Published on MAPNews (https://www.mapnews.ma/am)

Accueil > ⵉⴼⴽⴰ ⵡⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵉ ⵜⵉⵏⴰⵡⵜ ⵜⴰⵎⵣⵡⴰⵔⵓⵜ ⵏ ⵉⵎⵙⵇⴰⴷⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ
  1. Accueil
  2. Activités royales

ⵉⴼⴽⴰ ⵡⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵉ ⵜⵉⵏⴰⵡⵜ ⵜⴰⵎⵣⵡⴰⵔⵓⵜ ⵏ ⵉⵎⵙⵇⴰⴷⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ

30 ⵖⵓⵛⵜ 2013 Version Imprimable
ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⵓⵣⵉⵏⵜ ⵉ ⵜⵉⵏⴰⵡⵜ ⵜⴰⵎⵣⵡⴰⵔⵓⵜ ⵏ ⵉⵎⵙⵇⴰⴷⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵎⴰⴷⴷⵓⵙⵏ ⴳ ⵜⵎⴰⵡⴰⵙⵜ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ, ⵙⴳ 30 ⵖⵓⵛⵜ ⴰⵔ 1 ⵛⵓⵜⴰⵎⴱⵉⵔ ⴳ ⵕⵕⴱⴰⵟ.

ⴳ ⵜⵉⵏⴰⵡⵜ ⴰⴷ, ⵍⵍⵉ ⵢⵖⵕⴰ ⵡⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⵉⵏⵏⴰ ⵡⴳⵍⵍⵉⴷ ⵉⵙ ⵉⵔⴰ ⵡⵎⵏⴰⵍⴰ ⵢⴰⴷ ⴰⴷ ⵉⴼⴽ ⴰⵙⴰⵜⵢ ⵉⴼⵓⵍⴽⵉⵏ ⴰⴼⴰⴷ ⴰⴷ ⵙⵡⵉⵏⴳⵎⵏ ⵉⵎⵙⵇⴰⴷⵏ ⵅⴼ ⵜⴰⴷⵉⴱⵍⵓⵎⴰⵙⵉⵜ ⵜⴰⵎⵖⵔⴰⴱⵉⵜ ⴷ ⴰⴷ ⵎⵛⴰⵡⵕⵏ ⵅⴼ ⵜⵉⴳⴰⵡⵉⵏ ⵍⵍⵉ ⵔⴰⴷ ⴳⵎⴻⵎⵏ ⵜⴰⴷⵉⴱⵍⵓⵎⴰⵙⵉⵜ ⵜⴰⵎⵖⵔⴰⴱⵉⵜ ⴳ ⵉⵙⴳⴳⵯⴰⵙⵏ ⴰⴷ ⵢⵓⵛⴽⴰⵏ.

ⴰⵎⵎⴰⵙ ⵏ ⵢⴰⵏ ⵓⵙⴰⵜⴰⵏ ⵢⵙⵙⵏ ⵉⵙⵎⵙⵉⵏ ⵉⵎⵇⵕⴰⵏ ⴷ ⵜⵉⵙⵙⴰⵙⵉⵏ ⵛⵇⵇⴰⵏⵏ ⴳ ⵉⵙⵡⵉⵔⵏ ⵉⴳⵔⴰⵖⵍⴰⵏⵉⵏ ⴷ ⵜⴳⴰⵏⵉⵏ, ⵉⵅⵚⵚⴰ ⴰⴷ ⵏⴳⴷⵍ ⵜⴰⵎⴰⵢⵓⵏⵉⵜ ⵏ ⵍⵎⵖⵔⵉⴱ.  

