ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴳ ⵡⴰⵙⵙ ⵏ ⵓⴽⵡⴰⵙ ⴳ ⵡⴰⵎⵎⴰⵙ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵅⴼ ⵓⵙⵏⵜⵍ ⵏ ⵓⴼⵔⴰ ⴷ ⵜⵏⴼⵔⵓⵜ ⵜⴰⴼⵔⵉⵇⵉⵜ ⴷ ⵡⴰⵔ ⴰⵙⴷⵔⵉⵎ ⵏ ⵜⵔⵓⴱⴱⴰ ⵏ ⵜⵖⵡⵡⴰⵖⵜ ⴷ ⵓⵙⴳⴷⵣ ⵡⴰⵔ ⴰⵙⵍⴳⴰⵏ ⴳ ⵉⵙⵓⴳⴰⵎ ⵏ ⵜⵡⵏⵏⴰⴹⵜ, ⵎⴰⵙⴷ ⵜⴰⵡⴰⵖⵉⵜ ⵏⵏⴰ ⵉⵣⵣⵔⴰⵢⵏ ⴳⵔ ⵜⵎⵓⵔⴰ ⴰⵔ ⵙⴽⴰⵔⵏⵜ ⵉⵎⵓⴽⵔⵉⵙⵏ ⵏ ⵡⴰⵔ ⴰⵎⵙⴰⵙⴰ ⴷ ⵡⴰⵔ ⵜⴰⵎⵓⵏⵜ ⵜⴰⵔⴰⴽⴰⵍⵜ .
ⵙ ⵜⵎⵍⴷⴰ ⴰⴷ, ⵉⵙⵎⴰⵢⵏⵓ ⵓⵎⴰⵣⴰⵏ ⴳ ⵓⵎⵔⴰⵔⴰ ⴰⴷ ⵏ ⵡⴰⵡⴰⵍ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ ⵏⵏⴰ ⵉⵙⵙⵉⵅⴼ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ , ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⵎⴰⵙⴷ ⵍⵎⵖⵔⵉⴱ ⵉⵙⵎⵔⵙ ⴽⵉⴳⴰⵏ ⵏ ⵜⵙⵜⵕⴰⵜⵉⵊⵉⵢⵉⵏ ⵏ ⵓⵥⵥⵓ ⴳ ⵜⵖⵡⵡⴰⵖⵜ ⴰⴼⴰⴷ ⴰⴷ ⵙⵓⵍ ⵓⵔ ⵉⵍⵉⵏⵜ ⵜⵔⵓⴱⴱⴰ ⴰⴷ ⴳ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⴽⴽⵯ .
ⵉⵣⴰⵢⴷ ⵢⵉⵏⵉ ⵎⴰⵙⴷ ⴰⵙⴳⴷⵣ ⵡⴰⵔ ⴰⵙⵍⴳⴰⵏ ⴳ ⵉⵙⵓⴳⴰⵎ ⵏ ⵢⵉⵍ ⴷ ⵜⵡⵏⵏⴰⴷⵜ ⴷ ⵜⴰⴳⴰⵏⵉⵏ ⴷ ⵡⴰⴳⵔⴰ ⵏⵏⴰ ⴳⵉⵙ ⵉⵍⵍⴰⵏ, ⵜⴳⴰ ⵢⴰⵜ ⵜⵎⴰⵎⴽⵜ ⵏ ⵓⵙⴼⵍⵙ ⴷ ⵓⵙⴷⵔⵉⵎ ⵏ ⵜⵔⵓⴱⴱⴰ ⴰⴷ ⵏ ⵜⵖⵡⵡⴰⵖⵜ ⵏⵏⴰ ⵉⵙⴽⴰⵔⵏ ⵡⴰⵔ ⴰⵎⵙⴰⵙⴰ ⴷ ⵡⴰⵔ ⴰⴼⵔⴰ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴼⵔⵉⵇⵉ .
ⵉⵏⵏⴰ ⵎⴰⵙⴷ ⵍⵎⵖⵔⵉⴱ ⵏⵏⴰ ⵉⴳⴰⵏ ⴰⴳⵎⴰⵎ ⴳ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵓⵏⵣⴰⵖ ⵅⴼ ⵉⵜⴳⴰⵔⵏ ⵏ ⵜⵉⴽⴽⵉ ⵏ ⵜⵜⵎⵉ ⵉ ⵜⵔⵓⴱⴱⴰ ⵏ ⵜⵖⵡⵡⴰⵖⵜ ⵎⴰⵙ ⵉⴳⴰ ⵎⴰⵢⴰⵏ ⵢⴰⵜ ⵜⵡⴰⵖⵉⵜ ⴳ ⵓⵙⴰⵜⵉ ⵏ ⵉⵙⵍⴳⴰⵏⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ .
ⵉⴱⴷⵔ ⴰⵡⴷ ⵓⵎⴰⵣⴰⵏ ⵜⵉⵎⴰⵎⴽⵉⵏ ⵏⵏⴰ ⵜⵙⴽⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵜⴽⴽ ⵜⵜⵎⵉ ⵉ ⵜⵖⵡⵡⴰⵖⵜ ⴷ ⴽⵉⴳⴰⵏ ⵏ ⵜⵙⵜⵕⴰⵜⵉⵊⵉⵢⵢⵉⵏ ⵎⵓ ⵎⵢⴰⵏⴰⵡⵏ ⵉⵎⵏⴰⴷⵏ ⴷ ⵜⵡⵉⵙⵉ ⵏ ⴽⵉⴳⴰⵏ ⵏ ⵜⵎⵔⵙⴰⵍ ⴳ ⵓⵙⵏⴼⴰⵔ ⴰⴷ ⴰⵎⵇⵔⴰⵏ .