ⵜⵓⵊⵊⴰ ⵏ ⵜⵙⵓⵜⵍⵜ ⵜⵉⵙⵙ 12 ⵏ ⵓⵏⵎⵓⴳⴳⴰⵔ ⴰⵎⴰⴹⵍⴰⵏ ⵏ ⵍⴼⵉⵍⵎ ⵓⵏⵜⵉⵎ ⴳ ⵅⵔⵉⴱⴳⴰ ⴰⵔ 24 ⴱⵕⴰⵢⵕ ⴰⴷ ⵢⵓⵛⴽⴰⵏ

14 ⴷⵓⵊⴰⵏⴱⵉⵔ 2021 Version Imprimable

ⵅⵔⵉⴱⴳⴰ - ⵜⵙⴳⵓⵔⴰ ⵜⵎⵙⵎⵓⵏⵜ ⵏ ⵓⵏⵎⵓⴳⴳⴰⵔ ⴰⵎⴰⴹⵍⴰⵏ ⵏ ⵍⴼⵉⵍⵎ ⵓⵏⵜⵉⵎ ⴳ ⵅⵔⵉⴱⴳⴰ ⵎⴰⵙ ⵜⵜⵓⵊⴰ ⵏ ⵓⵙⵏⵎⵍⴰ ⵏ ⵜⵙⵓⵜⵍⵜ ⵜⵉⵙⵙ 12 ⵏ ⵓⵏⵎⵓⴳⴳⴰⵔ ⴰⵔ ⵓⵣⵎⵣ ⴳⵔ 24 ⴷ 27 ⴱⵕⴰⵢⵕ ⴰⴷ ⵢⵓⵛⴽⴰⵏ ⵎⴰⵢⴰⴷ ⵉⵎⵓⵏ ⴷ ⵉⵙⵡⵓⴷⴷⵓⵏ ⵉⴷⵓⵙⴰⵏⵉⵏ ⵉⵏⴰⵎⵓⵔⵉⵏ ⴷⴰⵜ ⵏ ⵓⵙⴼⵙⵔ ⵏ ⵓⴼⵉⵔⵓⵙ ⴽⵓⵕⵓⵏⴰ ⴰⵎⴰⵢⵏⵓ .

ⵜⴼⵔⴰ ⵜⵏⵏⴰ ⵜⵎⴰⵙⵎⵓⵏⵜ ⴳ ⵢⴰⵏ ⵓⵙⵉⵡⴹ ⴳ ⵓⵣⵎⵎⵣⵓ ⴷⵖ ⵎⴰⵙ ⵜⵓⵊⵊⴰ ⵏ ⵜⵙⵓⵜⵍⵜ ⴰⴷ ⵍⵍⵉ ⵔⴰⴷ ⵜⵙⵏⵎⴰⵍⴰ ⴳⵔ 22 ⴷ 25 ⴷⵓⵊⴰⵏⴱⵉⵔ ⴰⴷ ⵉⴽⵛⵎ " ⵉⵎⵓⵏ ⵏ ⵜⵖⵜⴰⵙⵜ ⵜⵓⵏⴱⵉⴹⵜ ⵏ ⵓⵙⴱⵉⴷ ⵏ ⴰⴽⴽⵯ ⵉⵏⵎⵓⴳⴳⴰⵔⵏ ⴷ ⵉⵎⵃⵣⵡⴰⵔⵏ ⵉⴷⵎⵙⴰⵏⵏ ⴷ ⵡⵉⵏⵏ ⵏ ⵜⴰⵥⵓⵕⵉ ⵖⵉⴽ ⵏⵏⴰⵏ ⴰⵃⴽⴰⵎ ⵏ ⵓⵙⵍⴳⵏ ⵉⵣⵍⵉⵏ ⵙ ⵓⵙⵡⵓⴷⴷⵓ ⵏ ⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴷ ⵓⵙⴷⵓⵙ ⵏ ⵉⵎⴰⴽⵏ ⵏ ⵓⵃⵟⵟⵓ ⵉⵅⵚⵚⴰⵏ ⵏ ⵡⵜⵜⵓ ⵏ ⵓⵙⴼⵙⵔ ⵏ ⴽⵓⵕⵓⵏⴰ .

ⵜⵙⴽⴽⵜⵉ ⵜⵎⵙⵎⵓⵏⵜ ⵏ ⵓⵏⵎⵓⴳⴳⴰⵔ ⵏ ⵓⵏⵜⵉⵎ ⴳ ⵅⵔⵉⴱⴳⴰ ⵎⴰⵙ ⵜⵓⵎⵣ ⵜⵙⵓⵜⵍⵜ ⴰⴷ ⵉⵙⵎ ⵏ ⵉⴳⵍⵍⵉⵏ ⵏ ⵙⵙⵉⵏⵉⵎⴰ ⴰⵎⵖⵔⵉⴱⵉ ⵏⵓⵔ ⴷⴷⵉⵏ ⵚⵚⴰⵢⵍ ⴳ ⵓⵙⵎⵖⵔ ⵏⵏⵙ ⵎⴰⴷ ⵉⴽⴽⴰ ⵉ ⵙⵙⵉⵏⵉⵎⴰ ⴷ ⵜⵉⵍⴰⵍⵜ ⵏⵏⵙ ⴳ ⵉⴳⵍ ⵏ ⵉⴳⵔ ⴰⴷⵎⵙⴰⵏ ⴷ ⵓⵅⵎⵎⵓⵎ ⴰⵏⴰⵎⵓⵔ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%93%E2%B5%8A%E2%B5%8A%E2%B4%B0-%E2%B5%8F-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-12-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F-%E2%B5%8F-%E2%B5%8D%E2%B4%BC%E2%B5%89%E2%B5%8D%E2%B5%8E-%E2%B5%93%E2%B5%8F%E2%B5%9C%E2%B5%89%E2%B5%8E-%E2%B4%B3-%E2%B5%85%E2%B5%94%E2%B5%89%E2%B4%B1%E2%B4%B3%E2%B4%B0-%E2%B4%B0%E2%B5%94-24-%E2%B4%B1%E2%B5%95%E2%B4%B0%E2%B5%A2%E2%B5%95-%E2%B4%B0%E2%B4%B7