Published on MAPNews (https://www.mapnews.ma/am)

Accueil > ⴰⴱⵏⵉⵇ ⵉ ⵎⵏⵏⴰⵡ ⵏ ⵉⵙⵍⵎⴰⴷⵏ ⵉⵏⵎⵖⵓⵏⵏ

ⴰⴱⵏⵉⵇ ⵉ ⵎⵏⵏⴰⵡ ⵏ ⵉⵙⵍⵎⴰⴷⵏ ⵉⵏⵎⵖⵓⵏⵏ

10 ⵎⴰⵕⵚ 2022 Version Imprimable
ⵕⵕⴱⴰⵟ - ⵜⵏⵏⴰ ⵜⵙⵏⵏⴱⴹⴰⵢⵜ ⵜⴰⵎⵏⵣⵓⵜ ⴰⵙⵙ ⴰⴷ ⵏ ⵓⴽⵡⴰⵙ ⴳ ⵜⵖⵔⵎⵜ ⵏ ⵕⵕⴱⴰⵟ, ⵎⴰⵙ ⵜⴼⴽⴰ ⴽⵕⴰⴹ ⵢⵉⵔⵏ ⵏ ⵓⴱⵏⵉⵇ ⵉ ⴽⵔⴰ ⵏ ⵉⵙⵍⵎⴰⴷⵏ ⵉⵏⵎⵖⵓⵏⵏ, ⵎⴽⵍⵍⵉ ⵜⵜⵓⴹⴼⴰⵕⵏ ⵎⴰⴷ ⵉⵜⵜⴳⴳⴰⵏ 19 ⵏ ⵓⵙⵍⵎⴰⴷ ⵢⴰⴹⵏⵉⵏ ⵙ ⵙⵉⵏ ⵢⵉⵔⵏ ⵏ ⵓⴱⵏⵉⵇ ⵏⵏⴰ ⵓⵔ ⵉⵜⵜⵓⵙⵎⵔⴰⵙⵏ, ⵙⴳ ⵓⴷⵡⴰⵍ ⴰⵎⵣⵡⴰⵔⵓ ⵏ ⵉⵎⵖⵏⴰⵙⵏ ⵉⵙⵍⵎⴰⴷⵏ ⵏ ⵜⴽⴰⴷⵉⵎⵉⵜⵉⵏ ⵏⵏⴰ ⵏⵉⵜ ⴳⴰⵏⵉⵏ ⵉⵙⵍⵎⴰⴷⵏ ⵉⵏⵎⵖⵓⵏⵏ.

ⵜⵙⵏⵏⴱⴹⵉ ⵜⵙⵏⵏⴱⴹⴰⵢⵜ ⴰⴷ ⴳ ⵡⴰⵙⵙ ⵏ ⵓⴽⵡⴰⵙ ⵅⴼ 13 ⵏ ⵓⵎⴹⴼⵕ ⵙⴳ ⵓⴷⵡⴰⵍ ⵡⵉⵙⵙ ⵙⵉⵏ ⵏ ⵓⵙⵙⵍⵎⴷ ⵙ ⵙⵉⵏ ⵢⵉⵔⵏ ⵏ ⵓⴱⵏⵉⵇ ⵓⵔ ⵉⵜⵜⵓⵣⴳⵉⵔⵏ;ⵎⴽⵍⵍⵉ ⵜⴼⵍⴰ ⵉ ⵎⴰⴷ ⵉⵜⵜⴳⴳⴰⵏ 12 ⵏ ⵓⵎⴹⴼⵕ ⵙⴳ ⵓⴷⵡⴰⵍ ⵡⵉⵙⵙ ⴽⵕⴰⴹ ⵙⵉⵏ ⵢⵉⵔⵏ ⵏ ⵓⴱⵏⵉⵇ ⵏⵏⴰ ⵓⵔ ⵉⵜⵜⵓⵣⴳⵉⵔⵏ ⴰⵡⴷ ⵏⵜⵜⵏⵉ ⴷ ⵜⴼⴳⵓⵔⵜ ⵜⴰⴷⵔⵉⵎⴰⵏⵜ ⵏⵏⴰ ⵉⴳⴰⵏ 1000 ⴷⵔⵀⵎ.

