ⵎⴰⵙⵙ ⴱⵏⵢⵢⵓⴱ ⴳ ⵓⵙⴳⵔⴰⵡ ⵏ "ⵍⴰⵎⴰⴱ" ⴰⵙⵏⵎⴰⵍⴰ ⵏ ⵓⴳⵔⴰⵡ ⴰⵎⴰⵙⵙⴰⵏ ⴰⵎⵙⴷⴰⵡ ⵅⴼ ⵉⵣⵔⴼⴰⵏⵏ ⵏ ⵓⴼⴳⴰⵏ ⴳ ⵓⵇⵇⵏ ⵏ ⵉⴱⵔⵉⵔ ⵢⵓⵛⴽⴰⵏ

14 ⴷⵓⵊⴰⵏⴱⵉⵔ 2021 Version Imprimable

ⵕⵕⴱⴰⵟ - ⵉⵙⴳⵓⵔⴰ ⵓⵎⴰⵔⵉ ⵓⵎⴰⵡⵙⴰⵙ ⵉⵜⵜⵓⵙⵎⴰⴳⵍⵏ ⵙ ⵉⵣⵔⴼⴰⵏⵏ ⵏ ⵓⴼⴳⴰⵏ ⵎⴰⵙⵙ ⴰⵃⵎⴰⴷ ⵛⴰⵡⵇⵉ ⴱⵏⵢⵢⵓⴱ ⴰⵙⵙ ⵏ ⵓⵙⵉⵏⴰⵙ ⵖ ⵕⵕⴱⴰⵟ ⵅⴼ ⴰⵙⵏⵎⴰⵍⴰ ⵏ ⵓⴳⵔⴰⵡ ⴰⵎⴰⵙⵙⴰⵏ ⴰⵎⵙⴷⴰⵡ ⵅⴼ ⵉⵣⵔⴼⴰⵏⵏ ⵏ ⵓⴼⴳⴰⵏ ⴳ ⵜⵙⵓⵜⵍⵜ ⵏⵏⵙ ⵏ ⵉⴱⵉⴷⴷⵏ ⴳ ⵓⵇⵇⵏ ⵏ ⵉⴱⵔⵉⵔ ⵢⵓⵛⴽⴰⵏ .

ⵉⵏⵏⴰ ⵎⴰⵙⵙ ⴱⵏⵢⵢⵓⴱ ⵎⴰⵢⴰⴷ ⵉⴳⴰⵏ ⵓⵏⴱⴳⵉ ⵏ ⵓⵙⴳⵔⴰⵡ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ"ⵍⴰⵎⴰⴱ" ⵎⵔⴰ ⴰⴷ ⵉⵙⵎⵏⵉⴷ ⵜⵏⴰⴹⵜ ⵅⴼ " " ⵉⵎⵍⴰ ⵉⵣⵍⵉⵏ ⴳ ⵉⴳⵔ ⵏ ⵓⵔⴰⵢ ⵏ ⵉⵣⵔⴼⴰⵏⵏ ⵏ ⵓⴼⴳⴰⵏ" ⵎⴰⵙ ⴰⵙⵏⵎⴰⵍⴰ ⵏ ⵓⴳⵔⴰⵡ ⴰⵎⴰⵙⵙⴰⵏ ⵉⴽⵛⵎ ⴳ ⵓⵎⵎⴰⵙ ⵏ ⵉⵎⵙⴰⵡⴰⵍⵏ ⵍⵍⵉ ⵜⵜⵓⵙⴽⴰⵔⵏ ⴳ ⵓⵙⵙⴰⵏ ⵣⵔⵉⵏⵉⵏ ⵅⴼ ⴰⵖⴰⵡⴰⵙ ⵏ ⵜⵡⵓⵔⵉ ⵜⴰⵏⴰⵎⵓⵔⵜ ⴳ ⵉⴳⵔ ⵏ ⵜⴷⵉⵎⵓⵇⵕⵟⵉⵜ ⴷ ⵉⵣⵔⴼⴰⵏⵏ ⵏ ⵓⴼⴳⴰⵏ.

ⵉⵙⵓⵍ ⵉⵏⵏⴰ ⵓⵎⴰⵔⵉ ⴰⵎⴰⵡⵙⴰⵙ ⵎⴰⵙ ⵔⴰⴷ ⵜⵜⵓⵙⵏⵎⴰⵍⴰ ⵓⴳⵔⴰⵡ ⴰⵎⴰⵙⵙⴰⵏ ⴰⵎⵙⴷⴰⵡ ⵅⴼ ⵉⵣⵔⴼⴰⵏⵏ ⵏ ⵓⴼⴳⴰⵏ ⵙ ⵓⵎⵢⴰⵡⴰⵙ ⴷ ⵜⵙⴷⴰⵡⵉⵏ ⴷ ⵜⵖⴰⵡⵉⵏ ⵉⵎⵙⵜⴳⴳⴰⵔⵏ ⴷ ⵜⴷⵔⴰⵡⵜ ⵏ ⵉⵎⵉⵔⵏ ⴷ ⵉⴳⵣⵣⵓⵎⵏ ⵉⵣⵍⵉⵏ ⵙ ⵉⴳⵔ ⵏ ⵉⵣⵔⴼⴰⵏⵏ ⵏ ⵓⴼⴳⴰⵏ ⴷ ⵓⵍⴰ ⵉⵏⴰⵎⵓⵔⵉⵏ ⵉⵔⵏⴰ ⵢⵉⵏⵏⴰ ⵎⴰⵙ ⵔⴰⴷ ⵉⴳ ⵓⴳⵔⴰⵡ ⴰⵏⵙⴰ ⵏ ⵓⵙⵏⴼⵍ ⵏ ⵜⵏⴰⵢⵜ ⴷ ⵔⴰⴷ ⵢⵉⵍⵉ ⵖⵓⵔⵙ ⵜⵙⵓⵜⵍⵜ ⵜⴰⵎⵙⴳⴳⵯⴰⵙⵜ ⴷ ⵜⵙⵓⵜⵍⵉⵏ ⵢⴰⴹⵏⵉⵏ ⵉⵏⵎⵏⴰⴹⵉⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%8F%E2%B5%A2%E2%B5%A2%E2%B5%93%E2%B4%B1-%E2%B4%B3-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B4%B0%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%8E%E2%B4%B0%E2%B5%99%E2%B5%99%E2%B4%B0%E2%B5%8F-%E2%B4%B0%E2%B5%8E%E2%B5%99%E2%B4%B7%E2%B4%B0%E2%B5%A1-%E2%B5%85%E2%B4%BC-%E2%B5%89%E2%B5%A3%E2%B5%94%E2%B4%BC%E2%B4%B0%E2%B5%8F%E2%B5%8F-%E2%B5%8F-%E2%B5%93%E2%B4%BC%E2%B4%B3%E2%B4%B0%E2%B5%8F-%E2%B4%B3