ⵉⵖⵜⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵉⵙⵙⵔ ⴰⵙⵓⵔⴼ ⵍⵍⵉ ⵢⴰⴷⵍⵍⵉ ⵢⵜⵜⵓⴼⴽⴰⵏ ⵉ ⵡⴰⵏⵏ ⵍⵍⵉ ⵎⵓ ⵢⵙⵎ ⴷⴰⵏⵢⵉⵍ ⴳⴰⵍⴱⴰⵏ ⴼⵉⵏⴰ (ⴰⵙⵉⵡⴹ)

04 ⵖⵓⵛⵜ 2013 Version Imprimable

ⵕⵕⴱⴰⵟ - ⵉⵖⵜⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⴷ ⵉⵙⵙⵔ ⴰⵙⵓⵔⴼ ⵍⵍⵉ ⵢⴰⴷⵍⵍⵉ ⵢⵜⵜⵓⴼⴽⴰⵏ ⵉ ⵡⴰⵏⵏ ⵍⵍⵉ ⵎⵓ ⵢⵙⵎ ⴷⴰⵏⵢⵉⵍ ⴳⴰⵍⴱⴰⵏ ⴼⵉⵏⴰ, ⵍⵍⵉ ⵢⵟⵟⴰⴼⵏ ⵜⴰⵊⵉⵏⵙⵢⵢⴰⵜ ⵜⴰⵚⴱⵍⵢⵓⵏⵉⵜ, ⵎⴰⵢⴰⴷ ⴰⴷ ⵉⵏⵏⴰ ⵡⴱⵔⵙⵉⵔⴰ ⴰⴳⵍⴷⴰⵏ ⴳ ⵢⴰⵏ ⵓⵙⵉⵡⴹ. ⵀⴰ ⵡⵙⵉⵡⴹ ⵏⵏⵙ:

"ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵖⵜⵙ ⴰⴷ ⵉⵙⵙⵔ ⴰⵙⵓⵔⴼ ⵍⵍⵉ ⵢⴰⴷⵍⵍⵉ ⵢⵜⵜⵓⴼⴽⴰⵏ ⵉ ⵡⴰⵏⵏ ⵍⵍⵉ ⵎⵓ ⵢⵙⵎ ⴷⴰⵏⵢⵉⵍ ⴳⴰⵍⴱⴰⵏ ⴼⵉⵏⴰ, ⵍⵍⵉ ⵢⵟⵟⴰⴼⵏ ⵜⴰⵊⵉⵏⵙⵢⵢⴰⵜ ⵜⴰⵚⴱⵍⵢⵓⵏⵉⵜ.

ⵉⵖⵜⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵜⵓⵙⵙⵔⴰ ⵢⴰⴷ ⵉⵙⵍⵉⴷⵏ, ⵅⴼ ⵜⵣⴳⵍⵉⵏ ⵍⵍⵉ ⵢⵍⵍⴰⵏ ⴳ ⵜⵉⵣⵉⴳⵣ, ⴷ ⵏ ⵓⵅⵛⵓⵏ ⵏ ⵉⴱⴽⴽⵉⴹⵏ ⵍⵍⵉ ⵢⵜⵜⵓⵙⴽⴰⵔⵏ ⴷ ⵓⵣⵔⴰⴽ ⵏ ⵓⵣⵔⴼ ⵏ ⵉⵏⴳⵉⵙⵏ.

ⴷⴼⴼⵉⵔ ⵏ ⵜⵖⵜⴰⵙⵜ ⴰⴷ, ⵉⴼⴽⴰ ⵡⴳⵍⵍⵉⴷ ⵉⵏⴹⵏ ⵏⵏⵙ ⵢⴰⵜⵜⵓⵢⵏ ⵉ ⵡⵎⴰⵡⵙⴰⵙ ⵏ ⵜⵣⵔⴼⵜ ⴰⴼⴰⴷ ⴰⴷ ⵉⵙⵙⴼⵙⵉ ⴷ ⵓⵎⴰⵡⵙⴰⵙ ⴰⵚⴱⵍⵢⵓⵏⵉ ⵎⵉⵏ ⴷ ⵉⵇⵇⵉⵎⵏ ⵏ ⵜⵓⵙⵙⵔⴰ ⵏ ⵓⵙⵓⵔⴼ ⴰⴷ.

ⵙ ⵓⵙⴽⵜⵉ, ⵉⴼⴽⴰ ⵢⴰⴷⵍⵍⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹⵏ ⵏⵏⵙ ⴰⴷ ⵉⵏⵏⵓⵕⵥⵍ ⵢⴰⵏ ⵓⵙⴰⴳⴳⵓ ⵉⵖⴱⴰⵏ ⴰⴼⴰⴷ ⴰⴷ ⵥⵥⵍⵉⵏ ⵜⵎⵙⵜⴳⴳⴰⵔⵉⵏ ⴷ ⵜⵏⵇⵇⵉⴹⵉⵏ ⵏ ⵍⵅⴰⵍⴰⵍ ⵍⵍⵉ ⵢⵙⵙⵍⴽⵎⵏ ⵉ ⵡⵙⴷⵔⴼⵉ ⵢⴰⴷ ⴷ ⴰⴷ ⵜⵓⵙⵙⵏ ⵉⵎⵙⵜⴳⴳⴰⵔⵏ ⵏ ⵓⵡⵏⵓⵍ ⴰⴷ ⴰⴼⴰⴷ ⴰⴷ ⵜⵜⵓⵙⴽⴰⵔⵏ ⵜⵎⵔⵔⵓⵏ ⵉⵎⵙⴰⵙⴰⵏ".

Dernière modification : 04 ⵖⵓⵛⵜ 2013

Source URL: https://www.mapnews.ma/am/activites-royales/%E2%B5%89%E2%B5%96%E2%B5%9C%E2%B5%99-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B4%B7-%E2%B5%89%E2%B5%99%E2%B5%99%E2%B5%94-%E2%B4%B0%E2%B5%99%E2%B5%93%E2%B5%94%E2%B4%BC-%E2%B5%8D%E2%B5%8D%E2%B5%89-%E2%B5%A2%E2%B4%B0%E2%B4%B7%E2%B5%8D%E2%B5%8D%E2%B5%89-%E2%B5%A2%E2%B5%9C%E2%B5%9C%E2%B5%93%E2%B4%BC%E2%B4%BD%E2%B4%B0%E2%B5%8F-%E2%B5%89-%E2%B5%A1%E2%B4%B0%E2%B5%8F%E2%B5%8F-%E2%B5%8D%E2%B5%8D%E2%B5%89-%E2%B5%8E%E2%B5%93-%E2%B5%A2%E2%B5%99%E2%B5%8E#comment-0