ⴳ ⵓⵙⴰⵜⵉ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴼ ⵜⵎⵍⴷⴰ ⴰⴷ , ⵉⵏⵏⴰ ⵎⴰⵙⵙ ⴱⴰⵀⵉ ⵍⵄⴰⵕⴰⴱⵉ ⴰⴳⵎⴰⵎ ⵏ ⵍⴱⵓⵍⵉⵣⴰⵔⵢⵓ ⴰⵏⵙⵙⵉⵅⴼ ⵏ ⵡⴰⵎⵎⴰⵙ ⵏ ⵓⴼⵔⴰ ⵏ ⵜⵣⵔⴰⵡⵉⵏ ⵏ ⵜⵙⵔⵜⵉⵜ ⴷ ⵜⵙⵜⵕⴰⵜⵉⵊⵉⵢⵢⵜ, ⵎⴰⵙⴷ ⴰⵡⴰⵏⴽ ⵏⵏⴰ ⵢⵓⵎⵥⵏ ⵜⴰⵎⵏⵜⵉⵍⵜ ⵏ ⵍⴱⵓⵍⵉⵣⴰⵕⵢⵓ ⵜⵔⴰ ⴰⴷ ⵜⴰⵎⵥ ⵜⵣⴷⴰⵢⵜ ⵏ ⵓⵏⵅⵉⴱⴱⵍ ⵜⵉⵣⵉ ⵉⴳⴳⵓⵜⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵢⵢⵜ ⴷ ⵓⵙⴱⵉⴷⴷ ⵏ ⵜⵎⵢⴰⵇⵇⴰⵏⵜ ⵏ ⵓⵙⵏⵜⵉ ⵏ ⵓⵙⴱⵉⴷⴷ ⵏ ⵓⵍⵓⴼ, ⴷⴼⴼⵉⵔ ⵍⵍⵉⵖ ⵢⵓⴳⵉ ⵍⵎⵖⵔⵉⴱ ⴰⴷ ⵉⴱⴹⵓ ⵉⴽⴰⵍⵉⵡⵏ ⵏ ⵜⵏⵣⵔⵓⴼⵜ ⴰⵡⵏⵏⵉ ⴰⴷ ⵏⵏⴰ ⵜⵔⴰ ⴷⴷⵣⴰⵢⵔ .
ⵎⴽⵍⵍⵉ ⵙⴽⴰⵔⵏ ⵉⵡⴰⵏⴽⵏ ⵉⵎⵙⵜⴳⴳⴰⵔⵏ ⵜⵉⵡⴰⵖⵉⵜⵉⵏ ⵉ ⵉⵎⵣⴷⴰⵖ ⵏ ⵜⵉⵏⴷⵓⴼ ⴷ ⵜⵙⴳⴳⵉⵡⵉⵏ ⵏⵏⴰ ⴰⵙ ⵢⴰⵣⴹⵏ, ⴰⴼⴰⴷ ⴰⴷ ⵜⵙⴷⴷⵉⴷ ⵜⵉⵏⴰⴼⵓⵜⵉⵏ ⵏⵏⵙ ⵜⵉⵏⵉⵎⴰⵏⵉⵏ, ⵎⴽⵍⵍⵉ ⵜⵙⴽⴰⵔ ⴱⵓⵍⵉⵣⴰⵕⵢⵓ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⵉⵣⴷⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵉⵎⵣⴷⴰⵖ ⵏ ⵍⴱⵓⵍⵉⵣⴰⵕⵢⵓ .
