ⵜⴰⴼⵓⴳⵍⴰ ⴰⴷ ⵢⵉⵡⵙ ⴳⵉⵙ ⵎⴰⵙⵙ ⵎⵓⵃⵎⵎⴰⴷ ⴰⵏⵡⴰⵕ ⵊⴰⵎⴰⵍⵉ ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⵏ ⵍⴼⵓⵚⴼⴰⵟ ⴳ ⵉⴼⵔⵉⵇⵢⴰ, ⴷ ⵎⴰⵙⵙ ⵎⵓⵃⵎⵎⴰⴷ ⵃⵉⵜⵉⵜⵉ, ⴰⵏⵙⵙⵉⵅⴼ ⵏ ⵜⴷⴰⵍⴰ ⵏ ⵜⴰⴳⵓⵜ ⵏ ⵉⴼⵔⵉⵇⵢⴰ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⵏ ⵍⴼⵓⵚⴼⴰⵟ ⴳ ⵏⵉⵊⵔⵢⴰ ⴳ ⵓⵎⵏⵉⴷ ⴰⵎⵖⵔⵉⴱⵉ, ⴷ ⵎⴰⵙⵙ ⵏⴰⵚⵕ ⵎⵓⵃⵎⵎⴰⴷ ⵕⵕⴰⴼⵉⵄ, ⴰⵏⵙⵙⵉⵅⴼ ⵏ ⵍⵡⵉⵍⴰⵢⴰ ⵏ ⴽⴰⴹⵓⵏⴰ ⴳ ⵓⵎⵏⵉⴷ ⵏ ⵏⵉⵊⵉⵔⵢⴰ .
ⵎⴽⵍⵍⵉ ⴳⵉⵙ ⵉⵡⵙⵏ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵍⴼⵓⵙⴼⴰⵟ ⴷ ⵉⵎⴷⵔⴰⵡⵏ ⵏ ⵓⵙⵏⴼⴰⵕ,ⴷ ⴽⵉⴳⴰⵏ ⵏ ⵉⵡⵔⵉⴽⵏ ⴳ ⴽⴰⴹⵓⵏⴰ .
ⵜⵓⵙⴽⵉⵡⵜ ⴰⴷ , ⵏⵏⴰ ⵉⵜⵜⵓⵙⴽⴰⵔⵏ ⵅⴼ ⵜⴰⵙⵏⴰ ⵏ 10 ⵀⵉⴽⵜⴰⵕ ⴳⵉⵙ ⵢⴰⵜ ⵜⵏⴰⴼⵓⵜ ⵏ ⵓⵙⵎⵎⵔⴽⵙ ⵙ ⵜⵣⵎⵔⵜ ⵏ ⵓⴼⴰⵔⵙ ⵏⵏⴰ ⵉⴳⵓⵍⴰⵏ 120 ⵟⵓⵏ ⴳ ⵜⵙⵔⴰⴳⵜ , ⴳ ⵜⵏⴰⴼⵓⵜ ⵏ ⵓⵃⵟⵟⵓ ⵙ 25 ⵉⴼⴹ ⵏ ⵟⵓⵏ , ⴷ ⵡⴰⵎⵎⴰⵙ ⴰⵜⵔⴰⵔⵏ ⵉⵎⴷⵔⴰⵡⵏ, ⴷ ⵢⴰⵏ ⵓⵙⵓⴽⴰⵔ ⴳ ⵍⵍⴰⵏ ⵉⵎⴰⵙⵙⵏ ⵉⵜⵔⴰⵔⵏ ⴷ ⵜⵉⵜⵉⵇⵏⵉⵢⵉⵏ ⵏ ⵓⵙⴼⵙⵉ ⴷ ⵓⴳⴳⵉⵡⵙ ⵏ ⵉⴼⴰⵔⵙⵏ ⴷ ⵓⵔⵣⵣⵓ ⵏ ⵡⴰⴽⴰⵍ, ⴷ ⵢⴰⵏ ⵉⴳⵔ ⴰⵎⴷⵢⴰⵏ ⴰⴼⴰⴷ ⴰⴷ ⴳⵉⵙ ⵜⵜⵓⵙⴽⴰⵔⵏⵜ ⵜⵉⵔⵎⵉⵜⵉⵏ ⴷ ⵓⵙⵎⵓⵜⵜⴳ ⵏ ⵉⵎⴽⵔⴰⵣⵏ .
