Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵢⵓⵣⵏ ⵜⴰⴱⵔⴰⵜⵜ ⵉ ⵉⵎⴷⵔⴰⵡⵏ ⴳ ⵓⴱⵔⴰⴳⵔⴰⵡ ⵏ ⵓⵙⵏⵜⵉ ⵏ ⵓⵙⴳⵔⴰⵡ ⴰⴼⵔⵉⵇⵉ ⵏ ⵉⵎⵙⵙⴰⵔⵓⵜⵏ ⵉⵎⴱⵖⵓⵕⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵢⵓⵣⵏ ⵜⴰⴱⵔⴰⵜⵜ ⵉ ⵉⵎⴷⵔⴰⵡⵏ ⴳ ⵓⴱⵔⴰⴳⵔⴰⵡ ⵏ ⵓⵙⵏⵜⵉ ⵏ ⵓⵙⴳⵔⴰⵡ ⴰⴼⵔⵉⵇⵉ ⵏ ⵉⵎⵙⵙⴰⵔⵓⵜⵏ ⵉⵎⴱⵖⵓⵕⵏ

20 ⵢⵓⵏⵢⵓ 2022 Version Imprimable
ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ, ⴰⵙⵙ ⴰⴷ ⴰⵢⵏⴰⵙ 20ⵢⵓⵏⵢⵓ 2022 ⵜⴰⴱⵔⴰⵜⵜ ⵉ ⵉⵎⴷⵔⴰⵡⵏ ⴳ ⵓⴱⵔⴰⴳⵔⴰⵡ ⵏ ⵓⵙⵏⵜⵉ ⵏ ⵓⵙⴳⵔⴰⵡ ⴰⴼⵔⵉⵇⵉ ⵏ ⵉⵎⵙⵙⴰⵔⵓⵜⵏ ⵉⵎⴱⵖⵓⵔⵏ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵜⵖⵔⵎⵜ ⵏ ⵕⵕⴱⴰⵟ .

ⵜⴰⴱⵔⵜⵜ ⴰⴷ ⵉⵖⵔⴰ ⵜⵜ ⵓⵎⴰⵡⵙⴰⵙ ⴰⵎⴰⵡⴰⵙ ⵙⴳ ⴷⴰⵔ ⵜⵏⵖⵍⴰⴼⵜ ⵏ ⵜⴷⵎⵙⴰ ⴷ ⵓⵙⴼⵍⵙ ⵏⵏⴰ ⵉⴳⴰⵏ ⴰⵎⵙⵜⴳⴳⴰⵔ ⵅⴼ ⵜⴷⵔⵉⵎⵜ, ⵎⴰⵙⵙ ⴼⴰⵡⵣⵉ ⵍⵇⵊⵄ .

ⴳ ⵎⴰⴷ ⵉⵥⵍⵉⵏ ⵙ ⵓⵣⴳⵣⵍ ⵏ ⵎⴰⴷ ⴷ ⵉⴷⴷⴰⵏ ⴳ ⵜⴱⵔⴰⵜⵜ ⴰⴷ , ⵏⵏⴰ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ ⵉ ⵉⵎⴷⵔⴰⵡⵏ ⵏ ⵓⴱⵔⴰⴳⵔⴰⵡ ⴰⴼⵔⵉⵇⵉ ⵏ ⵉⵎⵙⵙⴰⵔⵓⵜⵏ ⵉⵡⵡⵓⵔⴰⵏⵏ,ⵉⵙⵙⵔⵖⵓⴷ ⴳⵉⵙ ⴱⴰⴱ ⵏ ⵡⴰⴷⴷⵓⵔ ⵙ ⵉⵙⵔⵜⴰⵏⵏ ⴷ ⵉⵙⵜⵕⴰⵜⵉⵊⵉⵏ ⵏ ⵉⴼⵔⵉⵇⵢⴰ ⵏⵏⴰ ⴷ ⵉⵎⵓⵏⵏ ⴰⵙⵙ ⴷⴷⵅ ⴳ ⵜⵙⵏⵜⴰⵢⵜ ⴰⴷ ⵏⵏⴰ ⵉⵙⵙⵉⵎⵖⵓⵔ ⴽⵉⴳⴰⵏ .

ⵎⴽ ⵏⵏⴰ ⵙⵔⵙⵏ ⵉⵙⴱⵔⵔⴽ ⴷ ⴽⵓⵍ ⵎⴰⴷ ⵢⵉⵡⵙⵏ ⴳ ⵓⴱⵔⴰⴳⵔⴰⵡ ⴷⴷⵅ ⵉⵍⴰⵏ ⴰⵜⵉⴳ, ⵎⴽⵏⵏⴰ ⵉⵏⵏⴰ ⵎⴰⵙ ⵜⴳⴰ ⵜⵙⵏⵜⴰⵢⵜ ⴰⴷ ⵢⴰⵜ ⵜⴰⵏⵏⴰⵢⵜ ⴷ ⵜⵣⵎⵔⵜ ⵜⴰⵎⴰⵢⵏⵓⵜ ⵏ ⵓⵎⵢⴰⵡⴰⵙ ⴰⴼⵔⵉⵇⵉ ⴰⴼⴰⴷ ⴰⴷ ⵣⵔⵉⵏ ⵉⵎⵓⴽⵔⵉⵙⵏ ⵏⵏⴰ ⵔⴰⴷ ⵢⵉⵍⵉ ⴷⴰⵜ ⴰⵙⵏ .

ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵉⵇⵇⴰⵏ ⵏⴽⴽⵯⵏⵉ ⵉⴼⵔⵉⵇⵉⵢⵢⵏ ⴰⴷ ⵏⵙⵡⵡⵓⵔⵉ ⵙ ⵜⵣⵎⵎⴰⵔ ⵏⵏⵖ ⴰⴼⴰⴷ ⴰⴷ ⵏⵙⴱⵓⵖⵍⵓ ⴰⵎⵓⵏ ⵏⵍⴽⵎ ⵉⵡⵜⵜⴰⵙⵏ ⵏⵏⴰ ⴰⴽⴽⵯ ⵏⵔⴰ, ⴰⴼⴰⴷ ⴰⴷ ⴱⵓⵖⵍⵓⵏⵜ ⵜⵡⵡⵓⵔⵉⵡⵉⵏ ⵏ ⵜⴰⵙⵓⵜⵉⵏ ⴷ ⵉⴷⴷⴰⵏ .

ⵎⴽⵍⵍⵉ ⵍⵍⴰⵏⵜ ⴽⵉⴳⴰⵏ ⵏ ⵜⵎⵍⴷⵉⵡⵉⵏ ⴷⴰⵔ ⵉⴼⵔⵉⵇⵉⵏ ⴰⴽⴽⵯ , ⵎⴽⵏⵏⴰ ⵉⵏⵏⴰ ⵎⴰⵙⴷ ⵉⵇⵇⴰⵏ ⵓⵎⵢⴰⵡⴰⵙ ⴷ ⵓⵙⴷⵓⵙ ⴷ ⵓⵙⴱⵓⵖⵍⵓ ⵏ ⵜⵣⵎⵎⴰⵔ ⵏ ⵉⵡⵡⵓⵔⴰⵏⵏ ⵏ ⵉⴼⵔⵉⵇⵢⴰ ⵙ ⵓⵎⴰⵜⴰ .

ⵉⵣⴰⵢⴷ ⴱⴰⴱ ⵏ ⵡⴰⴷⴷⵓⵔ ⵉⵏⵏⴰ ⵎⴰⵙ ⵍⵍⴰⵏⵜ ⴽⵉⴳⴰⵏ ⵏ ⵜⵎⵍⴷⵉⵡⵉⵏ ⵉ ⵉⵎⵙⵙⵔⵏⵓⵜⵏ ⴳ ⵓⵙⵡⵉⵔ ⴰⴼⵔⵉⵇⵉ, ⵉⵏⵏⴰ ⴰⵡⴷ ⵎⴰⵙⴷ ⵉⵇⵇⴰⵏ ⴰⴷ ⵜⵜⵓⴼⴽⴰⵏⵜ ⴽⵉⴳⴰⵏ ⵏ ⵜⵣⵎⵎⴰⵔ ⵏ ⵓⵙⴱⵓⵖⵍⵓ ⵉ ⵉⴳⵔⴰⵏ ⴰⴷ ⵏ ⵓⵙⵙⴰⵔⵓ, ⴷ ⵉⵇⵇⴰⵏⴷ ⴰⴷ ⴰⴷⴼⵏ ⵉⵡⵡⵓⵔⴰⵏⵏ ⴰⴽⴽⵯ ⵉⴼⵔⵉⵇⵉⵏ ⵉ ⵉⴳⴰⴷⴰⵣⵏ ⵉⵎⴰⴹⵍⴰⵏⵏ .

ⵉⵙⵎⴷ ⴰⵡⴰⵍ ⵏⵏⵙ , ⵉⵏⵏⴰ ⵎⴰⵙⴷ ⵉⵇⵇⴰⵏ ⴰⴷ ⵙⵜⵜ ⴰⵡⵉⵏ ⵉⵡⵡⵓⵔⴰⵏⵏ ⴳ ⵉⴳⵔ ⴰⴷ , ⵙⴷⴷⵉⴷⵏ ⵜⵉⵎⵍⴷⵉⵡⵉⵏ ⴰⴽⴽⵯ ⵏⵏⴰ ⵉⵍⵍⴰⵏ ⴳ ⵉⴳⵔ ⴰⴷ , ⴰⴼⴰⴷ ⴰⴷ ⵖⵉⵏ ⴰⴷ ⵙⴽⴰⵔⵏ ⴰⴼⴰⵔⵙ ⵉ ⵜⴰⵔⵏⴰ ⵙⴱⵓⵖⵍⵓⵏ ⵜⴰⴷⵎⵙⴰ ⵏ ⵉⴳⵔⴰⵏ ⴰⴽⴽⵯ ⴰⴼⴰⴷ ⴰⴷ ⵉⴱⵓⵖⵍⵓ ⴰⵡⴷ ⵓⴼⴰⵔⵙ ⵏ ⵡⴰⵎⵓⵏ ⵙ ⵓⵎⴰⵜⴰ .

Dernière modification : 20 ⵢⵓⵏⵢⵓ 2022
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B5%93%E2%B5%A3%E2%B5%8F-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C%E2%B5%9C-%E2%B5%89-%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%93%E2%B4%B1%E2%B5%94%E2%B4%B0%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%93%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B4%BC%E2%B5%94%E2%B5%89%E2%B5%87%E2%B5%89-%E2%B5%8F-%E2%B5%89%E2%B5%8E%E2%B5%99%E2%B5%99%E2%B4%B0%E2%B5%94%E2%B5%93%E2%B5%9C%E2%B5%8F