Published on MAPNews (https://www.mapnews.ma/am)

Accueil > ⴳ ⵓⵙⵙⴽⵜⵉ ⵡⵉⵙⵙ 62 ⵏ ⵓⵙⵙⵓⴼⵖ ⵏⵏⵙ, ⵜⴳⴰ "ⵍⴰⵎⴰⴱ" ⴰⴳⵊⴷⵉ ⴰⴳⴷⵓⴷⴰⵏ ⵏ ⵜⵏⵖⵎⴰⵙⵜ

ⴳ ⵓⵙⵙⴽⵜⵉ ⵡⵉⵙⵙ 62 ⵏ ⵓⵙⵙⵓⴼⵖ ⵏⵏⵙ, ⵜⴳⴰ "ⵍⴰⵎⴰⴱ" ⴰⴳⵊⴷⵉ ⴰⴳⴷⵓⴷⴰⵏ ⵏ ⵜⵏⵖⵎⴰⵙⵜ

17 ⵏⵓⵡⴰⵏⴱⵉⵔ 2021 Version Imprimable
ⵕⵕⴱⴰⵟ - ⵙ ⵓⵙⵙⴽⵜⵉ ⵡⵉⵙⵙ 62 ⵏ ⵜⵓⴳⵉ ⵏ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ "ⵎⴰⴱ" ⵜⴳⴰ ⴰⵙⵙⴰ ⴰⴳⵊⴷⵉ ⴰⵎⴰⵜⴰⵢ ⵏ ⵜⵏⵖⵎⴰⵙⵜ ⴷ ⵜⴰⵙⵏⵓⵔⴰⵢⵜ ⵏ ⵜⴰⵙⵓⵜ ⵜⵉⵙⵙ 21 ⵙ ⵜⴰⵙⵜⵔⴰⵜⵉⵊⵉⵜ ⵏⵏⵙ ⵜⴰⵅⴰⵜⴰⵔⵜ ⵍⵍⵉ ⵉⵜⵜⵢⴰⵡⵕⵥⴰⵎⵏ ⵓⴳⴳⴰⵔ ⵏ 10  ⵏ ⵉⵙⴳⴳⵯⴰⵙⵏ.

ⵙ ⵖⵎⴽⴰⴷ ⵜⵜⵙⵏⴼⵍ ⵜⵙⵏⵓⵔⴰⵢⵜ ⴳ ⵎⵔⴰⵡ ⵉⵙⴳⴳⵯⵙⵏ ⵉⵣⵔⵉⵏ ⵙⴳ ⵜⴰⵙⵏⵓⵔⴰⵢⵜ ⵉⵥⵍⵉⵏ ⵙ ⵜⵓⵙⵙⵉⴽⵜ ⴰⵔ ⵜⴰⵙⵏⵓⵔⴰⵢⵜ ⴷⴰⵔ ⵎⵏⵏⴰⵡⵜ ⵏ ⵜⵢⴰⴼⵓⵜⵉⵏ ⵍⵍⵉ ⵉⴷⵍⵏ ⴰⴽⴽⵯ ⵜⵉⵢⴰⴼⵓⵜⵉⵏ ⵜⵉⵏⵖⵎⴰⵙⵉⵏ.

ⵙ ⵜⵎⵏⵜⵉⵍⵜ ⵏ ⵎⵏⵏⴰⵡⵜ ⵏ ⵜⵢⴰⴼⵓⵜⵉⵏ ⵍⵍⵉ ⵜⴰⴽⴽⴰ   ⵜⴳⴰ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⴰⵏⴼⴽⴰⵢ ⴰⵅⴰⵜⴰⵔ ⵏ ⵉⵏⵖⵎⵉⵙⵏ ⵙⵍⴰⵡⴰⵏ ⴰⴽⴽⵯ ⴷⴼⴼⵉⵔ ⵏ ⵓⵎⵔⵙ ⵏ ⵜⵉⵍⵉⴼⵉⵣⵢⵓⵏ ⵏ ⵉⵏⵖⵎⵉⵙⵏ "ⵎ24" ⴷ ⵓⵏⵣⵡⴰⵢ ⵏⵏⵙ "ⵔⵉⵎ ⵕⴰⴹⵢⵓ".