ⵙ ⵜⵎⵍⴷⴰ ⴰⴷ , ⵉⵏⵏⴰ ⵎⴰⵙⵙ ⵎⵓⵃⵎⵎⴰⴷ ⴰⵏⵡⴰⵔ ⵊⴰⵎⴰⵍⵉ ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⵏ ⵍⴼⵓⵚⴼⴰⵟ ⴳ ⵉⴼⵔⵉⵇⵢⴰ, ⵎⴰⵙⴷ ⵜⵓⵙⴽⵉⵡⵜ ⴰⴷ ⵜⵥⵍⵉ ⵙ ⵜⵏⴰⴼⵓⵜ ⵏ ⵓⴼⴰⵔⵙ ⵏ ⵉⵎⵙⴱⵓⵖⵍⵓⵜⵏ ⵉⴽⵔⵣⴰⵏⵏ ⴷ ⵓⵏⵎⴰⵍⵍⵓ ⴰⴽⵔⵣⴰⵏ ⴳ ⵜⵎⴰⵣⵉⵔⵜ , ⴰⴼⴰⴷ ⴰⴷ ⵉⵏⴼⵍ ⵓⵏⵎⴰⵍⴰ ⵏ ⵓⵙⴰⴷⵓⵔ ⴳ ⵉⴼⵔⵉⵇⵢⴰ ⵜⴳ ⴰⵡⴷ ⵢⴰⵏ ⵉⴳⵔ ⴰⵙⵜⵕⴰⵜⵉⵊⵉ ⵏ ⵏⵉⵊⵉⵔⵢⴰ ⵉ ⵜⴳⵔⵓⵎⵎⴰ ⵏ ⵍⴼⵓⵚⴼⴰⵟ .
ⵜⴳ ⴰⵡⴷ ⵢⴰⵜ ⵜⵓⵙⴽⵉⵡⵜ ⵜⴰⵎⴳⵓⵔⴰⵢⵜ, ⴷⴼⴼⵉⵔ ⵏ ⵜⵏⴰⴼⵓⵜ ⵏ ⵓⵙⵎⵎⵔⴽⵙ ⴳ ⴽⴰⴹⵓⵏⴰ ⴷ ⴽⵉⴳⴰⵏ ⵏ ⵜⵏⴰⴼⵓⵜⵉⵏ ⵏ ⵉⵎⴷⵔⴰⵡⵜ ⵏ ⵜⴳⵔⵓⵎⵎⴰ ⵏ ⵉⴼⵓⵚⴼⴰⵟ, ⴷ ⵉⵎⴽⵔⴰⵣⵏ ⵏ ⵏⵉⵊⵉⵔⵢⴰ ⴰⴼⴰⴷ ⴰⴷ ⵙⴱⵓⵖⵍⵓⵏ ⴰⴽⴰⵍ ⵉ ⵜⵏⴰⴼⵓⵜ ⵏ ⵜⵏⴼⵔⵓⵜ ⵏ ⵓⵙⴰⴷⵓⵔ , ⵉⴳ ⴰⵡⴷ ⵢⴰⵏ ⵡⴰⵢⴷⴰ ⴷ ⵓⴱⵟⵟⵓ ⵏ ⵜⵉⵔⵎⵉⵜⵉⵏ ⴷ ⵉⵎⵙⵜⴳⴳⴰⵔⵏ ⴷ ⵓⵥⵍⴰⵢⵏ ⴳⵔ ⵜⵔⵓⴱⴱⴰ ⴰⴽⴽⵯ ⵏ ⵍⴼⵓⵚⴼⴰⵟ ⴳ ⵏⵉⵊⵉⵔⵢⴰ .
ⵉⴳⴰ ⵓⵙⵏⴼⴰⵕ ⴰⴷ ⵙⴳ ⴽⵕⴰⴷ ⵉⵙⵓⴽⴰⵔⵏ ⵏ ⵜⵏⴰⴼⵓⵜ ⴰⴷ ⴳ ⵏⵉⵊⵉⵔⵢⴰ ⵙⵉⵏ ⵉⵙⵓⴽⴰⵔⵏ ⵢⴰⴹⵏ ⴰⵔ ⵜⵜⵓⵙⴽⴰⵏ ⴳ ⵓⵖⵓⵏ ⴷ ⵙⵓⴽⵓⵜⵓ,ⴳ ⵓⵏⵎⴰⵍⵍⵓ ⵏ ⵜⴷⵔⴰⵡⵜ ⴳⵔ ⵓⵙⵉⵔⴰ ⵏ ⵍⴼⵓⵚⴼⴰⵟ ⴷ ⵜⵏⴱⴰⴷⵜ ⵏ ⵏⵉⵊⵉⵔⵢⴰ ⵏⵏⴰ ⵉⴳⴰⵏ ⵙ ⵓⵡⵜⵜⴰⵙ ⴰⵙⴱⵓⵖⵍⵓ ⵏ ⵜⴽⵔⵣⴰ ⴳ ⵏⵉⵊⵉⵔⵢⴰ .
