Published on MAPNews (https://www.mapnews.ma/am)

Accueil > ⴰⵙⵇⵇⵉⵎ ⵏ ⵜⵙⴳⴰ ⵏ ⵓⵏⵇⵇⵔ ⵉⵙⵙⵎⵖⵕ ⵜⴰⵎⵖⴰⵔⵜ

ⴰⵙⵇⵇⵉⵎ ⵏ ⵜⵙⴳⴰ ⵏ ⵓⵏⵇⵇⵔ ⵉⵙⵙⵎⵖⵕ ⵜⴰⵎⵖⴰⵔⵜ

09 ⵎⴰⵕⵚ 2022 Version Imprimable
ⵡⵊⴷⴰ - ⵉⵜⵜⵓⵙⵏⵎⴰⵍⴰ ⴳ ⵡⴰⵏⵙⴰ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⵓⵏⵇⵇⵔ, ⵢⴰⵏ ⵓⵙⴼⵓⴳⵍⵓⵙ ⵜⵡⵜⵎⵉⵏ ⵉⵙⵡⵡⵓⵔⵉⵏ ⴳ ⵓⵙⵇⵇⵉⵎ ⴷ ⵜⵙⵏⵓⵔⴰⵢⵜ ⵜⴰⵙⴳⴰⵡⴰⵏⵜ ⵏ ⵓⵙⴽⴽⵉⵔ ⵏ ⵉⵙⵏⴼⴰⵕⵏ ⴳ ⵜⵙⴳⴰ ⵏ ⵓⵏⵇⵇⵔ, ⵙ ⵜⴷⵔⴰⵡⵜ ⵏ ⵎⴰⵙⵙ ⵄⴱⴷⵏⵏⴱⵉ ⴱⵄⵡⵉ, ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ,ⴷ ⵜⴳⵎⴰⵎⵉⵏ ⵏ ⵓⵙⵇⵇⵉⵎ, ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵏⵏⴰⵡⴰⵜ ⵉ ⵜⵡⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵉⵎⵙⵡⵡⵓⵔⵉⵏ ⵏ ⵜⵎⵀⵍⴰ ⵏ ⵜⵙⴳⴰ, ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵜⵏⴰⴼⵓⵜⵉⵏ ⴷ ⵜⵡⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵉⴳⵎⴰⵎⵏ ⵏ ⵜⵙⵏⵓⵔⴰⵢⵜ, ⴷ ⵜⵡⵜⵎⵉⵏ ⵏ ⵓⵙⵇⵇⵉⵎ ⴷ ⵉⵎⴰⵡⴰⵙⵏ ⴰⴽⴽⵯ ⵏ ⵓⵙⵇⵇⵉⵎ, ⴷ ⵓⵍⴰ ⵜⵉⵎⵙⵜⴳⴳⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵙⴳⴰ.

ⵢⵓⵛⴽⴰⴷ ⵓⵙⴼⵓⴳⵍⵓ ⴰⴷ ⵙ ⵓⵙⵎⵖⵔ ⵏ ⵜⵡⵡⵓⵔⵉⵡⵉⵏ ⵏⵏⴰ ⵜⵙⴽⵔ ⵜⵎⵖⴰⵔⵜ ⵏⵏⴰ ⵉⵙⵡⵡⵓⵔⵉⵏ ⴳ ⵜⵙⴳⴰ ⵏ ⵓⵏⵇⵇⵔ ⴳ ⵎⴰⴷ ⵉⵣⵔⵉⵏ ⴷ ⵖⵉⵍⴰ,ⵎⴽⵍⵍⵉ ⵉⵙⵎⵖⵕ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵙ ⵓⵙⴼⴰⵙⴽⴰ ⵏ ⵜⵎⵖⴰⵔⵉⵏ ⴰⴽⴽⵯ ⵙⵍⴰⵡⴰⵏ ⴰⴽⴽⵯ ⵜⵉⵍⵍⵉ ⵉⵙⵡⵡⵓⵔⵉⵏ ⴳ ⵜⵎⵏⴰⴹⵜ.

