Published on MAPNews (https://www.mapnews.ma/am)

Accueil > ⵉⵙⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵜⴳⴰⵔⵏ ⵏ ⵓⴼⵔⵔⵓ ⵙ ⵜⴼⵔⴰⵙ ⵏ ⵓⵏⵎⴰⵍⴰⵢ
  1. Accueil
  2. Activités royales

ⵉⵙⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵜⴳⴰⵔⵏ ⵏ ⵓⴼⵔⵔⵓ ⵙ ⵜⴼⵔⴰⵙ ⵏ ⵓⵏⵎⴰⵍⴰⵢ

05 ⵢⵓⵍⵢⵓⵣ 2022 Version Imprimable
ⵎⵕⵕⴰⴽⵯⵛ - ⵉⵙⵙⵖⵥⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⵓⵎⴰⵏⵜ ⵏ ⵓⵙⵜⴰⵢ ⵏ ⵉⴼⵔⵔⵓⵜⵏ ⵏⵏⴰ ⵉⵍⴰⵏ ⵜⵉⴼⵔⴰⵙ ⵏ ⵓⵙⵏⵎⴰⵍⴰ ⵉ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴰⴼⴰⴷ ⴰⴷ ⵙⵎⵎⴰⵜⵜⵉⵏ ⵉⵎⵓⴽⵔⵉⵙⵏ ⵏ ⵉⵕⵟⵟⴰⵍⵏ ⵏⵏⴰ ⵉⴳⴰⵏ ⴽⵔⴰ ⵏ ⵉⵏⴰⵥⴰⵕⵏ ⵏ ⵜⴷⵎⵙⴰ.

ⴳ ⵜⴱⵔⴰⵜⵜ ⵏⵏⵙ ⵏⵏⴰ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵡⴰⵙⵙ ⵏ ⵓⵙⵉⵏⴰⵙ ⵉ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⴼⵔⵉⵇⵉ ⵏ ⵉⵏⵖⵍⴰⴼⵏ ⵏ ⵜⵙⴼⵍⵙⵜ ⴷ ⵉⴱⴰⵏⴽⵏ ⵉⴼⵔⵉⵇⵉⵏ ⴷ ⵓⴼⵏⵉⵇ ⵏ ⵓⵙⴼⵍⵙ ⴰⴳⵔⴰⵖⵍⴰⵏ,ⵏⵏⴰ ⵉⵍⵍⴰⵏ ⴳ ⵜⵖⵔⵎⵜ ⵏ ⵎⵕⵕⴰⴽⵛ, ⵉⵏⵏⴰ ⵎⴰⵙⴷ ⵉⵇⵇⴰⵏ ⴰⴷ ⵜⵜⵓⵙⴷⴷⵉⴷⵏ ⴽⵉⴳⴰⵏ ⵏ ⵉⵙⵓⴳⴰⵎ ⵉⵙⴳⴰⵡⴰⵏⵏ ⴳ ⵉⴳⵔⴰⵏ ⵏ ⵓⵙⴷⵔⵉⵎ.

ⵜⴰⴱⵔⴰⵜⵜ ⵏ ⴱⴰⴱ ⵏ ⵡⴰⴷⴷⵓⵔ ⵜⵖⵔⴰⵜⵜ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵙⴼⵍⵙ, ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⵄⴰⵍⴰⵡⵉ, ⵉⴷⴷⴰⴷ ⴳⵉⵙ ⵎⴰⵙ ⴷ ⵉⵇⵇⴰⵏ ⵓⵙⴳⴳⴷ ⵏ ⵓⵏⵎⴰⵍⴰ ⵏⵏⴰ ⵔⴰⴷ ⵉⵙⴰⵜⵜⵓⵢ ⵉⵙⵓⴳⴰⵎ ⴷ ⵉⵏⵎⴰⵍⴰⵜⵏ ⵏ ⵓⵙⴼⵍⵙ ⴷ ⵓⵙⴷⵓⵙ ⵏ ⵉⵙⵙⵔⵏⵓⵜⵏ ⵏ ⴱⵕⵕⴰ ⴷ ⵓⵙⴱⵓⵖⵍⵓ ⵏ ⵜⵎⴰⵎⴽⵉⵏ ⵏ ⵜⴷⵔⴰⵡⵉⵏ ⴳⵔ ⵉⴳⵔⴰⵏ ⵓⵙⵍⵉⴳ ⴷ ⵓⵎⴰⵜⵜⴰⵢ.

