Published on MAPNews (https://www.mapnews.ma/am)

Accueil > ⴰⵙⵏⵎⴰⵍⴰ ⵏ ⵡⴰⴼⴰ ⵏ ⵜⵡⵡⵓⵔⵉⵡⵉⵏ ⵜⵉⴼⵔⵉⵇⵉⵢⵉⵏ ⵜⵉⵎⵉⵔⵉⴽⴰⵏⵉⵢⵉⵏ ⴳ ⵍⵎⵖⵔⵉⴱ, ⴰⵙⴽⴽⵉⵔ ⵏ ⵜⴰⴳⴳⵓⵔⵜ ⵜⴰⴼⵔⵉⵇⵉⵜ ⴳ ⵍⵎⵖⵔⵉⴱ ⴷ ⵓⵜⴳⴰⵔ ⵏ ⵓⵎⵢⴰⵡⴰⴹ ⴳⵔ ⵉⵏⵎⵎⴰⵙⵙⵓⵜⵏ ⴷ ⵉⵎⴷⵔⴰⵡⵏ ⵉⴳⵔⴰⵖⵍⴰⵏⵏ (ⵎⴰⵙⵙ ⴱⵓⵕⵉⵟⴰ)

ⴰⵙⵏⵎⴰⵍⴰ ⵏ ⵡⴰⴼⴰ ⵏ ⵜⵡⵡⵓⵔⵉⵡⵉⵏ ⵜⵉⴼⵔⵉⵇⵉⵢⵉⵏ ⵜⵉⵎⵉⵔⵉⴽⴰⵏⵉⵢⵉⵏ ⴳ ⵍⵎⵖⵔⵉⴱ, ⴰⵙⴽⴽⵉⵔ ⵏ ⵜⴰⴳⴳⵓⵔⵜ ⵜⴰⴼⵔⵉⵇⵉⵜ ⴳ ⵍⵎⵖⵔⵉⴱ ⴷ ⵓⵜⴳⴰⵔ ⵏ ⵓⵎⵢⴰⵡⴰⴹ ⴳⵔ ⵉⵏⵎⵎⴰⵙⵙⵓⵜⵏ ⴷ ⵉⵎⴷⵔⴰⵡⵏ ⵉⴳⵔⴰⵖⵍⴰⵏⵏ (ⵎⴰⵙⵙ ⴱⵓⵕⵉⵟⴰ)

21 ⵢⵓⵍⵢⵓⵣ 2022 Version Imprimable
ⵎⵕⵕⴰⴽⵯⵛ - ⵉⵏⵏⴰ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵉⵎⵖⵔⵉⴱⵉⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⵎⴰⵙⴷ ⴰⵙⵏⵎⴰⵍⴰ ⵏ ⵡⴰⴼⴰ ⴰⴷ ⵏ ⵜⵡⵡⵓⵔⵉⵡⵉⵏ ⵜⵉⴼⵔⵉⵇⵉⵢⵉⵏ ⵜⵉⵎⵉⵔⵉⴽⴰⵏⵉⵢⵢⵉⵏ ⴳ ⵍⵎⵖⵔⵉⴱ (19/22 ⵢⵓⵍⵢⵓⵣ), ⵏⵏⴰ ⵢⵜⵜⵓⵙⵏⵜⴰⵏ ⴳ ⵜⵙⵙⵓⵜⵍⵜ ⵏⵏⵙ ⵜⵉⵙⵙ 14, ⴰⵙⵙ ⵏ ⵓⴽⵕⴰⵙ ⴳ ⵜⵖⵔⵎⵜ ⵏ ⵎⵕⵕⴰⴽⵯⵛ, ⵏⵏⴰ ⵉⴳⴰⵏ ⵢⴰⵏ ⵓⵜⵓⵢ ⵏ ⵓⵎⵢⴰⵡⴰⵙ ⴳ ⵓⵙⴽⴽⵉⵔ ⵏ ⵜⴰⴳⴳⵓⵔⵜ ⵜⴰⴼⵔⵉⵇⵉⵜ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵎⵢⴰⵡⴰⵙ ⴳⵔ ⵉⵏⵎⵎⴰⵙⵙⵓⵜⵏ ⴰⴽⴽⵯ ⵉⴳⵔⴰⵖⵍⴰⵏⵏ, ⵣⵓⵏⴷ ⵓⵕⵓⴱⴱⴰ ⴷ ⵜⵎⵜⵜⴰ ⵉⵎⵓⵏⵏ ⴷ ⵎⴰⵔⵉⴽⴰⵏ ⵏ ⵉⴼⴼⵓⵙ.

