Published on MAPNews (https://www.mapnews.ma/am)

Accueil > ⴰⵎⵅⵓⵎⴱⵍ ⴰⵜⵓⵏⵙⵉ: ⵇⴰⵢⵙ ⵙⴰⵄⵉⴷ ⵉⵙⵜⵉ ⴰⴷ ⵢⵉⵍⵉ ⴰⴽⴷ ⵜⴰⴷⵊⴰⵔⵜ ⵏⵏⵙ ⵏ ⵓⵖⵍⵍⵓⵢ (ⵜⴰⵏⵓⵕⵥⵎⵜ)

ⴰⵎⵅⵓⵎⴱⵍ ⴰⵜⵓⵏⵙⵉ: ⵇⴰⵢⵙ ⵙⴰⵄⵉⴷ ⵉⵙⵜⵉ ⴰⴷ ⵢⵉⵍⵉ ⴰⴽⴷ ⵜⴰⴷⵊⴰⵔⵜ ⵏⵏⵙ ⵏ ⵓⵖⵍⵍⵓⵢ (ⵜⴰⵏⵓⵕⵥⵎⵜ)

05 ⵛⵓⵜⴰⵏⴱⵉⵔ 2022 Version Imprimable
ⵕⵕⴱⴰⵟ - ⵉⵏⵏⴰ ⵓⵎⴰⵔⴰ ⵏ ⵜⵏⵓⵕⵥⵎⵜ ⵏ ⵜⵙⵖⵓⵏⵜ ⵏ "ⴱⴰⴱ", ⵎⴰⵙ ⴷ ⴰⵙⵍⵡⴰⵢ ⴰⵜⵓⵏⵙⵉ ⵇⴰⵢⵙ ⵙⴰⵄⵉⴷ, ⴷ ⵏⵜⵜⴰ ⵉⵔⴰ ⴰⴷ ⵉⴼⴼⵖ ⵙⴳ ⵢⴰⵏ ⵓⵎⵅⵓⵎⴱⵍ ⴷ ⴰⴷⵓⵙⵜⵓⵔⵉ ⵉⴳⴳⴰ ⵜⵜ ⵉ ⵉⵅⴼ ⵏⵏⵙ, ⵉⴷⴷⵓ ⵙ ⵜⵓⴹⴹⵔⵖⵍⵜ ⴰⴽⴷ ⴷⵣⴰⵢⵔ.

ⴷⴳ ⵢⴰⵏ ⵓⵙⴼⵙⴰⵢ ⴷ ⴰⵎⵇⵇⵔⴰⵏ ⵉ ⵡⴰⴷⴷⴰⴷ ⴰⵜⵓⵏⵙⵉ ⵉⵎⵅⵓⵎⴱⵍⵏ, ⵉⴼⵙⵔ ⵓⵟⵟⵓⵏ ⴰⵎⴳⴳⴰⵔⵓ ⵙⴳ “ⴱⴰⴱ”, ⵜⴰⵙⵖⵓⵏⵜ ⵜⴰⵎⵉⵖⵉⵙⵜ ⵏ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵏ ⵉⵏⵖⵎⵉⵙⵏ, ⵉⵣⵎⵎⴻⵎ ⵓⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵓⵔⴰⵢⵜ ⵎⴰⵙⵙ ⵅⴰⵍⵉⵍ ⵍⵀⴰⵛⵎⵉ ⵍⵉⴷⵔⵉⵙⵉ ⵎⴰⵙ ⴷ “ⴷⴰⵟⴰ ⵜⴰⵎⵣⵡⴰⵔⵓ ⵜⴳⴰ, ⵎⴰⵙ ⴷ ⴰⵏⵙⵙⵉⵅⴼ ⵇⴰⵢⵙ ⵙⴰⵄⵉⴷ ⵓⵔ ⵉⵥⴹⴰⵕ ⴰⴷ ⵉⴳⴳ ⵜⵉⵡⵓⵔⵉⵡⵉⵏ ⵏⵏⵙ, ⵣⴳⴳⴰ ⵓⵔ ⵖⵓⵔⵙ ⵜⵖⴰⵎⴰ ⵜⴰⵣⵔⴼⵜ ⵙⴳ ⵓⵏⵇⵍⴰⴱ ⵏⵏⵙ ⴰⴷⵓⵙⵜⵓⵔⵉ”, ⵉⵎⵎⵍ ⵉⵍⴰ “ⴰⴷⵓⵙⵜⵓⵔ ⴰⵎⴰⵢⵏⵓ ⵉⵜⵜⵡⴰⴳⴳⵏ ⵅ ⵓⵣⵍⵍⵉⴼ ⵏⵏⵙ, ⵓⴳⵉⵏ ⵅⴰⴼⵙ 70 ⴳ ⵜⵎⵉⴹⵉ ⵏ ⵉⵜⵓⵏⵙⵉⵢⵏ.

