Published on MAPNews (https://www.mapnews.ma/am)

Accueil > ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵜⵉⵔⴰⵜ ⵏ ⵍⵎⵖⵔⵉⴱ ⴰⴷ ⵉⴷⵔⵓ ⴳ ⵜⵏⴽⵔⴰ ⵙ ⵓⵙⵡⵉⵔ ⵏ ⵜⵎⴷⵔⴰⵡⵜ ⵜⴰⵚⵟⵕⴰⵜⵉⵊⵉⵜ ⵜⴰⵛⵉⵏⵡⵉⵜ ⵜⴰⵄⵕⴰⴱⵜ
  1. Accueil
  2. Activités royales

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵜⵉⵔⴰⵜ ⵏ ⵍⵎⵖⵔⵉⴱ ⴰⴷ ⵉⴷⵔⵓ ⴳ ⵜⵏⴽⵔⴰ ⵙ ⵓⵙⵡⵉⵔ ⵏ ⵜⵎⴷⵔⴰⵡⵜ ⵜⴰⵚⵟⵕⴰⵜⵉⵊⵉⵜ ⵜⴰⵛⵉⵏⵡⵉⵜ ⵜⴰⵄⵕⴰⴱⵜ

10 ⴷⵓⵊⴰⵏⴱⵉⵔ 2022 Version Imprimable
ⵕⵕⵉⵢⴰⴷ - ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵅⴼ ⵜⵉⵔⴰⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⵜⴷⵔⵓ ⴳ ⵜⵏⴽⵔⴰ ⵙ ⵓⵙⵡⵉⵔ ⵏ ⵜⵎⴷⵔⴰⵡⵜ ⵜⴰⵚⵟⵕⴰⵜⵉⵊⵉⵜ ⵜⴰⵛⵉⵏⵡⵉⵜ ⵜⴰⵄⵕⴰⴱⵜ, ⴷ ⵓⵙⵖⵏ ⵏⵏⵙ ⴰⴱⴷⴷⴰⵏ ⴷⴰⵜ ⵏ ⵜⵖⴰⵡⵙⵉⵡⵉⵏ ⵜⵉⵄⵕⴰⴱⵉⵏ ⵉⵣⵔⴼⵏ ⴰⴼ ⴰⴷ ⵉⴼⴼⵖ ⵢⴰⵏ ⵓⵏⵎⴰⵍⴰ ⴰⵎⴰⴹⴰⵍ ⴰⵙⵔⵜⴰⵏ ⴷ ⴰⴷⵎⵙⴰⵏ ⵉⴳⵔⴰⵖⵍⴰⵏ ⵢⴰⵙⵜⵡⴰⵏ.

ⴰⵎⵎⴰⵙ ⵏ ⵢⴰⵏ ⵉⵏⴰⵡ ⵉⵜⵜⵢⴰⴽⴽⴰⵏ ⴳ ⵜⵇⵉⵛⵛⵉⵜ ⵜⴰⵛⵉⵏⵡⵉⵜ ⵜⴰⵄⵕⴰⴱⵜ, ⵍⵍⵉ ⵢⵎⴰⵏⵏ ⴰⵙⵙ ⵏ ⵓⵙⵉⵎⵡⴰⵙ ⴳ ⵕⵕⵉⵢⴰⴹ ⴳ ⵙⵙⴰⵄⵓⴷⵢⵢⴰ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⵎⵍⴰ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵢⴰⵜ ⵜⴽⵍⵉⵜ ⵢⴰⴹⵏⵉⵏ, "ⴰⴷ ⵜⴷⵔⵓ ⴳ ⵜⵏⴽⵔⴰ ⵙ ⵓⵙⵡⵉⵔ ⵏ ⵜⵎⴷⵔⴰⵡⵜ ⵜⴰⵚⵟⵕⴰⵜⵉⵊⵉⵜ ⵜⴰⵛⵉⵏⵡⵉⵜ ⵜⴰⵄⵕⴰⴱⵜ, ⴷ ⵓⵙⵖⵏ ⵏⵏⵙ ⴰⴱⴷⴷⴰⵏ ⴷⴰⵜ ⵏ ⵜⵖⴰⵡⵙⵉⵡⵉⵏ ⵜⵉⵄⵕⴰⴱⵉⵏ ⵉⵣⵔⴼⵏ ⴰⴼ ⴰⴷ ⵉⴼⴼⵖ ⵢⴰⵏ ⵓⵏⵎⴰⵍⴰ ⴰⵎⴰⴹⴰⵍ ⴰⵙⵔⵜⴰⵏ ⴷ ⴰⴷⵎⵙⴰⵏ ⵉⴳⵔⴰⵖⵍⴰⵏ ⵢⴰⵙⵜⵡⴰⵏ, ⵙ ⵓⵣⵔⴰⴽ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ ⵏ ⵉⵡⴰⵏⴽⵏ ⴷ ⵖⵉⴽ ⵍⵍⵉ ⵢⵏⵏⴰ ⵓⵎⵏⵣⴰⵢ ⵢⵓⴳⵉⵏ ⵜⴰⵏⴽⵛⴰⵎⵜ ⴳ ⵜⵖⴰⵡⵙⵉⵡⵉⵏ ⵜⵉⴳⵯⵏⵙⴰⵏⵉⵏ ⵏⵏⵙⵏ".