ⴳ ⵜⵙⴳⴰ ⵏⵏⵙ , ⴳ ⵓⵙⴰⵜⵉ ⵏ ⵉⵎⵓⴽⵔⵉⵙⵏ ⵏⵏⴰ ⵢⴰⵙ ⵙⴽⵔⵏ ⵉⵎⵙⵜⴳⴳⴰⵔⵏ ⵏ ⴱⵓⵍⵉⵣⴰⵔⵢⵓ ⵉⵙⴽⵔ ⵎⴰⵙⵙ ⵎⵓⵕⴰⴱⵉ ⵃⵎⴰⴷ ⵎⵃⵎⵓⴷ ⴰⴷⴷⴰ ⵢⴰⵏ ⵙⴳ ⵉⵎⵙⴽⴰⵔⵏ ⵏ ⵜⵎⵙⵎⵓⵏⵜ ⵏ -ⵚⵚⵓⵎⵓⴹ- ⵏⵏⴰ ⵉⵙⵙⵓⵜⵔⵏ ⴰⴷ ⴷⴰⵔⵙ ⵢⵉⵍⵉ ⵓⵣⵔⴼ ⵏ ⵡⴰⵡⴰⵍ ⴷ ⵓⵎⵎⵓⵜⵜⵉ ⴷ ⵓⵙⴷⴷⵉⴷ ⵏ ⵓⵙⵡⵉⵔ ⵏ ⵜⵓⴷⵔⵜ ⴷ ⵉⵎⵣⴷⴰⵖ ⵏ ⵜⵉⵏⴹⵓⴼⵍⵍⵉⵖ ⵉⵏⵏⴰ ⵉⵎⵓⴽⵔⵉⵙⵏ ⵏⵏⴰ ⴰⴽⴽ ⵉⵍⵍⴰⵏ ⴳ ⵜⵙⴳⴰ ⴰⴷ ⵙ ⵡⴰⵏⵏⴰⵍ ⵏ ⵓⵡⴰⵏⴽ ⴰⵎⴰⵏⵏⴰⵍ .
ⴳ ⵜⵎⵔⴰⵔⵓⵜ ⵉ ⵡⵉⵏⵏⴰ ⵉⵜⵜⵉⵏⵉⵏ ⵎⴰⵙ ⵜⵜⵏⵣⴰⵖⵏ ⵅⴼ ⴰⵢⵜ ⵜⵏⵣⵔⵓⴼⵜ ⵉⵏⵏⴰ ⵎⴰⵙⵙ ⴰⴷⴷⴰ ⵎⴰⵙⴷ ⵉⵡⴷⴰⵏ ⴰⵏⵏ ⴰⵔ ⵜⵜⴰⵎⵥⵏ ⵜⵉⵡⵍⴰⴼⵉⵏ ⴷ ⴰⵢⵜ ⵍⴱⵓⵍⵉⵣⴰⵕⵢⵓ, ⵏⵏⴰ ⵙⴽⴰⵔⵏⵉⵏ ⴽⵉⴳⴰⵏ ⵏ ⵜⵡⴰⵖⵉⵜⵉⵏ ⵉ ⵜⴼⴳⴰⵏⵉⵜ ⴷ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⵢⴰⴹⵏ ⵣⴷⵉⵏ ⴷ ⵜⴼⴳⴰⵏⵉⵢⵢⵜ .
ⵉⵏⵏⴰ ⴳ ⵉⴳⵔ ⴰⴷ, ⵉ ⵜⴰⵢⵎⵓⵏⵜ ⵜⵉⵙⵙ ⴽⴽⵓⵙⵜ ⵏ ⵜⵎⵙⵎⵓⵏⵜ ⵏ ⵜⵎⵜⵜⴰ ⵉⵎⵓⵏⵏ ⵢⵉⵏⵉ ⵎⴰⵙ ⵍⴰⵏ ⵉⵏⴽⵔⴰⴼ ⵏ ⵜⵉⵏⴷⵓⴼ ⴰⵣⵔⴼ ⴰⴷ ⵙⴽⴰⵔⵏ ⵉⵜⴳⴰⵔⵏ ⵏ ⵓⴼⵔⴰ ⴷ ⵉⵣⵔⴼⴰⵏ ⵏⵏⵙⵏ ⵉⴷⵙⵍⴰⵏⵏ ⵏⵏⴰ ⴰⵙⵏ ⵜⴼⴽⴰ ⵜⵎⵢⴰⵇⵇⴰⵏⵜ ⵏ ⵊⵓⵏⵉⴼ ⴷ ⵓⵙⵙⵓⵜⵔ ⵏ ⵓⵙⵇⵇⵉⵎ ⵏ ⵓⴼⵔⴰ ⴰⴼⴰⴷ ⴰⴷ ⵜⵏ ⵜⵙⵙⵉⴹⵏ ⵜⵣⵎⵎⵉⵎⵜⵏ .
ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵎⴰⵙⵙ ⵎⵓⵃⵎⵎⴰⴷ ⵃⵎⴰⴷ ⴳⵉⵏ, ⴰⵏⵙⵙⵉⵅⴼ ⵏ ⵓⵙⵉⵏⴰⴳ ⴰⴼⵔⵉⵇⵉ ⵏ ⵓⵙⴷⴷⵉⴷ ⵏ ⵓⴼⵔⴰ ⴷ ⵓⵙⵏⴼⵍ ⵏ ⵉⵏⵅⵉⴱⴱⵉⵍⵏ ⵎⴰⵙⴷ ⵍⴱⵓⵍⵎⵉⵣⴰⵕⵢⵓ ⵜⴳⴰ ⵢⴰⵜ ⵜⵔⴰⴱⴱⵓⵜ ⵉⵜⵜⴰⵙⵉⵏ ⵓⵍⵓⴼ ⴳ ⵜⵏⵣⵔⵓⴼⵜ ⴳ ⵓⵣⴳⵏ ⵏ ⵙⵙⴱⵄⵉⵏⴰⵜ ⵜⵉⵣⵉ ⵍⵍⵉⵖ ⵜⵍⵍⴰ ⵜⵏⴼⵔⵓⵜ ⴳ ⵜⵎⵏⴰⴹⵉⵏ ⴰⴷ .
ⵜⵉⵔⵓⴱⴱⴰ ⴰⴷ ⵏ ⵍⴱⵓⵍⵉⵣⴰⵕⵢⵓ, ⵉⵏⵏⴰ ⵓⵎⵙⵙⵉⵡⵍ ⴰⴷ ⵍⵍⵉⵖ ⵜⵉⵡⵉ ⵍⴼⴰⵢⵜⵜ ⴳ ⵡⴰⵏⵏⴰⵍ ⵏ ⴷⴷⵣⴰⵢⵔ, ⵜⵉⵡⵙ ⴰⵡⴷ ⴳ ⵜⵡⵡⵓⵔⵉⵡⵉⵏ ⵏ ⵜⵖⵡⵡⴰⵖⵜ ⴷ ⵓⵍⵓⴼ ⴷ ⵉⵎⵉⵖⵏ ⴷ ⵓⵙⴽⴽⵉⵔ ⵏ ⵜⵔⵓⴱⴱⴰ ⵏⵏⴰ ⵉⵜⵜⴽⴽⴰⵏ ⵉⵡⵜⵜⴰ ⴷ ⵓⵣⴳⴷⵣ ⴳ ⵓⴼⴳⴰⵏ ⴷ ⵡⵉⵏⵏⴰ ⵉⵔⵡⵍⵏ ⴳ ⵜⵖⴹⴼⵜ .
ⵎⴽⵍⵍⵉ ⵜⴳⴰ ⵍⴱⵓⵍⵉⵣⴰⵕⵢⵓ ⵢⴰⵏ ⵡⴰⵢⴷⴰ ⵉⵔⵅⴰⵏ ⵉ ⵉⵖⵡⵡⴰⵖⵏ ⴷ ⵜⵔⵓⴱⴱⴰ ⵏ ⴷⴰⵄⵉⵛ ⵏⵏⴰ ⵉⵙⴽⴰⵔⵏ ⵉⵎⵉⵖⵏ ⵙ ⵡⴰⵙⵙⴰⵖ ⵏ ⵓⵙⴳⴷ ⵍⵍⵉⵖ ⵉⵍⵎⵎⴰ ⵜⵙⴽⴰⵔ ⵍⴱⵓⵍⵉⵣⴰⵕⵢⵓ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⴳ ⵉⴷⵖⴰⵔⵏ ⵏⵏⴰ ⵢⴰⵙ ⵢⴰⵣⴹⵏ .