ⵎⴰⵎⴽ ⴷ ⵉⵎⵎⵍ ⵎⴰⵙⵙ ⵍⵀⴰⵛⵎⵉ ⵍⵉⴷⵔⵉⵙⵉ ⴳ ⵜⵏⵓⵕⵥⵎⵜ ⵏⵏⵙ “ⴰⵎⵅⵓⵎⴱⵍ ⴰⵜⵓⵏⵙⵉ” ⵉⵍⴰ ⴰⵅⵕⵡⵉⴹ ⴰ ⵉ ⵉⴳⴳⴰ ⴰⵏⵙⵙⵉⵅⴼ ⵙⴰⵄⵉⴷ ⵜⵙⵙⴹⵄⴼ ⵜⴰⵎⵓⵔⵜ ⴷⵉ ⵜⵙⵏⵉⵎⴰⵏⵜ ⵏ ⵜⵎⴰⵣⵉⵔⵜ, ⵣⴳⴳⴰ ⵉⴼⵜⴰ ⴰⴽⴷ ⵉⵊⵉⵏⵉⵕⴰⵍⵏ ⵏ ⴷⵣⴰⵢⵔ ⵎⴰⵏⵉ ⵓⵔ ⵇⵇⵉⵎⵏ ⵙⵙⴰⵡⴰⵍⵏ ⵍⵓⵅ ⴼ ⵜⵙⵏⵉⵎⴰⵏⵜ ⵜⴰⵜⵓⵏⵙⵉⵜ, ⵎⴰⵎⴽ ⴰⵙ ⵉⴽⴽⵙ ⵜⵉⵎⵥⵍⴰⵢ ⵏⵏⵙ ⵉ ⵣⵉ ⵜⵣⵎⵎⵔ ⴰⴷ ⵜⵉⵍⵉ ⵙ ⵡⴰⴷⴷⵓⵔ ⴷⴳ ⵓⵙⵡⵉⵔ ⴰⴳⵔⴰⵖⵍⴰⵏ.

ⵉⵔⵏⵉ ⵉⵏⵏⴰ ⵎⴰⵙ ⴷ “ⵇⴰⵢⵙ ⵙⴰⵄⵉⴷ, ⴰⴷ ⵉⵊⵊ ⵉⵙⵎ ⵏⵏⵙ ⴷ ⵏⵜⵜⴰ ⵉⵣⴷⵉ ⴰⴽⴷ ⵓⴹⴼⴰⵕ ⵏ ⵜⵓⵏⵙ ⵉ ⵜⴰⴷⵊⴰⵔⵜ ⵏⵏⵙ ⵏ ⵓⵖⵍⵍⵓⵢ.

ⵉⵎⵎⵍ ⴷ ⵓⵎⴰⵔⴰ ⵏ ⵜⵏⵓⵕⵥⵎⵜ ⵎⴰⵙ ⴷ ⵇⴰⵢⵙ ⵙⴰⵄⵉⴷ ⵉⴽⴽⵙ ⵅ ⵜⵏⵉⵎⴰⵏⵜ ⵙ ⵜⴰⵙⵙⴰⵙⵜ ⵜⴰⴷⴰⵎⵙⴰⵏⵜ, ⵎⴰⵏⵉ ⵉⵜⵜⴹⵕⵕⴰ ⴽⵔⴰ ⵙ ⴽⵔⴰ, ⵎⴰⵛⴰ ⴰⵢⴰ ⵎⴰⵛⵉ ⴷ ⵡⵓⴷⴷⵓⵔ ⵉ ⵜⵎⵓⵔⵜ. ⵎⴰⵏⵉ ⵜⴰⵎⴰⵣⵉⵔⵜ ⵜⴻⵜⵜⴽⴽ ⵅ ⵢⴰⵜ ⵜⴰⵙⵙⴰⵙⵜ ⵜⴰⴷⵎⴰⵙⴰⵏⵜ ⴰⵛⴽⵉ ⴰⵏⵙⵙⵉⵅⴼ ⵏⵏⵙ ⵓⵔ ⵉⴳⴳⵉ ⵉⵄⴷⴷⵓⵍⵏ ⵎⴰⵏⵉ ⵉⵏⴼⴽⴰⵢⵏ ⵉⵎⴰⴹⴰⵍⵏⵏ ⵓⵔ ⵥⴹⵉⵔⵏ ⴰⴷ ⴽⵛⵎⵏ ⴷ ⵓⵙⵙⴼⴰⵡ.