ⵉⵙⴷⴷⵉⴷ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵢⵉⵏⴰⵡ ⴰⴷ ⵏⵏⴰ ⵉⵖⵔⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴳ ⵉⵙⴳⵔⵡⴰⵏ ⵏ ⵓⵎⵢⴰⵡⴰⵙ ⵏⵏⴰ ⵉⵙⵎⵓⵏ ⵜⴰⵎⵏⴰⴹⵜ ⵜⴰⵄⵔⴰⴱⵜ ⴰⴽⴷ ⵉⵎⵓⵏⵏ ⴷ ⵜⵎⵉⵣⴰⵔ ⵏⵏⵉⴹⵏ, ⵜⴷⵔⴰ ⴳ ⵎⴰⵕⵕⴰ ⵉⴳⵔⴰⵡⵏ ⴷ ⵜⵉⵍⴰⵍ ⵏⵏⴰ ⵉⵜⴻⵜⵙⵏⵎⵍⴰⵏ ⴳ ⵓⵙⴰⵜⵉ ⵏ ⵓⵙⴳⵔⴰⵡ ⵏ ⵓⵎⵢⴰⵡⴰⵙ ⴰⵎⵖⵔⵉⴱⵉ ⴷ ⵛⵉⵏⵡⴰ ⵙ ⵜⵎⵢⵉⵎⴰⵏⵜ ⵉⴳⴰⵏ ⵜⴰⵎⴰⵙⴰⵢⵜ.

ⴳ ⵜⴷⴳⴰ ⵏⵏⵉⴹⵏ , ⵉⵏⵏⴰ ⵓⴳⵍⵍⵉⴷ ⵎⴰⵙ ⵉⵍⵍⴰ ⵢⴰⵏ ⵓⴱⵓⵖⵍⵓ ⴷ ⵓⵙⵏⵓⵃⵢⵓ ⴳ ⵜⵣⴷⴰⵢⵉⵏ ⴰⴽⴷ ⵍⵎⵖⵔⵉⴱ ⴷ ⵛⵛⵉⵏⵡⴰ ⴳ ⵓⵙⴰⵜⵉ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵜⵙⴱⴱⴰⴱⵜ ⴷ ⵓⴷⵍⵙⴰⵏ ⴰⵡⴷ ⴰⵏⴼⴳⴰⵏ, ⵎⴰⵢⴰⴷ ⵙ ⵎⴰⴷ ⵜⴰⴽⴽⴰ ⵙⴳ ⵜⵙⵓⴳⴰⵔ ⵏⵏⴰ ⵜⵙⴰⵔⵡⴰ ⵙ ⵜⴱⵔⵉⴷⵜ ⴷ ⵢⵓⵙⴰⵏ, ⴰⵡⴷ ⵜⴰⴷⵔⴰⵡⵜ ⵏⵏⵙ ⴳ ⵜⴰⵢⴼⵓⵜ ⵏ ⵎⴰⴷ ⵉⵔⴰ ⵓⵎⴰⴹⴰⵍ ⵏ ⵡⴰⵄⵔⴰⴱⵏ ⵙⴳ ⵜⴰⵏⴽⵔⴰ ⵜⴰⴷⵎⵙⴰⵏⵜ ⴷ ⵓⴱⵓⵖⵍⵓ ⴰⵎⴰⵙⵙⴰⵏ ⴷ ⴰⵜⵉⴽⵏⵓⵍⵓⵊⵉ, ⵙⵍⴰⵡⴰⵏ ⴰⴽⴽⵯ ⴰⵙⵙⵏⵜⵉ ⵏ ⵉⵚⵏⴼⴰⵕⵏ ⵏ ⵜⵏⴼⵍⵉⵜ, ⴷ ⵡⴰⵏⵏⴰⵍ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⴷ ⵜⴰⵍⵓⵊⵉⵙⵜⵉⴽⵉⵢⵜ, ⴷ ⵜⵏⴼⵍⵉⵜ ⵜⴰⵏⴼⴳⴰⵏⵜ ⴷ ⵓⵙⵎⴰⵜⵜⵉ ⵏ ⵜⴰⵜⵉⴽⵏⵓⵍⵓⵊⵉⵢⵜ.

