Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵙⴰⵎⴰⵙ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⴰ ⵏ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵙⴰⵎⴰⵙ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⴰ ⵏ ⵡⴰⵢⵢⵓⵔ ⵏ ⵕⵎⴹⴰⵏ

04 ⵖⵓⵛⵜ 2013 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⴰⵎⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⴰ ⵏ ⵡⴰⵢⵢⵓⵔ ⵏ ⵕⵎⴹⴰⵏ.

ⵉⵙⵎⵓⵙⵙⴰ ⵎⴰⵙⵙ ⵜⴰⵡⴼⵉⵇ ⵍⵖⴰⵍⴰⴱⵣⵓⵔⵉ ,  ⴰⴳⵎⴰⵎ ⵏ ⵓⵙⵇⵇⵉⵎ ⵏ ⵍⵄⵓⵍⴰⵎⴰ ⵏ ⵍⵎⴹⵢⵇ ⴼⵏⵉⴷⵇ,  ⵜⴰⵎⵙⵙⵉⵔⴷⵜ ⴰⴷ, ⵅⴼ ⵜⵎⵔⵏⵓⵜ "ⵉⵙⴱⴷⴰⴷⵏ ⵉⵎⵙⴷⴷⵓⵔⵏ ⵏ ⵜⵜⵔⵛⵉⴷ ⵏ ⵍⴼⵜⵡⴰ ⵜⴰⵜⵔⴰⵔⵜ".

ⵉⵏⵏⴰ ⵢⵉⵏⴰⵡ ⵉⵙ ⵢⵓⵎⵣ ⵉⴳⵔ ⵏ ⵍⴼⵜⵡⴰ ⵢⴰⵏ ⵓⴷⵖⴰⵔ ⵉⵎⵙⴷⴷⵓⵔⵏ ⵅⴼ ⵓⵣⵎⵣ ⵍⵍⵉⵖ ⵏⵍⵍⴰ ⵍⵍⵉ ⵢⵙⵙⵏ ⵢⴰⵏ ⵓⵟⵟⵉⵇⵙ ⴰⵎⵓⵟⵟⵓⵏ ⴷ ⵉⴼⵔⵉ ⵍⵍⵉ ⵕⵥⵎⵏ ⵡⵉⵍⵍⵉ ⵢⵔⵡⴰⵙⵏ ⵍⵄⵓⵍⴰⵎⴰ ⵍⵍⵉ ⵢⵙⴽⵔⵏ ⵖ ⵍⴼⵜⵡⴰ ⵣⵓⵏⴷ ⴽⵔⴰ ⵓⵙⵖⵏⵣⵉ.

ⴼ ⵖⵉⴽⴰⵏⵏ, ⴳⴳⵓⵜⵏ ⵍⴼⵜⵡⴰⵜ ⵍⵍⵉ ⵡⵔ ⵄⴷⵍⵏⵉⵏ, ⴰⵛⴽⵓ ⵡⵉⵍⵍⵉ ⵜⵏ ⴼⴽⴰⵏ ⵓⵔ ⵙⵙⵉⵏⵏ ⵜⵉⵎⵙⵙⴰⵏⵉⵏ ⵉⵙⴳⴷⴰⵏ ⵉⵎⵖⵔⴰⵏ ⵙ ⵣⵓⵏⴷ ⵓⵙⵖⵍⴼ ⴰⴷ, ⵓⵔ ⴰⴽⴽⵯ ⵙⵙⵏⵏ ⵉⵙⵖⵍⴼⵏ ⵉⵎⵏⴰⴹⵏ ⵏ ⵉⵙⵓⵔⵙⵏ ⵍⵍⵉⵖ ⵍⵍⴰⵏ ⵎⴷⴷⵏ.

ⴷⴼⴼⵉⵔ ⵍⵍⵉⵖ ⵉⴼⴽⴰ ⵎⴰⵙⵙ ⵖⴰⵍⴰⴱⵣⵓⵔⵉ ⴽⵔⴰ ⵉⵎⴷⵢⴰⵏ ⵏ ⵍⴼⵜⵡⴰⵜ ⵓⵔ ⵄⴷⵉⵍⵏ, ⵉⵏⵏⴰ ⵉⵙ ⵉⵅⵚⵚⴰ ⴰⴷ ⵜⵏⵏⴰⵢ  « ⵜⴰⵇⵓⴱⴱⴰⵏⵉⵜ ⴰⵙⴳⴷⵏ » ⵙ ⵓⵣⵓⵣⵣⵔ ⵉⵙⵍⵎⴷⵏ ⵉⵙⴳⴷⵏ ⴰⴼⴰⴷ ⴰⴷ ⴼⵔⴳⵏ ⵎⴷⴷⵏ ⴳ ⵍⴼⵜⵡⴰⵜ ⵓⵔ ⵄⴷⵉⵍⵏ.

