ⵉⵙⴳⵎⴹ ⴳ ⵜⵎⵢⴰⵇⵇⴰⵏⵜ ⵎⴰⵙⵙ ⵔⵔⴰⵖⵉⴱ ⵃⵓⵔⵎⴰⵜ ⵍⵍⴰⵀ ⴰⵙⵍⵡⴰⵢ ⵏ ⵓⵙⵇⵇⵉⵎ ⴰⴳⵔⴰⵡⴰⵏ ⵏ ⴷⴷⴰⵅⵍⴰ ⴷ ⵎⴰⵙⵙ ⴱⵉⴷⵔⴰⵎ ⴱⴰⵔⴰⵍ ⴰⵙⵍⵡⴰⵢ ⵏ ⵜⵎⵏⴱⴰⴹⵜ ⵏ ⴳⵔⵉⵜ ⵏⵉⴽ ⵜⴰⵎⵉⵔⵉⴽⴰⵏⵉⵢⵜ, ⵙ ⵜⵉⵍⵉⵜ ⵏ ⵜⵓⴳⵜ ⵏ ⵏ ⵉⵎⵙⵜⴰⵢⵏ ⴷ ⵉⵎⵙⵓⴳⵓⵔⵏ ⵉⵎⵉⵔⵉⴽⴰⵏⵉⵢⵏ, ⵜⴰⵎⵢⴰⵇⵇⴰⵏⵜ ⴰⴷ ⵜⵍⵍⴰ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴳⵔ ⵍⵎⵖⵔⵉⴱ ⴷ ⵎⵉⵔⵉⴽⴰⵏ.
ⴰⵔ ⵜⵏⵓⵔⵣⵓⵎ ⵜⵎⵢⴰⵇⵇⴰⵏⵜ ⴰⴷ ⵜⵓⴳⵜⵜ ⵏ ⵉⵎⵏⵉⴷ ⵍⵍⵉ ⵔⴰⴷ ⵉⵙⵙⴷⵓⵙ ⵜⵉⵣⴷⴰⵢⵉⵏ ⵜⵉⴷⵔⴰⵡⴰⵏⵉⵏ ⴳ ⵜⵓⴳⵜ ⵏ ⵉⴳⵔⴰⵏ, ⵙⵍⴰⵡⴰⵏ ⴰⴽⴽⵯ ⵜⴰⵎⴰⵍⵍⴰⵢⵜ, ⵜⴰⵡⵏⵏⴰⴹⵜ, ⵜⴰⴷⵍⵙⴰ, ⵜⴰⵥⵓⵕⵉ ⴷ ⵓⵙⵙⵍⵎ, ⴰⵡⴷ ⴰⵎⵔⴰⵔ ⴷ ⵓⵙⴷⵓⵙ ⵏ ⵜⵉⵔⵎⵉⵜⵉⵏ .
ⵜⴰⵎⵢⴰⵇⵇⴰⵏⵜ ⴰⴷ ⵔⴰⴷ ⵜⴼⴽ ⵢⴰⵜ ⵡⴰⵜⵉⴳ ⵉ ⵜⵖⵔⵎⵜ ⵏ ⴷⴷⴰⵅⵍⴰ, ⵏⵏⴰ ⵉⴳⴰⵏ ⵜⴰⵥⵕⵥⵉⵜ ⵏ ⵢⵉⴼⴼⵓⵙ, ⴰⵥⵏⵥⴰⵔ ⴰⴳⵔⴰⵖⵍⴰⵏ ⴷ ⵉⵎⵏⵉⴷⵏ ⵍⵍⵉ ⴷⴷⴰⵔ ⴰⴷⴷⵓⵔ ⴰⵅⴰⵜⴰⵔ ⴳ ⵜⴷⵔⴰⵡⵜ ⵍⵍⵉ ⵉⵣⴹⴰⵔⵏ ⴰⴷ ⵜⵙⴱⵓⵖⵍⵓ ⵉⴳⵔ ⵏ ⵙⵓⵙⵉⵓ-ⴰⴷⵎⵙⴰⵏ.