ⵉⵏⵏⴰ ⵓⴳⵍⵍⵉⴷ ⵏⵏⵖ ⴰⵡⴷ ⵎⴰⵙ ⴷ ⵎⵇⵇⴰⵔ ⵜⴳⴰ ⵜⵎⴰⵣⵉⵔⵜ ⵏ ⵛⵛⵉⵏⵡⴰ ⴰⵎⵛⵛⵔⴽ ⴰⴷⵎⵙⴰⵏ ⴰⵎⵣⵡⴰⵔⵓ ⵏ ⵜⵎⴰⵣⵉⵔⵜ ⵏⵏⵖ ⴷ ⵜⵎⵉⵣⵔ ⵏ ⵡⴰⵄⵔⴰⴱⵏ, ⵎⴰⵛⵛ ⴰⵙⵏⴼⵍ ⵏ ⴰⵙⴱⴱⴰⴱ ⵊⴰⵔⴰⵜⵙⵏ ⴷ ⵉⵣⵎⵎⴻⵎ ⵉⵙⵡⵉⵔⵏ ⵉⵖⵓⴷⴰⵏ ⴳ ⵓⵙⵏⵓⵃⵢⵓ ⴷ ⵓⴽⵙⴰⵢ ⴷ ⵓⵛⴽⵓⴽⵍ , ⴷ ⵢⵉⵡⴹ 240 ⵎⵍⵢⴰⵕ ⴹⵓⵍⴰⵕ ⴳ 2020, ⵎⴰⵛⵛ ⵓⵔⵜⴰ ⵊⵊⵓ ⵢⵉⵡⴹ ⵙ ⵓⵙⵡⵉⵔ ⵏ ⵜⴷⵓⴳⴰⵔ ⵏⵏⴰ ⵉⵍⵍⴰⵏ.

ⵉⵏⵏⴰ ⴷⴰⵖ ⵓⴳⵍⵍⵉⴷ ⵏⵏⵖ ⵎⴰⵙ ⴷ ⴰⵙⵏⴼⵍ ⴰⴷ ⴷⵔⵓⵙⵏⵜ ⴳⵉⵙ ⵜⵎⵙⴼⴼⵓⵖⵉⵏ ⵙ ⵛⵛⵉⵏⵡⴰ ⴰⴱⵍⴰ ⵜⵉⵎⵙⴼⴼⵓⵖⵉⵏ ⵏ ⵍⴳⴰⵣ ⴷ ⵏⵏⵉⴼⵟ, ⵎⴰⵢⴰⴷ ⴰⴷ ⵉⵜⵜⴰⵊⵊⴰⵏ ⴰⴷ ⵜⵉⵍⵉ ⵢⴰⵜ ⵜⵡⵓⵔⵉ ⵉⵛⵛⴰⵔⵏ ⴰⴼⴰⴷ ⴰⴷ ⵉⴳⵓⵜⵏⵜ ⵜⵎⵙⴼⴼⵉⵖⵉⵏ ⵏⴰⵃⵢⴰⵏⵜ, ⴷ ⴰⴷ ⵜⴳ ⵢⴰⵜ ⵢⵖⴰⵡⵙⴰ ⵏⵏⴰ ⵔⴰⴷ ⵉⵙⵙⵏⴽⵔ ⵙ ⵜⴷⵎⵙⴰ ⵏ ⵜⵎⴳⵓⵔⵉ ⴷ ⵜⴼⵍⵍⴰⵃⵜ ⴷ ⵜⵡⵓⵔⵉ ⵜⴰⵎⵖⵔⵉⴱⵉⵢⵜ.

