Published on MAPNews (https://www.mapnews.ma/am)

Accueil > ⵉⵙⵔⴳ -ⵛⵛⴰⵏ- ⵉ ⵢⵎⵓⴽⵔⵉⵙⵏ ⴳⵔ ⴷⴷⵣⴰⵢⵔ ⴷ ⵍⴽⵓⴷⴷⵉⴼⵡⴰⵕ

ⵉⵙⵔⴳ -ⵛⵛⴰⵏ- ⵉ ⵢⵎⵓⴽⵔⵉⵙⵏ ⴳⵔ ⴷⴷⵣⴰⵢⵔ ⴷ ⵍⴽⵓⴷⴷⵉⴼⵡⴰⵕ

11 ⴱⵕⴰⵢⵕ 2022 Version Imprimable
ⵕⵕⴱⴰⵟ - ⵜⵏⵏⴰ ⵜⵏⴱⴰⴹⵜ ⵏ ⵜⵎⴰⵣⵉⵔⵜ ⵏ ⵍⴽⵓⵜ ⴷⵉⴼⵡⴰⵕ ⴳ ⵢⴰⵏ ⵓⵙⵉⵡⴹ ⵏⵏⵙ ⴰⵎⴰⴷⴷⵓⴷ, ⵎⴰⵙ ⵔⴰⴷ ⵜⵙⵏⵓⴱⴳ ⵜⴰⴱⵔⵣⴰ ⵏ ⵜⵇⴱⴱⵓⵛⵜ ⵏ ⵜⵎⵓⵕⴰ ⵏ ⵉⴼⵔⵉⵇⵢⴰ ⵏ ⵉⵎⵓⵔⴰⵔⵏ ⵉⵙⴳⴰⵡⴰⵏⵏ-ⵛⵛⴰⵏ- ⴳ ⵓⴷⵖⴰⵔ ⵏ ⵜⵎⴰⵣⵉⵔⵜ ⵏ ⴷⴷⵣⴰⵢⵔ, ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵓⵙⵏⵜⵉ ⵏ ⵓⵙⴳⴳⵯⴰⵙ ⴷ ⵢⵓⵛⴽⴰⵏ.

ⵉⴷⴷⴰⴷ ⵓⵙⵉⵡⴹ ⴰⴷ ⴰⴽⵓⴷⵉⴼⵡⴰⵕⵉ ⴰⴼⴰⴷ ⴰⴷ ⵉⵙⵉⵙⴼⵉⵡ ⴰⵙⵏⵎⴰⵍⴰ ⵏ ⵜⵇⴱⴱⵓⵛⵜ ⵏ ⵉⴼⵔⵉⵇⵢⴰ ⵏ ⵜⵡⵊⵊⴰ ⵏ ⵓⴹⴰⵕ ⵏ ⵉⵎⵓⵔⴰⵔⵏ ⵉⵙⴳⴰⵡⴰⵏⵏ, ⵍⵍⵉⵖ ⵉⵜⵜⵓⴽⴽⴰⵙ ⵓⵙⵏⵎⴰⵍⴰ ⴰⴷ ⵉ ⵜⵎⴰⵣⵉⵔⵜ ⵏ ⴷⴷⵣⴰⵢⵔ, ⵙ ⵓⵙⵔⴰⴳ ⵍⵍⵉⵖ ⴷⴰⵔⵙ ⵓⵔ ⵍⵍⵉⵏ ⵉⵙⴰⵢⵔⴰⵔⵏ ⵏ ⵜⵡⵊⵊⴰ ⵏ ⵓⴹⴰⵕ ⵏⵏⴰ ⵉⵍⵍⴰⵏ ⴳ ⵓⵙⵡⵉⵔ ⵏ ⵓⵙⵏⵎⴰⵍⴰ ⵏ ⵜⵙⵙⵓⵜⵍⵜ ⴰⴷ.

ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵓⵏⵖⵍⴰⴼ ⵏ ⵜⵄⵓⵔⵎⴰ ⴷ ⵜⵓⵏⵏⵓⵏⵜ ⵏ ⴷⴷⵣⴰⵢⵔ ⵎⴰⵙⵙ ⵄⴱⴷⵔⵔⵣⵣⴰⵇ ⵙⴱⵇⴰⵇ ⴰⵙⵙ ⵏ ⵓⴽⵡⴰⵙ ⴰⴷ ⵉⵣⵔⵉⵏ ⵎⴰⵙ ⵜⵣⴹⵕ ⵜⵎⴰⵣⵉⵔⵜ ⵏⵏⵙ ⴰⴼⴰⴷ ⴰⴷ ⵜⵙⵏⵎⴰⵍⴰ ⵜⴰⵇⴱⴱⵓⵛⵜ ⵏ ⵉⴼⵔⵉⵇⵢⴰ ⵏ ⵜⵡⵊⵊⴰ ⵏ ⵓⴹⴰⵕ ⵏ ⵉⵎⵓⵔⴰⵔⵏ ⵉⵙⴳⴰⵡⴰⵏⵏ ⴳ ⵡⴰⵢⵢⵓⵔ ⵏ ⵉⵏⵏⴰⵢⵔ ⵏ ⵓⵙⴳⴳⵯⴰⵙ ⵏ 2023. 

ⵉⵔⴰⵔ ⵎⴰⵙⵙ ⵛⴰⵕⴰⴼ ⴷⴷⵉⵏ ⵄⵎⴰⵕⴰ ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵜⵎⵓⵏⵜ ⵜⴰⴷⵣⴰⵢⵔⵉⵜ ⵏ ⵜⵡⵊⵊ ⵏ ⵓⴹⴰⵕ ⴳ ⵢⴰⵏ ⵓⵎⵔⴰⵔⴰ ⵏⵏⵙ ⴼ ⵓⵙⵉⵡⴹ ⵏ ⵜⵎⴰⵣⵉⵔⵜ ⵏ ⵍⴽⵓⴷⴷⵉⴼⵡⴰⵕ ⵍⵍⵉⵖ ⵏⵏⴰⵏ ⴰⴷ ⵙⵏⵎⴰⵍⴰⵏ ⵜⴰⵙⵙⵓⵜⵍⵜ ⴰⴷ ⴳ ⵓⴷⵖⴰⵔ ⵏ ⴷⴷⵣⴰⵢⵔ .

ⵉⵣⴰⵢⴷ ⵎⴰⵙⵙ ⵛⴰⵕⴰⴼ ⴷⴷⵉⵏ ⵎⴰⵙⴷ ⴰⵢⵏⵏⴰ ⵙ ⵏⵏⴰⵏ ⴰⵢⵜ ⵍⴽⵓⴷⴷⵉⴼⵡⴰⵕ ⵓⵔ ⵉⴳⵉ ⵜⵉⴷⵜ, ⵉⵣⵣⵉⵖⵥⵉⵏ ⵎⴰⵙ ⵔⴰⴷ ⵜⵙⵏⵎⴰⵍⴰ ⴷⴷⵣⴰⵢⵔ ⵜⴰⵇⴱⴱⵓⵛⵜ ⵜⴰⴼⵔⵉⵇⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⴳ ⵓⵙⴳⴳⵯⴰⵙ ⵏ 2023.

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%89%E2%B5%99%E2%B5%94%E2%B4%B3-%E2%B5%9B%E2%B5%9B%E2%B4%B0%E2%B5%8F-%E2%B5%89-%E2%B5%A2%E2%B5%8E%E2%B5%93%E2%B4%BD%E2%B5%94%E2%B5%89%E2%B5%99%E2%B5%8F-%E2%B4%B3%E2%B5%94-%E2%B4%B7%E2%B4%B7%E2%B5%A3%E2%B4%B0%E2%B5%A2%E2%B5%94-%E2%B4%B7-%E2%B5%8D%E2%B4%BD%E2%B5%93%E2%B4%B7%E2%B4%B7%E2%B5%89%E2%B4%BC%E2%B5%A1%E2%B4%B0%E2%B5%95