ⵉⵙⵎⴰⵍ ⵎⴰⵙⵙ ⴱⵓⵕⵉⵟⴰ ⴳ ⵜⴳⵓⵔⵉ ⵏⵏⵙ ⴳ ⵉⴳⵉⵡⵔ ⵏ ⵓⵙⵏⵜⵉ ⵏ ⵜⵓⵎⴰⵏⵜ ⴰⴷ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ, ⵙ ⵜⴷⵔⴰⵡⵜ ⴷ ⵓⵙⵇⵇⵉⵎ ⵏ ⵜⴷⵔⴰⵡⵉⵏ ⵜⵉⴼⵔⵉⵇⵉⵢⵉⵏ, ⵉⴳ ⵢⴰⵏ ⵓⵙⵖⵥⵏ ⵏ ⵍⵎⵖⵔⵉⴱ ⵅⴼ ⵓⴹⴼⵓⵕ ⵏ ⵜⵏⴼⵔⵓⵜ ⴷ ⵜⵏⴼⵍⵉⵜ ⵜⴰⴷⵍⵙⴰⵏⵜ ⵜⴰⵙⵓⵍⴰⵏⵜ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴷⵉⵙ.

ⵉⴳ ⵓⵙⵏⵎⴰⵍⴰ ⵏ ⵜⵓⵎⴰⵏⵜ ⴰⴷ, ⵢⴰⵏ ⵓⵙⵎⴰⵍ ⵏ ⵓⵙⴱⵖⵔ ⵏ ⵜⴷⵔⴰⵡⵜ ⵜⴰⵙⵜⵕⴰⵜⵉⵊⵉⵜ ⴳⵔ ⵍⵎⵖⵔⵉⴱ ⴷ ⵎⴰⵔⵉⴽⴰⵏ, ⵏⵏⴰ ⵉⴳⴰⵏ ⵢⴰⵏ ⵓⵎⴷⵢⴰ ⵏ ⵓⴱⵓⵖⵍⵓ ⴳⵔ ⵙⵏⴰⵜ ⵜⵎⵉⵣⴰⵔ ⴷⴷⵅ, ⵉⴷⴷⴰⵏ ⵙ ⵓⵎⵢⴰⵡⴰⵙ ⴳ ⵉⴳⵔ ⵏ ⵜⵏⴼⵔⵓⵜ ⴳ ⵉⴳⵔ ⵏ ⵓⵙⵡⵉⵔ ⴰⴼⵔⵉⵇⵉ.

ⴳ ⵉⴳⵔ ⵢⴰⴹⵏ , ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⵎⴰⵙⴷ ⵜⵉⵣⴷⴰⵢⵉⵏ ⴰⴷ ⵜⵉⵎⵖⵔⵉⴱⵉⵢⵉⵏ ⵜⵉⵎⵉⵔⵉⴽⴰⵏⵉⵢⵉⵏ ⵜⵜⵓⵙⵙⴰⵏ ⵙ ⵜⴷⵓⵙⵉ ⵏⵏⵙ ⴳ ⵓⵙⵡⵉⵔ ⴰⴼⵔⵉⵇⵉ, ⵢⵉⵏⵉ ⵎⴰⵙⴷ ⵍⵎⵖⵔⵉⴱ ⴰⴷ ⵉⵙⵙⵖⵥⵏⵏ ⵙ ⵜⵙⵉⵎⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⴷ ⵏⵜⵜⴰⵜ ⴰⵢⴳⴰⵏ ⵜⴰⵎⴰⵣⵉⵔⵜ ⵜⴰⴼⵔⵉⵇⵉⵜ ⵜⴰⵡⵍⴰⵡⴰⵍⵜ ⵏⵏⴰ ⴷ ⴷⴰⵔ ⵜⵉⵣⴷⴰⵢⵉⵏ ⵏ ⵓⵙⵏⴼⵍ ⵉⴷⵔⴼⵉ ⴷ ⵜⵎⵜⵜⴰ ⵉⵎⵓⵏⵏ. ⵎⴽⵍⵍⵉ ⴷⴰⵔⵙ ⴽⵉⴳⴰⵏ ⵏ ⵜⴷⵔⴰⵡⵉⵏ ⵜⵉⵙⵜⵕⴰⵜⵉⵊⵉⵢⵢⵉⵏ ⵏⵏⴰ ⵉⵜⵜⵓⵙⵙⴰⵏⵏ ⵙ ⵜⵏⴼⵍⵉⵜ ⴳⵔ ⵜⵎⵉⵣⴰⵔ ⴰⴷ ⵙ ⵙⵏⴰⵜ ⴷ ⵓⵎⵢⴰⵡⴰⵙ ⵏⵏⴰ ⴰⴽⴽⵯ ⵢⵓⵎⴰⵏ ⴰⵙⵡⵉⵔ ⴰⴼⵔⵉⵇⵉ ⵙ ⵓⵎⴰⵜⴰ.

