ⵜⴰⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵜⵡⵊⵊⴰ ⵏ ⵓⴹⴰⵕ ⵜⵙⵎⴰⵜⵜⵉ ⴰⵎⵙⵙⴰⵏⵓⵏ ⴰⵏⴰⵎⵓⵔ ⵡⴰⵃⵉⴷ ⵅⴰⵍⵉⵍⵓⵣⵉⵜⵛ

11 ⵖⵓⵛⵜ 2022 Version Imprimable

ⵜⵉⴳⵎⵎⵉ ⵜⵓⵎⵍⵉⵍⵜ - ⵜⵏⵏⴰ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵜⵡⵊⵊⴰ ⵏ ⵓⴹⴰⵕ ⵜⴰⵎⵖⵔⵉⴱⵉⵜ ⵎⴰⵙ ⵜⵙⵎⴰⵜⵜⵉ ⴰⵎⵙⵙⴰⵏⵓⵏ ⴰⵏⴰⵎⵓⵔ ⵎⴰⵙⵙ ⵡⴰⵃⵉⴷ ⵅⴰⵍⵉⵍⵓⵣⵉⵜⵛ ⴳ ⵜⵡⵡⵓⵔⵉ ⵏ ⵓⵙⵙⴰⵏⵓⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ .

ⵜⵣⴰⵢⴷ ⵜⵙⴷⴰⵡⵉⵜ ⵜⵏⵏⴰ ⴳ ⵢⴰⵏ ⵉⵏⴰⵡ ⵏⵏⴰ ⵜⴼⵙⵔ ⴳ ⵡⴰⵏⵙⴰ ⵏⵏⵙ ⴰⵎⴰⴷⴷⵓⵔ ⴳ ⵡⴰⵙⵙ ⵏ ⵓⴽⵡⴰⵙ ⵎⴰⵙⴷ ⴷⴼⴼⵉⵔ ⵏ ⵉⵏⵅⵉⴱⴱⵉⵍⵏ ⵏⵏⴰ ⵉⵍⵍⴰⵏ ⴳⵔ ⵜⵙⴷⴰⵡⵉⵜ ⴷ ⵓⵎⵙⵙⴰⵏⵓⵏ ⵎⴰⵙⵙ ⵅⴰⵍⵉⵍⵓⵣⵉⵜⵛ ⵅⴼ ⵜⵖⴰⵡⵙⴰ ⵏ ⵓⵙⵙⴰⵏⵓⵏ ⴷ ⵓⵎⵓⵔⵙ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴳ ⵜⵏⴳⵉⵔⴰ ⵏ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⴳ ⵇⴰⵟⴰⵕ 2022 , ⵏⵏⴰⵏ ⵉⵎⵏⴰⴷⵏ ⴰⴷ ⵙ ⵙⵉⵏ ⴰⴷ ⴱⴹⵓⵏ ⵙ ⵓⵎⵙⴰⵙⴰ .

ⵉⵣⴰⵢⴷ ⵓⵙⴰⴳⵯⵎ ⴰⴷ ⵏⵉⵜ , ⵉⵏⵏⴰ ⵎⴰⵙⴷ ⵜⴰⵙⴷⴰⵡⵉⵜ ⵜⵙⵏⵉⵎⵎⵔ ⴽⵉⴳⴰⵏ ⴰⵎⵙⵙⴰⵏⵓⵏ ⵅⴰⵍⵉⵍⵓⵣⵉⵜⵛ ⴳ ⵜⵉⵣⵉ ⵏⵏⴰ ⵉⴼⴽⴰ ⵉ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴷ ⵓⵙⵙⴰⵏⵓⵏ ⵏⵏⴰ ⴰⵙⵏ ⵉⵙⴽⵔ ⵍⵍⵉⵖ ⵖⵍⵉⵏ ⵙ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⴳ ⵇⴰⵟⴰⵕ 2022, ⵎⴽⵍⵍⵉ ⵉⵙⵙⵓⵜⵔ ⵎⴰⵙⵙ ⵅⴰⵍⵉⵍⵓⵣⵉⵜⵛ ⴰⵏⵏⴰⵣ ⵉⵖⵓⴷⴰⵏ ⵉ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴳ ⵉⵏⵎⵓⵇⵇⴰⵔⵏ ⵏⵏⵙ ⴷ ⴽⴽⴰⵏⵉⵏ ⴷⴰⵜ .

ⵎⴽⵍⵍⵉ ⵜⵏⵏⴰ ⵜⵙⴷⴰⵡⵉⵜ ⵎⴰⵙ ⵔⴰⴷ ⵜⴰⵡⵙ ⵙ ⵜⵣⵎⵎⴰⵔ ⵏⵏⴰ ⴷⴰⵔⵙ ⵉⵍⵍⴰⵏ ⴰⴼⴰⴷ ⴰⴷ ⵜⵔⵣⵓ ⵅⴼ ⵓⵎⵙⵙⴰⵏⵓⵏ ⴰⵎⴰⵢⵏⵓ ⴷ ⵔⴰⴷ ⵜⵙⵡⵡⵓⵔⵉ ⴰⵡⴷ ⴰⴷ ⵜⵎⵓⵔⵙ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴳ ⵜⵏⴳⵉⵔⴰ ⵏ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⴳ ⵇⴰⵟⴰⵕ 2022 .

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B5%99%E2%B4%B7%E2%B4%B0%E2%B5%A1%E2%B5%89%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B5%9C%E2%B5%A1%E2%B5%8A%E2%B5%8A%E2%B4%B0-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B5%9C%E2%B5%99%E2%B5%8E%E2%B4%B0%E2%B5%9C%E2%B5%9C%E2%B5%89-%E2%B4%B0%E2%B5%8E%E2%B5%99%E2%B5%99%E2%B4%B0%E2%B5%8F%E2%B5%93%E2%B5%8F-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%A1%E2%B4%B0%E2%B5%83%E2%B5%89%E2%B4%B7-%E2%B5%85%E2%B4%B0%E2%B5%8D%E2%B5%89%E2%B5%8D%E2%B5%93%E2%B5%A3%E2%B5%89%E2%B5%9C%E2%B5%9B