ⵎⴽ ⵍⵍⵉ ⵙ ⵉⵏⵏⴰ ⵓⴳⵍⵍⵉⴷ ⵏⵏⵖ ⵎⴰⵙ ⴷ ⴰⵎⵢⴰⵡⴰⵙ ⴳⵔ ⵛⵛⵉⵏⵡⴰ ⴷ ⵜⵎⵉⵣⴰⵔ ⵏ ⵡⴰⵄⵔⴰⴱⵏ ⴳ ⵜⵉⵣⵉ ⵏ ⴽⵓⴼⵉⴷ ⴷⴰⵔⵙ ⵢⴰⵏ ⵡⴰⴷⴷⵓⵔ ⴳ ⵓⵙⵡⵉⵔ ⵏ ⵜⴷⵎⵙⴰ , ⴰⵡⴷ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵢⵉⵡⴹ ⵙ ⵓⵙⵡⵉⵔ ⵏ ⵜⵓⵛⵛⵔⴽⴰ ⵜⴰⵎⵔⵙⴰⵍⵜ ⴷ ⵜⵎⴰⵙⵙⴰⵏⵜ ⴷ ⵜⵎⴳⵓⵔⵉ ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⵏ ⵓⵙⵊⵊⵉ, ⵎⴰⵢⴰⴷ ⴰⴷ ⵢⴰⴽⴽⴰⵏ ⵜⵉⵏⴷⵉ ⵏ ⵓⵎⵢⴰⵡⴰⵙ ⵉⴷⵓⵙⵏ ⵊⴰⵔⴰⵜⵏⵖ.

