Published on MAPNews (https://www.mapnews.ma/am)

Accueil > ⴰⵏⴰⵡⵏ ⵏ ⵜⵉⵔⵔⴰ ⴷ ⵜⴰⵍⵖⵉⵡⵉⵏ ⵜⵉⵎⴰⵢⵏⵓⵜⵉⵏ ⴰⴼⴰⴷ ⴰⴷ ⵙⵉⵙⵙⴼⵉⵡⵏ ⵙⵙⴷⵔⵓⵏ ⴰⵔⵔⴰⵜⵏ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ

ⴰⵏⴰⵡⵏ ⵏ ⵜⵉⵔⵔⴰ ⴷ ⵜⴰⵍⵖⵉⵡⵉⵏ ⵜⵉⵎⴰⵢⵏⵓⵜⵉⵏ ⴰⴼⴰⴷ ⴰⴷ ⵙⵉⵙⵙⴼⵉⵡⵏ ⵙⵙⴷⵔⵓⵏ ⴰⵔⵔⴰⵜⵏ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ

28 ⵢⵓⵍⵢⵓⵣ 2022 Version Imprimable
ⵕⵕⴱⴰⵟ -  ⵜⵙⴽⵔ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵢⴰⵏ ⵓⵏⵎⴰⵍⴰ ⵏ ⵜⴰⵍⵖⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵉⴹⵕⵉⵚⵏ ⵏ ⵉⵏⵖⵎⵉⵙⵏ ⵙⴳ ⵓⵙⴳⴳⵯⴰⵙ ⵏ 2020 ⴰⴼⴰⴷ ⴰⴷ ⴼⴽⵉⵏ ⵢⴰⵏ ⵓⵙⵖⵥⵏ ⴷ ⵜⵎⴰⴼⴰⵡⵜ ⵉ ⵓⵏⵖⵎⵉⵙ .

ⵜⵜⵓⴼⵙⴰⵔⵏⵜ  ⵓⴳⴳⴰⵔ ⵏ 4500 ⵏ ⵓⴹⵕⵉⵚ ⵏ ⵉⵏⵖⵎⵉⵙⵏ   ⵏⵏⴰⴳ ⵍⵍⴰⵏⵜ ⵜⴼⵔⴰⵙ ⵏ ⵜⵡⵡⵓⵔⴰⵏⵜ  ⵙⴳ ⵓⵙⵏⵜⵉ ⵏ ⵓⵙⵏⴼⴰⵕ ⴰⴷ ⵏ ⵉⵏⵖⵎⵉⵙⵏ  ⵏⵏⴰ ⵎⵓ ⴷⴰⵔ ⵍⵍⴰⵏ ⴽⵉⴳⴰⵏ ⵏ ⵉⵎⵖⵔⵉⵜⵏ .

ⵜⴰⵍⵖⴰ ⴰⴷ ⵜⴰⵎⴰⵢⵏⵓⵜ ⵏⵏⴰ ⵉⵜⵜⴰⵡⵉⵏ ⵜⵉⵟⵟ,ⵜⵙⵙⴼⴰⵖ ⵉⴹⵕⵉⵚⵏ ⵙⴳ ⵜⴰⵍⵖⴰ ⵏⵏⵙⵏ ⵜⴰⵇⵇⴱⵓⵔⵜ ⵙ ⵢⴰⵏ ⵡⴰⵏⴰⵡ ⵢⴰⴹⵏ ⵏⵏⴰ ⵔⴰⴷ ⵉⵙⴽⵔ ⵢⴰⵜ ⵜⴷⵉⵏⴰⵎⵉⵜ ⵉ ⵉⵎⵖⵔⵉⵜⵏ ⴷ ⵉⵄⵔⵔⵉⵎⵏ ⵏⵏⴰ ⵉⵙⵙⵎⵔⴰⵙⵏ ⴽⵔⴰ ⵏ ⵜⵎⴰⵎⴽⵉⵏ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ .

ⵜⴰⵍⵖⴰ ⴰⴷ ⵜⴰⵎⴰⵢⵏⵓⵜ ⵜⵜⵓⵙⵎⵔⴰⵙ ⴰⴽⴽⵯ ⴳ ⵜⵙⵏⵓⵔⴰⵢⵉⵏ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵜⵉⵎⴰⴹⵍⴰⵏⵉⵏⴷⴰⵔⵙ ⵢⴰⵜ ⵜⵉⵍⴰⵍⵜ ⵜⴰⵎⵇⵔⴰⵏⵜ ⴳ ⵉⴳⵔ ⵏ ⵓⵙⴽⴽⵉⵔ ⵏ ⵜⵓⵎⴰⵢⵜ, ⴰⵙⵎⴰⵢⵏⵓ ⴰⴷ ⴷⴰⵔⵙ ⵜⴰⵣⵎⵔⵜ ⴷⴰⵔ ⵓⵎⴰⴹⴰⵍ ⵏ ⵜⵏⴰⵖⵎⴰⵙⵜ .