ⵉⴳ ⴰⵡⴷ ⴳ ⵓⵙⴰⵜⵉ ⵏ Presidential Fertilizer Initiative ⴷ ⵓⵙⵏⴼⴰⵕ ⵏ ⵓⵙⴱⵓⵖⵍⵓ ⵏ ⵡⴰⵢⴷⴰ ⴰⵎⴳⵓⵔⴰⵢ ⵏⵏⴰ ⵉⵎⵢⴰⵏⴰⵡⵏ ⴳ ⵓⴼⴰⵔⵙ ⵏⵏⵙ ⵏ ⵓⴼⴰⵔⵙ ⵏ ⵍⴰⵎⵓⵏⵢⴰⴽ ⵎⴰⵢⴰⵏ ⴰⵔⴰⴷ ⵢⴰⵊⵊ ⵏⵉⵊⵉⵔⵢⴰ ⴰⴷ ⵜⴳ ⵜⴰⵡⵡⵓⵔⴰⵏⵜ ⴳ ⵉⴳⵔ ⴰⴷ , ⵙ ⵓⵙⴱⵓⵖⵍⵓ ⵏ ⵉⵙⵓⴳⴰⵎ ⵏ ⵜⵡⵏⵏⴰⴹⵜ ⴷ ⵓⵙⴼⴰⵢⴷⴰ ⴳ ⵓⵣⵣⵓⴳⵣ ⵏ ⵍⴼⵓⵚⴼⴰⵟ ⵏ ⵍⵎⵖⵔⵉⴱ .
ⴳ ⵜⵙⴳⴰ ⵏⵏⵙ , ⵉⵏⵏⴰ ⵓⵏⵙⵙⵉⵅⴼ ⵏ ⵍⵡⵉⵍⴰⵢⴰ ⵏ ⴽⴰⴹⵓⵏⴰⵎⴰⵙⵙ ⵏⴰⵚⵕ ⵃⵎⴰⴷ ⵕⵕⴰⴼⵉⵄ ⵎⴰⵙⴷ ⴽⵓ ⴰⵙⵓⴽⴰⵔ ⴰⵎⴰⵢⵏⵓ ⴷ ⵜⵏⴰⴼⵓⵜ ⵜⴰⵎⴰⵢⵏⵓⵜ ⴷ ⵡⴰⵎⵎⴰⵙ ⴰⵎⴳⵓⵔⴰⵢ ⴰⵎⴰⵢⵏⵓ ⴰⵔ ⵉⵙⴽⴰⵔ ⵜⵉⵎⵍⴷⵉⵡⵉⵏ ⵏ ⵜⵡⵡⵓⵔⵉ ⵏⵏⴰ ⵔⴰⴷ ⵢⴰⵡⵙ ⴳ ⵜⵙⵉⵎⴰⵏⵜ ⵜⴰⴷⵔⵉⵎⴰⵏⵜ ⵉ ⵜⴰⵡⵊⵉⵡⵉⵏ ⴰⴽⴽ .
ⴰⵙⴽⴽⵉⵔ ⵏ ⵓⵙⵓⴽⴰⵔ ⴰⴷ ⴳ ⵏⵉⵊⵉⵔⵢⴰ ⵔⴰⴷ ⵢⴰⵡⵙ ⵉⵎⴽⵔⴰⵣⵏ ⴰⴼⴰⴷ ⴰⴷ ⴳⵉⵙ ⴰⵡⵉⵏ ⴰⵙⵢⴰⴼⵓ ⵉⴷⵓⵙⵏ ⵙⴱⵓⵖⵍⵓⵜ ⴰⵡⴷ ⵜⵉⵢⴰⴼⵓⵜⵉⵏ ⵏⵏⵙⵏ .
