Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵢⵓⵣⵏ ⵜⴰⴱⵔⴰⵜⵜ ⵉ ⵓⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵓⵙⵎⵔⵙ ⵏ ⵓⵖⵔⴼ ⵏ ⴼⴰⵍⵉⵙⵟⵉⵏ ⵉⵣⵔⴼⴰⵏ ⵏⵏⵙ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵢⵓⵣⵏ ⵜⴰⴱⵔⴰⵜⵜ ⵉ ⵓⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵓⵙⵎⵔⵙ ⵏ ⵓⵖⵔⴼ ⵏ ⴼⴰⵍⵉⵙⵟⵉⵏ ⵉⵣⵔⴼⴰⵏ ⵏⵏⵙ

29 ⵏⵓⵡⴰⵏⴱⵉⵔ 2022 Version Imprimable
ⵕⵕⴱⴰⵟ -  ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ, ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵜ ⵜⴱⵔⴰⵜⵜ ⵉ ⵓⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵓⵙⵎⵔⵙ ⵏ ⵉⵣⵔⴼⴰⵏ ⵙⴳ ⴷⴰⵔ ⵓⵖⵔⴼ ⵏ ⴼⵉⵍⵉⵚⵟⵉⵏ ⵎⴰⵙⵙ ⵛⵛⵉⵅ ⵏⵢⴰⵏⵖ ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵓⵎⵢⴰⵡⴰⵙ ⴷ ⵓⵖⵔⴼ ⵏ ⴼⵉⵍⵉⵚⵟⵉⵏ .

ⵜⴰⴱⵔⴰⵜⵜ ⴰⴷ ⵉⴷⴷⴰⴷ ⴳⵉⵙ :

ⵎⴰⵙⵙ ⵛⵛⵉⵅ ⵏⵢⴰⵏⵖ ⴰⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵓⵙⵎⵔⵙ ⵏ ⵉⵣⵔⴼⴰⵏ ⵙⴳ ⴷⴰⵔ ⵓⵖⵔⴼ ⵏ ⴼⵉⵍⵉⵙⵟⵉⵏ

ⵉⴳⴰ ⴰⵖ ⴰⴷⴷⵓⵔ ⴰⴷ ⵏⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵓⵎⵢⴰⵡⴰⵙ ⴷ ⵓⵖⵔⴼ ⵏ ⴼⵉⵍⵉⵙⵟⵉⵏ ⵉⴳⴰ ⴰⵖ ⴰⴷⴷⵓⵔ ⴰⵎⵇⵔⴰⵏ ⴰⴷ ⴽⵯⵏ ⵏⵙⵏⵉⵎⵎⵔ ⴼ ⵜⵣⵎⵎⴰⵔ ⵏⵏⴰ ⵏⵏ ⵜⵜⴳⴳⴰⵎ ⴰⴼⴰⴷ ⴰⴷ ⵜⴼⵔⴳⵎ ⵉⵣⵔⴼⴰⵏ ⵏ ⵓⵖⵔⴼ ⵏ ⴼⵉⵍⵉⵙⵟⵉⵏ ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵜⴳ ⴰⵡⴷ ⵜⴰⵎⵍⴷⴰ ⴰⴼⴰⴷ ⴰⴷ ⵏⵙⵎⴰⵢⵏⵓ ⴰⵏⵏⴰⵍ ⵏⵏⵖ ⵉ ⵜⵎⵏⵜⵉⵍⵜ ⵏ ⴼⵉⵍⵉⵙⵟⵉⵏ ⵎⵏⵉⴷ ⵏ ⵉⵙⵕⴰⵢⵉⵍ, ⴰⴼⴰⴷ ⴰⴷ ⵜⵜⵢⵓⴼⵔⴰⴳⵏ ⵉⵣⵔⴼⴰⵏ ⵏ ⵉⵏⵎⵓⵔⵉⵏ ⵏ ⴼⵉⵍⵉⵙⵟⵉⵏ ⵙ ⵓⵎⴰⵜⴰ.ⵍⵍⵉⵖ ⴳⴰⵏⵜ ⵜⴰⵙⵙⴰⵙⵉⵏ ⵜⵉⵎⴰⴹⵍⴰⵏⵉⵏ ⵜⵉⵍⵍⵉ ⴳⴰⵏⵉⵏ ⵙⴳ ⵜⵡⵡⵓⵔⵉⵡⵉⵏ ⵜⵉⵎⵣⵡⵓⵔⴰ ⵏ ⵉⵡⴰⵏⴽⵏ, ⵜⴳ ⵜⵎⵏⵜⵉⵍⵜ ⵏ ⴼⵉⵍⵉⵙⵟⵉⵏ ⴷ ⵔⴰⴷ ⵜⵖⴰⵎⴰ ⵙⴳ ⵜⵎⵏⵜⵉⵍⵉⵏ ⵜⵉⵇⵇⴱⵓⵔⵉⵏ , ⵏⵏⴰ ⵉⵙⵖⴰⵡⵙⴰⵏ ⵙ ⴽⵉⴳⴰⵏ ⵏ ⵜⵣⵎⵎⴰⵔ ⴰⴼⴰⴷ ⴰⴷ ⵜⴼⴼⵓⵖ ⵜⵎⵏⴰⴹⵜ ⴰⴷ ⴳ ⵜⴰⵙⵙⴰⵙⵜ ⴰⴷ ⵏⵏⵙ ⵍⵍⵉⵖ ⵜⴷⴷⵔ, ⴰⵏⴼⵏ ⵉ ⵉⵎⵉⵖ ⵣⵓⵏⴷ ⴰⴽⴽⵯ ⵉⵡⴰⵏⴽⵏ ⵏ ⵓⵎⴰⴹⴰⵍ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ 

