Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴳⵓⵔⵉ ⵉ ⵜⵎⵜⵜⵉ ⵙ ⵓⵣⵎⵓⵣⵣⵓ ⵏ ⵜⴽⵜⵜⴰⵢⵜ ⵜⵉⵙⵙ 60 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴳⵓⵔⵉ ⵉ ⵜⵎⵜⵜⵉ ⵙ ⵓⵣⵎⵓⵣⵣⵓ ⵏ ⵜⴽⵜⵜⴰⵢⵜ ⵜⵉⵙⵙ 60 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ

20 ⵖⵓⵛⵜ 2013 Version Imprimable
ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵜⴳⵓⵔⵉ ⵉ ⵜⵎⵜⵜⵉ ⴰⵙⵙ ⵏ ⵓⵙⵉⵏⴰⵙ ⵙ ⵓⵣⵎⵓⵣⵣⵓ ⵏ ⵜⴽⵜⵜⴰⵢⵜ ⵜⵉⵙⵙ 60 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⵍⵍⴰ ⵓⴼⴳⴰⵏ ⴰⵎⵖⵔⵉⴱⵉ ⴳ ⵡⴰⵎⵎⴰⵙ ⵏ ⵓⵣⵣⵉⴳⵣ ⵏ ⵜⴳⵎⵉ ⴷ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ, ⵎⴰⵢⴰⴷ ⴰⴼ ⵉⵅⵚⵚⴰ ⴰⴷ ⵉⵍⵉⵏ ⴷⴰⵔ ⵜⵉⵏⵎⵍ ⴰⵎⵎⴰⴽⵏ ⵍⵍⵉ ⵔⴰⵙ ⵜⵜ ⵢⴰⵊⵊ ⴰⴷ ⵜⵙⴽⵔ ⴰⵙⵎⵓⵜⵜⴳ ⴷ ⵓⵙⴳⵎⵉ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⴹⴼⵕ ⵙ ⵉⵅⴼ ⵏⵏⵙ ⵉⵙ ⵍⵍⴰⵏ ⵉⵖⴰⵔⴰⵙⵏ ⴷ ⵡⴰⵎⴰⵏ ⴷ ⵓⵣⴰⵕⵓⵕ ⴷⴰⵔ ⵉⵙⵍⵎⴰⴷⵏ ⴷ ⵜⴰⴷⴷⴰⵔⵉⵏ ⴷⴰⵔ ⵢⵉⵏⵍⵎⴰⴷⵏ, ⵍⵍⵉ ⵔⴰⴷ ⴰⵙⵏ ⵉⵙⵙⵔⵅⵓ ⵜⴰⵡⵔⵉ.

ⵉⵔⵏⵓ ⵉⵏⵏⴰ ⵉⵙ ⵜⵜⵓⵙⴽⴰⵔⵏ ⴳ ⵜⵎⵓⵔⵜ ⵏⵏⵖ ⵉⵙⵏⵜⴰ ⴳⴳⵓⵜⵏⵉⵏ ⴳ ⵉⴳⵔ ⴰⴷ, ⵉⵖⵍⵉ ⵓⵙⵖⵍ ⵏ ⵜⵖⵔⵉ, ⵙⵍⴰⵡⴰⵏ ⴷⴰⵔ ⵜⴼⵔⵅⵉⵏ, ⵙ ⵍⴼⴹⵍ ⵏ ⵜⵓⴳⴳⴰⵙ ⵏ ⵉⴷ ⴱⴰⴱ ⵏ ⵓⵙⵍⵎⴷ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵍⵍⴰⵏ ⴷⴰⵔ ⵉⴳⵔ ⴰⴷ ⵜⵉⵎⵓⴽⵔⵉⵙⵉⵏ ⴳⴳⵓⵜⵏⵉⵏ, ⵉⵙⴽⵔ ⵜⵏⵜ ⵓⴹⴼⵕ ⵏ ⵉⵖⴰⵡⴰⵙⵏ ⵍⵍⵉ ⴷ ⵓⵔ ⵓⵛⴽⵉⵏⵉⵏ ⴷ ⵎⴰⴷ ⵉⵔⴰ ⵉⴳⵔ ⵏ ⵜⵡⵓⵔⵉ, ⵉⵡⵉⵜⵉⴷ ⵓⵍⴰ ⵓⵙⴱⴰⴷⵍ ⵏ ⵜⵓⵜⵍⴰⵢⵜ ⴳ ⵓⵙⵍⵎⴷ ⴰⵏⴰⴼⵍⵍⴰⵏ ⴳ ⵉⴳⵉⵔⵏ ⵏ ⵜⵎⵙⵙⴰⵏⵜ.

ⵉⵙⵙⴽⵯⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵍⵍⴰ ⴼ ⵜⵏⴱⴰⴹⵜ ⴰⴷ ⵜⵣⵣⵔⵉ ⵉⴹⵕⵉⵚⵏ ⵉⵣⵔⴼⴰⵏⵏ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵓ ⵏ ⵜⵎⵙⵙⴰⵏⵜ, ⵍⵍⵉ ⴼ ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴳ ⵜⵉⵏⴰⵡⵜ ⵏⵏⵙ ⴰⵙⴳⴳⵯⴰⵙ ⵉⵣⵔⵉⵏ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⴳⴰ ⵜⴽⵜⵜⴰⵢⵜ ⵏ ⵜⴳⵔⴰⵡⵍⴰ ⵜⴰⵅⴰⵜⴰⵔⵜ ⵏ ⵓⴳⵍⵍⵉⴷ ⴷ ⵓⴳⴷⵓⴷ ⴷ ⵜⵉⵏ ⵡⴰⵙⵙ ⵏ ⵜⵍⴰⵍⵉⵜ ⵏⵏⵙ ⵢⴰⵏ ⵓⵣⵎⵓⵣⵣⵓ ⵍⵍⵉⵖ ⴰ ⵏⵙⵎⵖⵓⵕ ⵉⵎⵙⴳⴳⴰⵢⵜⴰ ⵏ ⵜⵎⵓⵏⵜ ⴷ ⵜⵙⵉⵎⴰⵏⵜ, ⵍⵍⵉ ⵎⵓ ⴳⴰⵏ ⵉⵎⵖⴰⵕⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵜ ⵏ ⵉⵕⵃⵎ ⵕⴱⴱⵉ.

Dernière modification : 20 ⵖⵓⵛⵜ 2013
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B4%B3%E2%B5%93%E2%B5%94%E2%B5%89-%E2%B5%89-%E2%B5%9C%E2%B5%8E%E2%B5%9C%E2%B5%9C%E2%B5%89-%E2%B5%99-%E2%B5%93%E2%B5%A3%E2%B5%8E%E2%B5%93%E2%B5%A3%E2%B5%A3%E2%B5%93-%E2%B5%8F-%E2%B5%9C%E2%B4%BD%E2%B5%9C%E2%B5%9C%E2%B4%B0%E2%B5%A2%E2%B5%9C-%E2%B5%9C%E2%B5%89%E2%B5%99%E2%B5%99-60-%E2%B5%8F-%E2%B5%9C%E2%B4%B3%E2%B5%94%E2%B4%B0%E2%B5%A1%E2%B5%8D%E2%B4%B0-%E2%B5%8F#comment-0