ⴰⵏⵇⵇⵉⵙ ⴰⵎⴰⵢⵏⵓ-ⵀⵢⵓⵎⵏ ⵕⴰⵢⵜⵙ ⵡⵓⵜⵛ- ⵉⵏⵣⵖ ⵅⴼ ⵢⴰⵜ ⵜⵎⵏⵜⵉⵍⵜ ⵓⵔ ⵉⴳⵉⵏ ⵜⵉⴷⵜ ( ⵙⵙⵃⵉⵎⵉ)

04 ⵖⵓⵛⵜ 2022 Version Imprimable

ⵕⵕⴱⴰⵟ - ⵉⵏⵏⴰ ⵓⵎⵥⵍⴰⵢ ⴰⵙⵔⵜⴰⵏ ⴰⵙⵍⵎⴰⴷ ⵏ ⵓⵙⵍⴳⵏ ⵎⴰⵙⵙ ⵎⵚⵟⴰⴼⴰ ⵙⵙⵃⵉⵎⵉ ⵎⴰⵙⴷ ⴰⵏⵇⵇⵉⵙ ⵏ -ⵀⵢⵓⵎⵏ ⵕⴰⵢⵜⵙ ⵡⵓⵜⵛ- ⵉⵏⵣⵖ ⵅⴼ ⵢⴰⵜ ⵜⵎⵏⵜⵉⵍⵜ ⴳ ⵓⵔ ⵉⵍⵍⵉ ⵓⵔⵏⵏⵓ, ⵙ ⵓⵙⵔⴰⴳ ⵍⵍⵉⵖ ⴷ ⵓⵔ ⵜⵓⵙⵉ ⵜⵉⵣⵉ ⵏ ⵓⴼⵙⴰⵔ ⵏ ⵜⵏⴼⵓⵍⵜ ⴷⴷⵖ ⴷⴼⴼⵉⵔ ⵏ ⵙⵉⵏ ⵓⵙⵙⴰⵏ ⵏ ⵓⵙⴼⵓⴳⵍⵓ ⵙ ⵜⴼⵓⴳⵍⴰ ⵏ ⵓⴷⴰⴱⵓ .

ⵉⵣⴰⵢⴷ ⵎⴰⵙⵙ ⵙⵙⵃⵉⵎⵉ , ⵉⵏⵏⴰ ⴳ ⵜⵉⵏⴰⵡⵜ ⵜⴰⵏⴰⵖⵎⴰⵙⵜ ⵏⵏⴰ ⵜⵙⴽⵔ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵉⵣⵔⴼⴰⵏ ⵏ ⵉⵎⵏⴳⴰⵙⵏ ⴳ ⵡⴰⵙⵙ ⵏ ⵓⵙⵉⵏⴰⵙ ⴰⴷ ⵉⵣⵔⵉⵏ ⵙ ⵜⴷⵔⴰⵡⵜ ⵏ ⴽⵉⴳⴰⵏ ⵏ ⵉⵏⴰⵖⵎⴰⵙⵏ ⵉⵥⵍⵉⵏ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ , ⵜⵏⵏⴰ ⵎⴰⵙⴷ ⵜⴰⵎⵏⵜⵉⵍⵜ ⵏⵏⴰ ⵉⵍⵍⴰⵏ ⴳ ⵓⵏⵇⵇⵉⵙ ⵓⵔⴰⴷ ⵜⵎⵓⵔⵙ .

ⴳ ⵓⵙⴰⵜⵉ ⵏ ⵓⵙⴼⵙⵉ ⵏⵏⵙ ⵉ ⵓⵣⵡⵉⵍ ⵏ ⵜⵏⴼⵓⵍⵜ ⴰⴷ, ⵉⵏⵏⴰ ⵎⴰⵙⴷ ⴰⵡⵏⵏⵉ ⴷ ⵜⵓⵎⴰⵢⵜ ⵏ ⵜⵏⴼⵓⵍⵜ ⵉⵔⴰ ⴰⴷ ⵉⵙⴽⵔ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⵉ ⵉⵎⵏⴱⴰⴷⵏ ⴷ ⵓⴱⵕⵍⴰⵎⴰⵏ ⴷ ⵓⵙⵏⵏⴱⴹⵉ, ⴰⴼⴰⴷ ⴰⴷ ⵙⵏⵅⴰⴱⴱⵍⵏ ⵜⴰⵡⵍⴰⴼⵜ ⵏ ⵜⴳⵍⴷⵉⵜ ⵏⵏⴰ ⴷ ⵓⵔ ⵢⵓⵙⵉⵏ ⵙⵍⴰⵡⴰⵏ ⴰⴽⴽⵯ ⴳ ⵓⵙⵙⴰⵏ ⴰⴷ ⵏ ⵓⵙⴼⵓⴳⵍⵓ ⵙ ⵜⴼⵓⴳⵍⴰ ⵏ ⵓⴷⴰⴱⵓ .

