Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

07 ⵉⴱⵔⵉⵔ 2022 Version Imprimable
ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ:

 "ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⴰⴷ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵎⴰⵙⵙ ⴱⵉⴷⵔⵓ ⵙⴰⵏⵛⵉⵣ , ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⵍⵢⵓⵏ ⵍⵍⵉ ⵢⵙⴽⵔ ⵙ ⵜⴰⵖⵓⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵓⵔⵣⴰⴼ ⵉ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⴽⵍⵉ ⵜⴰⵎⴰⵢⵏⵓⵜ ⵏ ⵜⵎⴷⵔⴰⵡⵜ ⴳⵔ ⵙⵏⴰⵜ ⵜⴳⵍⴷⴰ ⵜⴰⵎⴰⵖⵔⴰⴱⵉⵜ ⴷ ⵜⴰⵚⴱⵍⵢⵓⵏⵉⵜ 

 ⵉⴽⵛⵎ ⵓⵙⵏⵓⴱⴳ ⴰⴷ ⴳ ⵓⵙⵙⵓⵄⵓ ⵏ ⵓⵎⵢⴰⵡⴰⴹ ⴳ ⵜⵜⵉⵍⵉⴼⵓⵏ ⵜⵜⵓⵙⴽⴰⵔⵏ ⴳ 31 ⵎⴰⵕⵚ ⴳⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⵍⵢⵓⵏ ⴷ ⵉⵎⵍⴰ ⵏ ⵜⴱⵔⴰⵜ ⵍⵍⵉ ⵢⵣⵏ ⴳ 14 ⵎⴰⵕⵚ ⵎⴰⵙⵙ ⴱⵉⴷⵔⵓ ⵙⴰⵏⵛⵉⵣ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵢⴰⴷ ⵜⵣⵓⵛⵛⵍ ⵜⵏⴱⴰⴹⵜ ⵏ ⵚⴱⵍⵢⵓⵏ ⴰⴷ ⵜⵕⵥⵎ ⵏ ⵜⴽⵍⵉ ⵜⴰⵎⴰⵢⵏⵓⵜ ⴳⵔ ⵙⵏⴰⵜ ⵜⴳⵍⴷⴰ ⵉⴱⵉⴷⴷⵏ ⵅⴼ ⵜⴰⵎⴰⴼⴰⵡⵜ ⴷ ⵓⵣⵔⴰⴽ ⵉⵙⵏⴼⵍⵏ 

ⵓⵍⴰ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉⵔⴰⵏ ⴰⴷ ⵜⴳⴰ ⴰⵍⵖⵓ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ 20 ⵖⵓⵛⵜ 2021 ⵏ ⵓⵏⵓⵕⵥⵓⵎ ⵏ ⵜⴽⵍⵉ ⵜⴰⵎⴰⵢⵏⵓⵜ ⵜⴰⵎⴰⵣⵡⴰⵔⵓⵜ ⴳ ⵉⵎⵢⴰⵙⵙⴰⵏ ⴳⵔ ⵙⵏⴰⵜ ⵜⵎⵉⵣⴰⵔ . 

ⴳ ⵓⵙⵏⵓⴱⴳ ⴰⴷ ⵉⵙⵎⵢⵏⴰ  ⵎⴰⵙⵙ ⴱⵉⴷⵔⵓ ⵙⴰⵏⵛⵉⵣ ⴰⵙⴷⴷⵉⴷ ⵅⴼ ⴰⴷⴷⴰⴷ ⵏ ⵚⴱⵍⵢⵓⵏ ⵙ ⵓⵣⵎⵣⵣⵓ ⵏ ⵓⵙⴷⴰⵡ ⵏ ⵚⵚⵃⵕⴰ ⵉⵏⵏⴰ ⵎⴰⵙ ⵜⵙⵏⵜⴰⵢⵜ ⵜⴰⵎⴰⵖⵔⵉⴱⵉⵜ ⵏ ⵓⵏⴱⴰⴹ ⴰⵏⵉⵎⴰⵏ ⴰⵎⵎ ⵉⴱⵉⴷⴷⵏ ⵖⵓⵔⵙ ⵊⵊⵉⴷⵢⴰ ⴷ ⵓⵏⵉⵍⴰⵡ ⴷ ⵎⵉⵚⴹⴰⵇⵢⵢⴰ ⴰⴼⴰⴷ ⵏ ⵓⵎⵙⴰⵙ ⵏ ⴰⵎⵣⴰⵔⴰⵢ

