ⴳ ⵜⴳⵓⵔⵉ ⵏⵏⵙ ⵏⵏⴰ ⵉⵜⵜⵓⵏⵏⴰⵏ ⴳ ⵓⵙⵇⵇⵉⵎ ⵏ ⵓⵏⵏⵓⵕⵥⵎ ⵏ ⵜⵙⵙⵓⵜⵍⵜ ⵏ ⵓⵎⵡⴰⵏ ⵏ ⵓⵏⵎⵓⴳⴳⴰⵔ ⵏ ⴰⵚⵉⵍⴰ ⴰⴷⵍⵙⴰⵏ ⵡⵉⵙⵙ ⴽⴽⵓⵎⵔⴰⵡ ⴷ ⴽⵕⴰⴹ ⴷ ⵜⵙⵙⵓⵜⵍⵜ ⵜⵉⵙⵙ 36 ⵏ ⵜⵙⴷⴰⵡⵉⵜ ⵎⴰⵙⴷ ⵓⵜⵓⵢ ⴰⴳⵍⴷⴰⵏ ⴰⴷ ⵉⴳⴰⵏ ⴰⵏⵏⴰⵍ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⴽⵓ ⵎⴰⴷ ⵉⵥⵍⵉⵏ ⵙ ⵜⴷⵍⵙⴰ ⴷ ⵜⵥⵓⵕⵉⵡⵉⵏ .
ⵉⵣⴰⵢⴷ ⵉⵏⵏⴰ ⵎⴰⵙⴷ ⵜⵉⵎⵔⵙⵍⵜ ⵏ ⵓⵎⵙⴰⴳⴰⵔ ⵏ ⴰⵚⵉⵍⴰ ⵜⵏⵏⴰ ⵎⴰⵙⴷ ⵜⵉⵣⵎⵎⴰⵔ ⵏ ⴱⴰⴱ ⵏ ⵡⴰⴷⴷⵓⵔ ⵜⴳⴰ ⴰⵙⴼⴰⵍⴽⵉ ⴷ ⵓⵙⵓⵙⵙⵏ ⵙ ⵜⴷⵍⵙⴰ ⵜⴰⵎⵖⵔⵉⴱⵉⵜ ⴷ ⵜⵉⵏ ⴰⵚⵉⵍⴰ ⵙ ⵜⵓⵣⵍⴰⵢⵜ ⴷ ⵓⵏⵏⵓⵕⵥⵎ ⴼ ⵜⴷⵍⵙⵉⵡⵉⵏ ⴷ ⵜⵖⵔⵎⵉⵡⵉⵏ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴳ ⵓⵎⴰⴹⴰⵍ ⴰⴽⴽⵯ .
ⵉⵏⵏⴰ ⵓⵙⴰⴳⵯⵎ ⴰⴷ ⵏⵉⵜ, ⵎⴰⵙⴷ ⵜⴰⵙⵙⵓⵜⵍⵜ ⵏ ⵓⵙⴳⴳⵯⴰⵙ ⴰⴷ ⵏⵏⴰ ⵉⴳⴰⵏ ⵜⵉⵙⵙ 36 ⵔⴰⴷ ⵜⵙⵏⵓⴱⴳ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵙⴽⵍⴰⵏⵏ, ⴷ ⴽⵉⴳⴰⵏ ⵏ ⵉⵎⵔⵣⵓⵜⵏ ⴷ ⵉⵏⴰⵥⵓⵕⵏ , ⴷ ⴽⵉⴳⴰⵏ ⴰⵡⴷ ⵏ ⵉⵏⴰⵖⵎⴰⵙⵏ ⵎⵢⴰⵏⴰⵡⵏⵉⵏ .
ⵔⴰⴷ ⵉⵙⵙⵏⵜⵉ ⵓⵏⵎⵓⴳⴰⵔ ⴰⴷ ⵙ ⵢⴰⵜ ⵜⵉⵏⴰⵡⵜ ⵅⴼ ⵓⵙⵏⵜⵍ ⵏ ⵜⵔⵓⴱⴱⴰ ⵏ ⵜⵖⵡⵡⴰⵖⵜ ⴳ ⵉⴼⵔⵉⵇⵢⴰ, ⵏⵏⴰ ⵉⴳⴰⵏ ⵢⴰⵜ ⵜⵙⵓⵔⵉⴼⵜ ⵏ ⵓⵜⴳⴰⵔ ⴰⴼⵔⵉⵇⵉ ⵏⵏⴰ ⵅⴼ ⵜⵜⵏⵣⴰⵖ ⵜⵎⵔⵙⵍⵜ ⴰⴷ ⴽⵉⴳⴰⵏ ⵏ ⵉⵙⴳⴳⵯⴰⵙⵏ .