ⵜⵜⵓⴹⴼⴰⵕⵏ ⵉⵙⵍⵎⴰⴷⵏ ⵉⵏⵎⵖⵓⵏⵏ ⵙⴳ ⴷⴰⵔ ⵉⵎⵙⵜⴳⴳⴰⵔⵏ ⵏ ⵜⵏⴼⵔⵓⵜ ⵏ ⵜⵏⴱⴰⴹⵜ ⵎⴰⵙ ⵙⴽⴰⵔⵏ ⵉⵎⵓⴽⵔⵉⵙⵏ ⵉ ⵓⵎⵓⵙⵙⵓ ⴰⴱⵔⵉⴷⴰⵏ,ⴷ ⵉⵡⵏⵏⴰⵏ ⵏⵏⴰ ⴷ ⵓⵔ ⵢⵓⵙⵉⵏ ⵎⵏⵉⴷ ⵏ ⵉⵎⵙⵜⴳⴳⴰⵔⵏ ⴷ ⵉⵙⵍⵡⴰⵢⵏ ⵏ ⵜⵏⴼⵔⵓⵜ ⴷ ⵓⴼⵔⴰ, ⴷ ⵉⴱⴽⴽⵉⴹⵏ ⵏⵏⴰ ⵙⴽⴰⵔⵏ ⵎⵏⵉⴷ ⵏⵏⵙⵏⴷ ⴷ ⵓⴳⵔⴰⵡ ⵏⵏⵙⵏ ⵏⵏⴰ ⵓⵔ ⵉⵍⵉⵏ ⴳ ⵢⴰⵏ ⵡⴰⴷⴷⴰⴷ ⴰⵙⵍⴳⴰⵏ.

ⴰⵏⵖⵎⵉⵙ ⴰⴷ ⴰⴷ ⵉⵙⴽⵔⵏ ⵢⴰⵏ ⵓⵖⵉⵍⵓⴼ ⵉ ⵜⴰⵡⵊⴰ ⵏ ⵓⵙⵙⵍⵎⴷ ⴰⴽⴽⵯ ⴳ ⵜⵎⴰⵣⵉⵔⵜ ⵏⵏⵖ,ⵙⵍⴰⵡⴰⵏ ⴰⴽⴽⵯ ⵎⴰⵙ ⴳⴰⵏ ⵉⵙⵍⵎⴰⴷⵏ ⵉⵎⵙⵙⴳⵎⵉⵜⵏ ⵏ ⵜⴰⵙⵓⵜⵉⵏ, ⵎⴰ ⴰⵏⵏ ⴰⴼ ⵓⴳⵉⵏ ⴽⵉⴳⴰⵏ ⵏ ⵉⵙⵍⵎⴰⴷⵏ ⵓⵍⴰ ⵉⵏⵎⵎⴰⵙⵙⵓⵜⵏ ⴳ ⵜⵎⴰⵣⵉⵔⵜ ⵏⵏⵖ ⴰⵡⵏⵏⵉ ⴰⴷ ⵏ ⵜⵙⵏⵏⴱⴹⴰⵢⵜ ⵜⴰⵎⵏⵣⵓⵜ ⵏ ⵜⵖⵔⵎⵜ ⵏ ⵕⵕⴱⴰⵟ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B4%B0%E2%B4%B1%E2%B5%8F%E2%B5%89%E2%B5%87-%E2%B5%89-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%99%E2%B5%8D%E2%B5%8E%E2%B4%B0%E2%B4%B7%E2%B5%8F-%E2%B5%89%E2%B5%8F%E2%B5%8E%E2%B5%96%E2%B5%93%E2%B5%8F%E2%B5%8F