ⵉⵅⵚⵚⴰ ⵙⵓⵍ ⴰⴷ ⵃⵔⵔⴽⵏ ⵍⵓⵍⴰⵎⴰ ⵉⵎⵖⵔⴰⵜⵏ ⴰⴼⴰⴷ ⴰⴷ ⵓⵔ ⴰⵊⵊⵉⵏ ⵉⴳⵔ ⴰⴷ ⵉ ⵢⵔⵎⵉⴷⵉⵏ ⴰⴷ.

ⵉⵅⵚⵚⴰ ⴷⴰⵖ ⴰⴷ ⵉⵜⵜⵓⵙⵍⴳ ⴰⵏⴳⵔⴰⵡ ⵏ « ⵍⵊⴰⵣⴰⵜ », ⵎⴰⵢ ⴳⴰⵏ ⵍⵎⵄⵏⴰ ⵏⵏⵙ ⵉⵙ ⵓⵔ ⵉⵥⴹⴰⵕ ⴽⵔⴰ ⵢⴳⴰⵜ ⵍⵄⴰⵍⵉⵎ ⴰⴷ ⵉⴼⴽⴽⴰ ⵍⴼⵜⵡⴰ ⵉⵖ ⵓⵔ ⵉⴼⴽⵉ ⴰⴽⵓⴷ ⵏⵏⵙ ⴽⵉⵍⵍⵓⵜ ⵉ ⵢⴳⵔ ⴰⴷ.

ⵉⵔⵏⵓ ⵎⴰⵙⵙ ⵖⴰⵍⴰⴱⵣⵓⵔⵉ ⴽⵔⴰ ⵉⵏⵏⴰ ⵉⵙ ⵉⵅⵚⵚⴰ ⴰⴷ ⵉⵜⵜⵓⵙⴽⴰⵔ ⵢⴰⵏ ⵓⵙⵉⵏⴰⴳ ⵉⵎⵜⵡⴰⵍⵏ ⵅⴼ ⵓⵙⵎⵓⵜⵜⴳ ⵏ ⵍⴼⴰⵜⵡⴰ ⵜⴰⵎⴳⵔⵓⵜ ⴰⴼⴰⴷ ⴰⴷ ⵏⴼⵏ ⵉⵙⴰⵏⴼⵏ ⴳ ⵉⴳⵔ ⴰⴷ.

ⴼ ⵉⵎⵔⵙⵉ ⵢⴰⴷ ⴰⴼ ⵉⵙⴰⵡⵍ ⴷⴷⴰⵀⵉⵔ ⵏ 22 ⵉⴱⵔⵉⵔ 2004, ⵍⵍⵉⵖ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵉ « ⵢⵙⵇⵇⵉⵎⵏ ⵏ ⵍⵄⵓⵍⴰⵎⴰ » ⴰⵙⵖⵍⴼ ⴰⴷ ⵙⵙⵓⴼⵖ ⵍⴼⵜⵡⴰⵜ ⵙ ⵢⴰⵜ ⵜⵎⴰⵎⴽⵜ ⵜⴰⵎⴳⵔⵓⵜ.

ⵍⵍⵉⴳ ⵜⵎⵎⴰ ⵜⵎⵙⵙⵉⵔⴷⵜ ⴰⴷ, ⵣⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵍⵄⵓⵍⴰⵎⴰ ⴷ ⵉⵏⵎⵖⵓⵔⵏ ⵏ ⵓⵎⴰⴹⴰⵍ ⴰⵎⵓⵙⵍⵎ.

Fichier attaché :
Icône image sm_le_roi_-_causerie_-g.jpg
Dernière modification : 04 ⵖⵓⵛⵜ 2013
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%99%E2%B4%B0%E2%B5%8E%E2%B4%B0%E2%B5%99-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B4%B0#comment-0