ⵉⵎⵙⴰⵙⴰ ⵍⵎⵖⵔⵉⴱ ⴷ ⵉⵟⴰⵍⵢⴰ ⴰⴼⴰⴷ ⴰⴷ ⵣⵣⵔⴱⵏ ⴰⵣⵣⴳⵉⵔ ⵏ ⵜⴰⵎⴷⵔⴰⵡⵜ ⵏⵏⵙⵏ ⵜⴰⵙⵜⵕⴰⵜⵉⵊⵉⵜ ⵏ ⵎⵏⵏⴰⵡ ⵉⴳⵔⴰⵏ

09 ⵏⵓⵡⴰⵏⴱⵉⵔ 2021 Version Imprimable

ⵕⵕⴱⴰⵟ - ⵜⵎⵙⴰⵙⴰⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⴳⴷⵓⴷⵏⵜ ⵏ ⵉⵟⴰⵍⵢⴰ ⴰⴷ ⵣⵣⵔⴱⵏⵜ ⴰⵣⵣⴳⵉⵔ ⵏ ⵜⴰⵎⴷⵔⴰⵡⵜ ⵏⵏⵙⵏ ⵜⴰⵙⵜⵕⴰⵜⵉⵊⵉⵜ ⴳ ⵎⵏⵏⴰⵡ ⵉⴳⵔⴰⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵉⵛⵛⴰⵔⵏ ⵉⴼⴼⵖⴷ ⴰⵙⵙ ⵏ ⵓⵙⵉⵏⴰⵙ ⴷⴼⴼⵉⵔ ⵏ ⵉⵎⴹⵉⴽⵉⵕⵏ ⵏ ⵜⵉⵍⵉⴼⵓⵏ ⴳⵔ ⴰⵎⴰⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴷ ⵓⵎⴰⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵉⵟⴰⵍⵢⴰ ⵎⴰⵙⵙ ⵍⵡⵉⵊⵉ ⴷⵉ ⵎⴰⵢⵓ ⵎⴰⵙⵙ ⵙⴼⵓⵍⴽⵉⵏ ⵉⵎⴰⵡⴰⵏ ⵙⵙⵉⵏ ⵉⵎⵢⴰⵙⵙⴰⵏ ⵉⵖⵓⴷⴰⵏ ⵉⵍⵍⴰⵏ ⴳⵔ ⵍⵎⵖⵔⵉⴱ ⴷ ⵉⵟⴰⵍⵢⴰ .

ⵉⵔⵏⵓ ⵉⵍⵏⴰ ⵓⵙⵉⵡⴹ ⴰⴷ ⵎⴰⵙ ⵉⵎⵙⴰⵙⴰ ⵍⵎⵖⵔⵉⴱ ⴷ ⵉⵟⴰⵍⵢⴰ ⴰⴼⴰⴷ ⴰⴷ ⵣⵣⵔⴱⵏ ⴰⵣⵣⴳⵉⵔ ⵏ ⵜⴰⵎⴷⵔⴰⵡⵜ ⵏⵏⵙⵏ ⵜⴰⵙⵜⵕⴰⵜⵉⵊⵉⵜ ⵏ ⵎⵏⵏⴰⵡ ⵉⴳⵔⴰⵏ.

ⵉⵙⴷⴷⵉⴷ ⵓⵙⴰⴳⵎ ⴰⴷ ⵓⵍⴰ ⵎⴰⵙⵙ ⵙⵎⵢⵏⵓⵏ ⵉⵎⴰⵡⴰⵙⵏ ⵙⵉⵏ ⵜⵉⴽⵍⵜ ⵢⴹⵏ ⴰⵏⴼⴰ ⵏⵏⵙⵏ ⴰⵅⴰⵜⴰⵔ ⵙ ⵓⵔⴰⵢ ⵏ ⵓⵙⴰⵜⵉ ⴰⵣⵔⴼⴰⵏ ⵍⵍⵉ ⵉⵙⵎⵓⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵙⴷⵓⵙ ⵏⵏⵙ ⵍⵍⵉ ⵔⴰⴷ ⵢⴰⵊⵊⴰ ⴰⴹⴼⵕ ⴷ ⴰⵔⴳⴳⵉⴳ ⵏ ⵜⴰⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵏⵏⵙⵏ.

ⵉⵣⵎⵎⴻⵎ ⵓⵙⵉⵡⴹ ⵉⵛⵛⴰⵔⵏ ⵓⵍⴰ ⵎⴰⵙ ⵙⴷⴷⵉⴷⵏ ⵉⵎⴰⵡⵙⵏ ⵅⴼ ⴰⴷⴷⵓⵔ ⵏ ⵜⵉⵙⵏⵜⴰⵢⵉⵏ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⵉⵥⵍⵉⵏ ⵙ ⵜⵉⵎⵢⴰⵇⵇⴰⵏⵉⵏ ⵏ ⵜⴰⴳⵎⵔⵜ ⵜⴰⵢⵍⵍⴰⵏⵜ ⴷ ⵜⴰⴼⵍⵍⴰⵃⵜ ⴳⵔ ⵍⵎⵖⵔⵉⴱ ⴷ ⵜⴰⵎⵉⵏⵜ ⵏ ⵓⵕⵓⴱⴱⴰ.

ⵖⵎⴽⵍⵍⵉ ⵎⴷⴽⴰⵕⵏ ⵉⵎⴰⵡⴰⵙⴰⵏ ⵓⵍⴰ ⴼⴼ ⵉⵙⴷⴰⵡⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏ ⵉⵛⵛⴰⵔⵏ ⴳ ⵜⴰⵏ ⵉⵎⵊⵔⵉⵜⵏ ⵉⴳⵔⴰⵏ ⴳ ⵜⴰⵎⵓⵔⵜ ⵏ ⵍⵉⴱⵢⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B5%8E%E2%B5%99%E2%B4%B0%E2%B5%99%E2%B4%B0-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%89%E2%B5%9F%E2%B4%B0%E2%B5%8D%E2%B5%A2%E2%B4%B0-%E2%B4%B0%E2%B4%BC%E2%B4%B0%E2%B4%B7-%E2%B4%B0%E2%B4%B7-%E2%B5%A3%E2%B5%A3%E2%B5%94%E2%B4%B1%E2%B5%8F-%E2%B4%B0%E2%B5%A3%E2%B5%A3%E2%B4%B3%E2%B5%89%E2%B5%94-%E2%B5%8F-%E2%B5%9C%E2%B4%B0%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B5%8F%E2%B5%8F%E2%B5%99%E2%B5%8F-%E2%B5%9C%E2%B4%B0%E2%B5%99%E2%B5%9C%E2%B5%95%E2%B4%B0%E2%B5%9C%E2%B5%89%E2%B5%8A%E2%B5%89%E2%B5%9C-%E2%B5%8F-%E2%B5%8E%E2%B5%8F%E2%B5%8F%E2%B4%B0%E2%B5%A1