ⴳ ⵓⵙⴰⵜⵉ ⵢⴰⴷ, ⵜⴳⴰ ⵜⴰⵎⵣⵏⵜⵉⵜ ⵜⴰⵎⵖⵔⴰⴱⵉⵜ ⵍⵍⵉ ⵢⴼⴽⴰⵏ ⵜⴰⵙⵉⵎⴰⵏⵜ ⵉ ⵜⵎⵏⴹⵜⵉⵏ ⵏ ⵉⴼⴼⵓⵙ ⵢⴰⵜ ⵜⵉⴳⴰⵡⵜ ⵉⴼⵓⵍⴽⵉⵏ ⵍⵍⵉ ⵢⵙⵎⵓⵏ ⵉⵏⵏⴰⵍⵏ ⵉⵎⵇⵇⵓⵕⵏ.

ⵉⵅⵚⵚⴰ ⴰⴷ ⵙⴰⵡⵍⵏ ⵉⵎⵙⵇⴰⴷⵏ ⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⵜⵉⵍⵉⵜ ⴰⴷ, ⵓⵍⴰ ⵅⴼ ⵉⵙⴰⵔⵡⴰⵏ ⵉⵎⵇⵕⴰⵏ ⵏ ⵜⴳⵎⵉ ⵏ ⵓⴼⴳⴰⵏ ⴷ ⵜⴰⵎⴰⵍⵍⴰⵢⵜ ⴷ ⵜⵉⴳⵎⵉ ⵜⴰⵢⵖⴰⵔⵜ ⴷ ⵉⵣⵎⴰⵔⵏ ⴰⵢⵣⵎⴰⵢⵏⵓ.

ⴰⴼⴰⴷ ⴰⴷ ⵏⵍⴽⵎ ⵉ ⵡⵙⵖⴷ ⴰⴷ, ⵉⵅⵚⵚⴰ ⵉ ⵜⵏⴱⴰⴹⵜ ⴰⴷ ⵜⴼⴽ ⵜⴰⵣⵡⵓⵔⵉⵜ ⵜⴰⴷⵉⴱⵍⵓⵎⴰⵙⵉⵜ ⵜⴰⴷⴰⵎⵙⴰⵜ ⴷ ⵜⴰⴷⴰⵍⵙⴰⵜ ⵉⵅⴰⵜⴰⵔⵏ.

ⵉⵏⵏⴰ ⵡⴳⵍⵍⵉⴷ ⵉⵙ ⴱⴷⴷⴰ ⵜⵔⴰ ⴰⴷ ⴷⵔⵓⵜⵏ ⵉⴷⵓⴷⵓⵙⵏ ⴰⴼⴰⴷ ⴰⴷ ⵎⵍⵏ ⴰⵇⵇⵏ ⵏ ⵍⵎⵖⵔⵉⴱ ⵙ ⵓⵎⵙⴽⵓ ⵏ ⵜⵎⵓⵏⵉ ⵜⴰⵎⵖⵔⴰⴱⵉⵜ, ⵎⴰⵢⴰⴷ ⵉⴳⴰⵏ ⵢⴰⵏ ⵓⵙⵜⴰⵢ ⴰⵙⵜⵕⴰⵜⵉⵊⵉ ⵍⵍⵉ ⵢⵍⵍⴰⵏ ⴳ ⵓⴷⵓⵙⵜⵓⵔ.

ⵉⵎⵍⴰ ⵡⴳⵍⵍⵉⴷ ⵓⵥⴰⵏ ⵏⵏⵙ ⴷ ⵉⴼⵕⵉⵇⵢⵢⴰ ⵙ ⵜⵉⵜⵜⵉⵏ ⵍⵍⵉ ⵢⵙⴽⵔ ⵉ ⵉⴼⵔⵉⵇⵢⴰ ⵙⴳ 2000 ⴳ ⵎⵏⵏⴰⵡ ⵏ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ.

