵓⴳⴳⴰⵣ ⴰⴼⴰⴷ ⴰⴷ ⵉⵙⵓⵍ ⴰⴷ ⵜⵏ ⵉⵙⵙⵏⵜⵍ ⵙ  ⵓⵏⴼⴰ ⵏⵏⵙ. ⵎⵍⴰⵏ ⴰⴽⴽⵯ ⵉⵎⵓⵙⵙⵓⵜⵏ ⵉⴳⵍⴷⴰⵏⵏ ⵜⴰⵣⴷⵉⵜ ⵏ ⵓⴳⵍⵍⵉⴷ ⵉ ⵢⵜⵉⴳⵏ ⴰⵡⵏⴳⵉⵎⵏ ⴷ ⵓⵏⴰⵎⵎⴰⵙ ⵏ ⵜⵏⴽⵔⴰ ⵙ ⵉⵣⵔⴼⴰⵏ ⵉⵏⴼⴳⴰⵏ ⴷ ⵓⵔⴰⵢ ⵏ ⵉⵄⵔⵔⵉⵎⵏ ⵡⵍⴰ ⵡⵎⵣⴰⵖ ⵏ ⵓⵎⵓⵏ ⴰⵎⵖⵔⴰⴱⵉ ⵅⴼ ⴽⵔⴰ ⵢⴳⴰⵜ ⵓⵙⵓⴳⵉ.

ⵅⴼ ⴽⵓⵍⵍⵓ ⵜⵉⵎⵏⵜⵉⵍⵉⵏ ⴰⴷ, ⵉⵖⵜⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉⵖ ⴱⵃⵔⵔⴰ ⵢⵉⵡⵉ ⵍⵅⴱⴰⵕ ⵉ ⵢⴼⵔⴷⵉⵙⵏ ⵏ ⵓⵙⴷⴰⵡ ⴰⴷ, ⴰⴷ ⵉⵏⵏⵓⵕⵥⵍ ⵢⴰⵏ ⵓⵙⴰⴳⴳⵓ ⵉⵖⴱⴰⵏ ⴰⴼⴰⴷ ⴰⴷ ⵥⵥⵍⵉⵏ ⵜⵎⵙⵜⴳⴳⴰⵔⵉⵏ ⴷ ⵜⵏⵇⵇⵉⴹⵉⵏ ⵏ ⵍⵅⴰⵍⴰⵍ ⵍⵍⵉ ⵢⵙⵙⵍⴽⵎⵏ ⵉ ⵡⵙⴷⵔⴼⵉ ⵢⴰⴷ ⴷ ⴰⴷ ⵜⵓⵙⵙⵏ ⵉⵎⵙⵜⴳⴳⴰⵔⵏ ⵏ ⵓⵡⵏⵓⵍ ⴰⴷ ⴰⴼⴰⴷ ⴰⴷ ⵜⵜⵓⵙⴽⴰⵔⵏ ⵜⵎⵔⵔⵓⵏ ⵉⵎⵙⴰⵙⴰⵏ. ⵔⴰⴷ ⵙⵓⵍ ⵜⵜⵓⴼⴽⴰⵏ ⵉⵏⴹⵏ ⵉ ⵡⵎⴰⵡⵙⴰⵙ ⵏ ⵜⵣⵔⴼⵜ ⴰⴼⴰⴷ ⴰⴷ ⵉⵙⵙⵓⵎⴷ ⵍⵉⵊⵔⴰⴻⴰⵜ ⵏ ⵓⵙⵙⵍⴳⵏ ⵏ ⵜⴼⴰⴷⵉⵏ ⵏ ⵓⵙⵓⵔⴼ ⴳ ⴽⵓⵍⵍⵓ ⵜⵉⴽⵍⵉⵜⵉⵏ ⵏⵏⵙ".

Dernière modification : 04 ⵖⵓⵛⵜ 2013
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%85%E2%B4%BC-%E2%B5%89%E2%B5%8E%E2%B5%94%E2%B5%99%E2%B5%89-%E2%B5%8F-%E2%B5%93%E2%B5%99%E2%B4%B7%E2%B5%94%E2%B4%BC%E2%B5%89-%E2%B5%8F-%E2%B5%A1%E2%B4%B0%E2%B5%8F%E2%B5%8F-%E2%B5%8D%E2%B5%8D%E2%B5%89-%E2%B5%8E%E2%B5%93-%E2%B5%A2%E2%B5%99%E2%B5%8E-%E2%B4%B7%E2%B4%B0%E2%B5%8F%E2%B5%A2%E2%B5%89%E2%B5%8D-%E2%B4%B3%E2%B4%B0%E2%B5%8D%E2%B4%B1%E2%B4%B0%E2%B5%8F-%E2%B4%BC%E2%B5%89%E2%B5%8F%E2%B4%B0#comment-0