ⴰⵔ ⵜⵜⵃⵢⵢⴰⵍ ⵎⴰⵔⵉⴽⴰⵏ ⵉ ⵓⵙⵏⵜⵉ ⵏ ⴷⵓⵍⴰⵕ ⵓⵟⵟⵓⵏⴰⵏ

10 ⵎⴰⵕⵚ 2022 Version Imprimable

ⵡⴰⵛⵉⵏⵟⵓⵏ - ⵉⵙⵙⵏⵜⴰ ⵓⵏⵙⵙⵉⵅⴼ ⵏ ⵜⵎⴰⵣⵉⵔⵜ ⵏ ⵎⴰⵔⵉⴽⴰⵏ, ⵊⵓ ⴱⴰⵢⴷⵏ, ⵉⴹⴳⴰⵎ ⵏ ⴰⴽⵕⴰⵙ, ⵢⴰⵏ ⵓⵙⵏⴼⴰⵕ ⵏ ⵓⴹⵓⵍⴰⵕ ⵓⵟⵟⵓⵏⴰⵏ, ⴳ ⵓⵏⵎⴰⵍⴰ ⵏ ⵓⵙⵔⵓⵙ ⵏ ⵜⴼⴳⵓⵔⵉⵏ ⵏ ⵉⴳⵔ ⵏ ⵉⵙⵏⴼⴰⵍ ⵏ ⵓⵙⴼⵍⵙ ⵏⵏⴰ ⵉⵜⵜⵢⴰⴽⴰⵔⵏ,ⵙⴳ ⴰⵢⵍⵍⵉ ⵙ ⵜⵏⵏⴰ ⵜⴰⴷⴷⴰⵔⵜ ⵜⵓⵎⵍⵉⵍⵜ ⴰⵙⵙ ⴰⵏⵏ.

ⵢⵓⵛⴽⴰ ⴷ ⴳ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵎⴰⵣⵉⵔⵜ ⵏ ⵎⴰⵔⵉⴽⴰⵏ, ⵎⴰⵙⴷ ⴰⵏⵙⵙⵉⵅⴼ ⵎⴰⵙⵙ ⵊⵓ ⴱⴰⵢⴷⵏ ⵔⴰⴷ ⵉⵙⵙⴳⵎⴹ ⴰⵙⵙ ⴰⴷ ⵢⴰⵏ ⵓⵏⵇⵇⵉⵙ ⴰⵎⴰⵜⴰⵢ ⵏⵏⴰⵖ ⵔⴰⴷ ⵉⵙⵙⵖⵥⵏ ⵅⴼ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ.

ⴳ ⵜⵙⴳⴰ ⵢⴰⴹⵏ ⵉⵏⵏⴰ ⵓⵙⵉⵡⴹ ⴰⴷ ⵎⴰⵙⴷ ⴰⵏⵙⵙⵉⵅⴼ ⵏ ⵎⴰⵔⵉⴽⴰⵏ ⵉⵙⵙⴳⵎⴹ ⴼ ⵓⵏⵇⵇⵉⵙ ⴰⴷ , ⴰⵔ ⴳⵉⵙ ⵉⵙⵙⵓⵜⵓⵔ ⴳ ⵜⵏⴱⴰⴹⵜ ⵏⵏⵙ ⴰⴷ ⵙⵖⴰⵡⵙⴰⵏ ⵙ ⵓⵔⵣⵣⵓ ⴷ ⵓⵙⴱⵓⵖⵍⵓ, ⴰⴼⴰⴷ ⴰⴷ ⴰⴼⵉⵏ ⴽⵔⴰ ⵏ ⵉⴼⵙⵙⴰⵢⵏ ⵉ ⵢⴰⵜ ⵜⴷⵔⵉⵎⵜ ⵜⵓⵟⵟⵓⵏⴰⵏⵜ ⵉ ⵜⵙⴼⵍⵙⵜ ⵜⴰⵏⴰⵎⵎⴰⵙⵜ.

ⵉⵏⵏⴰ ⴰⵡⴷ ⵎⴰⵙⴷ ⵜⴰⴷⵔⵉⵎⵜ ⵏ ⵎⴰⵔⵉⴽⴰⵏ ⴰⴷ ⵉⴳⴰⵏ ⵜⴰⴷⵔⵉⵎⵜ ⵏⵏⴰ ⴰⴽⴽⵯ ⵉⴽⴽⴰⵏ ⴼ ⵉⵙⵏⴼⴰⵍ ⵏ ⵜⴷⵔⵉⵎⵉⵏ ⴳ ⵓⵙⵡⵉⵔ ⴰⵎⴰⴹⵍⴰⵏ ⵙ ⵓⵎⴰⵜⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B4%B0%E2%B5%94-%E2%B5%9C%E2%B5%9C%E2%B5%83%E2%B5%A2%E2%B5%A2%E2%B4%B0%E2%B5%8D-%E2%B5%8E%E2%B4%B0%E2%B5%94%E2%B5%89%E2%B4%BD%E2%B4%B0%E2%B5%8F-%E2%B5%89-%E2%B5%93%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B4%B7%E2%B5%93%E2%B5%8D%E2%B4%B0%E2%B5%95-%E2%B5%93%E2%B5%9F%E2%B5%9F%E2%B5%93%E2%B5%8F%E2%B4%B0%E2%B5%8F