ⵍⵍⵉⵖ ⵉⴳⴰ ⵓⴼⵔⴰ ⴷ ⵜⵏⴼⵔⵓⵜ ⵢⴰⵏ ⵓⴼⵙⵙⴰⵢ ⵏⵏⴰ ⴷ ⵉⵇⵇⴰⵏⵏ ⴳⵔ ⴼⵉⵍⵉⵙⵟⵉⵏ ⴷ ⵉⵙⵕⴰⵢⵉⵍ, ⵓⵙⴰⵜⵉ ⵏ ⵓⵙⴷⵓⵙ ⵏ ⵜⵙⵏⵜⴰⵢⵉⵏ ⵏ ⵓⴼⵔⴰ ⵏⵏⴰ ⵉⵜⵜⵓⴳⴰⵏ ⵉ ⵜⵎⵏⴰⴹⵜ ⴰⴷ , ⴰⴼⵔⴰ ⴰⴷ ⵔⴰⴷ ⵉⵙⴷⴷⵉⴷ ⴰⴼⵙⵙⴰⵢ ⵏ ⵜⵎⵏⵜⵉⵍⵜ ⴰⴷ .

ⵍⵍⵉⵖ ⵓⵔ ⵉⵍⵍⵉ ⵉⵎⴰⵍ ⴰⵙⵔⵜⴰⵏ ⴷⴰⵔ ⵜⵎⵏⵜⵉⵍⵜ ⴰⴷ ,ⴰⴷ ⴽⵛⵎⵏ ⵉⵜⴳⴰⵔⵏ ⵢⴰⴹⵏⵉⵏ ⴰⵔ ⴼⵙⵙⵔⵏ ⵉⵜⴳⴰⵔⵏ ⵏ ⵜⵖⵡⵡⴰⵖⵜ ⵎⴰ ⴰⵏⵏ ⴰⴷ ⵉⵙⵙⵏⴼⵍⵏ ⴰⵎⵓⴽⵔⵉⵙ ⵙⴳ ⵡⵉⵏ ⵜⵙⵔⵜⵉⵜ ⴰⵔ ⵡⵉⵏ ⵉⵡⴷⴰⵏ ⴳⵔⴰⵜⵙⵏ ⴷ ⵜⴰⵙⵓⵜⵉⵏ, ⵎⴰ ⴰⵏⵏ ⴰⵔⴰⴷ ⵉⵙⴽⵔ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⴳ ⵓⵙⴰⵜⵉ ⵏ ⵜⵎⵏⵜⵉⵍⵜ ⴰⴷ .