ⴳ ⵎⴰⴷ ⵉⵥⵍⵉⵏ ⵙ ⵉⵔⵟⵟⴰⵍⵏ,ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴳⴰⵏ ⴽⵔⴰ ⵏ ⵉⵜⴳⴰⵔⵏ ⵏ ⵓⵏⴰⵥⴰⵕ ⴰⴷⵎⵙⴰⵏ, ⵏⵏⴰ ⵉⵍⵍⴰⵏ ⴷⴰⵔ ⵉⵡⴰⵏⴽⵏ ⵏ ⵉⴼⵔⵉⵇⵢⴰ ⵙ ⵓⵙⵔⴰⴳ ⵍⵍⵉⵖ ⴰⵔ ⵙⴽⴰⵔⵏ ⵉⵎⵓⴽⵔⵉⵙⵏ ⵎⵏⵉⴷ ⵏ ⵉⵙⵏⴼⴰⵕⵏ ⵏ ⵓⵙⵙⵔⵏⵓ ⴰⴷⵎⵙⴰⵏ ⴷ ⵜⵏⴼⵍⵉⵜ ⵜⴰⵙⵓⵍⴰⵏⵜ.

ⴳ ⵉⴳⵔ ⵏ ⵓⵙⵏⴼⵍ ⵏ ⵓⵏⵣⵡⵉ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴳⴰⵏ ⵢⴰⵏ ⵙⴳ ⵉⵎⵓⴽⵔⵉⵙⵏ ⵏ ⵓⵏⵣⵡⵉ ⵏⵏⴰ ⵉⵍⵍⴰⵏ ⴷⴰⵔ ⵜⵎⵓⵔⴰ ⵏ ⵉⴼⵔⵉⵇⵢⴰ ⵙ ⵓⵙⵔⴰⴳ ⵍⵍⵉⵖ ⴰⵔ ⵙⴽⴰⵔⵏ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⴳ ⴽⵉⴳⴰⵏ ⵏ ⵉⴳⵔⴰⵏ ⵏ ⵜⵓⴷⵔⵜ ⴳ ⵜⵎⵉⵣⴰⵔ ⵏⵏⵖ.

ⴳ ⵉⴳⵔ ⵢⴰⴹⵏ , ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙⴷ ⵉⵇⵇⴰⵏ ⵓⵙⵙⵔⵏⵓ ⴳ ⵉⴳⵔ ⵏ ⵓⵙⴰⴷⵓⵔ, ⵙ ⵓⵙⵔⴰⴳ ⵏ ⵉⵎⵓⴽⵔⵉⵙⵏ ⵏⵏⴰ ⵉⵙⴽⴰⵔ ⵓⵏⵣⵡⵉ, ⵙ ⵓⵙⵎⵔⵙ ⵏ ⵓⵙⵡⵉⵔ ⵏ ⵜⵡⵏⵏⴰⴷⵏⵜ ⵏⵏⴰ ⵉⵍⵍⴰⵏ ⵏⵖⴷ ⵉⵙⵜⴰⵢⵏ ⵏ ⵜⴷⵎⵙⴰ ⵏⵏⴰ ⵉⵜⵜⵓⴹⴼⴰⵕⵏ.

ⴳ ⵎⴰⴷ ⵉⵥⵍⵉⵏ ⵙ ⵓⵎⵎⵓⵜⵜⵉ ⵓⵟⵟⵓⵏⴰⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙⴷ ⵜⴰⵜⵉⴽⵏⵓⵍⵓⵊⵉⵜ ⵜⵓⵟⵟⵓⵏⴰⵏⵜ ⵜⴳⴰ ⵢⴰⵏ ⵓⵙⵏⴼⵍ ⴰⵙⵏⵎⴰⵍⴰⵢ ⴳ ⵓⵙⵎⵣⴰⵣⴰⵍ ⴷ ⵓⵎⴰⴹⴰⵍ ⵏⵏⴰ ⴰⵖ ⵉⵙⵙⵓⵜⵍⵏ, ⵍⵍⵉⵖ ⴰⵔ ⵜⵜⴰⵡⵙ ⴳ ⵓⵙⴱⵓⵖⵍⵓ ⵏ ⵉⴼⴰⵔⵙⵏ ⵏ ⵓⵙⴰⴷⵓⵔ ⵍⵍⵉⵖ ⴰⵔ ⵜⵙⴽⴰⵔ ⴽⵉⴳⴰⵏ ⵏ ⵜⵎⵍⴷⵉⵡⵉⵏ ⵏ ⵜⵡⵡⵓⵔⵉ ⴷ ⵓⵙⴰⵜⵜⵓⵢ ⵏ ⵓⵜⵓⵢ ⵏ ⵉⵙⵏⴼⴰⵕⵏ ⵏ ⵓⵙⵙⵔⵏⵓ.

Dernière modification : 05 ⵢⵓⵍⵢⵓⵣ 2022
Source URL: https://www.mapnews.ma/am/activites-royales/%E2%B5%89%E2%B5%99%E2%B5%9C%E2%B5%89-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%9C%E2%B4%B3%E2%B4%B0%E2%B5%94%E2%B5%8F-%E2%B5%8F-%E2%B5%93%E2%B4%BC%E2%B5%94%E2%B5%94%E2%B5%93-%E2%B5%99-%E2%B5%9C%E2%B4%BC%E2%B5%94%E2%B4%B0%E2%B5%99-%E2%B5%8F-%E2%B5%93%E2%B5%8F%E2%B5%8E%E2%B4%B0%E2%B5%8D%E2%B4%B0%E2%B5%A2