Published on MAPNews (https://www.mapnews.ma/am)

Accueil > ⵉⵥⵥⵓⵍⵍ ⵍⴰⵎⵉⵔ ⵏ ⵉⵎⵓⵎⵏ ⵜⴰⵥⵍⵍⵉⵜ ⵏ ⵜⴼⵓⴳⵍⴰ ⵏ ⵍⴼⵉⵟⵕ ⴳ ⵜⵎⵣⴳⵉⴷⴰ ⵏ ⴰⵀⵍ ⴼⴰⵙ ⴳ ⵕⵕⴱⴰⵟ ⵍⴽⵎⵏⵜ ⵓⵍⴰ ⵜⵜⴰⵀⴰⵏⵉ ⵙ ⵓⵣⵎⵣⵣⵓ ⴰⴷ ⵉⵎⵎⵔⵏ
  1. Accueil
  2. Activités royales

ⵉⵥⵥⵓⵍⵍ ⵍⴰⵎⵉⵔ ⵏ ⵉⵎⵓⵎⵏ ⵜⴰⵥⵍⵍⵉⵜ ⵏ ⵜⴼⵓⴳⵍⴰ ⵏ ⵍⴼⵉⵟⵕ ⴳ ⵜⵎⵣⴳⵉⴷⴰ ⵏ ⴰⵀⵍ ⴼⴰⵙ ⴳ ⵕⵕⴱⴰⵟ ⵍⴽⵎⵏⵜ ⵓⵍⴰ ⵜⵜⴰⵀⴰⵏⵉ ⵙ ⵓⵣⵎⵣⵣⵓ ⴰⴷ ⵉⵎⵎⵔⵏ

09 ⵖⵓⵛⵜ 2013 Version Imprimable
ⵕⵕⴱⴰⵟ - ⵉⵥⵥⵓⵍⵍ ⴰⵙⵙ ⴰⴷ ⵏ ⵓⵙⵉⵎⵡⴰⵙ ⵍⴰⵎⵉⵔ ⵏ ⵉⵎⵓⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵍⵍⵉ ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ ⵜⴰⵥⵍⵍⵉⵜ ⵏ ⵜⴼⵓⴳⵍⴰ ⵏ ⵍⴼⵉⵟⵕ ⴳ ⵜⵎⵣⴳⵉⴷⴰ ⵏ ⴰⵀⵍ ⴼⴰⵙ ⵏ ⵍⵎⵉⵛⵡⴰⵕ ⴳ ⵕⵕⴱⴰⵟ ,ⵖⵎⴽⵍⵍⵉ ⵜ ⵍⴽⵎⵏⵜ ⵜⵜⴰⵀⴰⵏⵉ ⵙ ⵓⵣⵎⵣⵣⵓ ⴰⴷ ⵉⵎⵎⵔⵏ.

ⴷⴼⴼⵉⵔ ⵏ ⵜⵥⵍⵍⵉⵜ ⵉⵏⵏⴰ ⵍⵉⵎⴰⵎ ⴳ ⵜⵉⵏⴰⵡⵜ ⵏⵏⵙ ⵎⴰⵙ ⵉⴳⴰ ⵡⴰⵢⵢⵓⵔ ⵏ ⵕⵎⴹⴰⵏ ⵢⴰⵏ ⵓⵣⵎⵣⵣⵓ ⵍⵍⵉⵖ ⵉⵜⵜⵉⴳⵓⵜ ⵓⴼⵓⵍⴽⵉ ⵖⵎⴽⵍⵍⵉ ⵉⵜⵜⵢⴰⵡⵙⵙⴰⵏ ⴳ ⵍⵎⵖⵔⵉⴱ ⵙ ⵎⴰⵙ ⴰⵔ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⵜⵉⵎⵙⵙⵉⵔⴷⵉⵏ ⵜⵉⵃⴰⵙⴰⵏⵉⵏ ⵏ ⵕⵎⴹⴰⵏ ⵍⵍⵉⵖ ⴰⴷ ⵜⵜⴷⵔⵓⵏ ⵍⵄⵓⵍⴰⵎⴰ ⵏ ⵜⵎⵉⵣⴰⵔ ⵏ ⵓⵎⴰⴷⴰⵍ.

ⵉⵔⵏⵓ ⵉⵏⵏⴰ ⵍⵉⵎⴰⵎ ⵎⴰⵙ ⵜⵣⵔⵉ ⴳ ⵡⴰⵢⵢⵓⵔ ⴰⴷ ⵢⴰⵜ ⵜⴼⵓⴳⵍⴰ ⵜⴰⵅⴰⵜⴰⵔⵜ ⵍⵍⵉ ⵉⴳⴰⵏ ⵜⴰⴼⵓⴳⵍⴰ ⵏ ⵓⴷⴰⴱⵓ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.
ⴷⴼⴼⵉⵔ ⵏ ⵎⴰⵢⴰⴷ ⵍⴽⵎⵏⵜ ⴰⴳⵍⵍⵉⴷ ⵜⵜⴰⵀⴰⵏⵉ ⵏ ⵉⵎⵙⵇⴰⴷⵏ ⵏ ⵜⵎⵉⵣⴰⵔ ⵜⵉⵎⵓⵙⵍⵎⵉⵏ ⵍⵍⵉ ⵣⵣⵓⵍⵏ ⴱⴰⴱ ⵏ ⵡⴰⴷⴷⵓⵔ.

ⴳ ⵜⴰⴳⴰⴷⵉⵔⵜ ⵜⴰⴳⵍⴷⴰⵏⵜ ⵍⴽⵎⵏⵜ ⵍⴰⵎⵉⵔ ⵏ ⵉⵎⵓⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵍⵍⵉ ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⵜⴰⵀⴰⵏⵉ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ.

ⵖⵎⴽⵍⵍⵉ ⵣⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⵉⵏⵙⵙⵉⵅⴼⵏ ⵏ ⵜⵏⴱⴰⴹⵜ ⴷ ⵓⴱⵔⵍⴰⵎⴰⵏ ⴷ ⵉⵎⵛⵛⵉⵡⵕⵏ ⵏ ⵓⴳⵍⵍⵉⴷ ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⴷ ⵉⴹⴳⴳⵯⴰⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵉⵎⵇⵔⴰⵏⵏ ⵏ ⵍⵉⵟⵟⴰ ⵎⴰⵊⵓⵕ ⵓⵍⴰ ⵙⵓⵍ ⵎⵎⵏⴰⵡ ⵉⵏⵎⵖⵓⵔⵏ ⵉⵄⵙⴽⵔⵉⵢⵏ ⴷ ⵉⵖⵔⵉⵎⵏ.

Dernière modification : 09 ⵖⵓⵛⵜ 2013
Source URL: https://www.mapnews.ma/am/activites-royales/%E2%B5%89%E2%B5%A5%E2%B5%A5%E2%B5%93%E2%B5%8D%E2%B5%8D-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F-%E2%B5%9C%E2%B4%B0%E2%B5%A5%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%8D%E2%B4%BC%E2%B5%89%E2%B5%9F%E2%B5%95-%E2%B4%B3-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B4%B0%E2%B5%80%E2%B5%8D-%E2%B4%BC%E2%B4%B0%E2%B5%99-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%8D%E2%B4%BD%E2%B5%8E%E2%B5%8F%E2%B5%9C#comment-0