ⴰⵡⵜⵜⴰⵙ ⵏ ⵜⵍⴳⴳⵯⵉⵜ ⴰⴷ ⵜⴰⵎⴰⵢⵏⵓⵜ ⵏⵏⴰ ⵙ ⵉⵍⵍⴰ ⵓⴽⵛⴰⵎ ⵙⴳ ⵡⴰⵏⵙⴰ ⴰⴷ ⴰⵍⵉⴽⵜⵕⵓⵏⵉ http://rimcast.ma ⴳ ⵉⵜⵜⵉⵍⵉⴼⵓⵏⵏ ⵉⵎⵉⵖⵉⵙⵏ ⵙⴳ ⵓⵏⵎⴰⵍⴰ ⵏⵏⴰ ⵔⴰⴷ ⵉⵜⵜⵓⵣⵓⴳⵣ ⵙⴳ play store ⵏⵖⴷ apple ⴰⴼⴰⴷ ⴰⴷ ⵢⴰⵡⵙ ⴳ ⵓⵙⴱⵓⵖⵍⵓ ⵏ ⵓⵎⵢⴰⵏⴰⵡ ⴰⵜⵉⴽⵏⵓⵍⵓⵊⵉ ⴳ ⵜⵎⴰⵣⵉⵔⵜ ⵏⵏⵖ ⵏⵏⴰ ⵉⵎⵎⴰⵍⴰⵏ ⴰⵎⵢⴰⵏⴰⵡ ⵏ ⵜⴷⵍⵙⴰ ⴷ ⵜⴰⵢⵙⵉ ⵜⴰⵎⵖⵔⵉⴱⵉⵜ .
ⴰⵙⵎⵔⵙ ⵏ ⵓⵏⵎⴰⵍⴰ ⴰⴷ ⵉⵖⵉ ⴰⴷ ⵙⵔⵙ ⵜⵙⵙⵎⵔⵙⵜ ⴽⵉⴳⴰⵏ ⵏ ⵜⵓⵎⵍⴰⵢⵉⵏ, ⵙⴳ ⵓⵏⵎⴰⵍⵍⵓ ⴰⴷ ⵏⵏⴰ ⵉⵔⵅⴰⵏ ⵉ ⵓⵙⵎⵔⵙ ⴷ ⵉⵖⵉ ⴰⴷ ⵜⵜⵓⴱⴹⴰⵏ ⵙⴳ ⵡⴰⵏⵙⵉⵡⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ .
ⵉⵎⵙⴰⵙⴰ ⵓⵏⵎⴰⵍⵍⵓ ⵏ ⵔⵉⵎⴱⵓⴷⴽⴰⵚⵟ ⴷ ⵉⵏⵎⴰⵍⴰⵜⵏ ⵉⵍⵉⴽⵜⵔⵓⵏⵉⵏ ⵏⵏⴰ ⵉⵍⵍⴰⵏ ⴷⵖⵉ, ⵉⴳ ⵓⵡⵜⵜⴰⵙ ⵏⵏⵙ ⵜⵉⴽⴽⵉ ⵏ ⵜⵏⴰⴼⵓⵜ ⵏ ⵓⴱⵓⴷⴽⴰⵚⵟ ⵉ ⵉⵏⵙⵎⵓⵔⵏ ⵏⵏⵙ ⵅⴼ ⴽⵉⴳⴰⵏ ⵏ ⵉⵙⵏⵜⴰⵍ ⵙⴳ ⵉⵏⵎⴰⵍⵍⵓⵜⵏ ⵓⵟⵟⵓⵏⴰⵏⵏ ⵣⵓⵏⴷ Apple Podcasts ⴷ (Spotify) ⵓⵍⴰ Google Podcasts ⴷ ⵡⵉⵢⵢⴰⴹ .