ⵉⵏⵏⴰ ⵎⴰⵙⵙ ⵍⵀⴰⵛⵎⵉ ⵍⵉⴷⵔⵉⵙⵉ ⴱⵍⵍⵉ ⵜⵓⵏⵙ ⵉⵍⴰ ⵜⵃⵡⴰⵊ ⵉ ⵜⵙⴼⴼⴰⵡⵜ ⵎⴰⵃⵏⴷ ⴰⴷ ⵜⵙⴽⵔ ⴰⵟⵟⴰⵚ ⵏ ⵉⵄⴷⴷⵓⵍⵏ, ⵎⴰⵏⵉ ⵇⴰⵢⵙ ⵙⴰⵄⵉⴷ ⵉⵍⴰ ⵉⵅⵚⵚ ⴰⴷ ⴽⵉⴳⴰⵏ ⵏ ⵜⵙⵏⵉⵎⴰⵏⵜ, ⴷ ⴽⵉⴳⴰⵏ ⵏ ⵓⵙⵙⵏⵎⵏ, ⴰⴼ ⴰⴷ ⴰⴷ ⵉⴳⴼⵖ ⵙⴳ ⵜⴰⵙⵙⴰⵙⵜ ⴰⴷ, ⵎⴰⵛ ⵏⵜⵜⴰ ⵉⵙⵜⵉ ⴰⴷ ⵢⵉⵍⵉ ⴳ ⵓⴱⵃⵔⵓⵔ ⵏ ⴷⵣⴰⵢⵔ, ⵡⴰ ⵉⵍⵍⴰⵏ ⴷ ⵢⴰⵏ ⵓⵣⴳⴳⴰⵍ ⴷ ⴰⵎⵇⵇⵔⴰⵏ.

ⵉⵎⵙⵇⵙⴰ ⵓⵎⴰⵔⴰ ⵏ ⵜⵏⵓⵕⵥⵎⵜ: ⵎⵉⵏ ⵖⴰ ⵏⴳⴳ ⵍⵅⵅⵓ? ⵉⵏⵏⴰ ⴱⵍⵍⵉ ⵜⴰⵎⵔⴰⵔⵓⵜ ⵓⵔ ⵜⵕⵅⵉ, “ⵎⴰⵛ ⵉⵅⵚⵚ ⴰⴷ ⵉⵍⵉⵏ ⵉⴼⵙⵙⴰⵢⵏ ⵉ ⵡⴰⴳⴷⵓⴷ ⴰⵜⵓⵏⵙⵉ, ⴷ ⵜⵣⵎⵎⴰⵔ ⵏⵏⵙ ⵉⵅⵚⵚ ⴰⴷ ⵉⵍⵉⵏⵜ ⵉ ⵜⴷⵡⴰⵙ ⵏⵏⵙ ⵉⴷⴷⵔⵏ, ⵉⵜⵜⵡⴰⵙⵙⵏⵏ ⵙ ⵜⴷⵉⵏⴰⵎⵉⵜ ⵏⵏⵙ, ⴷ ⵉⵙⵔⵜⴰⵏⵏ ⵉⵜⵜⵙⵙⵏⵏ ⵎⵉⵏ ⵜⵜⴳⴳⵏ, ⴷ ⵡⴰⴳⴷⵓⴷ ⴰⵎⴰⴷⴰⵏ ⵉⵜⵜⵡⴰⵙⵙⵏⵏ ⵙ ⵜⵓⵏⵥⵉⵥⵜ ⵏⵏⵙ, ⴷ ⵜⴷⵡⴰⵙ ⵜⵉⵎⴰⴷⴰⵏⵉⵏ ⴷ ⵜⵉⵙⴷⵔⴰⵙⵉⵏ ⵉⵜⵜⵡⴰⵙⵙⵏⵏ ⵙ ⵜⵏⴰⵎⵓⵔⵜ ⵏⵏⵙ ⵏ ⵜⵉⴷⵜⵜ.”.