ⵉⵏⵏⴰ ⵎⴰⵙⵙ ⵄⴱⴷⵏⵏⴱⵉ ⴱⵄⵡⵉ ⵏ ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵓⵏⵇⵇⵔ, ⵎⴰⵙⴷ ⵓⵔⴷ ⵖⵉⵍⴰⴷ ⴽⴰⴷ ⵙⴽⵔⵏⵜ ⵜⵎⵖⴰⵔⵉⵏ ⵜⴰⵡⵡⵓⵔⵉ ⵉⵥⵉⵍⵏ, ⵎⴰⵛⴰⵏ ⴰⵔ ⴱⴷⴷⴰ ⵜⵙⴽⴰⵔ ⵜⵉⵡⵡⵓⵔⵉⵡⵉⵏ ⵜⵉⵏⴱⵖⵓⵕⵉⵏ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵜⵣⴹⴰⵕ ⴰⴷ ⵜⴱⴰⵢⵢⵏ ⴳ ⴽⵉⴳⴰⵏ ⵏ ⵉⴳⵔⴰⵏ , ⵎⴽⵍⵍⵉ ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵙⴳⴰ ⵙ ⵜⵣⵎⵎⴰⵔ ⵏⵏⴰ ⵏⵏ ⴰⴽⴽⵯ ⵜⵜⴳⴳⴰⵏⵜ ⵜⵡⵜⵎⵉⵏ ⵏⴰⵏ ⵉⵙⵡⵡⵓⵔⵉⵏ ⴳ ⵓⵙⵇⵇⵉⵎ ⵏ ⵜⵙⴳⴰ, ⵎⴽⵍⵍⵉ ⵉⵙⵙⵉⵎⵖⵓⵔ ⵙ ⵜⵡⵡⵓⵔⵉⵡⵉⵏ ⵏⵏⴰ ⵜⵙⴽⴰⵔ ⵜⵎⵖⴰⵔⵜ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⵎⴰⴹⵍⴰⵏ.

ⴳ ⵜⵙⴳⴰ ⵢⴰⴹⵏ ⵉⵣⴰⵢⴷ ⵓⵏⵙⵙⵉⵅⴼ ,ⵉⵏⵏⴰ ⵎⴰⵙⴷ ⴰⵙⵎⵖⵕ ⴰⴷ ⵙ ⵜⵎⵖⴰⵔⵉⵏ ⵏⵏⴰ ⵙⵡⵡⵓⵔⵉⵏⵉⵏ ⴳ ⵜⵙⴳⴰ ⵉⴳⴰ ⵢⴰⵏ ⵓⵙⵏⵉⵎⵎⵔ ⴷ ⵡⴰⴷⴷⵓⵔ ⵉ ⴽⵓⵍⵍⵓ ⵜⵉⵡⵜⵎⵉⵏ ⵏⵏⴰ ⵉⵍⵍⴰⵏ ⴳ ⵜⵙⴳⴰ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴰⵔ ⵜⵜⴰⵡⵙⵏⵜ ⵙ ⵜⵣⵎⵎⴰⵔ ⵏⵏⵙⵏⵜ ⴳ ⵓⵙⴱⵓⵖⵍⵓ ⵏ ⵉⵙⵏⴼⴰⵕⵏ ⴰⴽⴽⵯ ⵏ ⵜⵙⴳⴰ ⴽⵔⴰ ⴳⴰⵏ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%99%E2%B4%B3%E2%B4%B0-%E2%B5%8F-%E2%B5%93%E2%B5%8F%E2%B5%87%E2%B5%87%E2%B5%94-%E2%B5%89%E2%B5%99%E2%B5%99%E2%B5%8E%E2%B5%96%E2%B5%95-%E2%B5%9C%E2%B4%B0%E2%B5%8E%E2%B5%96%E2%B4%B0%E2%B5%94%E2%B5%9C