ⵜⵙⵎⵖⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵎⵥ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵜⵖⵜⴰⵙⵜ ⵜⵉⵙⵙ 2654 ⵉⵣⵍⵉⵏ ⵙ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⴰⵖⵔⵉⴱⵉⵜ (ⵜⴰⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ)

28 ⴽⵟⵓⴱⵕ 2022 Version Imprimable

ⵕⵕⴱⴰⵟ - ⵜⵏⵏⴰ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵣⴷⵖⵉⵏ ⴳ ⴱⵕⵕⴰ ⴰⵙⵙ ⵏ ⵓⴽⵡⴰⵙ ⵎⴰⵙ ⵜⵙⵎⵖⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵎⵥ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⴹⴼⴰⵔⵏ ⵉ ⵜⵎⵜⵜⴰ ⵉⵎⵓⵏⵏ ⵏ ⵜⵖⵜⴰⵙⵜ ⵜⵉⵙⵙ 2654 ⵉⵣⵍⵉⵏ ⵙ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⴰⵖⵔⵉⴱⵉⵜ ⵎⴰⵢⴰⴷ ⵜⵖⵣⵣⵉⴼ ⵏ ⵓⵣⵎⵣ ⵏ ⵓⴽⴰⴱⴰⵕ ⵏ "ⵍⵎⵉⵏⵓⵔⵙⵓ" ⴳ ⵢⴰⵏ ⵓⵙⴳⴳⵯⴰⵙ ⴰⵔ ⵜⵉⴳⵉⵔⴰ ⵏ ⴽⵟⵓⴱⵕ 2023.

ⵜⵏⵏⴰ ⵜⵎⴰⵡⴰⵙⵜ ⴳ ⵢⴰⵏ ⵓⵙⵉⵡⴹ ⴰⵙⵙ ⵏ ⵓⴽⵡⴰⵙ ⵎⴰⵙ ⴷⴼⴼⵉⵔ ⵏ ⵓⵎⵥ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⴹⴼⴰⵕⵏ ⵉ ⵜⵎⵜⵜⴰ ⵉⵎⵓⵏⵏ ⵉ ⵜⵖⵜⴰⵙⵜ ⵜⵉⵙⵙ 2654 ⵉⵣⵍⵉⵏ ⵙ ⵜⵎⵙⴰⵔⵜ ⵚⵚⵃⵕⴰ ⵜⴰⵎⴰⵖⵔⵉⴱⵉⵜ ⵎⴰⵙ " ⴰⵎⵥ ⵏ ⵜⵖⵜⴰⵙⵜ ⴰⴷ ⵜⴽⵛⵎ ⴳ ⵓⵙⴰⵜⵉ ⵏ ⵜⵉⵥⴹⵕⴰ ⵉⴷⴷⵓⵔⵏ ⵎⴰⵢⴰⴷ ⵜⵜⵓⵙⴽⴰⵔⵏ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵓⵙⴷⴰⵡ ⴳ ⵉⵙⴳⴳⵯⴰⵙⵏ ⵉⵣⵔⵉⵏ".

ⴳ ⵓⵙⴰⵜⵉ ⴷⵖ ⵜⵙⴷⴷⵉⴷ ⵜⵎⴰⵡⴰⵙⵜ ⵎⴰⵙ ⴰⵏⵏⴰⵍ ⴰⵎⴰⴹⵍⴰⵏ ⵉⵣⴰⵢⴷⵏ ⵙⴳ ⵜⵎⵉⵣⴰⵔ ⵉⴷⴷⵓⵔⵏ ⴷ ⵉⴷⴷⵓⵙⵏ ⵉ ⵜⵙⵏⵜⴰⵢⵜ ⵜⴰⵎⴰⵖⵔⵉⴱⵉⵜ ⵏ ⵓⵙⵏⴱⴹ ⴰⵏⵉⵎⴰⵏ ⴷ ⵓⵕⵥⵥⵓⵎ ⵏ ⵓⴳⴳⵔ ⵏ 30 ⵜⵙⵇⵓⵙⵏⵓⵜ ⵜⴰⵎⴰⵜⴰⵢⵜ ⴳ ⵜⵖⵔⵎⵉⵏ ⵏ ⵍⵄⵢⵓⵏ ⴷ ⴷⴷⴰⵅⵍⴰ ⴷ ⵓⵔ ⵜⵜⵢⴰⵙⵙⴰⵏ ⵏ ⵓⴳⴳⴰⵔ ⵏ 84% ⵙⴳ ⵉⵡⴰⵏⴽⵏ ⵉⴳⵎⴰⵎⵏ ⵏ ⵜⵎⵜⵜⴰ ⵉⵎⴰⵏⵏ ⵙⴳ ⵓⵡⴰⵏⴽ ⴰⴽⴽⵯ ⵓⵔ ⵉⵍⵉ ⵓⵍⴰ ⵜⵉⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ ⵍⵍⵉ ⵙⵙⵏⵜ ⵜⵙⴳⴰⵡⵉⵏ ⵏ ⵉⴼⴼⵓⵙ ⵎⴰⵢⴰⴷ ⵎⵍⴰⵏ ⵏ ⵜⴷⵉⵏⴰⵎⵉⵜ ⵜⴰⵖⵓⴷⴰⵏⵜ ⴱⴰⵀⵔⴰ ⴰⴷ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%99%E2%B5%8E%E2%B5%96%E2%B5%94-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B5%8E%E2%B5%A5%C2%A0-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%BC%E2%B5%94%E2%B5%93%E2%B5%9C-%E2%B5%9C%E2%B5%96%E2%B5%9C%E2%B4%B0%E2%B5%99%E2%B5%9C-%E2%B5%9C%E2%B5%89%E2%B5%99%E2%B5%99-2654-%E2%B5%89%E2%B5%A3%E2%B5%8D%E2%B5%89%E2%B5%8F-%E2%B5%99-%E2%B5%9C%E2%B5%8E%E2%B5%99%E2%B4%B0%E2%B5%94%E2%B5%9C-%E2%B5%8F