ⴳ ⵢⴰ ⵓⵎⵙⴰⵡⴰⵍ ⵉ ⵜⴱⴰⴷⵓⵜ ⵏ (M24) ⵜⴰⵏⵖⵎⴰⵙⵜ ⵍⵍⵉ ⵉⴷⴼⵔⵏ ⵉ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⴰⵄⵕⴰⴱ ⵏ ⵉⵏⵖⵎⵉⵙⵏ (MAP), ⵉⵏⵏⴰ ⵓⵙⵍⵡⴰⵢ ⵏ ⵜⵎⵏⴱⴰⴷⵜ ⵏ ⴳⵔⵉⵜ ⵏⵉⴽ ⵜⴰⵎⵉⵔⵉⴽⴰⵏⵉⵢⵜ ⴱⵉⴷⵔⴰⵎ ⴱⵔⴰⵍ, ⵎⴰⵙ ⵉⵔⴰ ⴰⴷ ⵉⵙⵎⵙⴰⵙⴰ ⵜⵉⵣⴷⴰⵢⵉⵏ ⵉⵛⵏⴰⵏ ⴷ ⵜⵖⵔⵎⵜ ⵏ ⴷⴷⴰⵅⵍⴰ ⴳ ⵎⴰⵕⵕⴰ ⵉⴳⵔⴰⵏ ⵛⵛⴰⵔⵏⵉⵏ.
ⴳ ⵓⵙⴰⵜⵉ ⴰⴷ, ⵉⵏⵏⴰ ⵎⴰⵙⵙ ⴱⵔⴰⵍ ⵎⴰⵙ ⴷ ⵜⴰⵎⵢⴰⵇⵇⴰⵏⵜ ⴰⴷ ⵔⴰⴷ ⵜⴰⵡⵙ ⴳ ⵓⵙⴱⵓⵖⵍⵓ ⵏ ⵜⵙⴳⴰ ⵏ ⴷⴷⴰⵅⵍⴰ ⴳ ⴳⵔⵉⵜ ⵏⵉⴽ, ⵙ ⵜⵣⴷⴰⵢⵉⵏ ⵏⵏⴰ ⵔⴰⴷ ⵢⵉⵍⵉ ⴳⵔ ⴷⴷⴰⵅⵍⴰ ⴷ ⴳⵔⵉⵜ ⵏⵉⴽ, ⴰⵛⴽⵓ ⵔⴰⴷ ⵢⵉⵍⵉ ⵓⵎⵔⴰⵔⴰ ⵏ ⵓⵔⵣⵣⴼ ⴳⵔ ⵜⵎⵉⵣⴰⵔ.
ⵉⵏⵏⴰ ⴷⴰⵖ ⵎⴰⵙ ⵉⵍⵍⴰ ⴷⴰⵔ ⴷⴷⴰⵅⵍⴰ ⵢⴰⵏ ⵉⵎⴰⵍ ⵉⵥⵉⵍⵏ, ⴷ ⵔⴰⴷ ⵜⴼⴽ ⵜⵓⴳⵜⵜ ⵏ ⵉⵣⵎⴰⵙ ⵏ ⵜⵙⴰⵔⵡⴰ ⵙⵜⴰⵡⵀⵎⵎⴰⵏⵉⵏ, ⵎⵉⵏⵣⵉ ⴰⴽⴰⴱⴰⵕ ⴰⵎⵉⵔⵉⴽⴰⵏⵉ ⵏⵏⴰ ⴷ ⵉⴽⴽⴰⵏ ⴷⴷⴰⵅⵍⴰ ⵉⵥⵕⴰ ⵎⵙ ⵍⵍⴰⵏ ⵜⵓⴳⵜⵜ ⵏ ⵉⵣⵎⴰⵣ ⵏ ⵜⵙⴰⵔⵡⴰ ⴷ ⵜⵓⵚⴽⵉⵡⵉⵏ ⵜⵉⴷⴷⴰⵡⵉⵏ ⵥⵉⵍⵏⵉⵏ.
ⵉⵏⵏⴰ ⵎⴰⵙⵙ ⵃⵓⵔⵎⴰⵜ ⵍⵍⴰⵀ ⵎⴰⵙ ⵜⴳⴰ ⵜⵎⵢⴰⵇⵇⴰⵏⵜ ⴰⴷ ⵏⵏⴰ ⴷ ⵢⵓⵛⴽⴰⵏ ⴷⴼⴼⵉⵔ ⵏ ⵜⵖⵜⴰⵙⵜ ⵏ ⵡⴰⵛⵉⵏⵟⵓⵏ ⵎⴰ$ⵙ ⵜⴳⴰ ⵜⵏⵣⵔⵓⴼⵜ (ⵚⵃⵕⴰ) ⵜⴰⵎⵖⵔⵉⴱⵉⵢⵜ, ⴰⵡⵜⵜⴰⵙ ⵏⵏⵙ ⵉⴳⴰⵜ ⵢⴰⵏ ⵓⵎⵢⴰⵡⴰⵙ ⴳⵔⴰⵜⵙⵏ ⴳ ⵜⵓⴳⵜⵜ ⵏ ⵉⴳⵔⴰⵏ.
