ⵄⴱⴷⵍⵃⴰⵇ ⵅⵉⵢⵢⴰⵎ ,ⴰⵏⵎⵀⴰⵍ ⵏ ⵓⵙⵉⵔⴰ ⴰⵏⴰⵎⵎⴰⵙ ⵏ ⵉⵔⵣⵣⵓⵜⵏ ⵓⵏⴱⵉⴹⵏ ⵜⵉⵡⵉⵜ ⵜⵎⵜⵜⴰⵏⵜ

23 ⵖⵓⵛⵜ 2022 Version Imprimable

ⵕⵕⴱⴰⵟ - ⵜⵙⴽⵔ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴰⴼⵛⵛⴰⴷ ⵉ ⵉⵎⴰⵏ ⵏ ⵉⴳⵍⵍⵉⵏ ⵏ ⵄⴱⴷⵍⵃⴰⵇ ⵅⵉⵢⴰⵎ ⵍⵡⴰⵍⵉ ⵏ ⵜⵏⴼⵔⵓⵜ ⵏ ⵓⵙⵉⵔⴰ ⴰⵏⴰⵎⵎⴰⵙ ⵏ ⵉⵔⵣⵣⵓⵜⵏ ⵓⵏⴱⵉⴹⵏ, ⵏⵏⴰ ⵜⵉⵡⵉ ⵜⵎⵜⵜⴰⵏⵜ ⵜⴰⴼⵊⵔⵉⵜ ⵏ ⵡⴰⵙⵙ ⵏ ⵓⵙⵉⵏⴰⵙ ⴳ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ, ⵍⵍⵉⵖ ⴷⴰⵔⵙ 64 ⵏ ⵓⵙⴳⴳⵯⴰⵙ .

ⵉⴽⴽⴰ ⵜⵜ ⵉⵏⵏ ⵉⴳⵍⵍⵉⵏ ⵏ ⵄⴱⴷⵍⵃⴰⵇ ⵅⵉⵢⵢⴰⵎ ⵢⴰⵍⵓⵍ ⴳ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ ⵉⴽⴽ ⵜⵜ ⵉⵏⵏ ⵉⴳⴰ ⴰⵏⵎⵀⴰⵍ ⵏ ⵓⵙⵉⵔⴰ ⵏ ⵉⵔⵣⵣⵓⵜⵏ ⵓⵏⴱⵉⴹⵏ ⵙⴳ ⵓⵙⴽⴽⵉⵔ ⵏⵏⵙ ⴳ ⵓⵙⴳⴳⵯⴰⵙ ⵏ 2015 ⴰⵔ 2020 ⵍⵍⵉⵖ ⵉⵍⵍⴰ ⵎⴰⵙⵙ ⵛⵛⵔⵇⴰⵡⵉ ⴳ ⵓⴷⵖⴰⵔ ⵏⵏⵙ .

ⵉⵙⴽⵔ ⵉⴳⵍⵍⵉⵏ ⵢⴰⵏ ⵓⴱⵔⵉⴷ ⴰⵡⵡⵓⵔⴰⵏ ⵉⴷⵓⵙⵏ ⴳ ⵜⵔⴰⴱⴱⵓⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵏⵏⴰ ⴳ ⵉⴳⴰ ⴰⵎⵙⵜⴳⴳⴰⵔ ⴷ ⵓⵏⵎⵀⴰⵍ ⴳ ⵓⵙⴳⴳⵯⴰⵙ ⵏ 2004.

ⵉⴳ ⵉⴳⵍⵍⵉⵏ ⵏ ⵅⵉⵢⵢⴰⵎ ⵢⴰⵏ ⵙⴳ ⵉⵡⵡⵓⵔⴰⵏⵏ ⵏⵏⴰ ⵉⴽⴽⴰⵏ ⴰⴼⵏⴰ ⵉ ⵜⵖⵡⵡⴰⵖⵜ ⴳ ⵜⴳⵍⴷⵉⵜ ⵏⵏⵖ ⴷ ⵓⵎⵙⵜⴳⴳⴰⵔ ⴳ ⵉⴳⵔ ⵏ ⵜⵡⵉⵙⵉ ⵏ ⵜⵏⴼⵔⵓⵜ ⵏⵏⴰ ⵉⵙⵎⵓⵏⵏ ⵍⵎⵖⵔⵉⴱ ⴷ ⵡⵉⵢⵢⴰⴹ ⵙⵍⴰⵡⴰⵏ ⴰⴽⴽⵯ ⵜⵉⵎⵉⵣⴰⵔ ⵏ ⵓⵕⵓⴱⴱⴰ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%84%E2%B4%B1%E2%B4%B7%E2%B5%8D%E2%B5%83%E2%B4%B0%E2%B5%87-%E2%B5%85%E2%B5%89%E2%B5%A2%E2%B5%A2%E2%B4%B0%E2%B5%8E-%E2%B4%B0%E2%B5%8F%E2%B5%8E%E2%B5%80%E2%B4%B0%E2%B5%8D-%E2%B5%8F-%E2%B5%93%E2%B5%99%E2%B5%89%E2%B5%94%E2%B4%B0-%E2%B4%B0%E2%B5%8F%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%89%E2%B5%94%E2%B5%A3%E2%B5%A3%E2%B5%93%E2%B5%9C%E2%B5%8F-%E2%B5%93%E2%B5%8F%E2%B4%B1%E2%B5%89%E2%B4%B9%E2%B5%8F-%E2%B5%9C%E2%B5%89%E2%B5%A1%E2%B5%89%E2%B5%9C-%E2%B5%9C%E2%B5%8E%E2%B5%9C%E2%B5%9C%E2%B4%B0%E2%B5%8F%E2%B5%9C