Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

05 ⴱⵕⴰⵢⵕ 2022 Version Imprimable
ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ:

"ⴷⴼⴼⵉⵔ ⵏ ⵓⵏⴳⴰⵙ ⵉⵅⵛⵏⵏ ⵍⵍⵉ ⵢⵉⵡⵉⵏ ⵜⵓⴷⵔⵜ ⵏ ⵓⴼⵕⵓⵅ ⵕⴰⵢⴰⵏ ⴰⵡⵕⴰⵎ, ⵉⵣⵣⵔⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵏ ⵓⵡⴰⴹ ⴰⵜⵉⵍⵉⴼⵓⵏⵉ ⴷ ⵎⴰⵙⵙ ⵅⴰⵍⵉⴷ ⴰⵡⵕⴰⵎ, ⴷ ⵎⴰⵙⵙⴰ ⵡⴰⵙⵉⵎⴰ ⵅⵔⵛⵉⵛ, ⴱⴰⴱⴰⵜ ⴷ ⵎⴰⵎⴰⵜ ⵏ ⵉⴳⵍⵍⵉⵏ, ⵍⵍⵉ ⵢⵎⵎⵓⵜⵏ ⴷⴼⴼⵉⵔ ⵍⵍⵉⴳ ⵉⴹⵕ ⴳ ⵢⴰⵏ ⵡⴰⵏⵓ.

ⴳ ⵓⵣⵎⵣⵣⵓ ⵉⵅⵛⵏⵏ ⴰⴷ, ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⴰⴼⵛⴰⴷ ⵉⵔⴳⴰⵏ ⵏⵏⵙ ⴷ ⵍⵎⵓⵡⴰⵙⴰⵜ ⵉⴳⵥⴰⵏⵏ ⵏⵏⵙ ⵉ ⴰⴽⴽ ⵜⵡⵊⴰ ⵏ ⵉⴳⵍⵍⵉⵏ ⵅⴼ ⵓⵏⴳⴰⵙ ⵉⵛⵇⵇⴰⵏ ⴰⴷ, ⵉⵜⵜⵔ ⵕⴱⴱⵉ ⴰⴷ ⵉⵕⵃⵎ ⵓⴳⵍⵍⵉⵏ ⴷ ⵉⵙⵙⴽⵛⵎⵜ ⵙ ⵍⵊⵏⵏⵜ, ⴷ ⴰⴷ ⵉⴼⴽ ⵉ ⴰⵢⵜ ⴷⴰⵔⵜ ⵚⵚⴱⵕ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵙ ⵉⴹⴼⵕ ⵜⵉⵣⵣⵉⴳⵣⵉⵏ ⵏ ⵓⵏⴳⴰⵙ ⵉⵅⵛⵏⵏ ⴰⴷ, ⴷ ⵉⴼⴽⴰ ⵉⵏⴹⵏ ⵢⴰⵜⵜⵓⵢⵏ ⵏⵏⵙ ⵉ ⴰⴽⴽ ⵜⵏⴱⴰⴹⵉⵏ ⵜⵉⵎⵙⵜⴳⴳⴰⵔⵉⵏ, ⴰⴼ ⴰⴷ ⵙⴽⵔⵏⵜ ⵎⴰⴷ ⵉⵅⵚⵚⴰⵏ ⴷ ⴰⴽⴽ ⵜⵓⴳⴳⴰⵣ ⵏⵏⵙⵏⵜ ⴰⴼ ⴰⴷ ⵄⵜⵇⵏ ⵜⵓⴷⵔⵜ ⵏ ⵉⴳⵍⵍⵉⵏ, ⵎⴰⵛ ⵉⵔⴰ ⵕⴱⴱⵉ ⴰⴷ ⴷⴰⵔⵜ ⵢⴰⵡⵉ.

ⵉⵎⵍⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵓⵜⴳ ⵏⵏⵙ ⵉ ⵜⵓⴳⴳⴰⵣ ⵉⵎⵇⵇⵓⵕⵏ ⵍⵍⵉ ⵎⵍⴰⵏⵜ ⴰⴽⴽ ⵜⵏⴱⴰⴹⵉⵏ ⴷ ⵜⴳⴰⵍⵍⵉⵏ ⵜⵉⴳⵎⴰⵎⵉⵏ, ⵓⵍⴰ ⵉⵎⵙⴽⴰⵔⵏ ⵉⵎⵙⵎⵓⵏⵏ, ⴷ ⵅⴼ ⵜⴱⴷⴰⴷⵜ ⵉⴳⴳⵓⵜⵏ ⵍⵍⵉ ⵉⴷⴷⴰⵏ ⴷⴰⵔ ⵜⵡⵊⴰ ⵏ ⵉⴳⵍⵍⵉⵏ ⵙⴳ ⴰⴽⴽ ⵜⵡⵊⵉⵏ ⵜⵉⵎⴳⵔⴰⴱⵉⵢⵏ ⴰⵎⵎⴰⵙ ⵏ ⵓⵏⴳⴰⵙ ⵉⵛⵇⵇⴰⵏ ⴰⴷ.

ⴳ ⵜⵎⴳⴳⴰⵔⵓⵜ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵜⵡⵊⴰ ⵏ ⵉⴳⵍⵍⵉⵏ ⴰⵙⵎⵎⵣⴷⵉ ⵏⵏⵙ ⴰⵅⴰⵜⴰⵔ ⴷ ⵓⵏⵀⵍⵍⴰ ⵏⵏⵙ ⵉⵔⵏⴰⵏ".

Dernière modification : 05 ⴱⵕⴰⵢⵕ 2022
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-60