ⴳ ⵓⵙⴰⵜⵉ ⴰⴷ ⵏⵉⵜ , ⵉⵏⵏⴰ ⵎⴰⵙ ⴷ ⵍⵎⵖⵔⵉⴱ ⴷ ⵎⵉⵔⵉⴽⴰⵏ ⵜⵣⴷⵉⵜⵏ ⵢⴰⵜ ⵜⴷⵔⴰⵡⵜ ⵉⴷⵓⵙⵏ, ⵉⵏⵏⴰ ⴷⴰⵖ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵜⴳⴰ ⵜⴰⵎⵣⵡⴰⵔⵓⵜ ⵍⵍⵉ ⵉⵙⵙⵏ ⵙ ⵜⵉⵍⵉⵜ ⵏ ⵎⵉⵔⵉⴽⴰⵏ ⴳ ⵓⵙⴳⴳⵯⴰⵙ 1777.
ⵎⴽ ⵍⵍⵉ ⵙ ⵉⵙⴰⵡⵍ ⵅⴼ ⵜⴷⵉⵏⴰⵎⵉⵜⵏ ⵜⵙⴳⴰ ⵏ ⴷⴷⴰⵅⵍⴰ -ⵡⴰⴷ ⴷⴰⵀⴰⴱ, ⴳ ⵓⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵎⴰ ⴰⵏ ⴰⴷ ⵙ ⵜⵜ ⵢⵓⵊⵊⵉⵏ ⴰⴷ ⵜⴳ ⵢⴰⵏ ⵡⴰⵎⵎⴰⵙ ⴰⵎⴷⵙⴰⵏ ⴰⵙⴳⴰⵡⴰⵏ , ⵙ ⵢⴰⵏ ⵓⵙⴷⴷⵉ ⵏ ⵉⵙⵏⴼⴰⵕⵏ ⵉⵎⵇⵇⵔⴰⵏ.
ⵉⵏⵏⴰ ⵎⴰⵙⵙ ⵉⵔⵉⴽ ⵍⴰⵍⵓ ⴰⵙⴰⵔⴰⵡⴰ ⴰⵎⵉⵔⵉⴽⴰⵏⵉ, ⵎⴰⵙ ⵜⴳⴰ ⵜⵔⵣⵣⵉⴼⵜ ⵜⴳⴰ ⵢⴰⵏ ⵓⵣⵎⵣ ⵏ ⵜⴰⵎⵓⵏⵜ ⴷ ⵓⵎⵙⴰⵙⴰ ⴰⴽⴷ ⵜⵖⵔⵎⵜ ⵏ ⴷⴷⴰⵅⵍⴰ, ⵎⴽ ⵍⵍⵉ ⵙ ⵜ ⵉⵙⵙⵓⵙⵎ ⵜⵓⴳⴳⵯⴰⵙ ⵍⵍⵉ ⵏⵏ ⵜⴻⵜⵜⴰⴳⴳⴰⵏ ⵉⵎⵙⵙⵓⴳⵓⵔⵏ ⵅⴼ ⵓⵙⴱⵓⵖⵍⵓ ⵏ ⵜⵙⴳⴰ ⴰⴷ.
ⵉⵏⵏ ⴰⵎⴰⵙⵙ ⵍⴰⵍⵓ" ⴷⴷⴰⵖⵍⴰ ⴷⴰⵔⵙ ⵜⵉⵥⵉⴹⴰⵔ ⵏ ⵜⵙⴰⵔⵡⴰ , ⵉⵏⵏⴰ ⴷⴰⵖ ⵎⴰⵙ ⴷ ⵜⴰⵙⴳⴰ ⴰⴷ ⵔⴰⴷ ⴳⵉⵙ ⵢⵉⵍⵉ ⵢⴰⵏ ⵓⵙⴱⵓⵖⵍⵓ ⵉⵥⵉⵍⵏ ⴳ ⵉⵙⴳⴳⴰⵙⵏ ⵍⵍⵉⴷ ⵉⴷⴷⴰⵏ, ⵎⴽ ⵍⵍⵉ ⵙ ⵏⵔⴰ ⴰⴷ ⵏⴳ ⵢⴰⵏ ⵓⴳⵣⵣⵓⵎ ⴳ ⵓⴱⵓⵖⵍⵓ ⴰⴷ, ⴷ ⵏⵔⴰ ⴰⴷ ⵏⴷⵔⵓ ⵏⵎⵢⴰⵡⴰⵙ ⵅⴼ ⵓⵙⴱⵓⵖⵍⵓ ⵏ ⵜⵙⴳⴰ ⴰⴷ”.
