ⵜⵏⵏⴰ ⵓⵍⵎⴰⵏⵢⴰ ⵎⴰⵙ ⵉⵙ ⵉⴳⴰ ⵓⵖⴰⵡⴰⵙ ⵏ ⵜⵙⵉⵎⴰⵏⵜ "ⵜⴰⴷⵔⴰⵡⵜ ⵉⴷⴷⵓⵔⵏ" ⵏ ⵍⵎⵖⵔⵉⴱ ⴳ ⵓⵎⵙⴰⵙ ⵏ ⵓⵎⵏⵣⴰⵖ ⵅⴼ ⵚⵚⵃⵕⴰ ⵜⴰⵎⵖⵔⴰⴱⵉⵜ

14 ⴷⵓⵊⴰⵏⴱⵉⵔ 2021 Version Imprimable

ⴱⵉⵔⵍⵉⵏ - ⵜⵏⵏⴰ ⵜⵎⴰⵡⴰⵙⵜ ⵜⴰⴼⵉⴹⵉⵕⴰⵍⵉⵜ ⵏ ⴰⵍⵎⴰⵏⵢⴰ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴰⵙⵙ ⵏ ⵓⵢⵏⴰⵙ ⴳ ⵢⴰⵏ ⵓⵙⵉⵡⴹ ⵎⴰⵙ ⵉⴳⴰ ⴰⵖⴰⵡⴰⵙ ⵏ ⵜⵙⵉⵎⴰⵏⵜ "ⵜⴰⴷⵔⴰⵡⵜ ⵉⴷⴷⵓⵔⵏ" ⵏ ⵍⵎⵖⵔⵉⴱ ⴳ ⵓⵎⵙⴰⵙ ⵏ ⵓⵎⵏⵣⴰⵖ ⵅⴼ ⵚⵚⵃⵕⴰ ⵜⴰⵎⵖⵔⴰⴱⵉⵜ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ "ⵜⵏⵏⴰⵍ ⴰⵍⵎⴰⵏⵢⴰ ⵜⵓⴳⴳⴰⵣ ⵜⵢⴰⴽⴽⴰⵏ ⵙⴳ ⵓⵎⴰⵣⴰⵏ ⴰⵏⴼⴳⴰⵏ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⵙⵜⵉⴼⴰⵏ ⴷⵉ ⵎⵉⵙⵜⵓⵔⴰ ⴰⴼⴰⴷ ⵏ ⵓⵙⵙⵍⴽⵎ ⵉ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⴷ ⵓⵣⵔⴼⴰⵏ ⴷ ⵓⵎⵖⵍⴰⵍ ⴷ ⵉⵇⴱⵉⵍⵏ ⵉⴱⵉⴷⴷⵏ ⵅⴼ ⵜⵖⵜⴰⵙⵜ 2602.

ⴳ ⵜⵙⴳⴰ ⵢⴰⴹⵏⵉⵏ ⵜⵙⵔⵙ ⵜⵏⴱⴰⴹⵜ ⵜⴰⴼⵉⴹⵉⵔⴰⵍⵉⵜ ⵏ ⴰⵍⵎⴰⵏⵢⴰ ⵜⵉⴼⴰⵡⵜ ⵅⴼ " ⵜⵉⵍⴰⵍⵜ ⵉⴷⴷⵓⵔⵏ" ⵖⵓⵔ ⵜⴳⵍⴷⵉⵜ " ⴰⴼⴰⴷ ⵏ ⵓⵔⴳⴳⵉⴳ ⴷ ⵜⴳⵎⵉ ⵜⵙⵓⵍⴰⵏⵜ ⴳ ⵜⵙⴳⴰ ⵙⵍⴰⵡⴰⵏ ⴰⴽⴽⵯ ⴳ ⵜⵓⴳⴳⴰⵣ ⵏⵏⵙ ⵜⵉⴷⵉⴱⵍⵓⵎⴰⵙⵢⵉⵏ ⵉ ⵜⵎⵖⵍⴰ ⵏ ⵙⵙⵍⴰⵎⵜ ⴳ ⵍⵉⵉⴱⵢⴰ".

ⵉⵙⴰⵡⵍ ⵓⵍⴰ ⵡⵙⵉⵡⴹ ⵏ ⵜⵎⴰⵡⴰⵙⵜ ⵏ ⴰⵍⵎⴰⵏⵢⴰ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵅⴼ "ⵉⵚⵍⴰⵃⴰⵜ ⵉⵡⵡⵙⵄⵏ" ⵜⵜⵓⵣⴳⵉⵔⵏ ⵙⴳ ⵜⴳⵍⴷⵉⵜ ⴳ ⵜⵙⵓⵜ ⵉⵣⵔⵉⵏ ⴷ ⵜⵉⵍⴰⵍⵜ ⵏⵏⵙ ⴰⵎⵎ" ⵜⵓⵇⵇⵏⴰ" ⵉⴷⴷⵓⵔⵏ ⵙⵎⴰⵏ ⵉⵣⵣⵍⵎⴹ ⴷ ⵉⴼⴼⵓⵙ ⴳ ⵓⵙⵡⵉⵔ ⴰⵙⵔⵜⴰⵏ ⵓⵍⴰ ⴰⴷⵍⵙⴰⵏ ⴷ ⵓⴷⵎⵙⴰⵏ .

ⴳ ⵓⵙⴰⵜⵉ ⴷⵖ ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵉⴳ ⴰⵍⵎⵖⵔⵉⴱ " ⴰⵎⴷⵔⴰⵡ ⴰⴷⵍⵙⴰⵏ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⴳ ⵉⵣⵣⵍⵎⴹ ⵏ ⵉⴼⵔⵉⵇⵢⴰ" ⵉⵙⴰⵡⵍ ⵅⴼ ⵜⵖⵔⴰ ⵏ ⵉⵙⵏⴼⴰⵍⵏ ⵉⴷⵎⵙⴰⵏⵏ ⴷ ⵉⴷⵍⵙⴰⵏⵏ ⴷ ⵉⵙⴱⴱⴰⴱⵏ ⴳⵔ ⵜⴳⴷⵍⵉⵜ ⴷ ⴰⵍⵎⴰⵏⵢⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%8F%E2%B5%8F%E2%B4%B0-%E2%B5%93%E2%B5%8D%E2%B5%8E%E2%B4%B0%E2%B5%8F%E2%B5%A2%E2%B4%B0-%E2%B5%8E%E2%B4%B0%E2%B5%99%C2%A0-%E2%B5%89%E2%B5%99%C2%A0-%E2%B5%89%E2%B4%B3%E2%B4%B0%C2%A0-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B5%99%E2%B5%89%E2%B5%8E%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B5%89%E2%B4%B7%E2%B4%B7%E2%B5%93%E2%B5%94%E2%B5%8F-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B5%93%E2%B5%8E%E2%B5%99%E2%B4%B0%E2%B5%99-%E2%B5%8F