ⵉⵣⴰⵢⴷ ⵎⴰⵙⵙ ⴽⵉⵏ ⵎⴰⵙ ⴰⵣⴹⵏ ⵉⵄⵔⵔⵉⵎⵏ ⵏ ⵜⵖⵡⵡⴰⵖⵜ ⵉ ⵡⵉⵏ ⵍⴱⵓⵍⵉⵣⴰⵕⵢⵓ, ⴰⴷ ⵉⴳⴰⵏ ⴰⵙⵔⴰⴳ ⵏ ⵓⵏⵅⵉⴱⴱⵍ ⵏ ⵜⵉⵏⴷⵓⵔ ⴷ ⵡⴰⵔ ⴰⵎⵙⴰⵙⴰ ⵏⵏⴰ ⴳⵉⵙ ⵉⵍⵍⴰⵏ ⵍⵍⵉⵖ ⴰⵔ ⵙⴽⴰⵔⵏ ⵉⵖⵡⵡⴰⵖⵏ ⵉⵎⵓⵙⵙⵓⵜⵏ ⵏⵏⵙⵏ ⴳ ⵜⵙⴳⴰ ⴰⵏⵏ .
ⴳ ⵜⵙⴳⴰ ⵏⵏⵙ, ⵉⵏⵏⴰ ⵎⴰⵙⵙ ⵃⵎⴰⴷⴰ ⵍⴱⵉⵀⵉ ⴰⴳⵎⴰⵎ ⵏⵏⴰ ⵜⵜ ⵉⵏⵏ ⵉⴽⴽⴰⵏ ⴳ ⴱⵓⵍⵉⵣⴰⵕⵢⵓ, ⵎⴰⵙⴷ ⵜⴰⵔⴰⴱⴱⵓⵜ ⴰⴷ ⵏ ⵉⵖⵡⵡⴰⵖⵏ ⵏⵏⴰ ⵉⵙⴽⴰⵔⵏ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⵉ ⵉⵎⵣⴷⴰⵖ ⵏ ⵜⵙⴳⴰ ⵢⴰⴷ , ⴷ ⵓⵙⵏⴼⵍ ⵏ ⵡⴰⵏⵏⴰⵍ ⴰⵎⴰⴹⵍⴰⵏ ⵏⵏⴰ ⵢⴰⵙⵏ ⵉⵜⵜⵓⴼⴽⴰⵏ, ⵙⴳ ⴳⵉⵙⵏ 600 ⵏ ⵡⴰⵙⵙⴰⵢ , ⴰⵔ ⴳⵉⵙ ⵍⴽⴽⵎⵏⵜ ⵖⴰⵙ 50 ⵙ ⵜⵉⵏⴷⵓⴼ, ⴰⵔ ⵜⵏⵜ ⴰⴽⴽⵯ ⵜⵜⴰⵡⵉⵏ ⵉⵖⵡⵡⴰⵖⵏ ⵏ ⵍⴱⵓⵍⵉⵣⴰⵕⵢⵓ .
ⵉⵏⵏⴰ ⵎⴰⵙ ⵓⵔ ⵉⵍⵍⵉ ⵓⵙⵜⴰⵢ ⴷⴰⵔ ⴱⵓⵍⵉⵣⴰⵕⵢⵓ ⴰⴱⵍⴰ ⴰⴷ ⵙⴽⵔⵏ ⵉⵏⵏⴰ ⵉⵔⴰ ⵓⵡⴰⵏⴽ ⵏⵏⴰ ⴳⵉⵙⵏ ⵉⵏⴱⴹⵏ, ⴰⴼⴰⴷ ⴰⴷ ⵙⴽⵔⵏ ⵢⴰⵏ ⵉⵎⵉⵖ ⵉⴳⴰⵏ ⵎⴰⵔⵓⵔ ⵏⵏⴰ ⵓⵔ ⵉⵍⵍⵉⵏ ⵖⴰⵙ ⴳ ⴷⴰⵔⵙⵏ ⵍⵍⵉⵖ ⴰⵔ ⵜⵜⴰⵊⵊⴰ ⵉⵎⵣⴷⴰⵖ ⵏ ⵜⵉⵏⴷⵓⴼ ⵙ ⵍⴰⵥ .