ⵉⵙⴽⵔ ⵓⴽⴰⴱⴰⵕ ⴰⵎⵉⵔⵉⴽⴰⵏⵉⵏ ⵢⴰⵜ ⵜⵔⵣⵣⵉⴼⵜ ⵙ ⵓⵙⵇⵇⵉⵎ ⵏ ⵜⵙⴳⴰ ⵏ ⴷⴰⵅⵍⴰ-ⵡⴰⴷ ⴷⴰⵀⴰⴱ ⴷ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵜⵙⴰⵔⵡⴰ, ⵎⴽ ⵍⵍⵉ ⵙ ⵉⴹⴼⵔ ⵉⵙⴼⵙⵔⵜⵏ ⵅⴼ ⵜⵥⵉⴹⴰⵔ ⵙⵓⵙⵢⵓ-ⵜⵉⴷⵎⵙⴰⵏⵉⵏ ⴷ ⵜⵓⴳⵜⵜ ⵏ ⵉⵙⵏⴼⴰⵔⵏ ⵏⵏⴰ ⵉⵜⴻⵜⵜⴰⵡⵙⴽⴰⵔⵏ ⴷⵖⵉ, ⴷ ⵉⵣⵎⴰⵣ ⵏ ⵜⵙⴰⵔⵡⴰ ⵍⵍⵉ ⵜⵙⵃⵉⵢⵍ ⴰⵙⴳⴰ ⴰⴷ.
ⵎⴽ ⵍⵍⵉ ⵙ ⵉⵙⴽⵔ ⵓⴽⴰⴱⴰⵕ ⴰⵎⵉⵔⵉⴽⴰⵏⵉ ⵢⴰⵜ ⵜⵔⵣⵣⵉⴼⵜ ⵉ ⵜⴰⵎⵓⵏⵜ ⵏ ⵜⵎⴳⵓⵔⵉ ⵏⵏⴰ ⵉⵥⵍⵉⵏ ⵙ ⵓⵙⵏⴼⵍ ⵏ ⵜⵉⵢⴰⴼⵓⵜⵉⵏ ⵏ ⵉⵙⵍⵎⴰⵏ, ⴷ ⴰⵙⵏⴰⵢ ⵏ ⵜⵎⴳⵓⵔⵉ ⵜⴰⵇⵇⴱⵓⵔⵜ, ⴷ ⴽⵔⴰ ⴳ ⵉⵙⵏⵙⴰⵜⵏ.
ⵜⴰⴼⵓⴳⵍⴰ ⴰⴷ ⵏ ⵓⵙⴳⵎⴹ ⵅⴼ ⵜⵎⵢⴰⵇⵇⴰⵏⵜ ⵜⴰⴽⵏⵉⵡⵜ ⵉⵍⵍⴰ ⴳⵉⵙ ⵓⵙⵍⵡⴰⵢ ⵏ ⵓⵙⵇⵇⵉⵎ ⵏ ⵜⵙⴳⴰ ⵏ ⴷⴷⴰⵅⵍⴰ-ⵡⴰⴷ ⴷⴰⵀⴰⴱ ⵅⵟⵟⴰⵜ ⵉⵏⵊⴰ, ⴷ ⵓⵙⵍⵡⴰⵢ ⵏ ⵓⵙⵇⵇⵉⵎ ⴰⵙⴳⴰⵡⴰⵏ ⵏ ⵡⴰⴷ ⴷⴰⵀⴰⴱ ⵎⵓⵃⵎⵎⴰⴷ ⵙⴰⵍⵎ ⵃⵎⵉⵢⴰ, ⴷ ⵎⵏⵏⴰⵡ ⵉⵎⵙⵏⵜⴰⵢⵏ.