ⵎⴽⵍⵍⵉ ⵉⵡⵙⵏ ⵓⴳⴳⴰⵔ ⵏ 1000 ⵏ ⵓⵎⴷⵔⴰⵡ ⴰⵔ ⵉⵎⵎⴰⵍⴰ ⵜⴰⴷⵓⵙⵉ ⴷ ⵜⵉⵍⴰⵍ ⵏ ⵜⴷⵔⴰⵡⵜ ⴰⴷ ⵏⵏⴰ ⵔⴰⴷ ⵉⴱⵓⵖⵍⵓ ⵙ ⵉⵎⴰⵍ ⴳⵔ ⵉⴼⵔⵉⵇⵢⴰ ⴷ ⵜⵎⵜⵜⴰ ⵉⵎⵓⵏⵏ ⴳ ⵉⴳⵔⴰⵏ ⵏ ⵜⵙⴱⴱⴰⴱⵜ ⴷ ⵓⵙⵙⵔⵏⵓ ⴷ ⵜⵡⵡⵓⵔⵉⵡⵉⵏ.ⵎⴽⵍⵍⵉ ⵉⵙⵙⵖⵥⵏ ⵅⴼ ⵉⴳⵔ ⵓⵙⵍⵉⴳ ⴷ ⵜⵙⵏⵓⵔⴰⵢⵉⵏ ⵏ ⵓⵙⵙⵔⵏⵓ ⵎⴰⵙ ⴳⴰⵏⵜ ⵜⵉⵎⵙⴱⵓⵖⵍⵓⵜⵉⵏ ⵜⵉⴷⵙⵍⴰⵏⵉⵏ ⵉ ⵜⴷⵔⴰⵡⵜ ⴰⴷ.

ⵎⴽⵍⵍⵉ ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⵎⴰⵙ ⵍⵍⴰⵏ ⴽⵉⴳⴰⵏ ⵏ ⵉⴱⴰⵢⵟⵟⴰⵕⵏ ⵎⵏⵉⴷ ⵏ ⵜⴷⴰⵎⵙⴰ ⵜⴰⵎⴰⴹⵍⴰⵏⵜ,ⵉⵍⵉⵏⵜ ⵜⵉⵍⴰⵍ ⴷⴰⵔ ⵉⴼⵔⵉⵇⵢⴰ ⵏⵏⴰ ⵉⴳⴰⵏ ⵢⴰⵏ ⵓⵙⵃⴹⴰⵡ ⵏ ⵓⴱⵓⵖⵍⵓ ⵏ ⵜⴷⵎⵙⴰ ⵜⴰⴳⵔⴰⵖⵍⴰⵏⵜ, ⴷ ⵓⵎⵢⴰⵡⴰⵙ ⵉⴷⵓⵙ ⴳⵔ ⵉⵎⴷⵔⴰⵡⵏ ⴰⴽⴽⵯ ⵉⵎⴰⴹⵍⴰⵏⵏ ⵎⴽⵍⵍⵉ ⴳⵉⵙ ⵉⵙⵓⴳⴰⵎ ⵉⵏⴰⴼⴳⴰⵏⵏ ⵜⴳ ⴰⵡⴷ ⵢⴰⵏ ⵡⴰⵢⴷⴰ ⴰⴷⵙⵍⴰⵏ ⵏ ⵓⵙⵙⵔⵏⵓ ⴳ ⵓⵙⵡⵉⵔ ⴰⴼⵔⵉⵇⵉ, ⵎⴽⵍⵍⵉ ⴷⴰⵔⵙ ⴽⵉⴳⴰⵏ ⵏ ⵜⵣⵎⵎⴰⵔ ⴷ ⵓⴷⵖⴰⵔ ⴰⵙⵜⵕⴰⵜⵉⵊⵉ ⵉⵍⴰⵏ ⴰⵜⵉⴳ , ⴷ ⵓⵙⴷⵓⵙ ⵏ ⵉⴳⵔⴰⵏ ⵎⵢⴰⵏⴰⵡⵏⵉⵏ ⵣⵓⵏⴷ ⵡⵉⵏ ⵜⴷⵓⵙⵉ ⴷ ⵜⵏⴼⵔⵓⵜ ⵏ ⵓⵙⵜⵛⵉ ⴷ ⵜⴰⵔⵏⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B4%B0%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%8F-%E2%B5%A1%E2%B4%B0%E2%B4%BC%E2%B4%B0-%E2%B5%8F-%E2%B5%9C%E2%B5%A1%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%9C%E2%B5%89%E2%B4%BC%E2%B5%94%E2%B5%89%E2%B5%87%E2%B5%89%E2%B5%A2%E2%B5%89%E2%B5%8F-%E2%B5%9C%E2%B5%89%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F%E2%B5%89%E2%B5%A2%E2%B5%89%E2%B5%8F-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B5%99%E2%B4%BD%E2%B4%BD%E2%B5%89%E2%B5%94-%E2%B5%8F-%E2%B5%9C%E2%B4%B0%E2%B4%B3%E2%B4%B3%E2%B5%93%E2%B5%94%E2%B5%9C