ⴳ ⵓⵙⴰⵜⵉ ⴰⴷ, ⵉⵍⵍⴰ ⵓⵎⵙⴰⵙⴰ ⴷⴰⵔ ⵎⴰⵙⵙ ⵎⵓⵃⵎⵎⴰⴷ ⵙⴰⵍⵎ ⵣⵔⵔⵓⴳ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵜⵏⵣⵔⵓⴼⵜ ⵏ ⵓⵏⵣⴰⵖ ⴳ ⵜⵔⵓⵍⴰ ⵏ ⵓⵏⵅⵉⴱⴱⵍ ⴳ ⵜⵉⵏⴷⵓⴼ, ⵎⵏⵉⴷ ⵏ ⵜⴰⵢⵎⵓⵏⵜ ⵜⵉⵙⵙ ⴽⴽⵓⵙⵜ ⵏ ⵜⵎⵙⵎⵓⵏⵜ ⵏ ⵜⵎⵜⵜⴰ ⵉⵎⵓⵏⵏ, ⵙ ⵜⴽⵔⵔⴰⵢⵜ ⵏⵏⴰ ⵜⵜⵉⴷⵉⵔⵏⵜ ⵜⵡⵜⵎⵉⵏ ⴳ ⵜⵉⵏⴷⵓⴼ ⵏⵏⴰ ⵉⵙⴽⴰⵔⵏ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⴷ ⵜⵖⵡⵡⴰⵖⵜ ⵎⵏⵉⴷ ⵏ ⵜⵓⵜⵎⵉⵏ ⴰⴷ .
ⴳ ⵜⵙⴳⴰ ⵏⵏⵙ , ⵉⵏⵏⴰ ⵍⴼⴰⴹⵍ ⴱⵔⵉⴽⴰ, ⴰⴳⵎⴰⵎ ⵏ ⵜⵎⵙⵎⵓⵏⵜ ⵏ ⵜⵏⵣⵔⵓⴼⵜ ⵏ ⵜⵔⵓⵍⴰ ⵙⴳ ⵜⵡⴰⵖⵉⵜ ⴳ ⵜⵉⵏⴷⵓⴼ ⵎⴰⵙ ⵉⵜⵜⵢⴰⴽⴰⵔ ⵙⵎⵎⵓⵙ ⵉⵙⴳⴳⵯⴰⵙⵏ ⵜⴰⵏⵉⵍⴰ ⵏ ⵜⵉⵏⴷⵓⴼ ⵙ ⵓⵙⵔⴰⴳ ⵏ ⵓⵎⵓⵙⵙⵓ ⵏⵏⵙ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ , ⵉⵏⵏⴰ ⵎⴰⵙⴷ ⵡⴰⵏⵏⴰ ⵉⵏⵣⵣⵖⵏ ⵅⴼ ⵉⵣⵔⴼⴰⵏ ⵏ ⴰⵢⵜ ⵜⵉⵏⴷⵓⴼ ⵏⵏⴰ ⵉⵙⴽⴰⵔⵏ ⵉⵡⵜⵜⴰⵙⵏ ⵏ ⵉⵏⴱⴱⴰⴷⵏ ⵏⵏⵙⵏ , ⴰⵔ ⴰⵙⵏ ⵉⵜⵜⵓⵙⴽⴰⵔ ⵓⵏⵅⵉⴱⴱⵍ ⴷ ⵜⵖⵡⵡⴰⵖⵜ .
ⵉⵙⴽⴰ ⴰⵡⴰⵍ ⵏⵙⵏ ⵎⴰⵙⴷ ⵉⵎⵣⴷⴰⵖⵏ ⵏ ⵜⵉⵏⴷⵓⴼ ⴳⴰⵏ ⵢⴰⵏ ⵓⴱⵔⵉⴷ ⵏ ⵜⵙⴱⴱⴰⴱⵜ ⵙⴳ ⵉⵎⵙⵜⴳⴳⴰⵔⵏ ⵏ ⴱⵓⵍⵉⵣⴰⵕⵢⵓ ⴷ ⵜⵏⴼⵓⵍⵜ ⵏ ⵓⵙⴽⴽⵉⵔ ⵏ ⵉⵎⵓⴽⵔⵉⵙⵏ ⴷⴰⵔ ⵉⵡⴰⵏⴽⵏ ⵉⴳⴰⵏ ⵉⵏⴱⴱⴰⴹⵏ .