Published on MAPNews (https://www.mapnews.ma/am)

Accueil > ⴰⵙⵓⵖⵍ ⴰⵙⴽⵍⴰⵏ ⵏ ⵓⴷⵕⵉⵚ ⴰⵎⴰⵣⵉⵖ ⴰⵙⵏⵜⵍ ⵏ ⵢⴰⵜ ⵜⵉⵏⴰⵡⵜ ⴳ ⵕⵕⴱⴰⵟ

ⴰⵙⵓⵖⵍ ⴰⵙⴽⵍⴰⵏ ⵏ ⵓⴷⵕⵉⵚ ⴰⵎⴰⵣⵉⵖ ⴰⵙⵏⵜⵍ ⵏ ⵢⴰⵜ ⵜⵉⵏⴰⵡⵜ ⴳ ⵕⵕⴱⴰⵟ

13 ⴽⵟⵓⴱⵕ 2022 Version Imprimable
ⵕⵕⴱⴰⵟ - ⵜⴻⵜⵜⵓⵙⴽⴰⵔ ⵢⴰⵜ ⵜⵉⵏⴰⵡⵜ ⵅⴼ ⵓⵙⵏⵜⵍ ⵏ ⵓⵙⵓⵖⵍ ⴰⵙⴽⵍⴰⵏ ⵏ ⵓⴹⵕⵉⵚ ⴰⵎⴰⵣⵉⵖ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙ ⵓⵙⵏⵎⴰⵍⴰ ⵏ ⵡⴰⵎⵎⴰⵙ ⵏ ⵓⵙⵓⵖⵍ ⴷ ⵜⵥⵕⵉⴳⵜ ⴷ ⵓⵎⵢⴰⵡⴰⴹ ⵏⵏⴰ ⵉⵡⴰⵍⴰⵏ ⵉ ⵓⵙⵉⵏⴰⴳ .

ⵜⵏⵏⴰ ⵜⵎⵔⵣⵓⵜ ⵎⴰⵙⵙⴰ ⵍⴳⵓⵍⴰⵍⵉ ⵎⴰⵙⴷ ⴰⵙⵓⵖⵍ ⴰⵙⴽⵍⴰⵏ ⴰⵎⴰⵣⵉⵖ ⴰⵔ ⵉⵜⵜⵎⵓⴷⴷⵓ ⵙ ⵜⵡⵏⴳⵉⵎⵜ ⵏ ⵓⵎⵙⵙⵓⵖⵍ ⵙ ⴽⵓ ⵎⴰⴷ ⵉⵔⴰ ⴰⴷ ⵜ ⵢⴰⵔⴰ ⵉⵙⵙⵓⵖⵍⵜ ⴳ ⵓⴹⵕⵉⵙ ⵏⵏⵙ .

ⴳ ⵓⵙⴰⵜⵉ ⵏ ⵜⵉⵏⴰⵡⵜ ⴰⴷ ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵓⵙⴼⵓⴳⵍⵓ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵓⵖⵍ, ⵜⵏⵏⴰ ⵎⴰⵙⵙⴰ ⵍⴳⵓⵍⴰⵍⵉ ⵎⴰⵙⴷ ⴰⵙⵓⵖⵍ ⴰⵙⴽⵍⴰⵏ ⴰⵔ ⵉⵙⴽⴰⵔ ⴰⵙⴼⵙⵉ ⵏ ⵓⴹⵕⵉⵚ ⵎⴰⵛⴰⵏ ⵓⵔⴷ ⵜⵓⵜⵍⴰⵢⵜ ⵏⵏⴰ ⵙ ⵉⵜⵜⵢⴰⵔⴰ ⵉⵇⵇⴰⵏⴷ ⴰⵎⵙⵙⵓⵖⵍ ⴰⴷ ⵉⵙⴽⵔ ⵢⴰⵏ ⵓⴹⵕⵉⵚ ⵉⵎⵙⴰⵙⴰⵏ ⵏⵏⴰ ⵔⴰⴷ ⵉⵔⵎⵙ ⵉⵎⵖⵔⵉ ⵣⵓⵏⴷ ⵜⴰⵎⴰⵎⴽⵜ ⵏⵏⴰ ⵙ ⵜ ⵢⵓⵔⴰ ⵓⵎⴰⵔⴰ ⵏⵏⵙ ⴰⵎⵣⵡⴰⵔⵓ .

ⵜⵣⴰⵢⴷ ⵜⵏⵏⴰ ⵎⴰⵙⴷ ⴰⵙⵓⵖⵍ ⴰⵙⴽⵍⴰⵏ ⵙⴳ ⵉⵙⵓⵖⴰⵍ ⵏⵏⴰ ⴰⴽⴽⵯ ⵉⵛⵇⵇⴰⵏ ⵙⴷ ⵉⵇⵇⴰⵏ ⵓⵎⵙⵙⵓⵖⵍ ⴰⴷ ⴰⴽⴽⵯ ⵉⵙⵙⵏ ⵉⵜⴳⴰⵔⵏ ⵏ ⵜⵉⵔⵔⴰ ⴰⴼⴰⴷ ⴰⴷ ⵢⴰⵏⴼ ⵉ ⵓⵙⵓⵖⵍ ⵏ ⵜⴳⵓⵔⵉⵡⵉⵏ ⵉⵇⵇⴰⵏⴷ ⴰⵡⴷ ⴰⴷ ⵉⴳ ⴰⵡⵡⵓⵔⴰⵏ ⴳ ⵉⴳⵔ ⵏ ⵜⵎⴰⵙⵙⴰⵏⵉⵏ ⵜⵉⵏⴰⴼⴳⴰⵏⵉⵏ .

