ⴽⵓⴼⵉⴷ 19 .. ⵜⵉⵖⵟⴰⵙⵉⵏ ⵉⵖⵓⴷⴰⵏ ⵍⵍⵉ ⵜⵙⴽⵔ ⵜⵏⴱⴰⴹⵜ ⴰⵡⵙⵏⵜ ⴰⴷ ⵢⴰⵏⴼ ⵍⵎⵖⵔⵉⴱ ⵉ ⵜⵉⵎⵓⴽⵔⵉⵙⵉⵏ (ⴰⵏⵙⵙⵉⵅⴼ ⵏ ⵜⵏⴱⴰⴹⵜ)

01 ⴱⵕⴰⵢⵕ 2022 Version Imprimable

ⵕⵕⴱⴰⵟ - ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ ⵎⴰⵙ ⴰⵡⵙⵏⵜ ⵜⵖⵟⴰⵙⵉⵏ ⵉⵖⵓⴷⴰⵏ ⵍⵍⵉ ⵜⵙⴽⵔ ⵜⵏⴱⴰⴹⵜ ⴷⴷ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵙⴰⵜⵉ ⵏⵓⵙⴱⴷⴷ ⵏ ⴽⵓⴼⵉⴷ 19 ⴰⴷ ⵢⴰⵏⴼ ⵍⵎⵖⵔⵉⴱ ⵉ ⵜⵉⵎⵓⴽⵔⵉⵙⵉⵏ.

ⵉⵔⵏⵓ ⵉⵏⵏⴰ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴳ ⵢⴰⵜ ⵜⵙⴳⵓⵔⵉ ⵉ ⵜⵏⵖⵎⴰⵙⵜ ⴷⴼⴼⵉⵔ ⵏ ⵓⵏⵎⵓⵇⵇⴰⵔ ⴷ ⵉⵏⵙⵙⵉⵅⴼⵏ ⵏ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵍⵍ ⵉⵍⵍⴰⵏ ⴳ ⵓⴱⵕⵍⴰⵎⴰⵏ ⴰⴼⴰⴷ ⴰⴷ ⵙⴰⵡⵍ ⵅⴼ ⴰⴷⴷⴰⴷ ⵏ ⴽⵓⴼⵉⴷ 19 ⵎⴰⵙ ⵉⵙⴽⵔ ⵍⵎⵖⵔⵉⴱ ⵜⵓⴳⴳⴰⵙ ⵜⵉⵎⵇⵔⴰⵏⵉⵏ ⴰⴼⴰⴷ ⴰⴼⵓⵍⴽⵉ ⴷ ⵜⴷⵓⵙⵉ ⵏ ⵜⵉⴼⴳⴰⵏⵉⵏ ⴷ ⵉⴼⴳⴰⵏⵏ ⵍⵍⵉ ⵉⴳⴰ ⵓⵙⴰⴽⵯⵏ ⵏ ⵓⴳⵥⵥⴰⵢ ⵏ ⴽⵓⴼⵉⴷ 19 ⴷ ⵉⴳⵣⵣⴰⵢⵏ ⵢⴰⴹⵏ ⵍⵍⵉ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⵙⵙ ⵏ ⵓⴽⵡⴰⵙ ⴰⵕⵣⵣⵓⵎ ⵏ ⵜⵓⴳⵉ ⵏⵏⵙ ⴳ ⴱⵏⵙⵍⵉⵎⴰⵏ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵎⴰⵙ ⵔⴰⴷ ⵜⴹⴼⵕ ⵜⵏⴱⴰⴹⵜ ⴷ ⵉⴽⴰⴱⴰⵔⵏ ⵏⵉⵙⵔⵜⴰⵏⵏ ⴷ ⵉⵎⵙⴽⴰⵔⵏ ⵢⴰⴹⵏ ⵜⵓⴳⴳⴰⵙ ⵏ ⵓⵎⵢⴰⵡⴰⴹ ⴰⴼⴰⴷ ⴰⴷ ⵉⵙⵙⴰⵏ ⵎⵉⴷⵏ ⴰⴷⴷⵓⵔ ⵏ ⵓⴳⵣⵣⴰⵢ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B5%9C%E2%B5%89%E2%B5%96%E2%B5%9F%E2%B4%B0%E2%B5%99%E2%B5%89%E2%B5%8F-%E2%B5%89%E2%B5%96%E2%B5%93%E2%B4%B7%E2%B4%B0%E2%B5%8F-%E2%B5%8D%E2%B5%8D%E2%B5%89-%E2%B5%9C%E2%B5%99%E2%B4%BD%E2%B5%94-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B5%A1%E2%B5%99%E2%B5%8F%E2%B5%9C-%E2%B4%B0%E2%B4%B7-%E2%B5%A2%E2%B4%B0%E2%B5%8F%E2%B4%BC-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%89-%E2%B5%9C%E2%B5%89%E2%B5%8E%E2%B5%93%E2%B4%BD%E2%B5%94%E2%B5%89%E2%B5%99%E2%B5%89%E2%B5%8F