ⵙ ⵎⴰ ⴰⴷ ⴰⴼ ⵜⵙⵙⵎⵔⵙ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵎⵔⴰⵡ ⵡⴰⵏⴰⵡⵏ , ⵣⵓⵏⴷ ⴰⴹⵕⵉⵚ ⵉⵙⵎⴷⵏ ⴷ ⵉⵙⵏⵜⴰⵍ ⵉⴷⵙⵍⴰⵏⵏ, ⴷ ⵉⵎⵏⴰⴷⵏ ⵉⴷⵙⵍⴰⵏⵏ ⴷ ⵓⵙⵎⴰⵍ ⴷ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⴷⴷⵉⴷ ⵏ ⵜⵉⴷⵜ .

ⵙ ⵓⵙⴰⵜⵉ ⴷⴷⵅ ⵉⵍⵍⴰ ⵢⴰⵏ ⵓⵎⵛⵉⵡⴰⵕ ⴷ ⵉⵏⵎⵎⴰⵙⵙⵓⵜⵏ ⵉⵎⵙⵜⴳⴳⴰⵔⵏ ⵉⴳⵔⴰⵖⵍⴰⵏⵏ ⴳ ⵎⴰⴷ ⵉⵣⵍⵉⵏ ⵙ ⵓⵙⵎⴰⵢⵏⵓ ⴰⴷ, ⵎⴰ ⴰⵏⵏ  ⴰⴷ ⵉⵣⴹⴰⵕⵏ ⴰⴷ ⵉⵙⴱⵓⵖⵍⵓ ⵉⵙⵓⴳⴰⵎ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⴰⴼⴰⴷ ⴰⴷ ⵜⵙⵙⵎⵔⵙ ⴰⵏⵎⴰⵍⵍⵓ ⵓⵟⵜⵓⵏⴰⵏ ⴳ ⵉⴳⵔ ⵏ ⵓⵙⵏⵖⵎⵙ ⵏⵏⴰ ⴷⴰⵔ ⵢⴰⵏ ⵡⴰⵜⵉⴳ ⴰⵅⴰⵜⴰⵔ ⴷⴰⵔ ⵉⵏⵙⵎⵓⵔⵏ ⵏⵏⵙ ⴰⴽⴽⵯ .

ⵎⴰ ⴰⵏⵏ ⴰⵔⴰⴷ ⵉⵙⴱⵓⵖⵍⵓ ⵉⴳⵔ ⵏ ⵜⵙⵏⵎⴰⵍⴰⵢⵜ ⴷ ⵉⴳⵔ ⵓⵟⵜⵓⵏⴰⵏ ⴳ ⵎⴰⴷ ⵉⵥⵍⵉⵏ ⵙ ⵓⵙⵏⵖⵎⵙ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ .

ⴳ ⵉⴳⵔ ⵢⴰⴹⵏ, ⵣⴹⴰⵕⵏⵜ ⵜⴰⵍⵖⵉⵡⵉⵏ ⴰⴷ ⵜⵉⵎⴰⵢⵏⵓⵜⵉⵏ ⴰⴷ ⵙⵙⴷⵓⵙⵏⵜ ⴰⵏⵖⵎⵉⵙ ⵏ ⵜⵙⵏⵓⵔⴰⵢⵜ, ⵏⵏⴰ ⵉⴳⴰⵏ ⵢⴰⵏ ⵓⵙⴰⴳⵯⵎ ⵏ ⵉⵏⵖⵎⵉⵙⵏ ⵉ ⴽⵉⴳⴰⵏ ⵏ ⵉⵏⵙⴰⵜⵏ ⵉⵍⵉⴽⵜⵕⵓⵏⵉⵏ ⵏ ⵓⵙⵏⵖⵎⵙ ⴳ ⵜⵎⴰⵣⵉⵔⵜ ⵏⵏⵖ . 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8F%E2%B4%B0%E2%B5%A1%E2%B5%8F-%E2%B5%8F-%E2%B5%9C%E2%B5%89%E2%B5%94%E2%B5%94%E2%B4%B0-%E2%B4%B7-%E2%B5%9C%E2%B4%B0%E2%B5%8D%E2%B5%96%E2%B5%89%E2%B5%A1%E2%B5%89%E2%B5%8F-%E2%B5%9C%E2%B5%89%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%9C%E2%B5%89%E2%B5%8F-%E2%B4%B0%E2%B4%BC%E2%B4%B0%E2%B4%B7-%E2%B4%B0%E2%B4%B7-%E2%B5%99%E2%B5%89%E2%B5%99%E2%B5%99%E2%B4%BC%E2%B5%89%E2%B5%A1%E2%B5%8F-%E2%B5%99%E2%B5%99%E2%B4%B7%E2%B5%94%E2%B5%93%E2%B5%8F-%E2%B4%B0%E2%B5%94%E2%B5%94%E2%B4%B0%E2%B5%9C%E2%B5%8F-%E2%B5%8F-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%8F