ⴳ ⵓⵣⵎⵣⵣⵓ  ⵉⵙⵎⴰⵢⴰⵏ ⴱⴰⴱ ⵏ ⵡⴰⴷⴷⵓⵔ ⵉ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⵍⵢⵓⵏ ⴰⵙⴷⴷⵉⴷ ⵏⵏⵙ ⵏ ⵜⵉⵔⴰⵜ ⵏ ⵓⵏⵓⵕⵥⵥⵓⵎ ⵏ ⵜⴽⵍⵉ ⵜⴰⵎⴰⵢⵏⵓⵜ ⴳ ⵉⵎⵢⴰⵙⵙⴰⵏ ⴳⵔ ⵙⴰⵜ ⵜⵎⵉⵣⴰⵔ ⵉⴱⵉⴷⴷⵏ ⵅⴼ ⴰⵣⵔⴰⴽ ⵉⵙⵏⴼⵍⵏ ⴷ ⵜⵖⵍⵉⴼⵜ ⵉⵛⵛⴰⵔⵏ ⴷ ⵓⵎⵛⵛⵉⵡⴰⵕ ⴰⵎⵖⵍⴰⵍ ⴷ ⵓⵎⵢⴰⵡⴰⵙ ⴰⵎⴼⴰⵡ 

ⵎⵙⴰⵙⴰⵏ ⴳ ⵓⵣⵎⵣⵣⵓ ⴷⵖ ⵏ ⵓⵣⵣⵉⴳⵔ ⵏ ⵉⵎⵓⵙⵙⵓⵏ ⴳ ⵓⵙⴰⵜⵉ ⵏ ⵖⵓⵖⴰⵡⴰⵙ ⵏ ⵓⴱⵔⵉⴷ ⵉⵖⵎⵓⵙ ⴰⴽⴽⵯ ⵉⴳⵔⵏ ⵏ ⵜⵎⴷⵔⴰⵡⵜ ⵉⵣⴷⵉⵏ ⴳ ⴽⵓⵍ ⵏ ⵜⵖⴰⵡⵙⵉⵡⵉⵏ ⵖⵓⵔⵙⵏ ⴰⴷⴷⵓⵔ ⵉⵛⵛⴰⵔⵏ  

ⴳ ⵜⵙⴳⴰ ⵢⴰⴹⵏ , ⵉⴳⴰ ⵓⵙⵏⵓⴱⴳ ⵉⵣⵍⵉⵏ ⵉ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⵍⵢⵓⵏ ⴰⵣⵎⵣⵣⵓ ⵏ ⵉⵎⵍⴰⵏ ⵏ ⵉⴳⵔⵏ ⵖⵓⵔⵙⵏ ⴰⴷⴷⵓⵔ ⵉⵛⵛⴰⵔⵏ ⴳ ⵜⴼⵓⵍⵉⵏ ⵏⵏⵙⵏ ⵉⵙⵔⵜⴰⵏ ⴷ ⵉⴷⵎⵙⴰⵏⵏ ⴷ ⵡⵉⵏ ⵜⵏⴼⵔⵓⵜ ⴷ ⵜⴰⴷⵍⵙⴰ ⴷ ⵉⵙⴰⵡⵍⵏ ⵉⵎⴹⴰⴽⴰⵔⵏ ⴰⴷ ⵓⵍⴰ ⵅⴼ ⵜⵖⴰⵡⵙⵉⵡⵉⵏ ⵜⵙⴳⴰⵡⵉⵏ ⴷ ⵉⵎⴰⴹⵍⴰⵏ . 

ⵃⴰⴹⵕⵏ ⴳ ⵓⵙⵏⵓⴱⴳ ⴰⴷ ⵙⴳ ⵜⴼⵓⵍⵜ ⵜⴰⵚⴱⵍⵢⵓⵏⵉⵜ ,ⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⵎⵓⵏⵜ ⵜⵓⵕⵓⴱⴱⵉⵜ ⴷ ⵓⵎⵢⴰⵡⴰⵙ ⵅⵓⵚⵉ ⵎⴰⵏⵡⵉⵍ ⴰⵍⴱⴰⵔⵉⵙ , ⴷ ⵓⵎⵙⵇⴰⴷ ⵏ ⵚⴱⵍⵢⵓⵏ ⴳ ⵍⵎⵖⵔⵉⴱ ⵎⴰⵙⵙ ⵔⵉⴽⴰⵔⴷⵓ ⴷⴱⵉⵔ-ⵀⵓⵛⵍⵢⵜⵏⵣ ⴷ ⵙⴳ ⵜⴼⵓⵍⵜ ⵜⴰⵎⴰⵖⵔⵉⴱⵉⵜ , ⴰⵎⵛⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⴼⵓⴰⵄ ⵄⴰⵍⵉ ⵍⵀⵉⵎⴰ , ⴷ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⵎⴰⵙⵙ ⵏⴰⵙⵕ ⴱⵓⵕⵉⵟⴰ ⴷ ⵜⵎⵙⵇⴰⴷⵜ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵎⴰⴷⵔⵉⴷ ⴽⵔⵉⵎⴰ ⴱⵏ ⵄⵉⵛ." 

Dernière modification : 07 ⵉⴱⵔⵉⵔ 2022
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-66