ⵉⵎⵜⵜⵉⵏ ⵏ ⴽⵓⵕⵓⵏⴰ ⵣⵔⵉⵏ ⵚⴹⵉⵚ ⵉⴷ ⵎⵍⵢⵓⵏ ⴳ ⵓⵎⴰⴹⴰⵍ ⴰⴽⴽⵯ

07 ⵎⴰⵕⵚ 2022 Version Imprimable

ⵕⵕⴱⴰⵟ - ⵏⵏⴰⵏⵜ ⴽⵔⴰ ⵏ ⵜⵙⵉⴹⴰⵏ ⵏⵏⴰ ⵉⵜⵜⵓⵙⵎⵓⵏⵏ ⵎⴰⵙⴷ ⵉⵎⵜⵜⵉⵏ ⵙ ⵓⵙⵔⴰⴳ ⵏ ⴽⵓⵕⵓⵏⴰ ⴳ ⵓⵎⴰⴹⴰⵍ ⴰⴽⴽⵯ ⵣⵔⵉⵏ ⵙⴹⵉⵚ ⵉⴷ ⵎⵍⵢⵓⵏ ⴰⵔ ⴰⵙⵙ ⴰⴷ ⵏ ⵓⵢⵏⴰⵙ 07 ⵎⴰⵕⵚ 2022.

ⵣⴰⵢⴷⵏⵜ ⴽⵔⴰ ⵏ ⵜⵙⵉⴹⴰⵏ ⵢⴰⴷⵏ ⵏⵏⴰ ⵉⵍⵍⴰⵏ ⴳ ⵡⴰⵏⵙⴰ ⴰⵍⵉⴽⵜⵕⵓⵏⵉ ⵏ ⵜⵙⴷⴰⵡⵉⵜ ⵏ ⵊⵓⵏⵣ ⵀⵓⴱⴽⵏⵣ ⵜⴰⵎⵉⵔⵉⴽⴰⵏⵉⵜ, ⵎⴰⵙⴷ ⵉⵎⵜⵜⵉⵏ ⵏⵖⴷ ⴰⴷⴷⴰⴷⵏ ⵏⵏⴰ ⵉⵎⵎⵓⵜⵏ ⵙ ⵓⵙⵔⴰⴳ ⵏ ⵓⴱⴰⵢⵢⵓⵔ ⵏ ⴽⵓⵕⵓⵏⴰ ⴳ ⵓⵎⴰⴹⴰⵍ ⴰⴽⴽⵯ ⵉⵍⴽⵎ ⵖⵉⵍⴰⴷ ⵎⴰⴷ ⵉⵜⵜⴳⴳⴰⵏ ⵙⴹⵉⵚ ⵉⴷ ⵎⵍⵢⵓⵏ ⴷ 100 ⵏ ⵡⴰⴷⴷⴰⴷ.

ⴳ ⵜⵙⴳⴰ ⵢⴰⴷⵏ ⵢⵓⵍⵉ ⵓⵙⵡⵉⵔ ⵏ ⵡⵉⵏⵏⴰ ⴳ ⵜⵍⵍⴰ ⵜⵎⴰⴹⵓⵏⵜ ⴰⴷ ⵙ ⵎⴰⴷ ⵉⵜⵜⴳⴳⴰⵏ 446 ⵎⵍⵢⵓⵏ ⴷ 365 ⵏ ⵉⴼⴹ ⴳ ⵓⵎⴰⴹⴰⵍ ⴰⴽⴽⵯ.

ⴳ ⵓⵎⵏⵉⴷ ⵢⴰⴷⵏⵉⵏ ⵉⵥⵍⵉⵏ ⵙ ⵓⴳⵣⵣⴰⵢ,ⵢⵓⵍⵉ ⵓⵟⵟⵓⵏ ⵏ ⵓⴳⵣⵣⴰⵢ ⵎⴳⴰⵍ ⵏ ⵓⴱⴰⵢⵢⵓⵕ ⴰⴷ ⵙ ⵎⴰⴷ ⵉⵜⵜⴳⴳⴰⵏ ⵎⵔⴰⵡ ⵉⴷ ⵎⵍⵢⴰⵕ ⴷ 595 ⵎⵍⵢⵓⵏ ⵏ ⵜⴰⵖⴰⵎⵜ ⵏ ⵓⴳⵣⵣⴰⵢ ⴳ ⵓⵎⴰⴹⴰⵍ.

ⴳ ⵓⵙⴰⵜⵉ ⵢⴰⴷⵏⵉⵏ , ⵍⵍⴰⵏⵜ ⴽⵔⴰ ⵏ ⵜⵙⴳⴳⵉⵡⵉⵏ ⴷ ⵉⵡⴰⵏⴽⵏ ⴳ ⵓⵎⴰⴹⴰⵍ ⴰⴽⴽⵯ ⴰⵔ ⵙⴽⴰⵔⵏ ⵢⴰⵏ ⵓⵏⵎⴰⵍⴰ ⵏ ⵓⵙⵎⵓⵏ ⵏ ⵡⴰⴷⴷⴰⴷⵏ ⵏ ⴽⵓⵕⵓⵏⴰ, ⵙⵎⵓⵏⵏ ⴰⴽⴽⵯ ⵜⵓⵎⵍⴰⵢⵉⵏ ⵏⴰⵏ ⵉⵣⴷⵉⵏ ⴷ ⵜⵎⴰⴹⵓⵏⵜ ⴰⴷ, ⵎⴰⵛⴰⵏ ⵉⵍⵍⴰ ⵢⴰⵏ ⵓⵎⵣⴰⵔⴰⵢ ⴳⵔ ⵜⵓⵎⵍⴰⵢⵉⵏ ⴰⴷ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%89%E2%B5%8E%E2%B5%9C%E2%B5%9C%E2%B5%89%E2%B5%8F-%E2%B5%8F-%E2%B4%BD%E2%B5%93%E2%B5%95%E2%B5%93%E2%B5%8F%E2%B4%B0-%E2%B5%A3%E2%B5%94%E2%B5%89%E2%B5%8F-%E2%B5%9A%E2%B4%B9%E2%B5%89%E2%B5%9A-%E2%B5%89%E2%B4%B7-%E2%B5%8E%E2%B5%8D%E2%B5%A2%E2%B5%93%E2%B5%8F-%E2%B4%B3-%E2%B5%93%E2%B5%8E%E2%B4%B0%E2%B4%B9%E2%B4%B0%E2%B5%8D-%E2%B4%B0%E2%B4%BD%E2%B4%BD%E2%B5%AF