ⵜⵙⵙⴷⵓⵙ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ  ⵓⵍⴰ ⴰⵏⵙⴰⵙ ⵏⵏⵙ ⴳ ⵎⴰⴷ ⵉⵥⵍⵉⵏ ⵙ ⵜⴰⵥⵕⵉⴳⵜ ⴳ ⴳⴰⵏ ⵉⵖⵎⵉⵙⵏ ⵏⵏⵙ "ⵎⴰⵕⵓⴽ ⵍⵓⵊⵓⵔ" ⴷ "ⵍⵢⴰⵡⵎ ⴰⵍⵎⵖⵔⵉⴱⵉ" ⴷ ⵜⴰⵙⵖⵓⵏⵜ ⵏ ⵡⴰⵢⵢⵓⵔ " ⴱⴰⴱ"   ⵙ ⵜⵓⵜⵍⵢⴰⵜ ⵜⴰⵄⵕⴰⴱⵜ ⴷ ⵜⴼⵕⴰⵏⵚⵉⵚⵜ  ⴷ ⵜⴰⵙⵖⵓⵏⵜ "ⵎⴰⵖⵔⵉⴱ1" ⵙ ⵜⵓⵜⵍⵢⴰⵜ ⵜⴰⵄⵕⴰⴱⵜ ⴷ ⵜⴼⵕⴰⵏⵚⵉⵚⵜ ⵍⵍⵉ ⵉⵥⵍⵉⵏ ⵙ ⵓⵙⵎⵏⵉⴷ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴳ ⵜⴰⵙⴳⴰ ⵏ ⵍⵎⵖⵔⵉⴱ ⴰⵎⵇⵔⴰⵏ.

ⵖⵎⴽⵍⵍⵉ ⴰⵔ ⴷ ⵜⵙⵙⵓⴼⵓⵖ ⵜⵙⵏⵓⵔⴰⵢⵜ ⵢⴰⵏ ⴰⵍⴱⵓⵎ ⵏ ⵜⵡⵍⴰⴼⵉⵏ ⴷ "ⵍⵎⵖⵔⵉⴱ ⵖⵉⵍⴰⴷ " ⴷ "ⵉⵏⵖⵎⵉⵙⵏ ⵏ ⵍⵎⵖⵔⵉⴱ " ⴽⵔⴰ ⵉⴳⴰⵜ ⴰⵙⴳⴳⵯⴰⵙ ⵙ ⴽⵯⵓⵥⵜ ⵜⵓⵜⵍⴰⵢⵉⵏ ⴷ ⵖⴰⵡⵙⵉⵡⵉⵏ ⵢⴰⴹⵏ.

ⴳ ⵜⴰⵙⴳⴰ ⵢⴰⴹⵏ ⵜⵕⵥⵎ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⵍⵍⵉ ⴷⴰⵔ ⵉⵍⵍⴰ 20 ⵏ ⵓⵙⵉⵜ ⵏ ⵉⵖⵎⵉⵙⵏ ⵏ ⵜⵉⵙⴳⵡⵉⵏ ⴰⵙⴳⴳⵯⴰⵙ 2021 ⵢⴰⵏ ⵓⵙⵉⵜ ⵏ ⵉⵏⵖⵎⵉⵙⵏ ⴰⵎⴰⵢⵏⵓ  "Dibnews.ma" ⵍⵍⵉ ⵉⵥⵍⵉⵏ ⵙ ⵉⵄⵔⵔⵉⵎⵏ ⴳⵔ 15 ⴰⵔ 35 ⵏ ⵓⵙⴳⴳⵯⴰⵙ.

 ⴰⴼⴰⴷ ⴰⴷ ⵜⴹⴼⵕ ⵜⴰⵏⵓⵔⴰⵢⵜ ⵜⴰⵡⵓⵔⵉ ⵏ ⵓⵙⵡⵓⴷⴷⵓ ⵜⵙⵔⵙ ⵢⴰⵜ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵜ 2023-2027 ⴰⴼⴰⴷ ⴰⴷ ⵜⵙⵙⴼⵓⵍⴽⵉ ⵓⴳⴳⵯⴰⵔ ⴰⵏⵙⴰⵏⵏ ⴳ ⵓⵙⵡⵉⵔ ⵏ ⵉⴼⵔⵉⵇⵢⴰ ⴷ ⵜⴰⵙⴰⴳⴰ ⴷ ⵓⵎⴰⴹⴰⵍ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B3-%E2%B5%93%E2%B5%99%E2%B5%99%E2%B4%BD%E2%B5%9C%E2%B5%89-%E2%B5%A1%E2%B5%89%E2%B5%99%E2%B5%99-62-%E2%B5%8F-%E2%B5%93%E2%B5%99%E2%B5%99%E2%B5%93%E2%B4%BC%E2%B5%96-%E2%B5%8F%E2%B5%8F%E2%B5%99-%E2%B5%9C%E2%B4%B3%E2%B4%B0-%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B4%B0%E2%B4%B3%E2%B5%8A%E2%B4%B7%E2%B5%89-%E2%B4%B0%E2%B4%B3%E2%B4%B7%E2%B5%93%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%8F%E2%B5%96%E2%B5%8E%E2%B4%B0%E2%B5%99%E2%B5%9C