ⴼ ⵖⵉⴽⴰⵏⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵉⵙ ⵜⵙⴷⴷⵓⵔ ⵜⴳⵎⵉ ⵏ ⵉⵣⴷⵉⵢⵏ ⵍⵍⵉ ⵢⵙⵎⴰⵏⵏ ⵍⵎⵖⵔⵉⴱ ⴷ ⵜⵉⵎⵉⵣⴰⵔ ⵏ ⵉⴼⴼⵓⵙ ⵏ ⵜⵏⵣⵔⵓⴼⵜ, ⵙ ⵢⴰⵜ ⵓⵎⵙⵓⵏ ⴰⵙⴽⵔⴰⵢ ⴷ ⵜⵏⵛⵓⵔⵉⵢⵜ ⵏ ⵉⵡⴰⵏⴽⵏ ⵏ ⵙⵙⴰⵃⵉⵍ ⴷ ⵜⴰⵏⵣⵔⵓⴼⵜ (ⵙⵉⵏⵚⴰⴹ).

ⵍⵎⵖⵔⵉⴱ ⴰⵔ ⵙⵓⵍ ⵉⵎⵎⴰⵍ ⴰⵙⵎⴰⵜⴳ ⵏⵏⵙ ⵉ ⵜⵉⵖⴰⵡⵙⴰ ⵜⵉⵄⵕⴰⴱⵏ ⴷ ⵜⵉⵙⵍⴰⵎⵉⵢⵏ, ⵙⵍⴰⵡⴰⵏ ⴰⴽⴽⵯ ⵉⵙⴻⵙⵜⵏ ⵏ ⵓⴳⴷⵓⴷ ⴰⴼⴰⵍⵚⵟⵉⵏⵉ, ⵅⴼ ⵍⵍⵉ ⵉⵎⵎⴰⵖ ⴰⴼⴰⴷ ⴰⴷ ⵜⵉⵍⵉ ⵢⴰⵏ ⵓⵡⴰⵏⴽ ⴰⴼⴰⵍⴰⵚⵟⵉⵏⵉ ⵎⵓ ⵢⴳⴰⵏ ⵜⴰⵎⴰⵣⵓⵏⵜ ⵏⵏⵙ ⵍⵇⵓⴷⵙ ⵛⵛⴰⵔⵉⴼ.

ⵉⴼⴽⴰ ⵓⴳⵍⵍⵉⴷ ⵢⴰⵜ ⵜⴷⵙⴰⵢⵉⵜ ⵉⵎⵇⵔⴰⵏ ⵉ ⵡⴽⵙⴰⵜⵍ ⵏ ⵉⵣⴷⵉⵢⵏ ⴼⵓⵍⴽⵉⵏ ⴷ ⵉⵡⴰⵏⴽⵏ ⵏ ⵓⵙⵇⵇⵉⵎ ⵏ ⵓⵎⵢⴰⵡⴰⵙⵏ ⵍⵅⴰⵍⵉⵊ.

ⵉⵏⵏⴰ ⵡⴳⵍⵍⵉⴷ ⵉⵅⵚⵚⴰ ⴰⴷ ⴳⴳⵓⵜⵏ ⵉⴷⵓⴷⵓⵙⵏ ⴰⴼⴰⴷ ⴰⴷ ⵎⴰⵙⵖⵏ ⵉⵣⴷⵉⵏ ⴷ ⵜⵙⵎⵓⵏⵉⵜ ⵜⵓⵔⵓⴱⴱⵉⵜ ⴷ ⵉⵡⵏⴰⴽⵏ ⵉⴳⵎⴰⵎⵏ.

Dernière modification : 30 ⵖⵓⵛⵜ 2013
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B5%A1%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B5%93%E2%B5%A3%E2%B5%89%E2%B5%8F%E2%B5%9C-%E2%B5%89-%E2%B5%9C%E2%B5%89%E2%B5%8F%E2%B4%B0%E2%B5%A1%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B5%8F-%E2%B5%89%E2%B5%8E%E2%B5%99%E2%B5%87%E2%B4%B0%E2%B4%B7%E2%B5%8F-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7#comment-0