ⵉⵏⵏⴰ ⴰⵡⴷ ⵎⴰⵙⴷ ⵜⴰⵎⴰⴳⵔⴰⵡⵜ ⵏⵏⴰ ⵉⵏⵏⴰⵏ ⵓⵔ ⵜⵔⵉ ⴰⵡⴷ ⴽⵔⴰ ⵏ ⵓⵔⵏⵏⵓ , ⴷⴰⵔⵙ ⴰⵡⵜⵜⴰⵙ ⴰⵙⵔⵜⴰⵏ ⵉⴷⵓⵙⵏ , ⵉⵣⴰⵢⴷ ⵉⵏⵏⴰ ⵎⴰⵙⴷ ⵜⴰⵎⴰⴳⵔⴰⵡⵜ ⵓⵔ ⴷⴰⵔⵙ ⴰⵡⴷ ⴰⴱⵍⴰ ⴰⵢⵍⵍⵉ ⵎⵓ ⵜⵜⴰⵍⵙ ⴳ ⵓⵏⵇⵇⵉⵙ ⵏⵏⵙ ⵏ ⴽⵓⵏ ⴰⵙⴳⴳⵯⴰⵙ, ⴳ ⴽⵔⴰ ⵏ ⵉⵡⵏⵏⴰⵏ ⵏⵏⴰ ⵓⵔ ⴳⵉⵏⵉⵏ ⵜⵉⴷⵜ .

ⵉⵏⵏⴰ ⴰⵡⴷ ⵎⴰⵙⴷ ⴰⵙⵏⵜⵍ ⴰⴷ ⵉⵜⵜⵓⵎⵔⴰⵔⴰ ⴼⵍⵍⴰⵙ ⵡⴰⵡⴰⵍ ⵙⴳ ⴽⵉⴳⴰⵏ ⵏ ⵉⵙⴳⴳⵯⴰⵙⵏ, ⵉⵣⴰⵢⴷ ⵉⵏⵏⴰ ⵎⴰⵙⴷ ⵀⵢⵓⵎⵏ ⵕⴰⵢⴷⵙ ⵜⵔⴰ ⴰⴷ ⴰⵙ ⵜⵙⴽⵔ ⴰⵙⵓⵙⵙⵏ ⴰⵎ ⴽⵔⴰ ⵏ ⵜⵖⴰⵡⵙⴰ ⵉⵜⵜⵓⵏⵣⴰⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8F%E2%B5%87%E2%B5%87%E2%B5%89%E2%B5%99-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%80%E2%B5%A2%E2%B5%93%E2%B5%8E%E2%B5%8F-%E2%B5%95%E2%B4%B0%E2%B5%A2%E2%B5%9C%E2%B5%99-%E2%B5%A1%E2%B5%93%E2%B5%9C%E2%B5%9B-%E2%B5%89%E2%B5%8F%E2%B5%A3%E2%B5%96-%E2%B5%85%E2%B4%BC-%E2%B5%A2%E2%B4%B0%E2%B5%9C-%E2%B5%9C%E2%B5%8E%E2%B5%8F%E2%B5%9C%E2%B5%89%E2%B5%8D%E2%B5%9C-%E2%B5%93%E2%B5%94-%E2%B5%89%E2%B4%B3%E2%B5%89%E2%B5%8F-%E2%B5%9C%E2%B5%89%E2%B4%B7%E2%B5%9C-%E2%B5%99%E2%B5%99%E2%B5%83%E2%B5%89%E2%B5%8E%E2%B5%89