ⴳ ⵜⵙⴳⴰ ⵏⵏⵙ, ⵉⵏⵏⴰ ⵓⵎⴰⵡⴰⵙ ⵏ ⵓⵏⵙⵙⵉⵅⴼ ⵏ ⵜⴰⴳⵓⵜ ⵏ ⵉⴼⵔⵉⵇⵢⴰ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⵏ ⵍⴼⵓⵚⴼⴰⵟ ⴳ ⵉⴼⵔⵉⵇⵢⴰ ⵏⵉⵊⵉⵔⵢⴰ, ⵎⴰⵙⵙ ⵎⵓⵃⵎⵎⴰⴷ ⵃⵉⵜⵉⵜⵉ, ⵎⴰⵙⴷ ⴳ ⵓⴳⵏⵙ ⵏ ⵜⴳⵔⵓⵎⵎⴰ ⵏ ⵍⴼⵓⵚⴼⴰⵟ ⵎⴰⵙⴷ ⴰⴼⴰⵔⵙ ⵏ ⵉⵎⵙⴱⵓⵖⵍⵓⵜⵏ ⵉⴽⵔⵣⴰⵏ ⴰⵔ ⵉⵜⵜⴰⵡⵙ ⴳ ⵓⵙⴰⵜⵜⵓⵢ ⵏ ⵓⴼⴰⵔⵙ ⴰⴽⵔⵣⴰⵏ ⵙ ⵓⵎⴰⵜⴰ .
ⵜⵙⵙⴳⵎⴹ ⵜⴳⵔⴰⵡⵜ ⵏ ⵓⵙⵉⵔⴰ ⴰⵎⴰⵜⴰⵢ ⵏ ⵍⴼⵓⵚⴼⴰⵟ ⴳ 2016 ⵅⴼ ⵜⵎⵢⴰⵇⵇⵇⴰⵏⵜ ⴷ ⵜⴷⵔⴰⵡⵜ ⴳⵔ ⵜⵎⵙⵎⵓⵏⵜ ⵏ ⵉⵎⵙⵢⴰⴼⵓⵜⵏ ⵏ ⵓⵎⵣⵓⵣⵣⵔⵏ ⵏ ⵉⵎⵙⴱⵓⵖⵍⵓⵜⵏ ⵉⴽⵔⵣⴰⵏⵏ ⴳ ⵓⵙⴰⵜⵉ ⵏ ⵜⵙⵏⵜⴰⵢⵜ ⵏ Presidential Fertilizer Initiative ⵏⵏⴰ ⵉⵙⵏⵉⵍ ⵓⴼⵏⵉⵇ ⴰⵎⴰⵜⴰⵢ ⵏ ⵏⵉⵊⵉⵔⵢⴰ .
ⴰⵎⵢⴰⵡⴰⵙ ⴰⴷ ⵢⵓⵎⴰ ⵉⵏⵎⴰⵍⴰⵜⵏ ⴰⴽⴽⵯ ⵏ ⵜⴽⵔⵣⴰ, ⵙⴳ ⵓⵙⵏⵜⵉ ⵏ ⵓⵙⵔⵓⵙ ⵏ ⵉⴼⵙⵙⴰⵢⵏ ⵏ ⵉⵎⵙⴱⵓⵖⵍⵓⵜⵏ ⵉⴽⵔⵣⴰⵏⵏ ⴷ ⵓⵎⵢⴰⴷⴰⵙ ⵏⵏⵙ ⴷ ⵡⴰⴽⴰⵍ ⴷ ⵜⴽⵔⵣⴰ ⵜⴰⵙⴳⴰⵡⴰⵏⵜ, ⴷ ⵓⵙⴷⵓⵙ ⵏ ⵜⵉⴽⴽⵉ ⵏ ⵜⵎⵜⵜⴰ ⴰⴷ ⵙ ⵡⴰⵜⵉⴳⵏ ⵉⵎⵏⴰⵥⴰⵕⵏ ⵙⴳ ⵓⵙⵔⵓⵙ ⵏ ⵉⵜⴳⴰⵔⵏ ⵉ ⵉⵎⴽⵔⴰⵣⵏ ⵏ ⵏⵉⵊⵉⵔⵢⴰ ⴰⴼⴰⴷ ⴰⴷ ⴰⵡⵙⵏ ⵙ ⵓⵍⵓⵊⵉⵙⵜⵉⴽ ⴷ ⵓⵣⵓⵣⵣⵔ ⴰⵎⵢⴰⴷⴰⵙ .