ⴳ ⵜⵙⴳⴰ ⵢⴰⴹⵏ , ⵉⵏⵏⴰ ⵎⴰⵙⴷ ⴰⵚⵉⵍⴰ ⵜⴳⴰ ⵜⴰⵡⵡⵓⵔⴰⵏⵜ ⴳ ⵉⴳⵔ ⵏ ⵓⵔⵣⵣⵓ ⴰⴼⵔⵉⵇⵉ ⵜⵉⵣⵉ ⵍⵍⵉ ⵓⵔⵜⴰ ⴼⵍⵍⴰⵙ ⵉⵔⵣⵣⵓ ⴰⵡⴷ ⵢⴰⵏ , ⵍⵍⵉⵖ ⴰⵔ ⴳⵉⵙ ⵜⵜⴰⵡⵙⵏ ⴳ ⵓⵏⵎⵓⴳⴳⴰⵔ ⴰⴷ ⵜⵉⵙⵙⵓⵜⵍⵉⵏ ⵏⵏⴰ ⵉⵣⵔⵉⵏ .
ⵉⵙⵇⵇⵙⵉⵜⵏ ⵏ ⵓⵙⵇⵇⵉⵎ ⵏ ⵓⵙⵏⵜⵉ ⵔⴰⴷ ⵙⴽⵓⵏ ⵅⴼ ⵉⵜⴳⴰⵔⵏ ⵉⵙⵔⵜⴰⵏⵏ ⵏ ⵜⵖⵔⵎⵜ ⴰⴷ , ⴷ ⵎⴰⵏ ⵉⵎⴰⵍ ⵔⴰⴷ ⵜⴷⴷⵔ? ⴷ ⵜⵖⵡⵡⴰⵖⵜ ⴷ ⵜⵣⴷⴰⵢⵜ ⵏⵏⵙ ⴷ ⵓⵡⴰⵏⴽ ⴰⵏⴰⵎⵓⵔ, ⵍⵍⵉⵖ ⵍⵍⴰⵏⵜ ⴽⵉⴳⴰⵏ ⵏ ⵜⵣⵔⴰⵡⵉⵏ ⴳ ⵉⴳⵔ ⴰⴷ .
ⵉⵏⵏⵓⵔⵣ ⵓⵏⵎⵓⵇⵇⴰⵔ ⴰⴷ ⴰⴷ ⵉⴼⵓⴽⴽⵓ ⵜⵓⵎⴰⵏⵜ ⵏ ⵜⵔⵓⴱⴱⴰ ⵏ ⵜⵖⵡⵡⴰⵖⵜ ⴳ ⵉⴼⵔⵉⵇⵢⴰ ⴷ ⵜⴰⵙⵙⴰⵙⵉⵏ ⵜⵉⵙⵔⵜⴰⵏⵉⵏ , ⴷ ⵜⵙⵜⵕⴰⵜⵉⵊⵉⵢⵉⵏ ⵏ ⵜⵙⴳⴰ ⵏ ⵉⴼⴼⵓⵙ ⴰⴼⴰⴷ ⴰⴷ ⵜⵏⵜ ⵜⴼⵓⴽⴽⵓ, ⵓⵍⴰ ⴰⵡⴷ ⵜⴰⵙⵙⴰⵙⵉⵏ ⵏⵏⴰⵖ ⴰⵔ ⵜⵜⵉⴷⵉⵔ ⵉⴼⵔⵉⵇⵢⴰ ⴳ ⵉⴳⵔ ⴰⴷ ⵏ ⵜⵖⵡⵡⴰⵖⵜ ⴷ ⵓⵙⴷⴷⵉⴷ ⵏ ⵜⴰⵎⵓⵏⵜ ⵜⴰⵔⴰⴽⴰⵍⵜ .