ⵉⴹⴼⵕ ⵉⵏⵏⴰ “ⴰⵙⵔⵙ ⵏ ⵜⵏⴱⴰⴹⵜ ⴳ ⵓⴼⵓⵙ ⵏ ⵢⴰⵏ ⵓⴼⵓⵙ ⵉⵎⵎⵍ ⴷ ⴰⵏⵉⵛⵜ ⵉⵥⴹⴰⵕ ⴰⴷ ⵢⵓⴹⴰ ⴳ ⵜⵉⴱⴱⵓⵀⵍⵉⵢⴰ, ⵎⴰⵏⵉ ⵉⵡⵡⵉ ⵇⴰⵢⵙ ⵙⴰⵉⵓⴷ ⵜⴰⵎⴰⵣⵉⵔⵜ ⵖⵔ ⵉⵎⵅⵓⵎⴱⴰⵍ ⵉⵎⵔⵙⴰⵍⵏ, ⵉⴷⵎⵙⴰⵏⵏ, ⵙ ⵓⵢⴰ ⵉⵅⵚⵚ ⴰⴷ ⴱⴱⵉⵏ ⴰⴽⴷ ⵓⵢⴰ.

ⵉⵏⵏⴰ ⵄⴰⵡⴷ ⵓⵎⴰⵔⴰ ⵏ ⵜⵏⵓⵕⵥⵎⵜ ⵉⵜⵉⴼ ⵉ ⵜⵎⴰⵣⵉⵔⵜ ⴰⴷ ⴰⴷ ⵜⵄⴰⵡⴷ ⵉⵙⵜⴰⵢⵏ ⵏⵏⵙ, ⴷ ⵉⵙⵜⴰⵢⵏ ⵉⵏⵔⵣⴼⴰⵏ ⵎⴰⵃⵏⴷ ⴰⴷ ⵜⴼⴼⵖ ⵙⴳ ⵉⵎⵅⵓⵎⴱⴰⵍ ⴰⴷ ⵉⴷⵓⵙⵜⵓⵔⵉⵢⵏ, ⵎⴰⵏⵉ ⴰⵏⴱⴰⴹ ⵉ ⵅⴰⴼⵙ ⴷ ⵖⴰ ⵉⴼⴼⵖⵏ ⴰⴷ ⵄⴷⵍⵏ ⵉⵎⵓⴽⵔⵉⵙⵏ ⵏⵏⴰ ⵉⵜⵜⵡⴰⴳⴳⵏ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B5%85%E2%B5%93%E2%B5%8E%E2%B4%B1%E2%B5%8D-%E2%B4%B0%E2%B5%9C%E2%B5%93%E2%B5%8F%E2%B5%99%E2%B5%89-%E2%B5%87%E2%B4%B0%E2%B5%A2%E2%B5%99-%E2%B5%99%E2%B4%B0%E2%B5%84%E2%B5%89%E2%B4%B7-%E2%B5%89%E2%B5%99%E2%B5%9C%E2%B5%89-%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B4%B0%E2%B4%BD%E2%B4%B7-%E2%B5%9C%E2%B4%B0%E2%B4%B7%E2%B5%8A%E2%B4%B0%E2%B5%94%E2%B5%9C-%E2%B5%8F%E2%B5%8F%E2%B5%99-%E2%B5%8F-%E2%B5%93%E2%B5%96%E2%B5%8D%E2%B5%8D%E2%B5%93%E2%B5%A2-%E2%B5%9C%E2%B4%B0%E2%B5%8F%E2%B5%93%E2%B5%95%E2%B5%A5%E2%B5%8E%E2%B5%9C