ⵜⵙⵜⵉ ⵜⵔⴰⴱⴱⵓⵜ ⵏ ⵓⵙⵡⵡⵓⵔⵉ ⴽⵉⴳⴰⵏ ⵏ ⵜⵖⴰⵔⴰⵙⵉⵏ ⴰⴼⴰⴷ ⴰⴷ ⵜⵉⵍⵉ ⵜⵏⴰⴼⵓⵜ ⴰⴷ ⴳ ⵉⵙⵓⵜⵓⵔⵏ ⵏ ⵓⵏⵙⵎⵓⵔ ⴷ ⵉⵎⵙⵙⴼⵍⵉⴷⵏ ⵏ ⵔⵉⵎⵕⴰⴷⵢⵓ ⴳ ⵍⵎⵖⵔⵉⴱ ⴷ ⴱⵕⵕⴰ ⵏⵏⵙ .
ⵔⴰⴷ ⵉⵍⵉⵏ ⴽⵉⴳⴰⵏ ⵏ ⵉⵙⵏⵜⴰⵍ ⴳ ⵓⴱⵓⴷⴽⴰⵚⵟ ⴰⴷ ⵣⵓⵏⴷ -ⵜⵓⵜⵍⴰⵢⵜ ⵏⵏⵖ ⵉⴼⵓⵍⴽⵉⵏ- ⴷ ⵉⴳⴳⵉⵡⵙⵏ ⴷ ⵜⵓⴷⵔⵜ ⵏ ⵓⴼⴳⴰⵏ, ⴷ ⵉⵣⵓⵖⴰⵣ ⵏ ⵍⵎⵖⵔⵉⴱ ⴷ ⵓⴽⴽⵙⵉⵊⵉⵏ, ⵏⵏⴰ ⵉⵙⴰⵡⴰⵍⵏ ⵅⴼ ⵉⵙⵏⵜⴰⵍ ⵏ ⵜⵡⵏⵏⴰⴹⵜ ⴷ ⵓⴱⵔⵉⴷ ⵏ ⵍⵀⵓⴷⴰ ⴷ ⵉⴳⵯⵔⵔⴰⵎⵏ ⵏ ⵍⵎⵖⵔⵉⴱ, ⵓⵍⴰ ⴰⵎⴰⴹⴰⵍ ⵏ ⵛⴰⵀⵕⴰⵣⴰⴷ ⵏⵏⴰ ⵉⴳⴰⵏ ⵢⴰⵏ ⵓⵖⴰⵡⴰⵙ ⵏⵏⴰ ⵔⴰⴷ ⵉⵜⵜⵉⵍⵉ ⴽⵓⵏ ⵉⵎⴰⵍⴰⵙⵙ ⴰⴷ ⵉⵜⵜⵓⵣⵣⴰⵔ ⴳ ⵜⴱⴰⴷⵓⵜ ⵏ ⵉⵏⵖⵎⵉⵙⵏ ⵎ24 ⵏⵏⴰ ⵜⵙⵙⵎⵏⵉⴷ ⵎⴰⵙⵙⴰ ⵛⴰⵀⵕⴰⵣⴰⴷ ⵄⴽⵔⵓⴷ .
ⵙⴳ ⵉⵖⴰⵡⴰⵙⵏ ⴰⵡⴷ -ⵜⵉⵎⴽⵜⵉⵜ ⵏ ⵓⴷⵖⴰⵔ- ⴷ - ⵙ ⵓⴽⵍⵓ ⵏ ⵢⵉⵍⵍ- ⴷ - ⵉⵙⴽⴽⵉⵍⵏ ⴷ ⵜⵥⵕⵉⴳⵉⵏ- ⴷ ⵓⴱⵓⴷⴽⴰⵚⵟ ⵏⵏⴰ ⵉⵙⵙⵎⵏⵉⴷⵏ ⵉⵏⵖⵎⵉⵙⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵜⵎⴰⵣⵉⵖⵜ ⴷ ⵜⵓⵜⵍⴰⵢⵜ ⵜⵉⵏⴳⵍⵉⵣⵜ ⴷ ⵜⴼⵕⴰⵏⵙⵉⵙⵜ ⴷ ⵜⵙⴱⵍⵢⵓⵏⵉⵜ ⴰⵡⴷ ⵏⵜⵜⴰⵜ .