ⴳ ⵉⴳⵔ ⴰⴷ, ⵜⴱⴷⵔ ⴰⴷⵍⵉⵙ ⵏ ⵓⵙⵓⵖⵍ ⴷ ⵉⵏⴰⵎⴽⵏ ⵏ ⵍⵎⵟⵀⵉⵕⵉ ⵚⵚⴼⵉⵢⵢⴰ, ⵜⵏⵏⴰ ⵎⴰⵙⴷ ⴰⵙⵓⵖⵍ ⴰⵙⴽⵍⴰⵏ ⵜⵎⵢⴰⵏⴰⵡ ⴷ ⵜⴷⵓⵙ ⴼ ⵓⵙⵓⵖⵍ ⴰⵎⴰⵙⵙⴰⵏ .

ⵜⵣⴰⵢⴷ ⵜⵏⵏⴰ ⵎⴰⵙ ⵜⵜⵓⵙⵓⵖⵍⵏ ⴽⵉⴳⴰⵏ ⵏ ⵉⴷⵍⵉⵙⵏ ⴳ ⵉⴳⵔ ⵏ ⵓⵙⵓⵖⵍ ⴰⵙⴽⵍⴰⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵎⴰⴷ ⵉⵣⵍⵉⵏ ⵙ ⵜⵓⵜⵍⴰⵢⵉⵏ ⵢⴰⴹⵏ ⵜⵉⵏⵉ ⵎⴰⵙ ⵙⵙⵎⵔⴰⵙⵏ ⵉⵎⵙⵙⵓⵖⵍⵏ ⴰⵏⴰⵡ ⴰⴷ ⵏ ⵓⵙⵓⵖⵍ ⵙ ⵜⵓⴳⵜⵜ .

ⵜⵉⵏⵉ ⴰⵡⴷ ⵎⴰⵙⴷ ⵉⵇⵇⴰⵏ ⵓⵎⵙⵙⵓⵖⵍ ⴰⴷ ⵢⵓⵇⵇⵔ ⵜⵓⵥⵍⴰⵢⵉⵏ ⵏ ⵓⴹⵕⵉⵙ ⴰⵙⴽⵍⴰⵏ ⵍⵍⵉⵖ ⴳⵉⵙ ⵢⴰⵜ ⵜⵎⴰⵎⴽⵜ ⵉⵥⵍⵉⵏ ⴷ ⵜⵓⵍⴰⴼⵉⵏ ⴷ ⵓⵙⵢⴰⴼⴰ, ⵜⵉⵏⵉ ⵎⴰⵙⴷ ⵉⵎⵓⴽⵔⵉⵙⵏ ⴰⵔ ⵜⵜⵏⴼⴰⵍⵏ ⵙⴳ ⵓⴹⵕⵉⵙ ⴰⵔ ⵡⴰⵢⵢⴰⴹ, ⵙ ⵓⵙⵔⴰⴳ ⵍⵍⵉⵖ ⵍⵍⴰⵏ ⵉⵜⴳⴰⵔⵏ ⵉⴷⵍⵙⴰⵏⵏ ⴷ ⵉⵏⴰⵎⵓⵏⵏ ⵏⵏⴰ ⵉⵍⵍⴰⵏ ⴷⴰⵔ ⴽⵓ ⵜⵓⵜⵍⴰⵢⵜ,ⵓⵔ ⵜⵍⵍⵉ ⴽⵔⴰ ⵏ ⵜⵓⵜⵍⴰⵢⵜ ⵜⵍⵎⵙⴰⵙ ⴷ ⵜⴰⵢⵢⴰⴹ, ⴰⵎⵙⵙⵓⵖⵍ ⵉⵇⵇⴰⵏⴷ ⴰⴷ ⵢⴰⵎⵥ ⵙ ⵓⵙⵏⴼⵍ ⴰⴷ ⵏ ⵜⵓⵜⵍⴰⵢⵉⵏ .

ⵜⵏⵏⴰ ⵎⴰⵙ ⵍⵍⴰⵏ ⴽⵉⴳⴰⵏ ⵏ ⵉⵏⴰⵎⴽⵏ ⵏ ⵜⵎⵙⴰⵔⵜ ⴰⴷ, ⵣⵓⵏⴷ, ⵓⵔ ⵉⵙⵜⴰⵡⵀⵎⵎⴰ ⵎⴰⴷ ⵉⵜⵜⵉⵏⵉ ⵓⴼⴳⴰⵏ,ⵎⴰⵛⴰⵏ ⵎⴰⴷ ⵉⵙⵏⴰⵎⴽ,ⵎⴰ ⴰⵏⵏ ⴰⵔⴰⴷ ⵉⵣⵣⵓⴳⵯⵣ ⵓⵎⵙⵙⵓⵖⵍ, ⴰⵏⴰⵎⴽ ⵉⵏⵜⵍⵏ ⵏ ⵜⴳⵓⵔⵉ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%93%E2%B5%96%E2%B5%8D-%E2%B4%B0%E2%B5%99%E2%B4%BD%E2%B5%8D%E2%B4%B0%E2%B5%8F-%E2%B5%8F-%E2%B5%93%E2%B4%B7%E2%B5%95%E2%B5%89%E2%B5%9A-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B0%E2%B5%99%E2%B5%8F%E2%B5%9C%E2%B5%8D-%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B5%89%E2%B5%8F%E2%B4%B0%E2%B5%A1%E2%B5%9C-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F