ⴳ ⵜⵙⴳⴰ ⵏ ⵜⵣⴷⴰⵢⵉⵏ ⵏ ⵍⵎⵖⵔⵉⴱ ⴷ ⵛⵖⵉⵏⵡⴰ, ⵉⵙⴰⵡⵍ ⵓⴳⵍⵍⵉⴷ ⵏⵏⵛ ⵅⴼ ⵜⵓⵎⵎⵔⵜ ⵏⵏⵙ ⵙ ⵜⵉⴷⴷⵓⴽⵍⴰ ⵉⴷⵓⵙⵏ ⵏ ⵓⵎⵣⵔⵓⵢ ⵏⵏⴰ ⵉⵍⵍⴰⵏ ⴰⵍⴷ ⵍⵎⵖⵔⵉⴱ ⴷ ⵛⵛⵉⵏⵡⴰ, ⴷ ⵓⵎⵢⴰⵡⴰⵙ ⵉⴷⵓⵙⵏ ⴳ ⵜⵓⴳⵜⵜ ⵏ ⵉⴳⵔⴰⵏ, ⴰⵡⴷ ⴰⵙⵏⵎⴰⵍⴰ ⴷ ⵎⵎⵛⴰⵡⵔⵜ ⴳ ⵜⵎⵏⵜⴰⵍ ⵏⵏⴰ ⵉⵛⵛⴰⵔⵏ, ⴷ ⵎⴰⵕⵕⴰ ⵎⴰⴷ ⵛⵛⴰⵔⵏⵜ ⵜⵎⵉⵣⴰⵔ ⵙⵏⴰⵜ ⴳ ⵓⴱⵓⵖⴽⵓ ⴷ ⵜⵏⴽⵔⴰ ⵙ ⵜⵓⴳⵜⵜ ⵏ ⵢⵉⴳⵔⴰⵏ, ⵉⵙⴷⴷⵉⴷ ⵓⴳⵍⵍⵉⴷ ⵏⵏⵖ ⵎⴰⵙ ⴷ ⵜⴰⵣⴷⴰⵢⵜ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵛⵛⵉⵏⵡⴰ ⵜⴳⴰ ⵜⵉⴷⴷⵓⴽⵍⴰ ⵊⴰⵔⴰⵜⵙⵏ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵡⵉⵙⵙ ⵚⴹⵉⵚ ⵎⴰⵙ ⴷ ⴰⵏⵏⴰⵍ ⵏⵏⵖ ⵉ ⵜⵙⵏⵜⴰⵢⵉⵏ ⵏⵏⴰ ⵜⴼⴽⴰ ⵛⵛⵉⵏⵡⴰ ⵙ ⵜⵔⴰⴱⴱⵓⵜ ⵉⵎⴷⴷⵓⴽⴽⴰⵍ ⵏ ⵜⵙⵏⵜⴰⵢⵜ ⵜⴰⴳⵔⴰⵖⵍⴰⵏⵜ ⵏ ⵜⵏⴼⵍⵉⵜ, ⴰⵔ ⴰⵖ ⵉⵎⵎⴰⵍ ⴰⵙⵡⵉⵔ ⵏ ⵓⵎⵢⴰⵡⴰⵙ ⵉⴷⵓⵙⵏ ⴳⵔ ⵜⵎⵉⵣⴰⵔ , ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⵡⴷ ⵎⴰⵙ ⵔⴰⴷ ⵢⴰⵡⵣ ⵍⵎⵖⵜⵉⴱ ⴰⴼⴰⴷ ⴰⴷ ⵏⵉⵡⴹ ⵙ ⴷⴰⵜ ⵏⵙⵙⴷⵓⵙ ⵜⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵢⵜ ⵏⵏⴰ ⵉⵍⵍⴰⵏ ⴳⵔ ⵜⵎⵉⵣⴰⵔ ⴳ ⵎⴰⵢⵢⵓ 2016, ⴷ ⵜⵙⵎⴽⵜⵉⵜ ⵏ ⵓⵔⵎⴰⵙ ⵛⴼ ⵜⵙⵏⵜⴰⵢⵜ ⵏ ⵍⵃⵉⵣⴰⵎ ⴷ ⵓⴱⵔⵉⴱ, ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵉⵎⴰⵍ ⵉⴱⵓⵖⵍⴰⵏ ⵓⵎⵢⴰⵡⴰⵙ ⵉⵛⵛⴰⵔⵏ ⴰⴷ ⵢⵉⵡⴹ ⵜⵓⴳⵜⵜ ⵏ ⵉⴳⵔⴰⵏ ⵉⵎⴰⵢⵏⵓⵜⵏ ⵏⵏⴰ ⴷⴰⵔ ⵜⵉⵏⴷⵉ , ⴰⴼⴰⴷ ⴰⴷ ⴱⵓⵖⵍⵓⵏⵜ ⵜⵣⴷⴰⵢⵉⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵛⵛⵉⵏⵡⴰ

 

Dernière modification : 10 ⴷⵓⵊⴰⵏⴱⵉⵔ 2022
Source URL: https://www.mapnews.ma/am/activites-royales/%E2%B5%89%E2%B5%99%E2%B4%B7%E2%B4%B7%E2%B5%89%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%85%E2%B4%BC-%E2%B5%9C%E2%B5%89%E2%B5%94%E2%B4%B0%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B4%B7-%E2%B5%89%E2%B4%B7%E2%B5%94%E2%B5%93-%E2%B4%B3-%E2%B5%9C%E2%B5%8F%E2%B4%BD%E2%B5%94%E2%B4%B0-%E2%B5%99-%E2%B5%93%E2%B5%99%E2%B5%A1%E2%B5%89%E2%B5%94-%E2%B5%8F-%E2%B5%9C%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%9C