ⵉⵍⵍⴰ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⴷⴰⵔ ⵍⵇⵓⴷⵙ ⴳ ⵉⵎⴰⵏ ⵏ ⵉⵖⵔⴼⴰⵏ ⴰⴽⴽⵯ ⵏ ⵍⵉⵙⵍⴰⵎ ⵍⵍⵉⵖ ⵜⴳⴰ ⵢⴰⵜ ⵜⵎⵏⵜⵉⵍⵜ ⵏⵏⵖ ⴰⴽⴽ .

ⵙⴳ ⵍⵍⵉⵖ ⵏⴳⴰ ⴰⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵍⵇⵓⴷⵙ ⵏⴻⵏⵏⵓⵔⵣ ⵏⵙⵙⵓⵜⵔ ⴰⴼⴰⴷ ⴰⴷ ⵜⵜⵓⴼⵔⴰⴳⵏ ⵉⵣⵔⴼⴰⵏ ⴷ ⵜⵏⴼⵔⵓⵜ ⵏ ⵓⵡⴰⵏⴽ ⴰⴷ , ⴰⴼⴰⴷ ⴰⴷ ⵢⵓⵣⵣⵔ ⵓⴼⵔⴰ ⵢⵉⵍⵉ ⵓⴼⵙⵙⴰⵢ ⴰⵙⵔⵜⴰⵏ ⵉ ⵜⵎⵏⵜⵉⵍⵜ ⴰⴷ ⴷ ⵓⵣⵓⵣⵣⵔ ⵏ ⵓⵎⵙⴰⴷⴷⴰⵔ ⴷ ⵉⵜⴳⴰⵔⵏ ⵏ ⵜⴼⴳⴰⵏⵉⵢⵜ ⵎⴰⵢⴰⴷ ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ 

ⴷⴷⵓ ⵜⵏⴰⵍⵉⵜ ⵏⵏⵖ ⴰⵙ ⴰⵔ ⵜⵙⴽⴰⵔ ⵜⴰⵢⵎⵓⵏⵜ ⵏ ⵍⵇⵓⴷⵙ ⴽⵉⴳⴰⵏ ⵏ ⵉⵙⵏⴼⴰⵔⵏ ⴳ ⵉⴳⵔ ⵏ ⵜⵓⵙⴽⴰ ⴷ ⵜⴷⵓⵙⵉ ⴷ ⵓⵙⵙⵍⵎⴷ ⴷ ⵉⴳⵔ ⴰⵏⴰⵎⵓⵏ ⴰⴼⴰⴷ ⴰⴷ ⵜⵜⵓⴼⵔⴰⴳ ⵜⵎⴰⴳⵉⵜ ⵏ ⵍⵇⵓⴷⵙ ⴷ ⵓⵙⴱⵓⵖⵍⵓ ⵏ ⵡⴰⴷⴷⴰⴷ ⴰⵏⴰⵎⵓⵏ ⴷ ⵓⵙⴰⴷⵓⵔ ⵏ ⴰⵢⵜ ⵍⵇⵓⴷⵙ .

ⵜⵉⵡⵡⵓⵔⵉⵡⵉⵏ ⵏⵏⴰ ⵜⵙⴽⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵍⵇⵓⴷⵙ ⵉⴳⴰ ⵢⴰⵏ ⵓⵊⵎⵉⵍ ⴷ ⵜⵎⵢⴰⵇⵇⴰⵏⵜ ⵉ ⵜⵎⵏⵜⵉⵍⵜ ⵏ ⴼⵉⵍⵉⵙⵟⵉⵏ ⵎⴰ ⴰⵏⵏ ⴰⴼ ⴰⵔ ⵏⵜⵜⵉⵏⵉ ⵎⴰⵙⴷ ⵉⵇⵇⴰⵏ ⴰⴷ ⴰⵏⴼⵏ ⵉⵙⵡⵉⵏⴳⵉⵎⵏ ⵏⵏⴰ ⵓⵔ ⵉⴳⵉⵏ ⵡⵉⵏ ⵜⵉⴷⵜ ⵉ ⵜⵎⵏⵜⵉⵍⵜ ⴰⴷ ⵉⵇⵇⴰⵏⴷ ⴰⴷ ⵢⵓⵣⵣⵔ ⵓⴼⵔⴰ.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ 

ⵎⴽⵍⵍⵉ ⵏⵜⵜⵉⵏⵉ ⵉ ⵉⵎⵙⵜⴳⴳⴰⵔⵏ ⴰⴽⴽⵯ ⵏ ⵓⵡⴰⵏⴽ ⴰⴷ ⴰⴼⴰⴷ ⴰⴷ ⵎⵢⴰⵡⴰⵙⵏ ⴰⴼⴰⴷ ⴰⴷ ⵙⴽⵓⵏ ⵜⵉⵎⵔⵙⴰⵍ ⵏⵏⵙⵏⵏ ⵙ ⵜⵏⵙⵙⵉⵅⴼⵏ ⵏ ⴳⵎⴰⵜⵏⵖ ⵎⴰⵙⵙ ⵎⴰⵃⵎⵓⴷ ⵄⴰⴱⴱⴰⵙ ⴰⵏⵙⵙⵉⵅⴼ ⵏ ⵓⵡⴰⵏⴽ ⵏ ⴼⵉⵍⵉⵙⵟⵉⵏ , ⴰⴼⴰⴷ ⴰⴷ ⵉⵙⴷⴷⵔ ⵉⵙⵙⵓⵜⵓⵔⵏ ⵏ ⵓⵖⵔⴼ ⵏ ⴼⵉⵍⵉⵙⵟⵉⵏ , ⴷⴷⵔⵏ ⴳ ⵓⴼⵔⴰ ⴷ ⵜⵏⴼⵔⵓⵜ .

ⴳ ⵜⴳⵉⵔⴰ ⴰⵔ ⵏⵙⵙⵉⵎⵖⵓⵔ ⵙ ⵜⵡⵡⵓⵔⵉⵡⵉⵏ ⵏⵏⴰ ⵏⵏ ⵜⵜⴳⴳⴰ ⵜⴰⵢⵎⵓⵏⵜ ⵏⵏⵓⵏ ⴰⴼⴰⴷ ⴰⴷ ⵢⵉⵍⵉ ⵓⴼⵙⵙⴰⵢ ⵉⴷⵓⵙⵏ ⵉ ⵜⵎⵏⵜⵉⵍⵜ ⴰⴷ ⵏ ⴼⵉⵍⵉⵙⵜⵉⵏ ⵙ ⵓⵙⵎⵙⴰⵙⴰ ⴷ ⵉⵜⴳⴰⵔⵏ ⵏ ⵓⵙⵍⴳⵏ ⴰⵎⴰⴹⵍⴰⵏ ⵎⴰⵢⴰⴷ ⵉⵇⵇⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴱⵔⴰⵜ ⴰⴷ ⵜⴰⵎⴰⵜⴰⵢⵜ .

 

 

Dernière modification : 29 ⵏⵓⵡⴰⵏⴱⵉⵔ 2022
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B5%93%E2%B5%A3%E2%B5%8F-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C%E2%B5%9C-%E2%B5%89-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B4%B0%E2%B5%A2%E2%B5%8E%E2%B5%93%E2%B5%8F%E2%B5%9C-%E2%B5%8F-%E2%B5%93%E2%B5%99%E2%B5%8E%E2%B5%94%E2%B5%99-%E2%B5%8F-%E2%B5%93%E2%B5%96%E2%B5%94%E2%B4%BC-%E2%B5%8F-%E2%B4%BC%E2%B4%B0%E2%B5%8D%E2%B5%89%E2%B5%99%E2%B5%9F%E2%B5%89%E2%B5%8F-%E2%B5%89%E2%B5%A3%E2%B5%94%E2%B4%BC%E2%B4%B0%E2%B5%8F-%E2%B5%8F%E2%B5%8F%E2%B5%99